عن عشرينات
عشرينات موقع شبابي عربي من القاهرة، انطلق في فبراير ٢٠٠٤. كتب فيه الشباب عن حياتهم والدين والسياسة والفن والرياضة، وردّ عليهم قرّاؤهم في التعليقات والاستفتاءات. بعد ١٥ مارس ٢٠١٠ تغيّرت إدارته وفريقه وملكيته، وصار موقعًا مختلفًا بالاسم نفسه، ومُحي محتواه القديم كله.
- انطلق
- فبراير ٢٠٠٤، القاهرة
- آخر لقطة في هذا الأرشيف
- ١٥ مارس ٢٠١٠
- بعد ٢٠١٠
- موقع آخر، بلا المحتوى القديم
بكلماته هو: صفحة «إحنا مين؟» كما نشرها عشرينات ما تيجوا معانا ...إحنا مين؟...
احنا يا جماعة موقع مستقل... يعني مالوش كبير...
وبصراحة كدة موقعنا كمان ديماجوجي ع الآخر.. وبتاع سياسة ومالناش في الشأن العام نهائيا... أيوة
وكمان مش بتوع سياسات تحريرية ولا دورية التحديث ومصدر المادة .. وما بنعملشي اجتماعات...
اليوم بيومه يا قمر.. واللي نفسه في حاجة يعملها...
وفارس لفارس والانترنت واسع...
واللي عنده كلمة حلوة ينشرها عندنا واللي عنده كلمة وحشة برده ينشرها عندنا .. يقوم بقى الاولاني بتاع الكلمة الحلوة يرد عليه وتبقى خناقة وكدة وعلينا الكبريت والجاز والذي منه .... المهم ...
احنا كمان بقى لا هنوصف الظواهر ولا هنقول اننا حنناقش المش عارف ايه ولا هنكون موضوعيين .. أبدا
احنا هنقول اللي مؤمنين بيه .. وفاهمينه ...
احنا بنسمع عمرو خالد لكن عندنا عليه ملاحظات..
وبنقرا للغزالي والقرضاوي وفضل الله ومعجبين بطارق رمضان وباولو كويلو ..
وبنسمع كمان ياسين التهامي والنقشبندي والكحلاوي والشيخ إمام وفيروز ومارسيل خليفة وعمر خيرت ويحيى غنام وأنغام والحجار وإيمان البحر ومنير أحيانا،
بنشوف روبي لكن قرفانين منها.. ومتابعين ستار أكاديمي الغلسة ومتابعين سيما كويس وللأسف بنحب الأفلام الامريكاني..
بنحب المقاومة وبنكره الإرهاب وإسرائيل .. مخنوقين قوي إن العالم الحثالة دول بيتحكموا فينا ... وبنتقطع لما نشوف قبة الصخرة ..
قرفانين من حالتنا العربية الراهنة – حلوة الراهنة دي وتقريبا مش عاجبنا حد م الحكام ..
بتوع الدوري طبعا
مش بنكره الأجانب لكن مش مبهورين بيهم وشايفين ان زينا زيهم لكن منهم لله اللي رخصوا سعر الشباب العربي في العالم ... مش ممكن حد فينا يتذل عشان فيزا هنا ولا سفرية هناك..لكن لو جت مفيش مانع .. أهو نشوف الدنيا ... ونتعلم ...
بنحب الدنيا وعايشينها.. نفسنا نعمرها بجد .. ونبدرها خير.. نحصده حب.. لكن برضه لازم نراعي الآخرة يا عم وندي شوية لديننا ولرينا..
بنحب الإسلام جدا وحاسين ان هو الوحيد اللي ممكن يفوقنا قوي ويرجعنا قدام ... لكن ما بنكرهشي أي دين .. والمتدين – بأي دين- في رأينا أجدع من اللي مقضينها...
وبنحب كل الناس بجد .. لكن ده ما يمنعشي اننا ممكن نغلس عليهم ونقول رأينا بصراحة وعندنا استعداد ننقد نفسنا ونطلع فينا القطط الفاطسة ...
لا عندنا سياسات تسويقية ولا ترويجية يعني على الله يا ريس...
ولا كمان خطط مستقبلية ولا mission ولا vision
لكن مادين أيدينا لكل الناس...
بقولكوا ايه....
سنوات عشرينات
كما تظهر في ما استعدناه.
- فبراير ٢٠٠٤انطلاق عشرينات.
- نوفمبر ٢٠٠٥صفحة خاصة لانتخابات مصر ٢٠٠٥، ومراقبون يكتبون تقاريرهم من المحافظات.
- ٢٠٠٦«ولاد البلد» تصير أكبر أقسام الموقع.
- صيف ٢٠٠٦كأس العالم ٢٠٠٦ ثم الحرب على لبنان: أكثر صيف نقاشًا في ما استعدناه.
- ديسمبر ٢٠٠٦صفحة خاصة لدورة الألعاب الآسيوية في الدوحة.
- ٢٠٠٨عام الاستفتاءات: أكثرها تصويتًا من هذه السنة.
- يونيو ٢٠٠٩التصميم الذي استلهم منه هذا الأرشيف ألوانه وأقسامه.
- ديسمبر ٢٠٠٩أكثر شهر وجدنا له مقالات.
- مارس ٢٠١٠آخر لقطة يعتمد عليها هذا الأرشيف. بعدها تغيّرت الإدارة والفريق والملكية، ومُحي المحتوى القديم.
ما كان فيه
أقسام ٢٠٠٩
وغيرها
- الاستفتاءات ١٤٤ استفتاءً محفوظًا
- التسجيلات ٦٣ ملف وسائط
- تعليقات القرّاء تحت المقالات التي حفظها الأرشيف
عائلة عشرينات
الموقع الأصلي ومواقعه الفرعية.
عشرينات
20at.com
٢٠٠٤–٢٠١٠ · ٣٦١١ مقالًا استعدناه
ولاد البلد
masr.20at.com
٢٠٠٤–٢٠١٠ · ٤١٧٩ مقالًا استعدناه
بنات
20at.com/banat
٢٠٠٤–٢٠١٠ · ٣٤٠ مقالًا استعدناه
ومواقع لأحداث بعينها
- الحرب الآن ٢٠٠٤–٢٠٠٩ · ١٣٧ مقالًا
- كأس العالم ٢٠٠٦ ٢٠٠٦–٢٠٠٧ · ١٢٣ مقالًا
- رمضان ٢٠٠٤–٢٠٠٩ · ٥٦ مقالًا
- انتخابات مصر ٢٠٠٥ ٢٠٠٥–٢٠٠٦ · ٩٧ مقالًا
- دورة الدوحة ٢٠٠٦ ٢٠٠٦–٢٠١٠ · ٣٥ مقالًا
كيف تغيّر عشرينات
مرّ الموقع بتصميمات وشعارات وأنظمة مختلفة، تظهر في عناوين صفحاته.
- ٢٠٠٤–٢٠٠٦الموقع الأول.article.php?sid=…
- ٢٠٠٥–٢٠٠٧نظام ثانٍ، بأرقام جديدة للمقالات.article2.php?sid=…
- ٢٠٠٧–٢٠٠٨نظام ثالث.newArticle.php?sid=…
- ٢٠٠٩–٢٠١٠جوملا، وتصميم يونيو ٢٠٠٩./archive/406.html
عن هذا الأرشيف
أعاد بناءه مصعب، مطوّر عشرينات من أواخر ٢٠٠٤ حتى ٢٠٠٨، من لقطات أرشيف الإنترنت (Wayback Machine) حتى ١٥ مارس ٢٠١٠. هو أرشيف مستقل، لا صلة له بإدارة الموقع بعد ٢٠١٠.
كل ما فيه هو ما وجدناه، لا كل ما نشره عشرينات. أرشيف الإنترنت حفظ بعض الصفحات ولم يحفظ غيرها: معظم الصور ضاعت، وبعض الأشهر لا نعرف عنها شيئًا. وحين وجدنا للمقال أكثر من نسخة اخترنا أكملها.
كيف أُعيد بناء الموقع ← المساهمة في إكمال الأرشيف ← إلى القراءة ←