انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

تيمور وشفيقة..ديكتاتورية رجل

قلم رصاصقراءة في ٤ دبقلم مروة عبد الفضيل

علاقة بين شاب في كلية الشرطة وفتاة جامعية، حبهم نشأ منذ لحظه ولادتهما، لكن رغم ذلك علاقتهما تحمل الكثير من المتناقضات..

يحاول تيمور (أحمد السقا) أن يمارس سطوته بكافة الطرق على حبيبته شفيقة (منى زكي)، ومحاولة قمع حريتها، ورغم حبهم الشديد لبعضهما وعدم وجود أي عوائق سواء ماديه أو اجتماعية، إلا أن تيمور لا يطلب الزواج منها إلا بعد مرور شوط كبير من الأحداث؛ جاءت حاملة في مضمونها الحديث بينهم في كل شيء بعيدا عن الأحلام التي تجمعهم وطموحاتهما في بناء أسرة..

هكذا دارت أحداث فيلم "تيمور وشفيقة" للمؤلف تامر حبيب وللمخرج خالد مرعي في أول تجاربه الإخراجية، وشارك في بطولة الفيلم رجاء الجداوي (أم تيمور) وهالة فاخر(أم شفيقة).

تفاهة ورومانسية

حول الفيلم، استطلعنا أراء الجمهور..

تقول دنيا السعيد، الفيلم أبسط مما كنت أتصور، والسقا لا يريد أن يخرج عن كونه فتى الأكشن، والتناقض الذي يحمله الفيلم أن شفيقة في الأحداث رغم وصولها إلى منصبها كوزيرة للبيئة إلا أنها لا تحمل أي نوع من الثقافة فكانت شخصية قمة في الهشاشة، وحينما يريد تيمور أن يعطى لها هديه يعطى لها عروسه كأنها طفلة مثلا.

يخالفها في الرأي أحمد أمين، الذي يقول: أنا أرى أن الفيلم غلبت عليه العلاقة اليومية التي تحدث بين أي شاب وفتاة، وطبيعي جدا أن أي إنسان مرتبط بفتاة أن يسألها "رايحه فين وجاية منين"، وهذا ليس سطوا لكنه حرص وخوف!.

تخالفه تماما في الرأي "أمينة عيسى" قائلة: كنت أظن أن الفيلم رومانسي، لكنى فوجئت أنه لا يحمل أي نوع من الرومانسية، فالعلاقة تافهة وغير مبررة منطقيا، ناهيك عن أن والدة شفيقة في الفيلم راضية بهذه العلاقة التي تجمع ابنتها بشاب لسنوات دون أن تطلب منها وضع حد ونهاية لهذه العلاقة، بصراحة الفيلم غير واقعي والأسرة فيه مهلهلة، وكنت أظن أنه سيكون شبيه بفيلم "سهر الليالي" لتواجد تامر حبيب كمؤلف.

خزعبلات ومتناقضات

الناقدة "ماجدة خير الله" تقول: أكبر صدمة في تاريخ البشرية جاءت في هذا الفيلم، فكم من مهانة تعرض لها الرجل والمرأة على السواء، فعقلية الرجل تهمشت وأظهر الفيلم أن الرجولة ما هي إلا فرض الرأي والعضلات، وسطحت كذلك المرأة، ومن يقول أن هذا العمل رومانسي فهو مخطئ، فلا يوجد أي مشهد في الفيلم يحمل مفهوما للرومانسية.

تضيف: على الجانب الأخر كيف ترتضي أم لأبنتها أن تكون على علاقة بشاب كل هذه السنوات دون أن يكلل بالزواج، ناهيك عن مشاهد الأسانسير وخروج تيمور وشفيقة منه وهم مهلهلين الملابس فأعطي إيحاء للمشاهد أن ما حدث بين تيمور وشفيقة يفوق كثيرا القبلة، كذلك كيف يرتضي لفتاة يحبها أن يكون منظرها هكذا أمام جيرانها؟ وكيف لفتاة في مثل سنها أن تصل لمنصب وزيرة؟

ولو تغاضينا عن هذه النقطة كيف نتغاضى عن تهميش أحاديثها وثقافتها بما لا يليق على الإطلاق لمنصبها، فطيلة الأحداث لا يفعل تيمور سوى ممارسة الضغط على شفيقة ليس وحدها بل على أمها وأمه بما يستفز المشاهد، ولو تحدثنا عن المخرج ففي رأيي أنه لم يفعل أي شيء في هذا العمل فالقصة بصراحة كلها خزعبلات!!.

يتفق معها كثيرا الناقد طارق الشناوي، قائلا: وأنا أشاهد هذا الفيلم أصبت بالتوهان فلا أعرف ماذا يريد أن يقدم الأبطال، وهل هو عمل رومانسيي أم اجتماعي أم أكشن؟، ولا أعرف ما القيمة الدرامية في أن تتحول فتاة بكل هذا الطموح إلى ست بيت وتترك وزارتها وبكامل أرادتها ليتوافق ذلك مع رغبة الرجل ومنطقه في الفيلم.

علاقات واقعية

حولنا معرفة ردود أفعال أبطال العمل على كل ما قيل حوله، لكننا لم نتمكن من الوصول إلى "منى زكي" نظرا لتواجدها بأمريكا، لكن في اتصال هاتفي لـ(عشرينات) مع أحمد السقا، قال: "لولا اختلاف الأذواق لبارت السلع، فأنا أحترم كل وجهات النظر وإن كانت ضدي لأني أتعلم منها، فالناقد بالتأكيد له رؤية تفيدني، لكني أحب أن أوضح أن الفيلم لم أقل أنه رومانسي صرف، بل حمل كل شيء والعلاقة الآن بين الشباب والفتيات ليست رومانسية وهذا شيء لابد أن نقتنع به، وهناك نماذج عديدة عايشتها بنفسي في الواقع يحاول الشاب ممارسة سطوته على فتاته، وتتقبل الفتاة ذلك وتعتبره نوعا من الحب والغيرة عليها خاصة في طريقة اللبس والماكياج والخروج وما إلى ذلك".

أما المؤلف تامر حبيب، فيقول لـ(عشرينات): "الفيلم مختلف عما عرض في السنوات الماضية، فهنا وجدنا عائلات مصرية وليس بطل وبطلة فقط، كما أن الفيلم ناقش بوضوح العلاقة بين الشباب والفتيات، ولم أكتب شيء واهي خيالي، ولا تجدي المقارنة بين هذا الفيلم وسهر الليالي لأن نوعية الموضوع مختلفة وكل فيلم وله متطلباته".

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. واحد و خلاص انتوا ها تنسبوني؟؟ كُتب في
    لما تشوف الفيلم انه متلخبط امال الواقع يبقى ايه؟؟ دا هو الواقع يعينه… شباب كده فاضية و مجوفة بسبب تربيتها و مشكوك طيعا في البنت اللي في نظرهم عندها استعداد للانحراف و دا كمان بسبب تربيتها و الشباب ما عندهمش غير ما تلبسيش و ما تعمليش و البنات عايزة تتجوز فتقرا ليه و تثقف نفسها ليه بلا وجع دماغ و الامههات تشتغل على ودان البنات "يا بنتي عنيكي و القراية" " انتي اخرتك بيت جوزك" الكلام دا بيتقال سنة 2007!!! و الامهات بتبقى عارفة ان البنات مصاحبة و بتسكت يمكن البنت تلاقيلها عريس و تززاح من على قلبنا و الاهالي تتخلص بقى من العار اللي اسمه عانس
    و انتي يا ست ماجدة ياللي اتصدمتي اكبرررررررررررر صدمة في تاااااااااااااا ريخ البشرية انتي و الاستاذ طارق دا ان دل فبيدل على انكم ما لكوش علاقة باللي بيحصل في مجتمعكم و قاعدين في ابراج عاجية بتبصوا للناس من فوق…بجد انتوا عايشين فيين؟؟ طب دا حتى محترم انه بيبوسها في الاصانصير!!!
  2. مش مهم كُتب في
    انا مش شايفة اى داعى للنقد ده اساسا ولو كان الفيلم ده هايف وملخبط زى ما بتقوله امال بقى
    الافلام اللى موجودة على الساحة تبقى ايه وعموما انا شايفة ان ديكتاتورية الرجل وتحكمه الزايد
    مهما زاد المستوى الثقافى والمادى والاجتماعى هى فعلا موجودة وتستحق اننا نركز عليها
    والحياة مليانة امثلة كتيرة كده فى الواقع وفى علاقات بتستمر بمعرفة الاهالى وفى كتير
    بطله بقى تدفنه راسكم فى التراب وتقوله ازاى ومش ازاى والفيلم فى حتة كوميدية نتيجة
    الموقف تحترم وبجد انا شايفة الفيلم رائع وافضل من حاجات كتير وافكاره جديدة
  3. مخنوق من حياتى كُتب في
    ياريت يا جماعه نتكلم عن حاجات تهم الناس بجد مش افلام وتامر وكلام فاضى مع احترامى للجميع ده اسمه قله عقل
  4. محمود مهدى كُتب في
    انا اللى مشعارف حضرتك عاوز ايه
    تقول هنا كلام وتكتب فى الدستور كلام !
    (وخروج تيمور وشفيقة منه وهم مهلهلين الملابس فأعطي إيحاء للمشاهد أن ما حدث بين تيمور وشفيقة يفوق كثيرا القبلة)
    (ما أن الفيلم ناقش بوضوح العلاقة بين الشباب والفتيات)
    يالها من علاقة رومانسية رائعة !
    معظم البنات عاجبهم الفيلم جداً وفى بنت قالتلى انا نفسى اتجوز واحد زى تيمور عشان يغير عليا زى شفيقة ويتحكم فيا
    عرفت ان البنات محتاجين المعاملة دى …وعاوزين اللى يديهم بالقديمة
  5. yoyo كُتب في
    اولا انا مش شايفة ان دة موضوع هايف لان بجد السينما بتنقل الواقع والحياة اللي عايشينها
    وانا شايفة ان الفيلم حلو جدا وصور العلاقة بينهم بواقعي حتي احوارات اللي بتدور بينهم بتحصل بجد بين اي اتنين انا كنت حاسة اني بسمع الكلام بتاعهم بين اي اتنين
  6. لؤلوة كُتب في
    انا دخلت طبعا كل الافلام اللى موجودة فى السينما طبعا وعاوزة اقول ان فيلم تيمور وشفيقه احسن الافلام الللى نزلت طبعا فى الاتجاة اكوميدى ورغم انى ليه تعليقات على السيناريو الا ان الفيلم جميل وفيه احاسيس جميله والسقا عندة سنس لايت كوميدى والاكشن كان عادى لانه من تنفيذ السقا ودة جيه نتيجه خبراته وعاوزة اقول حرام تظلموا الفيلم دة لانه احسن من عمر وسلمى اللى خنقنى قصه ولا ليها اى لازمه ومعرفش ليه جاب كل الايرادات دى وكركر اعوذ بالله ولا بيضحك ولا قصه ولا اى حاجه وقريبا هبشركوا ان سعد سيلقى مصير هنيدى وعاوزة اقول انى لا اتفق مع رأى ماجدة خيرالله مع انى انا فين وهى فين بس الى الان فيه ناس ديكتاتوريه والفيلم مش هيناقش ازاى البنت تتتعامل مع الولد ولكن دى قصه حب عاديه من بقيه القصص واكيد فيها الصح والغلط ورغم كل دة الفيلم فيه توهان شويه لان المخرج اول عمل ليه وعادى ممكن يتقدم المرة الجايه رغم انه شايفه انه مونتير ممتاز
  7. أمنية كُتب في
    مش كل البنات تستاهل المعاملة اللى أنت قولت عليها يا محمود .بعدين دى وجهة نظر خاصة يعنى انت سألت بنت واحدة
    مش سألت كل البنات .وبالنسبة للفيلم لايوجد أم تسمح لأبنتها أن تصاحب ولد لأن ذلك يضر سمعة بنتها واخواتها حتى
    وان كانوا متربين مع بعض.
  8. أي حد كُتب في
    بصراحة الفيلم يعتبر من أحلى أفلام السقا و أساسا الفيلم المفروض أنه كوميدي و مش بيفرض أن الراجل لازم كلمته هي اللي تمشي و الناس اللي دخلت الفيلم علشان تستمتع به هتعرف أنه كوميدي و لذيذ لكن الناس اللي عايزة تنقد لمجرد النقد ممكن يدخلوا الأفلام الدرامية _ الأجتماعية لكن مش الكوميدية لأن الفيلم ده على الأقل كوميديا راقية مش كركر و التفاهات اللي ملهاش موضوع أساسا و الفيلم ده هو أحسن الأفلام في هذا الموسم على الأطلاق و له قصة و موضوع و بداية و وسط و نهاية مش زي كل اللي موجود حاليا
  9. محمود مهدى كُتب في
    مع حضرتك حق ..بس فى امهات كتييييييير تسمح لبنتها تصاحب ولاد ! احنا اخلاقنا ما انحدرتش من شوية
    الابهات والامهات اللى بيربوا شكلهم بينقرضوا !!!
    نرجع تانى للفيلم
    السقا فى الفيلم بيحبها وحريص مش متحكم ومسيطر وديكتاتورى
    وبعدين الفيلم كان ماشى رومانسى وكوميدى لطيف بس فجأة مسدسات وخطف وبتاع ! لا كده الفيلم رخّم اوى
    وعجبنى مشهد انهم يتقابلوا فى الغردقة وفى نفس المكان ! وبنتريق على الافلام الهندى او افلامنا القديمة
    وكمان من قلة الاسامى…تيمور وشفيقة !
  10. انا كُتب في
    مال الفيلم الفيلم يا جماعه انتوا منبهرين بيه على الفاضي مش عارفة ليه ده ولا قصه ولا احداث وفعلا مروه عندها حق الاحردداث مفتعلة وعن نفسي بحب كل افلام احمد السقا جدا والفيلم ده مش قصدى انه وحش سيء جدا يعنى لكن ليس بحجم افلام السقا هذا هو كل ما اقد والناقده ماجده خير الله بصراحه عندخها الف حق
  11. نيفين نيفى نوفا كُتب في
    ثوانى بقى يا جماعه علشان انا كده اتلخبطت
    اولاى مين قال ان الفيلم رومانسى انا من خلال البرومو لاحظت ان الفيلم لايت كوميدى و فيه تاتش رومانتيك يعنى مش هيبقى حبيبى دائما و مع ذللك احترم اراء اللى شافو الفيلم
    و لكن المضحك و العجيب ان طارق الشناوى قال كلام تانى خااااااااااالص( على طريقه محمد صبحى ف كارمن ) فى برنامج روتانا سينما على قناه روتاناو قال الفيلم جميل و حتى بداه على مرجان احمد مرجان لعادل امام
    و شكلى مش انا بس اللى بقول كده لكن فيه حد علق و قال انه قال كلام تانى ف الدستور
    و بخصوص النقطه بتاعه ان الاهالى بتوافق على العلاقات ده صحيح و للاسف منتشر جدا
  12. ملكة الملوك كُتب في
    الفيلم داه يعني بصراحه حاسه انه فيهحاجات غريبه جدا ازاي ان البنت تتصادق مع شباب كده يعني وعادي ومفيش اي حاجه وجهة نظري ان الفيلم كتير كتير ما حلو
  13. اكتب اسمك هنا كُتب في
    لايوجد تعليق الفيلم هايل
العودة إلى الأعلى