انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

العريس تخين.. والعروسة تخينة

حياتناقراءة في ٣ دبقلم يسر عبد الدايم

متدين.. طموح وناجح.. ذو مستوي مادي ممتاز.. ينتمي لنفس الطبقة الاجتماعية التي تنتمين إليها أو مستوي اجتماعي أعلى.. يُعتمد عليه.. رجل بمعنى الكلمة.. من الأخر "عريس لقطة".

جميلة.. طيبة.. بنت ناس.. أخلاقها عالية.. دمها خفيف.. على استعداد للوقوف بجانب من سيكون زوجها .. من الأخر "عروسة ممتازة".

لو أن هناك عريس أو عروسة بهذه المواصفات.. أعتقد أنه لا يوجد مجال للرفض، ولكن عندما تقترن هذه المواصفات بـ"البدانة" أو "التخن".. أعتقد أيضا أنه سوف يكون هناك رأي آخر!

فهل توافق أو توافقي على أن يكون شريك حياتك "تخين"؟

حب من أول قطمة

قبل أن تجيب على سؤالنا، نذكر لك نتائج دراسة علمية أجريت مؤخرا في جامعة أبردين البريطانية، والتي أثبتت أن 60 % من الرجال والسيدات البدناء يقعون في حب بعضهم البعض من النظرة الأولى، لأنهم لا يشعرون بالحرج من الزيادة المفرطة في الوزن، ولكن المشكلة أن الدراسة -ودراسات أخرى سابقة- أكدوا أن الجينات الوراثية للبدناء تؤدي إلى إنجاب أطفال بدناء.

المظهر.. الهام

الغريب أن أغلب ردود الرجال جاءت بالرفض التام.. أول الرافضيين هو علي عبد الحميد،25سنة، الذي يبرر رفضه بقوله: "الوزن الزائد بالنسبة لي هو أقصي مشكلة، فالمظهر العام لزوجتي هو أهم شي سوف يجذبني إليها، وهو أهم شروطي فيها خاصة لأن طبيعية عملي تفرض علّي ذلك".

يتفق معه في الرأي أحمد العمري،27سنة، مشيرا إلى أنه لا يوجد ما يجبره على الارتباط بزوجة بدينه طالما لا يوجد بينهما قصة حب.

يختلف معهم محمد عادل،26 سنة، "ليس الشرط الأساسي في ارتباطي بزوجتي هو شكلها الخارجي، وطالما هي تتوافق معي في كل شي فلماذا الرفض، وفي المستقبل أي بعد الزواج سوف أقوم بإقناعها بتخفيض وزنها".

شروط.. طويلة

"ممكن أتزوج من تخين لكن طويل مش قصير".. هكذا قالت سارة عصام،26سنة، مكملة حديثها أن "الطول مع التخن غير ملحوظ، ولكن مع القِصر يكون ملحوظا للغاية، خاصة أنني طويلة".

شرين عبد اللطيف،27سنة، ترى أن التخن والرفع ليست هي مقياس الزوج، وطالما تتفق مع الشخص وتقتنع به فلا يوجد سبب لكي ترفض الارتباط به، لأن التخن عيب نسبي، ولكن هناك معايير أخري هي التي تستوجب أن نقبل أو نرفض الزواج بناء عليها".

جوازه سومو

حالة غادة الحسيني،26سنة، هي إحدى حالات الزوج الناجحة من البدناء.. "لم يفرق معي بالمرة وزن زوجي، وتزوجته بعد قصة حب، فهو كان ُيدرّس لي في الجامعة، وكنت معجبة به جدا، ولم أفكر ولو للحظة في مسألة وزنه الزائد".

يحكي لنا عمرو فاروق،29 سنة، عن قصة زواجه قائلا: "أنا وزوجتي بدناء وتزوجنا عن حب وكلانا لم يفكر في مسألة الوزن الزائد، ولكنها فجاءتني وقامت بعمل نظام غذائي قاس وتخلصت من بدانتها بعد الزواج، أما أنا فلم أستطع ولا أفكر في ذلك".

وأنت.. هل توافق أن يكون نصفك الآخر "تخين"؟

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. MS&Saicoo كُتب في
    بصراحه ياجماعه فعلا مع الحب مفيش مستحيل لما بنحب فعلا ما بنشوف عيوب حبايبنا ودا من مبادئ الحب سوا تخين رفيع النظره الخارجيه ما بنهتم بيها
    لان الحب فى قلوبنا ومتهيئلى لو مافيها عيوب فى قلوبنا اكيد مفيش مستحيل دى نظره
    ومن الوجه الاخر لو بتحب فعلا هتتغير وتحب نظره الرضا من حبيبك ويكون ليك هدف لانك تتغير للاحسن والسبب برضه الحب
    لكم منى بالغ تحياتى
  2. اكتب اسمك هنا مصرية مغتربة كُتب في
    ساعات كتير بيبقى التحن دليل على حاجات حلوة فى الشخصية يعنى بيقولو ان الشخصية اللى بتحب الحياة دايدا بتحب الاكل وطبعا بتتخن وفعلا كلنا بنلاحظ ان التخان دايما دمهم خفيف وعشرتهم حلوة وصحبتهم خفيييييييييفة اخف من ناس كتير وزنهم مثالى
  3. علي علي علي كُتب في
    اي هبل في الجبل مش لاقيين موضوعات ولا ايه يا عشرينات
    حرام عليكم اعملوا بالدولارات اللي بتاخدوها يا بتوع الاخوان وقدموا اي حاجه مفيده او معلومه مهمه للناس
    المصيبه بقي ان كل الموضوعات قماشه واحده مقطوعه من ثوب الهيافه
    ومش عارف ايه حكاية السؤال اللي في نهاية اي موضوع ؟؟ ايه بقي رأيك ؟ يا ريت تقولنا انت هاتعمل ايه ؟
    ايه هو انا بأقرأ موضوع ولا فزوره هاهاهاهاهاهاها طيب في جايزه للتعليق الصحيح
  4. منى كُتب في
    الدين والخلق اهم شىء فى شريك الحياة ولكن القبول هو الاخر مهم ولكن انصح اى فتاة تقدم لها عريس بدين وتوافرت فية كل المزايا الاخرى ان تتروى فى اخذ القرار ولاترفض الا بعد الاستشارة والاستخارة وتطلب منة ان يخس
    وبعدين ان شاء الله فى الجنة مش هيبقى تخين هيبقى جميل جدا ودة المهم لان الحياة فى الجنة مش هنا
  5. الخنساء كُتب في
    أولا أحييكم على هذ المواضيع بجد الرائعة ولذيذة كمان
    ثانيا أعيب على اللى بيعقب …ياجماعة فيه حاجة إسمها ذوق فى الرد ..يعنى مثلا الموضوع مش عاجب حضرتك يبقى مش لازم ترد عليه
    يعنى حضرتك لو حد بيتكلم معاك فى موضوع مش عاجبك هتقوله إيه الهيافة اللى إنت بتتكلم فيها دى؟؟؟؟؟؟
    فياريت ياجماعة وأرجو الذوق فى الكلام شوية وياسيدى فيه مواقع تانية تليق بدماغ حضرتك لو الموقع ده مش عاجبك
    وجزى الله خيرا كل من يشرف على هذا الموقع الرائع وإلى الأمام …
  6. منى وهيب كُتب في
    بجد الموقع يبان خفيف لكنه عميق جدا الرك على طريقه العرض مش الموضوع لان اى موضوع ممكن يتعالج بهيافه او يتعالج بشكل لطيف ومفيد زى ماحصل هنا وانا طبعا مع الراى اللى بيقول ان مسالة التخن والرفع مالهاش اى قيمة فى الاختيار احنا فى زمن البنت بتدور فيه على راجل يمتلك صفات الرجولة بجد مهما كان شكله او وزنه لان الراجل اللى بجد بقى شىء نادر جدا ولهم حق الناس اللى قالوا ان اللى مش عاجبه الموضوع اما يشوف موقع تانى او يعلق بشكل هادى ومحترم
  7. هنا كُتب في
    لهلآ ماشفت بحياااتي تخين ودمو تئيييل وازا شفت مشكله لانو ما بعرف شو رح اعمل في
    بس احلى شي انهكم دمهم خفيييف بس كمان ما يكون تخين كتيييييير مش حلو
  8. نجوى مصطفى حسين كُتب في
    كتير جدا يتقدم للزواج منى لاننى عروسه مفيش زيها زى ما بيقولوا بس المشكله
    ان وزنها كتير شويه بس ياخساره عروسه مفيش زيهاااااااااااا ااااااااااااااا اااااااااااا
    خساره انا كنت عاوز شاكيرا ولا حتى هيفاء وهبى
  9. نجوى مصطفى حسين كُتب في
    كتير جدا يتقدم للزواج منى لاننى عروسه مفيش زيها زى ما بيقولوا بس المشكله
    ان وزنها كتير شويه بس ياخساره عروسه مفيش زيهاااااااااااا ااااااااااااااا اااااااااااا
    خساره انا كنت عاوز شاكيرا ولا حتى هيفاء وهبى
العودة إلى الأعلى