أنا شكلي صغير..أعمل إيه؟
أصيب أيمن الطالب الجامعي بصدمة كبيرة بعد أن عبر عن حبه لزميلته في الكلية، حيث فوجئ منها باستهزاء وسخرية، وعلم بعد ذلك أنها قالت عنه لصديقاتها أن ملامحه تذكرها بالأطفال وأن "شكله فرفور وزي ابنها".
مواقف سخيفه يواجهها الشباب أصحاب الملامح الصغيرة..لكن لكل مشكلة حل، اقرأ معنا.
عريس في ثانوي: علاء يفضل دخول البيوت من أبوابها، تقدم لفتاة لكن والدها شك فيه لأن ملامحه وحجمه صغيرين جدا، واعتقد الأب أن العريس طالب في المرحلة الثانوية، وأصر على رؤية البطاقة الشخصية للعريس على سبيل الاحتياط والحذر.
المدير العيل: أحمد كاد أن يفقد وظيفته الجديدة في اليوم الأول، فعندما توجه إلى الشركة لتولي عمله، اصطدم عند الباب بشاب صغير في السن، ووبخه واتهمه بأنه أعمى وقال له : قول لماما تعملك نظارة".. وبعد ربع ساعة اكتشف أن هذا الصبى الذى أخذ يسبه هو مديره المباشر لكن شكله لا يعكس سنه.. تخيلوا رد فعل أحمد وقتها.....
نام يا روحي نام: ذهب وائل إلى المستشفى لإجراء عملية جراحية، وداخل غرفة العمليات فوجئ بطبيب التخدير يحاول تنويمه بعبارات كما لو كان طفلا مثل "متخفش من الحقنة دي أسهل من الثانوية العامة ..مش انت في ثانوي".. فانخدع الطبيب في عمر وائل وظنه طالبا في المرحلة الثانوية ، على الرغم من أنه مهندس جرافيك.
ماما حبيبتي: علي متزوج ولديه طفل، مشكلته أن حجمه صغير مقارنة بزوجته، وتعرض بسبب ذلك لمواقف محرجة كثيرة كان آخرها عندما ذهب معها إلى السوق، يقول: عندما دفعت زوجتي الحساب وأعطته إكرامية كان رد البائع : شكرا يا هانم ربنا يخليلك ابنك، وكان ينظر لي طبعا، وهو ما سبب ضيق لزوجتي وجعلها ترفض الخروج معي".
أنا غلبان: عبد الرحمن أحب جارته ورأى فيها كل ما يتمناه من مواصفات في فتاة أحلامه، وحين فاتح والدته بنيته في الارتباط بتلك الفتاة، صرخت فيه قائلة: "هتكلك مع أول خناقة.. يا ابني أولادك لن يحترموك".
كيف تجعل شكلك أكبر؟
- اللحية والشارب تعطيك سنا أكبر من سنك.
- إذا كنت في مكان عمل، ارتدي البدلة والكرافتة واحرص على أن يكون زيك رسمي.
-لا مانع من ارتداء نظارة حفظ النظر فهي تعطيك سنا أكبر ووقار.
- لا تضع كمية كبيرة من "الجيل" على شعرك، قد تبدو به "فرفور".
- لا ترتدي الملابس الضيقة كالباضيهات الرجالي، فهي تصغرك في السن، استبدلها بقمصان واسعة وخاصة من ناحية الأكتاف، لتعطيك عرض في الصدر.
- أجعل طريقة كلامك هادئة ورصينة، فإنها تعطي انطباعا بأنك شخص عاقل ولك خبرة في الحياة، ولا تضحك طوال الوقت بدون سبب.
-مارس الجيم فهو يمنحك حجم أكبر لجسمك.
-أحذر من التدخين فكثير من الشباب يعتقدون أن السيجارة تمنحهم سنا أكبر لكن في حالتك سيقولون عنك "عيل منحرف".
- إذا فشلت جميع محاولاتك واستمر الحال على ما هو عليه فليس أمامك سوى الرضا أو تغيير تاريخ ميلادك في الأوراق الرسمية.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
هو فيه أحسن من أن الواحد يبقى شكله صغير
بس مش لدرجة " ماما حبيبتى" يعني …
بس تخيلوا كدة أن واحد عنده 30 سنة وشكله يبقى مدي على 25 سنة مثلاً … حاجة آخر روشنة أكيد .
هو بصراحة كمان كل حاجة ليها مميزات وليها عيوب واللى شكله صغير عايز يكبر واللى كبير عايز يصغر وماحدش عاجبه حاجة وعلشان كدة لازم نقتنع تماماً أن ربنا خلقنا وصورنا في أحسن صورة تناسبنا … وأن ده هو الخير لينا
و الحمد لله علي كل شيء
أشرب خميرة
و كل برضة خميرة
و أشرب البيرة
و انت أكيد هتكبر و تنفش يا معلم؟ يا كبير؟؟
اينعم انا قصير سنه و فالشغل المفروض انى مشغل ناس كتير و ازعقلهم ساعات فبحترم نفسى علشان اروح سليم ههههه
احسن حاجه كل واحد يكون نفسه و يعمل اللى هوا عايزه و طبيعته ميغيرش فيها مش مهم رأى الناس المهم راى الواحد فنفسه
خليك واثق فنفسك بس مش اوى يعنى هههههه
لكن الأنسة / مدام نونة ومعلقين غيرها أو هى / هو ممكن تكون نفسها هى كل دول .. مادام مش واثقة في المحررين والصحفيين والمراسلين بتوع موقع عشرينات اللى بنحترمهم وببتهميهم في كل موضوع أنهم بيضربوا موضوعات .. أنتي بندخلى ليه الموقع وليه بتجبري نفسك أنك تقري موضوعات مضروبة وبنجهدي نفسك ي كومنت مالهوش لازمة
أنتوا أمتى هتتعلموا ثقافة التعليق بقى !!!!؟ ناس أووووف
المشكلة كده في قلة ادب المتعاملين معاهم …وده دليل على ان الموضوع مضروب كعادة عشرينات
لأن حتى الدكتور لما بيشوف عيل في ثانوي مش هيطبطب عليه ويقوله كوتوموتو يا حلوة يا قطة ..ومتخافش الحقنة مش بتوجع …بس الست الكوتكوتة ضاربة الموضوع على هواها
طيب أنا شكلي كبير اكبر من سنى بيجي 5 سنوات
و انا كمان زيك
المهم بلا طول سيرة أول كلمة قالها بابا موحاسة انو ولد يعني صغير حجم مو عمر لأنو اختي تزوجت واحد عمره 23
أنبكيييييييييت كتييييييير لأنه أنا بحبه كتير وبمووووت فيه ومابدي غيره مع كل التعليقات الي سمعتها بسب حجمه
بس لو احنا نرتقي شوي بفكرنا بنبطل نفكر بهاي سخافة لأنو مافي حد كامل وبكفي نحرج غيرنا ونجرح الناس
ونحرجهم
لأنو الانسان مش حكمنا عليه من شكله
الحكم عليه من الأخلاق والأحترام والزوء
فيا عااااااااااالم تعاو نتغير احناعشان غيرنا يتغير
صحيح بس النهاية بابا وافق وتغير مفهمو لهدول الناس ادعولي
وشكراااااااا عهلموضوع فشيت ألبي شوي
طخين بيخسس , رفيع نفسه يطخن , اسمر بيفتح ابيض نفسه يبقي بلاك (فحمه)
خلفله بت بيزعل نفسه يخلف واد ايوان ايوان ايوان
لان كلها خلقه ربنا ( يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون:)
المفروض ما نسخر من اى شخص يكون كذلك و اضع نفسى مكانه واشوف رد فعلى اكيد هدايق يبقى ليه اسخر او حتى اعلق على هذا الشخص (قال رسول الله لا يؤمن احدكم حتى يحب لاخيه ما يحب لنفسه) زى ما انا ما احبش حد يسخر منى لا اسخر انا من احد مهما كانت طبيعته
وبالأمــانة , الموقــع كله تدوينــات ســاذجــة للغــاية ,,
.. المقال ظريف وخفيف كعادة كتاباتك يا رغداء :) والاقتراحات المطروحة عملية.
أرجو أن تفيد كل من يبدو اصغر من عمره.
الطول لشجر*الاشجار* والقصر للحجرأما بني أدم فبالقدر *الانسان بالعقل والحكمة *
ولكن لقد خلقنا جميعا من طين ولا احد يستطيع الاعتراض على دلك
والله سبحانه وتعاله لا ينظر الى صورنا ولا طولنا ولا قصرنا لانه عليم بنا
ولكن سوف نحاسب على ما هو اكبر …سينظر الى قلوبنا
الايمان هو المقياس…ويكيفى كلا منا ان يرضى الله عنه
فهى بالدنيا وما فيها
وشكرا
ياما فى ناس شكلها كبير بس افعالها افعلا العيال…
و للاسف احنا بنحكم بالشكل مش بالشخصية
قبل ما البس الحجاب كان كله بيصغرني حوالي 4 سنين
والله يشوفنى يدينى
17 انا كنت هضرب
واحدة بسبب الحكايه ديه بس الحمد الله على كل شى فى الاول والاخر عمتا مش مهمه السن ده بالعكس ساعات سن
17 ده بيساعدنى والله
خاصه ان حكايتى جامده جدا …
انا خلصت كليه ( … ) . وقدمت فى كليه تانيه ( … ) .
وكل اللى يعرف كده من زمايلى ميصدقنيش
وغالبا ما بطلع الكارنيه اللى بيثبت ده
بس الموضوع لذيذ جدا ومش مضايقنى خالص بالعكس انا باخد الموضوع ده اشتغاله