انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

سيادة الرئيس .. Online

الحرب الآنقراءة في ٥ دبقلم شريف الدواخلى

هل فكرت يوماً في زيارة الموقع الإليكتروني لرئيس دولتك لمعرفة محتواه ؟

أو لكي ترسل له رسالة ؟ أو حتى تقوم بـ chat معه؟

إذا أردت أن تعرف أن ذلك متاحا أم لا، شاركنا في جولتنا التي حاولنا أن نتفقد فيها مواقع الرؤساء العرب وبعض مواقع رؤساء العالم..

مصر وتونس..دعائية

عند تصفح المواقع العربية نكتشف أن اللغة الرسمية سمة تميزها، ولا نرى فيه سوى نشرة علاقات عامة مملة واستطراد لا حصر له في محاسنهم وبطولاتهم!

فالرئيس التونسي "علي زين العابدين" أطلق موقعه www.benali2004.tn ضمن حملته الانتخابية 2004 لتحفيز الجماهير على إعادة ترشيحه مرة أخرى، ومنذ هذا الوقت لم يتم تحديثه بأي معلومات إضافية.

يبدو أن مواقع الرؤساء العرب يرتبط تأسيسها بظرف سياسي معين، فالرئيس حسني مبارك انطلق موقعه http://www.mubarak2005.com ليكون وسيلة دعائية لحملته الانتخابية عام 2005، وهو متاح بالعربية والانجليزية، والموقع لم يتم تحديثه منذ هذا التاريخ.

ويأتي هذا الموقع إضافة إلى موقع الرئاسة www.presidency.gov.eg والذي يتميز عن سائر مواقع الرئاسة لسائر الحكام العرب بأنه باللغة الانجليزية فقط وكأنها اللغة الرسمية للبلاد!

تحدث..تكلم

أما موقع الأخ العقيد معمر القذافى http://www.algathafi.org فيبث بالعربية والانجليزية والفرنسية، والموقع بالكامل عبارة عن تصريحات تحت عنوان "القذافى يتحدث" واغلبها أحاديث مثيرة للجدل، فضلا عن إبراز كلمته في المؤتمر الوزاري الإفريقي – الأوروبي حول الهجرة والتنمية، وبشكل عام الموقع لا يتسم بالتحديث السريع لمحتوياته كسائر مواقع رؤساء الدول العربية.

ونأتي لموقع الملك عبد الله الثاني ملك الأردن www.kingabdullah.jo الذي يركز بشكل مبالغ فيه على السيرة الذاتية للملك الشاب، فنجدها منشورة في صدر الموقع مع صورة كبيرة له، بالإضافة إلى وجودها في رابط على اليسار ورابط آخر أعلى الصفحة، وفيها يبسط القول عن إمكانيات الملك الشاب وقدراته الخارقة كطيار، وعلى الموقع تقرأ تأكيدات بأن الملك يعد من الجيل الثالث والأربعين لأحفاد النبي صلى الله عليه وسلم ! !

شيّت مع الرئيس

أما أكثر المواقع إثارة للسخرية فهو موقع الرئيس السوري بشار الأسد www.basharalassad.com والذي تم اختراقه تماماً ووضعت بعض الأغنيات والفلاشات عليه، إلى جانب وصلات للدردشة بين الشباب، ليظهر الموقع وكـأنه موقعاً ترفيها !

أشهر مدونة

أما إذا انتقلنا للمواقع العالمية، فنجد أن مدونة الرئيس الايرانى أحمدي نجاد www.ahmadinejad.ir الأفضل على الإطلاق، حيث يعد أول موقع رئاسي تفاعلي مع الجمهور بشكل حي ومباشر وبأربع لغات "فارسي - انجليزي - فرنسي – عربي".

ويظهر التفاعل واضحاً في مشاركات القراء التي تنضح بحب كبير للرئيس الايرانى، ويؤكد الرئيس نجادى بنفسه هذا المعنى في صدر مدونته لدرجة أنه يخصص 15 دقيقة أسبوعيًّا للرد على الزوار وتحديث المدونة بنفسه !

إسرائيل..أون لاين

وعلى الجانب المقابل ونقصد الكيان الصهيوني وبرغم أن رئيس دولته يملك ولا يحكم، إلا أن موقع الرئيس "كستاب" http://www.president.gov.il يعد أفضل من مواقع الرؤساء العرب مجتمعة، فالموقع تم إعداده بشكل تقنى وحرفي كبير لمراعاة الاتصال المتكافئ بين الرئيس وزوار الموقع، حتى العوامل النفسية لم يغفلها الموقع، فنجد الصورة التي توجد في صدر الموقع تتحرك مستعرضة بيت الرئيس والحدائق الغناء التي تحيط به، مع ظهور كلمة أهلا وسهلا للزائرين تتحرك مع تحرك الكاميرا، والموقع متاح بثلاث لغات"العبرية والعربية والانجليزية".

كذلك فالموقع يتيح الفرصة حتى للأطفال ليدلو بدلوهم في الموقع، وإن لم يستطيعوا التعبير بكلماتهم فعن طريق الرسومات الصغيرة، والتي يعرضها الموقع بأسماء هؤلاء الأطفال بما يعزز انتمائهم لإسرائيل و يقوى عاطفتهم تجاهها.

اسأل البيت الأبيض

ولم يختلف الحال كثيراً في موقع البيت البيض الأمريكي http://www.whitehouse.gov والذي يتم تحديث مواده بشكل يومي فضلا عن شمول الموقع لمختلف القضايا التي تهم المواطن الأمريكي مثل إدارة الموازنة وشئون التعليم و الطاقة الرّعاية الصحية الأمن الداخلي بالإضافة إلى الاهتمام بشكل خاص بكل ما يتعلق بالهجرة وأوضاع الشرق الأوسط .

وليس هذا فحسب بل يحتوى الموقع على عدد كبير من الروابط الهامة مثل الخطب الرئيسية لبوش الابن و التفاعل المباشر مع الجمهور في رابط اسأل البيت الأبيض والبيت الأبيض التفاعلي، ولكن لعل أكثر ما يميز الموقع هو عرض روابط للإدارة الأمريكية كلها تحت عنوان "حكومتك"، بالإضافة إلى رابط خاص للأطفال يركز على اهتمام بوش بهم، و يمكن عرض الموقع باللغة الانجليزية أو الاسبانية .

ونختتم بزيارة موقع الكرملين الروسي http://www.kremlin.ru يهتم الموقع بإبراز نشاطات الرئيس "فلاديمير بوتين" وعرض أرائه في القضايا الخارجية خاصة استعداد روسيا لتوسيع التعاون مع الهند في الطّاقة النّوويّة، والموقع متاح بالروسية والانجليزية فقط.

لا شفافية

من جانبه يؤكد الدكتور "حسن عماد مكاوي"، رئيس قسم الإذاعة والتليفزيون بإعلام القاهرة، "أن عدم تحديث المواد الموجودة بمواقع الرؤساء العرب يعكس عدم إيمانه بالأخذ بالتكنولوجيا الحديثة وضرورة استخدامها بشكل كبير باعتبارها عنصر أساسي في حياه البشر، ويدلل على عدم وجود شفافية كاملة من جانب مؤسسات الرئاسة لأنها تنتقى ما تود بثه، فهناك معلومات بعينها تريد إخفائها عن الجمهور في وقت لم يعد هناك طائلا من إخفاء أي معلومات في وجود الأقمار الصناعية وشبكة المعلومات الدولية".

يضيف: "وهذا الأمر يلقى بظلال كبيرة على ضعف الإقبال الجماهيري على المواقع لعدم وجود أي تفاعليه تذكر فيه، حيث أن الجمهور في تلك الأدوار يقتصر دوره على أن يكون متلقي سلبي للمحتوى الموجود على الموقع دون أدنى قدره على تبادل الأدوار بواسطة إرسال بعض التعليقات أو مراسلة الموقع، وذلك أبرز سمات الإعلام الشمولي الذي نحياه، حيث الترويج لكل سياسة الحاكم -صحيحة كانت أو خاطئة- وكأن الحاكم شخصية مثاليه لا يوجد لديه أي سلبيات!".

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. ولاء كُتب في
    " الموقع يتيح الفرصة حتى للأطفال ليدلو بدلوهم في الموقع، وإن لم يستطيعوا التعبير بكلماتهم فعن طريق الرسومات الصغيرة، والتي يعرضها الموقع بأسماء هؤلاء الأطفال بما يعزز انتمائهم لإسرائيل و يقوى عاطفتهم تجاهها " ديه كارثة بجد يعنى الفيد باك عندهم عالى للدرجة ديه .. واحنا لسه فى ناس مننا متعرفش ان الملك مات لانها لسه حاسه انه عايش
  2. حسناء كُتب في
    بغض النظر العنوان من الديسك ولا من المحرر انما الموضوع القى الضوء على كارثة الصراحة .. ايران التى نتهمها بالديكتاتورية و الاستبداد والحكم البائد يطلع نجادى محترم كده لدرجة انى يخصص وقت كل فترة عشان يتكلم مع الناس طيب احنا فين والامور بتاعنا فين ولا مشغول بجوازة جيمى
  3. منى كُتب في
    ايه يا جماعة الاسلوب الحاد فى النقد ده .. و لو يا ستى الموضوع مضايقك خلاص اقريه من غير عنوان …هههههههه
    و بعدين يمكن العنوان يكون من الديسك من بيبو !! انما ده ما يمنعش ان الموضوع حلو فعلا ولقطته جميلة الصراحة .. بس فين الحاجات التانية ياعم !
  4. كُتب في
    افكارك ولقطاتك دايما هى سبب لفت النظر اليك .. انتا عارف انا مش بعاكسك !! بس ديه الحقيقة لدرجة انى مش بقرا او اعلق على اى موضوع ينزل الا موضوعاتك .. رغم انى بختلف معاه فكريا تماما " مش مهم تعرف انا مين " بس واضح انك تمتلك امكانيات متعددة يعنى مش مجرد حد عمال يشتم فى الريس والتوريث فى الدستور .. لا انتا غندك ما شاء مهارات متعددة لانك حد موهوب بجد ..و انا شايفة انك تدوس فى الموضوعات السوفت ديه شوية هنا لانك بتعرف تمزج بين الجد واللعب فى اختيار الموضوع بشكل جيد و بتستخدام اليات حلوة لتنفيذه . يعنى معلومات و شغل فى موضوع خفيف معادلة صعبة فعلا !! بس انتا عملتها ! ومستنيه ردك
  5. شرين كُتب في
    بجد انا كنت فاكرة حتقولي الهوتميل بتاع الرئيس علشان اعمله ادد وندردش سوا واقوله كفايا بئي ارحم اللي جبونا واخلع
  6. محمد كُتب في
    الموضوع كول يا مان و شغال .. بس فى حاجة مهمة هو ليه كل اللى بيعلقوا من الجنس اللطيف .. !
  7. atat_atat40@hotmail.com عبدال كُتب في
    السلام عليكم العنوان علي لسان بعض الرؤساء عشان احنا شعوب بتستهبل عشان همه موفرين كل هذه الرفاهيه وكمان احنا مش عجبنه هذه من السخريه
  8. samah كُتب في
    احنا يا عم بيبو شعب أصيل مولود بالإنتماء بتاعه لا مستنين رئيس ولا غيره عشان يزرعه فينا دي أكيد ثقه من الريس في شعبه متناهيه عارف وواثق اننا فراعنه لو قابلتنا أي مشكله إحنا كافليين بحلها وأكيد أكيد مش هنحتاج مساعده ياعم احنا .. ايه … قول فراعنه .ما علينا أما بخصوص الناس التانيه ياعم ملناش دعوي بحد هيا يعني إقتصرت الفجوه بينا وبينهم علي دا بس ونسيت جمعيه المحافظه علي حقوق الحيوان الغربي وإهدار دم الإنسان العربي وغيره وغيره الفجوه كبيره قوي (فبلاش تفتح عنين الشعب ) وسلام
  9. اسمى زى الزفت كُتب في
    تخيل نفسك كده وانتا قاعد بعد ماعملت اضافه لايميل الريس وانتا فى امان الله تلاقى اييييييييه هوب الريس اون لاين يالهوىىىىىىىى هتعمل ايه …ترد عليه…تعمله بلوك…تطنشه وتصدر المستعبطه …تعمل انك فرحااااااااااان وطاير وانتا من جواك مولعععععع…بصراحه هيبقى موقف صعب …بس انا لقيت الحل … هقوم من النوم واغسل وشى
  10. معتز كُتب في
    ماذاكنا ننتظر من هولآء العرب .ما فيهم غير الايراني احمد نجاد تحية خاصة له
  11. كونياك دبليو بوش كُتب في
    25سنة ياة مزهقتش لغاية دلوقتى دحنا ياراجل اتولدنا وانت موجود وحنموت برضة وانت موجود
  12. عبود المصري كُتب في
    بص ياحاجة نهي اذا كنت مش عارفة اللي هايجي بعد الريس هيعمل ايه هوه مش هيعمل فينا اكتر من المعمول واذا كنت مش شايفة حد ينفع مكانه غير ابنه او مراته (زوجته يعني ) ده يبقي عيب عليه مش حاجة تتحسب له وللا انا غلطان يا اخونا انا بتكلم علي رئيس جمهورية كمبوزيا العظمي وابن رئيس جمهورية كمبوزيا العظمي ومراة(زوجته يعني ) رئيس جمهورية كمبوزيا العظمي اما عندنا االريس و مراته (زوجته )و ولاده كويسين
  13. نهى مصرية كُتب في
    انا على فكرة بحب الريس.. و يمكن كمان لو مشى حزعل..
    و انا متأكدة ان لو كل واحد فيكوا فكر, الراجل ده لو مشى يا ترى حيبقى حالنا احسن؟
    ليه مش بتفتكروا اليابان؟ هل بعد هيروشيما بقت اليابان دلوقتى بسبب رئيسها؟
    مشكلتنا اننا بنجعجع مع بعضينا و بس, لكن نفكر نشتغل او حتى نشغل عقلنا.. لا ازاى .. نشتم فى الحكومة احسن و اوفر.
    الرئيس الجديد اللى حييجى حيخترعلكوا شغل؟ ولا حيديكوا فلوس و انتوا قاعدين فى بيتكو؟
    انا حديكوا مثال.. استهلاك المواطنين للسلع هنا مثال حى على الغباء و التخلف مع ان اليابان ساعة هيروشيما مكانش فيها غير نوع واحد من الاقلام (يابانى) و لترشيد الاستهلاك كانوا بيغيروا الانبوبة بس و يفضل هيكل القلم معاهم لحد ما يتلف.
    مثال كمان.. بص كده على اى يابانى فى بلدك .. اراهنك انه راكب نوع التيوتا فقططططط عشان يابانية, بيشجع صناعة بلده الذكى و عشان كده بقت احسن عربيات فى العالم.
    فى الوقت اللى احنا بندور فيه على اى ماركة غير المصرى حتى فى اللبس..
    العيب فينا يا ساده
  14. دموع فى عيون وقحة كُتب في
    الحلوة خوخة خوخة خوخة جت بعد دوخة دوخة دوخة
  15. جمال محمدحسنى مبارك كُتب في
    السوادالعظم من الشعب عاوزينك ترتاح من المسؤلية وتتفرغ لحياتك الاسرية وهواياتك واصدقائك لان الحياة عاوزة كدة
  16. نهى مصرية كُتب في
    انا مش مع مراته ولا ابنه ولا خالته حتى..
    و الظاهر انك مفهمتش قصدى..
    بس انا خايفة نقع تحت المثل اللى بيقول (يا ناكر خيرى, شوف زمنى من زمن غيرى)..
    و على فكرة انا فى سلبيات كتيرة مضيقانى, بس برضه الراجل ده عمل كتيييييير..
    و ابسط حاجة افتكر جمال عبد الناصر ماهو كان حبيب الملايين, بس جاب مصر الارض.. و ايامه كان فى زوار الليل و تعذيب و قرف و سجون بس الفرق دلوقتى انك تقدر تقول رأيك حتى لو مش بيتنفز لكن ايام عبد الناصر اللى كان يقول تلت التلاتة كام, كانوا اهله بينسوه.
    اسأل نفسك بقى, ليه ايام عبد الناصر كان فى الحاجات دى مع ان الشعب كان بيموت فى تراب رجليه و لما قال اتنحى بعد ما جاب الوكسة .. الشعب قام على حيلة و قاله و النبى لأ.
    و ياريت تفهم كلامى صح المرة دى..
    و بالمناسبة انا ضد التوريث..
  17. كونياك كُتب في
    نهى احنا بنحب الريس شوفى علشان نبقى دولة ديمقراطية ومتحضرة مينفعش يعدعندنا الريس لمدد غيرمحدودة لية بيعدلواالانظمة والقوانين بتوع الشعب والشورى ويفرضو على الريس انة يجدد يعنى علشان تترشح قدامة عاوزلك مشواركدة لغاية كوكب زحل والمريخ ومفيش مانع تعدى على الزهرة فى طريقك
  18. نهى مصرية كُتب في
    مش حقولك اخ عشان بجد اسمك مؤذى جدا (مع اعتذارى طبعا لأن دى حريتك الشخصية فى اختيار اسمك اذا كان كونيك او شمبانيا)!!
    انا معاك قلبا و قالبا ان كون حد يترشح امام الريس و يكسب دى من عاشر المستحيلات ..
    لكن بص حواليك كده على مين اللى فى مصر؟! مفيش غير الاخوان اللى انا بجد بكرههم عمى.. و كرهى ليهم ده مش من فراغ ولا حبا فى الريس لأ , كرهى ده لأنى مرة تناقش معايا واحد منهم فى الجامعة.. و اتفرجت برضه على المظاهرات بتاعتهم لما كنت لسا بدرس.. و حسيتهم فعلا انهم اشخاص بلا مبدأ و لا حتى فكر ممكن يقنعك..
    يعنى مره عملوا مظاهرة و هيصه و قوموا الطلبة, و ده كان عشان يلا نحارب اسرائيل و ناخد بتار فلسطين.. طبعا كلامهم جميل.. بس لو جيت فكرت, طب طالما هما محروقين اوى كده مسافروش يحاربوا ليه؟ و لو قلتلى حكومتك مش حتسمح.. حقولك ماهو فى الف طريق يروحوا بيه (و طرق ملتوية) و هما مش حيغلبوا!!
    دا غير طبعا خد عندك التكسير اللى فى الجامعة و تعطيل الدراسة و كل الكلام ده..
    و فى الآخر يدخلك واحد المحاضرة و ده طبعا قبل ما الدكتور يدخل و ماسك مصحف فى ايديه و يقرالك شويه سور عن ان الجهاد ضرورى و يقولك معاد المظاهرة الجاية امتى!!
    و بقيت اللى فى الصورة و مشهورين و ممكن يرشحوا نفسهم يا اما حرامية يا اما محترمين و من القرف اللى بيدور حواليهم فى العالم و جوه مصر مش عايزين يدخلوا فى الليلة دى يا اما ناس خايفة لتروح ورا الشمس لو فكرت ترشح نفسها.
    و طبعا كل اللى انا بقوله ده.. ميبررش ولا يقلل من الاخطاء و الغباء اللى بتعملوا الحكومة, لأنى برضه زى ما انا رافضه فكر الاخوان فأنا برضه رافضه فكر الحزب الوطنى!!
  19. كونياك كُتب في
    امابلنسبة لكونياك فدا ولامؤخذة اسم الكلب بتاعى لما جيت اختار اسم اكتب بية عدى من قدامى فرحت منزل اسمة
  20. نهى مصرية كُتب في
    تصدق و الله كلمتك دى فعلا جامدة جدا..
    هما صحيح كل واحد فيهم عمال يغنى على ليلاه و هما اساسا رجليهم و القبر!!
    و الشباب اللى لسه قدامه العمر (بأذن ربنا طبعا) محدش معبره, و لا حتى بيسألوا عنهم!!
    انا معاك فى دى فعلا..
    معلش سؤال بايخ, و ممكن تقولى ملكيش دعوة.. بس بجد انا صعبان عليا الاسم الرذل اللى انت مختاره لنفسك ده!!
  21. كونياك كُتب في
    مبارك لازم يغير طريقة الانتخاب والترشيح لغاية دلوقتى افرز تفرد الحزب الوطنى بكل حاجة بقوة القانون اللى عملوة ترزية القوانين ومطاردة محمومة من الاخوان اللى محدش عارف هم عاوزين اية وبقية المعارضة جورنال والسلام طب انا وجيلى من الشباب نعمل اية مع ناس بتحكم بعقلية الخمسينات والستينات وعمال وفلاحين واحنا فى زمن الدوت كوم
  22. اليسا كُتب في
    مش عاوزينة يسيب الرياسة احنا بنحبة بس ياريت يجدد بشوية شباب بدل العواجيز الموجودين يمكن حتبقى احسن شوية
  23. سعدالدين ابراهيم كُتب في
    حاجة بتنرفز مبارك وتخلية يشتم فى الريحة والجاية قولو بوش عاوزكم تفرجوا عن ايمن نور ولا مفيش معونة حتبص تلقية اتقلب وشة وودانة ابتدت بتلف على نفسها
  24. كتكوت الحمير كُتب في
    سرقتونا وبهدلتونا انت والعصابة اللى معاك منكو للة يابعدا يااوباش العالم كلة بيمشى لقدام وحنا بنرجع لورا ودة كلة بفضل سياسة الحزب وكبار قادتة ويتفرع منهم الوزراءاللى بيشتغلوا بالريموت كنترول وبقية الهوليلة لغاية العمد والذى منة ودة كلة بفضل الريس اللى نايم فى شرم الشيخ بقالوة تلات سنين اواكتر مبينزلش القاهرة الا عشان استقبال او توديع يعنى تشريفات انما الحكم فمتقسم بين جمال وشلتة جزء والشريف وشلتة جزء
  25. وائل كُتب في
    لا تطلبوا الخير من بطون جاعت ثم شبعت فماذال الشح فيها واطلبوا الخير من بطون شبعت ثم جاعت فماذال الخير فيها وانتو طبعا مش فهمين حاجة
  26. قرفنا يا شويه عواجيز كُتب في
    يمكن الرئساء العرب ضاعت منهم كلمات سر مواقعهم
    يا ريت لو نلاقى واحد يرجعلهم كلمات السر
    ههههههههههههههه هههههههههههه
  27. الدكور ابو محمد كُتب في
    كلامكم اختي عين الصواب
    بل كل كلام الشعب هو الطعن برؤسائهم ولو اصبح احدهم مكانهم لكانوا فراعينة زمانهم
  28. abo ammar كُتب في
    ايام عبد الناصر كان فيه زوار ليل دلوقت بيجو بالنهار وضرب وتعذيب وإهانة وكله عيني عينك واللي مش عاجبه يتحرق اي انجازات بتاعت سيادة الريس خراب البيوت وحضرتك هي فين الصناعة الوطنية اللي ها نشجعها حكومتنا الموقرة شغالة لنفسها لأفرادها بس ومش يهمها الشعب اصلا مين الشعب ده المهم الوزرا ياكلو ويعيشوا والشعب ده يتحرق مش مهم كل شئ في مصر بيغلى الا البني ءادم المصري بقى رخيص في مصر وبرة مصر اللي هايجي بعد مبارك ها يلاقي ايه اصلا عشان ينهبه هو خلى حاجة في البلد هو واولاده خلصو على كل حاجة ولسه كمان على الاقل على ايام عبد الناصر كان لينا كرامة لكن دلوقت المصري ملوش اي كرامة والدليل لسه اهو السفينة الامريكية تموت واحد مصري على ارض مصرية والحكومة لا حياة لمن تنادي مش بعيد تقدم اعتذار لامريكا وتقولي بتحبي الريس حضرته خلى حياتنا كلها عذاب وذل ومهانة وكوارث والقادم اسوأ
  29. عرائي كُتب في
    اييييه يا ناس هي الحكومه ما واراهاش حاجه غير بس تنفز طلباتكو متحلو بئه اللاه ،متدبرو حاكو يا خوانا الحكومه مش فاضيه هي مشغولة باللغف ( سرقة اموال الشعب) متحمدو ربكو انكو بتتنفسو الهوا وتشربو من ماية النيل متسيبو المسؤلين في حالهم اهي كم سنه ونموت ولا مش كده ! وكما قال الرسول الكريم محمد صلى الله عليه وسلم ( الكيس من دان نفسه وعمل لما بعد الموت) ، ماكو كده مهتمين للحياه وهملتم الموت ؟! انا اسألكو بربكم كم واحد فيكو صلى صلاة الصبح؟؟؟؟ ها؟ متصلحو حالكو عشان ربنا يبص علينا ياناس كفاية بئا ، يا مضيعي حق الله ، حاسبو انفسكم قبل ان تحاسبو.
  30. سعيد الشيخ كُتب في
    ايه الكلام الكتير ده هما كلمتين الل باقي علي السلطه عمره ما هيبقي قدها وده انسان بقاله 25 سنه يعني بيموت علي السلطه بجد تخيلوا لو مبارك مات بكره ايه الل هيحصل؟ هو مش بني ادم وممكن يموت في اي وقت
العودة إلى الأعلى