حياة العزوبية.. تعيشها إزاي؟
سعادة لا حدود لها، ليس هناك أجمل من الحرية والانطلاق، بدون زوجة تسألك أين تذهب، أو تفتش في جيبك و موبايلك وتراقب أنفاسك ؟
إنها عبارات تسمعها دائما من أغلب الشباب فهم يتفقون أن حياة العزوبية "رائعة" لكنهم ولسبب غير معروف يسعون إلي الزواج، ولأن تكاليف الزواج مرتفعة فقد تُفرض عليهم العزوبية بالإكراه ، لذلك عليك أن تستمتع بها إلي أن يشاء الله.
اقرأ معنا نصائح لأيام عزوبية سعيدة:
- اجعل لنفسك هدفا تعيش من أجله وتسعى إلى تحقيقه، وركز اهتمامك بأكمله في انجاز هذا الأمر، مثل الترقي في العمل والوصول إلى منصب مرموق.
- ما رأيك في شراء سيارة، موبايل، لاب توب، من الآخر "دلع نفسك".
-مارس الرياضة بقوة (أي لعبة تفضلها)، فلها فوائد عديدة أهمها بالنسبة لك هي شغل بالك عن أحلام شهر العسل.. فاهمني طبعا!.
- إذا كنت من هواة المذاكرة والبحث العلمي، اشغل نفسك بالدراسات الأكاديمية والماجستير والدكتوراه، العلم لا ينتهي.
- احرص على أن تكون لك مجموعة من الأصدقاء تقضي معهم وقت فراغك ، ويفضل الأصدقاء غير المرتبطين حتى لا ينقلب الحوار إلى الحديث عن مميزات الزواج وهو ما يقلب عليك المواجع أو يدفعك إلي السقوط في الفخ.
- أعط اهتماما لأسرتك وفكر في إسعادهم.
- حدد علاقتك مع زميلاتك في العمل في نطاق الشغل فقط، وجاهد نفسك في عدم التفكير في الارتباط بإحداهن.
- خصص مرة في الأسبوع أو في الشهر للقيام بعمل مختلف وجديد عليك، ممكن السفر إلى مكان جديد أو نزهة غير تقليدية، ما رأيك في رحلة سفاري في الصحراء مع مجموعة من الأصدقاء.
- امسح من ذاكرتك جميع المواقف السيئة والحزينة في حياتك، وخاصة تلك المرتبطة بالحب الأول.
- سجل جميع المواقف السلبية التي تعرضت لها وكانت بسبب فتيات، وتعلم من أخطائك حتى لا ترتكبها في المستقبل.
- فكر دائما في الحرية التي تستمتع بها، تفعل ما تحب وقتما تريد، أنت رقيب نفسك.
- إذا فتح معك أحد الأشخاص أمر الزواج، وغالبا ما تكون امرأة سواء أمك أو أختك أو مديرتك في العمل، تعامل مع الحوار بمنتهى السخرية والفكاهة، ولا تفكر فيه بأمر جاد حتى يأتي وقته وتكون مستعدا.
ملحوظة
- إذا قابلت إحدى الفتيات ووجدت نفسك تفكر فيها، تذكر النصائح السابقة وجربها .. إذا نجحت في القيام بالنقاط السابقة فتأكد أن قلبك ليس منشغل بتلك الفتاة .. وعش حياتك كما أنت.
- أعط نفسك وقتا كافيا للتفكير في تلك الفتاة، ولا تستعجل في قرارك فربما تكون مصاب بحالة فراغ عاطفي ليس أكثر.
آخر نصيحة، أما إذا فشلت هذه الحيل فمع الأسف أنت وقعت في حبها، وليس عليك سوى مراجعة حساباتك وأمورك .. فأخيرا ستكمل نصف دينك وتعييييش.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بس سؤال بسيط جداً يعني و برييييييييييييي ييييييييييييييي ء ع الآخر
اشمعنى يعني بتكلم الولاد ؟
و اشمعنى الست هي اللي بتخنق الراجل يعني ؟
على فكرة في وجهة نظر أخرى
و هي إن الراجل برضه ليه دور في الخنقة بعد الجواز برضه
^ـ^
عموماً
نصائح عشرة على عشرة
و أهدي أغنية " يا أخي العزابي مرتاح " لكل العزاب
- بنات و أولاد -
- و للا خليها رجالة بدل ما يزعلوا -
but how long will I live so ??
and how could i know that i have a emotional vacuum ??
اكيد الكاتب مش محدد شخص بعينه
كلامك جميل ولكن على هذة الطريق قد يجعل منى هدف سهل للنساء
بس يارب متتأخرش بقا هههههه
بيني وبينك عايز اعيش حياتي .. وبعدين مش هاموت من غير جواز عند عيلتي ومش هاقول لاصحابي لان مافيش حد ددايم لحد لكن اهلي بأذن الله هايكونو معايا وماليين عليا حياتي .. ربنا يجعل يومي قبل يومهم قادر ياكريم
لو انك لا تعلم هذا السبب تكون محتاج تذهب لطبيب ذكوره
و بعدين قولى كده اللى عايش حياة العزوبيه و وصل سنه ل35 او 40 سنه هتكون حياته شكلها ايه
هل هدفه فى الحياه ان يترقى فى عمله او ان يكون مدير …ما هذه الحياه الكئيبه الفارغه الممله
اسف يا اخى الكاتب لكنى اختلف معك تماما
وفكرين نفسيهم ملكات ربنا يريحنا منهم
mafesh a7san men el7orya we kaman fe 7aga mohma gedan
mafesh wa7da testahel ragel tamam
وانا بشكر الشاب الي كتب النصايح دي اللللللللللف شكر
بس في سؤال محيرني
؟؟؟؟؟
يا تري انت عزب والا متزوج ؟
ههههههههههههههه ههه
وفرصه سعيده جدا
ههههههههههههههه ههههه
بس المهم الواحد يفرق بين الحب والأعجاب ووهم الحب الأولأنا عايز أعمل اللى بتقول عليه بس دا هيكون كفاح
danke
جامد جداً الموضوع ده
هبدأ أطبقه من اليوم ويارب ألتزم
bs llasf al wa7d my3rfsh y3ysh mn3`er 7remmm
معلش يا محمد بس كلنا لها
هتحب بمزاجك او غصب عنك
ممكن تحول الكلام ده كله لانك تعيش سعيد وانت متزوج
وربنا معانا ومعاك
gaaaaaaaaamed
فعلا مافي احلى من حياة العزوية.
الزواج تدمير للحياة وخاصة في هذا الزمن.
فلا توجد فتاة تستحق ان يمنحها شاب عاقل قلبه لان الفتيات لايبحثن الا عن المال والمصلحة الشخصية.
لذلك فلنتركهم يرتووا بنار العنوسة.
احنا ماعندنا عنوسة.
اطيب تحية.
كلام جميل بس لحد امتا يفضل الانسان وحيد
اقتباس sayed:
فى احيان كثيرة جدا كل منا يستطيع ان بجد ما يمثله
اكيد الكاتب مش محدد شخص بعينه
كلامك جميل ولكن على هذة الطريق قد يجعل منى هدف سهل للنساء
كلام جامد جدا
هى العزوبيه حلوه فى حجات
والجواز حلو فى حجات
وصعب تجمع بين الاتنين فى مميزاتهم
يبقى لازم نختار حاجه بحلوها وبمرها
يبقى نختار اكيد شرع الله
صح ولا انا غلطان
بس قولى انت بتعمل كدة؟؟ بقالك قد اية؟؟؟ وهتستحمل اد اية؟؟؟
وناوى لامتى تعمل كدة؟؟
طب لما اعجز والاقى القطار فاتنى ولا لحقت اتهنى ولا جبت عيل يشيل اسمى
هههههههه
كلام صعب على المدى البعيد طبعا الحرية لل gay ممكن لكن للناس الطبعية معتقدش حرااااااااااااا اااااام بجد
i love dat
im in 4 ever
الكلام زى الفل بصراحة محدش يقدر يقول حاجه بس فى مشكله دلواتى اننا مش هنقدر نتمر كتير لزم ننهار انا معاك ان العوزبيه شئ لو فقدناه هنندم عليه اشد الندم بس هنعمل ايه الجواز علينا حق زى الموت وعلى فكره الجواز من ضمن الحقائق العشرة الحقيقه رقم 9
انا معاك فى كل كلمه قلتها
و اهم حاجه لو البنت الي حاطط عينك عليها انها تبادلك نفش الشعور
انت فيلسوف
لكن اني افضل ان لم يكن الشاب صاحب هدف
ولا تنقصه ماديات فان الحياة الاسريه اروع واعف واطهر
هل بعد ذلك يصمم كاتي هذها الموضوع علي ان حياه العزوبيه سعيده
اعتقد بل ومن المؤكد ان هذا الكلتب مدفوع من حسراه وقله حيلته
ولا اى حد عارف حاجة كلو بيخبط ههههههههههههههه هههههه كلو عايش اللى مجوز مش عجبو اللى متجوز مش عجبو بردو اية ياناس خالص ههههههههههههههه هههه
متجنناش ياخلق بقة ارحمونا
LoOoOoOL
gaaaaaaaaamed
ولله كلاامك صح الصح انا بعد خطوبة دامت 9 اشهر عرفت ان التفكير فى الجواز بداية فشل بللاخص لما يكون قرايب وانفصلت بعد قصة حب جامدة جدا جدا عملت فيها كل حاجةهة كل حاجة بس فى حدود اللادب وبكل الحب وقررت بعد اللانفصاااال انى اشترى موتوسيكل صينى اروح بى شغلى احسن وفكر فى مستقبلى كلامك صح مية فى المية يا مان
واحب أشير للجملة اللي عجبتني اوي اوي "ولأن تكاليف الزواج مرتفعة فقد تُفرض عليهم العزوبية بالإكراه ، لذلك عليك أن تستمتع بها إلي أن يشاء الله".
باختصار انا شاب عمري 23 سنة، متخرج من كلية اعلام منذ 3 سنوات، ولحد يومنا هذا ماشتغلتش ومش لاقي شغل، أي نعم الواحد اشتغل كام شغلانة عالماشي بس شغلانات متأكلش عيش وكنت بسيبها بعد وقت قصير باختصار لانها شغلانات متخلفة وعقيمة…
طب تعالوا كده نفكر مع بعض، لما الشاب بيتخرج بعد المعاناة دي ومصاريف وتعب ومذاكرة واجتهاد وتدريب في الصيف ومعارف وكوسة ووسايط وبرضو مش لاقيين شغل !!!!!!!!!!
تفتكروا ازاي هيكون الحال لما تيجي تفكر في الجواز وانت اصلا مش قادر تصرف على نفسك ؟؟ ويا ترى انت ضاع منك 3 سنين بعد التخرج ومدخلش جيبك ولا مليم او كل اللي كنت بتاخده مكانش يكفي انك تركب بيه مواصلات… يا ترى محتاج كام سنة كمان عشان تقدر تقف على رجليك عشان تجيب شقة ومهر وشبكة والذي منه ومش بس كده كمان… يا ترى هتقدر انك تكمل أد ايه بعد الجواز من غير ما تضطر تقترض او تستلف او تداين او تشحت ؟؟؟؟؟!!!!!!
دلوقتي اللي بيتجوز في الزمن ده انا بعتبره بطل، بطل ولازم يتبني له تمثال كمان في ميدان عام، أي نعم مش كل الناس معهاش فلوس ومش قادر تتجوز بس الغالبية العظمى بأت كده، وبأة نادر اوي اللي يبقى معاه فلوس ومش عايز يتجوز عشان يريح دماغه او لغاية ما يلاقي بنت الحلال اللي تفهمه ويفهمها…
تفتكروا يا جماعة، لو واحد لاقى شغل بمرتب محترم وقدر يكون نفسه في وقت قياسي "10 سنين عالأقل" تفتكروا هل يضمن انه بعد ما يتجوز متحصلش كارثة تضيع كل اللي بناه ؟؟؟ ادينا شايفين وبنسمع كل يوم عن الشركات اللي بتقفل وبتفلس والعمالة اللي بتتسرح وبتسيب وظايفها مرغمة، تفتكروا في حد ضامن انه بعد الجواز متضيعش منه وظيفته بعد لما يكون جاب عيال وفي رقبته كوم لحم لازم مع كل طلعة نهار يكون في فلوس عشان يأكلهم وإلا هيموتوا من الجوع !!!!!!! اعتقد دي مجازفة صعبة اوي ومحدش أدها…
انا بنصح كل شاب انه يبدأ في تطبيق الخطوات والنصايح الغالية دي من وقت دخوله الكلية "بدري بدري يعني" عشان بعد ما يتخرج يكون مأقلم نفسه و"مسستم" نفسه عالوضع اللي هيواجهه، انا طبعا بتمنى الخير لكل الناس ونفسي اشوف كل الناس متجوزة وسعيدة بس هو ده الواقع اللي مش قادرين نهرب منه فبدل ما نهرب منه بالخمرة والنسوان والمخدرات، ياريت نهرب منه بالطرق العلمية السليمة دي…
انا فعلا كنت بطبق جزء كبير من نصايحك بس منكرش انك افدتني بأفكار جديدة مكنتش واخد بالي منها عشان كده انا بشكرك شكراً جزيلاً…
وانا شايف ان لو في افكار تانية جديدة عندك يا ريت تمدنا بيها او اي حد عنده افكار جديدة ياريت يكتبهلنا في موضوع جديد ونبدأ كلنا نعلق عليه ونقول رأينا فيه…
انا مأخدتش الجوانب السلبية للجواز ولا صعوبة اختيار شريك الحياة المناسب، ولا اتكلمت حتى في أهمية الجواز عند الطرفين، انا اتكلمت من وجهة نظر محددة ومعينة عشان مطولش ورغم ذلك طولت عشان كده بعتذر للجميع.
زي ما تقول لواحد جعان, تخيل انك شبعان, طب اشغل وقتك عشان متحسش بالجوع, طب خد منوم كل ما تجوع, طب اشرب كوبايتين مية علشان تملا معدتك
العاطفة حاجة إنسانية أساسية جداً, يعني لو قلنا الجنس ممكن يبقاله بديل في حياة مفتعلة (و المشار إليها ب"- فكر دائما في الحرية التي تستمتع بها، تفعل ما تحب وقتما تريد، أنت رقيب نفسك.") فالعاطفة الحقيقية مش ممكن افتعالها, طبعاً مش لازم بجواز رسمي (ورقة و مأذون و اعتراف الدولة), بس بجواز بمعنى إن يكون لك شريكة في الحياة
استهبال مزمن مالهوش دوا
لكل داء دواء يستطاب به***الا الحماقة اعية من يداويها
انصحك تحط نفسك فى مصحة
لان الجميع مآله للزواج
سواء رفضت ام قبلت
بس حسبى الله ونعم الوكيل فى اللى يغلّى المهر و واللى يطلب اكتر من حقه
ومنه لله اللى رفع علينا الغلا ومكاليف العيش
الواحد فعلا عايش حياته بالطول والعرض كدة
دة انا كنت هغلط غلطة عمرى واتجوز بس الحمد لله الموضوع باظ بس بعد ما خسرت حاجات كتير وقت وفلوس
ربنا ينتقم منها لعبت عليا
ا اتقي الله (علي الرغم من المشاكل الكتير جدا وقله الدخل…)
ولكن ده امر الله ورسوله فمن يستطيع الزواج فلا يأجل و يتوكل علي الله
( ايل يستطيع بقي )
انا بعمل كل اللى مكتوب ده و بصراحة عايش حياتى أخر راحة بس …
لما بفكر بعقل شوية بلاقى ان انا كده كده فى الاخر هتجوز
فليه بقى اضيع وقتى فى وهم العزوبية
كده كده هتقع فتقع بمزاجج دلوقتى احسن من بعدين و متعرفش وقتها الدنيا شكلها هيبقى ايه
انا عملت كده فعلا بس حددت سن للارتباط وهو ٣٠ وانا عندي ٢٦ سنه
امامي ٤ سنوات اعيش ملك
The.rock.of.faith
gmail.com
اصدقك ولا اصدق رسول الله الصادق الامين الذى لا ينطق عن الهوى
وياسيدى لو قلتلى على امر حلال اخرج فيه شهوتى غير الزواج قولى عليه
وبعدين الله قال "ومن آياته أن خلق لكم من أنفسكم أزواجا لتسكنوا إليها وجعل بينكم مودّة ورحمة إنّ في ذلك لآيات لقوم يتفكرون" انا عاوز يا جماعة حد عاقل يقلى اصدقه ولا اصدق الله ورسوله
ربنا نيقلى فى الزواج "سكون للنفس" "مودة بين الزوجين ورحمة" مش ديه برده من اسباب السعادة فى الدنيا وفى الاخرة انشاء الله
بطلوا بقى فرجة على افلام و مسلسلات و اعرفوا مين ورا كل ده وحتى لو شفت بعينك مثال بل امثلة على ناس كانوا سعداء قبل الزواج وبعد الزواج واجه حياه كرب فا العيب فى الاختيار لشريك او شريكة الحياه و النيه من الزواج
معلشى طولت عليكم وتفكروا فى الايات و اسالوا انفسكم هل الله خالق الكون و الذكر و الانثى مش فاهم و الاخ الى كاتب الكلام ده هوا الى فاهم