انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

إنت شامم نفسك ؟!

حياتناقراءة في ٤ دبقلم يسر عبد الدايم

ياااة يوم طويل من العمل المرهق أو يوم دراسي تتنقل فيه من مكان لآخر..

منهك..مرهق..أخيرا قد جاء وقت الراحة.. ولكن من أين هذه الرائحة؟

إنها رائحة كريهة للغاية..هل أنا مصدر هذه الرائحة الكريهة!

لا يمكنني أن اصدق..طوال اليوم ولم أشعر بهذه الرائحة..لقد قمت بإيذاء زملائي طوال هذه المدة ولكنى لم أشعر بنفسي..

احترس من الطعام

الدراسات العلمية تشير إلى أن هناك علاقة مباشرة بين نوعية الأطعمة التى نتناولها والرائحة التى تنبعث من الجسم، والحل هنا ليس هو استخدام مزيلات رائحة العرق أو العطور، ولكن هو الحرص علي تناول أغدية نظيفة حتى لا تسبب رائحة عرق كريهة تؤذي بها الغير.

لقد حث الإسلام علي النظافة والطهارة، فالقرآن والحديث مليئان بالتوجيهات العامة التي تحث على النظافة، قال تعالى: { إن الله يحب التوابين ويحب المتطهرين}، وعلي الرغم من هذا فهناك الكثير من الناس لا يلتزمون بهذه التعاليم حتى البسيط منها.

النظافة جزء من إيمان

فعلى الرغم من ارتباط الصلاة بالطهارة والوضوء، إلا أن بعض الناس لايراعون ذلك، فعندما سألنا احد خدامي المسجد عن نظافة المصليين رد قائلا: هناك الكثير من الشكوى بسبب هذا الامر، فهناك عدد كبير من المصليين لا يهتمون بالتاكد من نظافتهم العامة، وعندما ازدادت هذه الشكوى قام الخطيب في صلاة الجمعه بالتبية علي المصليين بالتاكد من نظافتهم الشخصية وخاصة الجوارب "الشرابات" التي تختنق المصلين منها.

والأمر لا يختلف في سلوكيات بعد المصلين، فهذا (احمد حامد) -27عاما- يحدثنا عن موقف حدث له أثناء الصلاة، يقول: في رمضان الماضي ذهبت إلى المسجد لأداء صلاة التراويح، وبعد أول ركعة فقدت تركيزي في الصلاة، وتشتت تفكيرى، وكان كل ما أريدة هو أن ينتهي الإمام من الركعتين بمنتهي السرعة، والسبب هو أن الشخص الذي كان يقف بجانبى لم يكف عن التجشؤ طوال الصلاة!

موقف محرج ...جدا

ومن الأمور المحرجة للغاية هو ان تقوم بوعظ أحد كي يهتم بنظافته الشخصية، وهذا ما فعلته (هبه عاطف) -21سنة- مع إحدى صديقتها في الجامعة، تخبرنا قائلة: كان من الصعب أن اقوم بهذه المهمة، ولكنى أحسست أن كل زملائنا في الجامعة يتحدثون عنها ويحاولون الابتعاد عنها بأي طريقة ممكنة.. فاتخذت القرار وتحدثت معها بمنتهي الصراحة كي تهتم بنظافة ملابسها ونظافتها الشخصية، وهي تقبلت الأمر بصدر رحب وبالفعل قامت بالتغيير من نفسها تماما.

"فهمنى غلط"...هكذا قال (سامح المراغي) -28سنة- الذي يستكمل قائلا: عندما قمت بنصيحة أحد اصدقائي في العمل بأن يهتم بنظافتة الشخصية أخذ الموضوع بحساسية شديدة للغاية، ومنذ هذه اللحظة وهو لا يتحدث معي مطلقا!

نظافتك الشخصية

يعترف( شادي سليمان) -23عاما- قائلا: كنت لأ اهتم مطلقا بألتاكد من مدي نظافة ملابسي وكان من الممكن أن يمر بي أسبوع كامل لا أغير فيه ملابسي، فأنا اسكن بمفردي في المنزل لظروف عمل والدي ووالدتى في الخارج، حتى قام احد زملائي بالجامعة بالتحدث معي في هذا الأمر، وبالفعل أحسست بالخجل، لأننى لم أكن اشعر مطلقا برائحة ملابسي، فلا يستطيع احد أن يحكم علي نفسه.

ومن أشد الامور إحراجا هو ان تقوم بزيارة شخص ويطلب منك القيام بخلع حذائك، وهذه كانت حكاية (سارة يوسف) -20سنة- التي قالت: عند قيامي بزيارة إحدى صديقاتي لأول مرة، طلبت مني والدتها خلع حذائي علي الباب، وبعدما قمت بخلع الحذاء شممت رائحة كريهة للغاية، وقتها تذكرت أنني لم اقم بتغير جوربي"الشراب" منذ ثلاث أيام، وكنت في شدة الاحراج، وبعد أن مضت خمس دقائق طلبت منها أن أذهب لكي أحضر شيء من منزلي وأعود لها مرة اخري، ومنذ هذه المرة وأنا أتاكد من نظافتي الشخصية بصوة كاملة حتى لا أتعرض لموقف محرج مرة أخري.

الحل بسيط جدا..جدا

لكي تتخلص من هذه المشكلة، نقدم لك بعض النصائح اليومية لتجنب الروائح الكريهة:

1- إحرص يوميا علي التأكد من نظافة أسنانك، فالأسنان مرآة الجسم، وهي مصدر للرائحة الكريهة اذا لم يتم الاعتناء بها.

2- يوميا قم بعمل جرد لملابسك كي تتاكد من نظافتها، حتى لا ياتى اليوم التالي وترتدي ملابس متسخة.

3- احرص يوميا علي تغيير ملابسك الدخلية، وجوربك"شرابك".

4- عند قيامك بارتداء ملابسك احرص علي إرتداء ثوب قطني كي يمتص العرق، لان الملابس القطنية لا ينتج عن ارتداءها روائح كريهة.

5- تجنب استعمال مزيل عرق أو العطور أثناء افراز العرق، فهذا يعمل على زيادة الروائح الكريهة ولا يعالجها.

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. English Youth كُتب في
    بجد يا سير موضوع أكثر من رااائع وجاء في وقته فعلاً لأن في كثير من الناس بيفتكروا إن الروائح الكريهة لا تظهر وتنتشر إلا في الصيف فقط وده طبعاً خطأ وكلام فارغ، لأن الشتاء بيكون ألعن وأدل سبيلاً … الريحة بتكون مكتومة تحت الجاكيتات والبالطو وكل كم الصوف التقيل ده وأول ما الشخص يقلعوا جوة المكتب أو قاعة المحاضرات أو الفصل … أجارك الله الناس بجد يا بترجع يا بتجري على برة … أنا الحقيقة كنت بعاني من موقف بشع جداً في مكان عملي السابق وهي وجود موظف جديد كويس جداً مهنياً وطيب أوي بس مشكلته الرائحة الكرييييييييييي ييهة ومش أي رائحة لأ دي بجد كريهة فوق التصور لدرجة إني مرة جريت على الحمام رجعت بجد وباقي زمايلي وأصدقائي يا مضوا إنصراف بدري متغاضين عن الخصم من مرتباتهم أو خرجوا ومرجعوش أو حطوا مناديل على مناخيرهم وكتموا انفاسهم ياحرام… المهم إن أنا دلوقتي في مكان عمل تاني ولسة الغلابة زمايلي بيعانوا ولما رحت زرتهم آخر مرة كنت حرجع بجد …
    الأهم في موضوعك يا يسر إن الناس لازم تعرف إن الروائح الكريهة مش مصدرها عرق وبس لأ ده روائح القدم والشعر والملابس المتسخة وحاجات تانية لا داعي لذكرها طبعاً علشان في ناس محتمرة هنا بس حاجات تستدعي الإستحمام اليومي والإغتسال الجيد سواء صيف أو شتاء، وطبعاً رائحة الفم اللي الحل بتاعها مش مجرد حباية نعناع … لأ … لازم زيارة لدكتور أسنان والغسيل بالمعجون كل يوم دايماً … إلى الأمام يا يسر ويارب كل اللي مش حاسس إنه ممكن يؤذي اللي حواليه بريحته يقرا الموضوع ده ويتعظ … والسلام ختام
  2. حد يقوللي الحل ايه كُتب في
    انا عندي فعلاً مشكلة في الشغل مش لاقيلها حل خااااالص في واحدة معايا في الشغل على طول رائحتها… و الناس كلها بتضايق منها أوي و هيا مش حاسة خالص.. نفسي أقولها بس أكيد إستحالة حد يتكلم في الحاجات دي سواء مع راجل زيي او بنت غير كدة بخاف أوي لما يجيلنا ضيف ولا حاجة.. الحل ايه ايه ايه
  3. مريم كُتب في
    بجد فعلا في ناس بشيعه واحنا في السكشن بنتعذاب اصلا من روائح العرق وواللبس المبلول وحتى في دكتور عندنا في الجامعة مش رحمنا من ريحة عرقة ونفسي يقرا الموضوع علشان يحس بينا .
  4. atat_atat40 عبدالله كُتب في
    السلام عليكم من الممكن ان يكون هناك من لايهتم برأحته وهناك من الفتيات الذين يضعون البرفانات شديده الفوحان وهذا حرام لان ذالك غير مسموح به وبعض الاخوه المسلمين يدخلو المساجد بجوارب شديده العفونه وانت تضع رأسك تشم علي السجاد ما لايريك الله فهاذا شيء مقزز والله ارحمنا ولايشممنا الله رأحتكم
  5. سلمى كُتب في
    الموضوع مهم فعلا ياريت كل واحد مننا ياشباب يركز في الموضوع ده قوي الاالريحة بصراحة يعني وديننا الاسلامي نفعنا قوي وحط النظافة ففي منزلة مهمة قوي في حياتنا وجعلها جزء من الايمان ربنا يرحمنا من الرائحة السيئة ويعافينا منها
  6. ®Cipher كُتب في
    بجد كدة عيب أوي يا جماعة الناس دي بيكون عندهم ظروف … ماينفعش نحرجهم الإحراج ده كله… و فيها ايه لو نستحمل الريحة الوحشة يعني ..عادي جداااااً و بعدين بالنسبة للشرابات يعملوا ايه الناس يعني لو لبسو الجزمة من غير شراب هتبقى العن . انا بس لية تعليق واحد لما الواحد بركب المترو الصبح بدري و الناس كلها تتتاوب في وقت واحد هية دي بقى اللي تبقى مشكلة
  7. محمد المصري كُتب في
    السلام عليكم … طبعا انا مش هقول حاجه اكتر من اللي الاخوه اتكلموا فيها بس انا عايز اركز علي موضوع الشربات أووووووووي وانصح كل شخص انه يلبس شراب لكل يوم والموضوع مش مكلف يعني
  8. رهيبة كُتب في
    يالاهووووي انا فاكرة مرة كنت في الجامعة في اول سنة وكانت قاعدة جمبي واحدة مش عارفها وبعدين عنكم جمعيا الريحة خارجة منها غير طبيعية كنت بموووووووووت. المفروض الواحد ياخد باله من نفسه اووووي النظافة هي عنوان الشخص .. وبعدين الموضوع مش مكلف الحل هو الاستحمام والتاكد منن نظافة الهدوم يوميا زي ما يسر قالت وبس مش شوية المياة والصابون هما اللي هيعملوا ازمة وشكرا
  9. اكتب اسمك هنا كُتب في
    صدقت بالفعل
    وأنا عندي زميل في الدراسة من 3 سنين ما أتوقع انو استحما ابداااا يمر العيد والثاني وهو يزيد الطين بلة
    مابعرف كيف عايش ؟!
  10. اكتب اسمك هنا كُتب في
    المترو وما ادراكم ما المتروة من كل الروايح والاشكال فيه.. ربنا يعننا
  11. كح كح كُتب في
    ياريت الاخوه المدخنين ياخدوا بالهم من الموضوع ده لان ريحه دخان السجاير يعمى
    خاصة لو بيدخنوا بشراهه بتبقى ريحه افواههم وملابسهم فوق اى احتمال
  12. so كُتب في
    النظافة من الايمان
  13. so كُتب في
    النظافة من الايمان
  14. محمد من الأسكندرية كُتب في
    يا جماعة الموضوع عاجبني جدا جدا - بس إيه لازمة صورة البنت اللي في أعلى المقال
    حيث أنها تظهر عورة فتاة وهي شعرها
    مع أنه كان من الممكن استخام صور لا يوجد بها مخالفة شرعية
  15. TETA the great كُتب في
    الناس اللي اتكلمت عن المترو دي معاها حق فعلا لانة مصدر و مقر لكل الروايح الكريهة والغريبة ان في ناس ريحتها زبالة وعرق وتبقي فخورة بنفسها اوي وكمان يصرو علي رفع ايديهم عالفاضي والمليان
  16. الوضوء و مراعاة احكامه كُتب في
    الشبة+المستكة خلطة من عند العطار للعرق و ازالة الشعر من اماكن افراز العرق ففي السنن لا يجوز ترك شعر الابط و العانة اكثر من 40 يوم دون نزعها وتغير الملابس الداخلية خاصة قبل الوضوء و الصلاة و احرص علي ان تكون الملابس الداخلية من القطن
  17. ايمان كُتب في
    حرام بجد عليكم انا كنت هفطس من الضحك من تخيل المنظر ان الناس كلها بتتاوب في وقت واحد والهبو طالع مرة واحدة
    بجد انا هيجرالي حاجة بشتغل في مكان محتررررررم جدا وساعة الصلاة بعيد عنكم وعن السامعين كلهم وكأنه قبر واتفتح من عام 67 … ريحة غير محددة الملامح وهي عبارة عن مزيج من رائحة القدمين مع الشرابات مع …الرحمة بجد
  18. المترو كُتب في
    يا جماعه فى موضوع مضايقنى اوى و خلانى اتشعلق فى الاتوبيسات بدل المترو
    الناس اللى بتطلع تجرى بسرعه عشان تلحق المترو
    اول ما يدخلوا
    يروحوا واخدين نفس عميق و طويل و فجاه يخرجوا بنفخه محترمه فى وش اللى ادامهم
    المهمه النفخه دى مدتها طبعا طويله و يعلم ربنا انى ببئى هارجع من الارف
    والنصيبه الاكبر لما بشوف حد بيلعب فى مناخيره حتى السيدات المحترمات بيعملوا كدا و بعدان يمسكوا فى الكراسى و فى كل حاجه و يشهد ربنا انى كنت هرجع بالفعل من منظر شوفته من سيده محترمه كدا كانت بتعمل كدا ومش عارفه ارجع فين المترو مليان ناس اديتهم ظهرى عشان ما اشوفش وش حد خالص
    و اخيرا قررت اتشعلئ فى الاتوبيسات بعيد عن كل البشر
  19. بختة كُتب في
    انا فتاة مهتمة بمظهري جدا
    مشكلتي اني رائحة عرقي كريهة وكانني لم استحم مند سنة علما اني استحم مرتين يوميا وجربة كتير من المواد الصيدلية و الطبيعية
    ارجوا مساعدتي في هده المشكلة التي جعلتني صخرية وسط الناس وجرحهم لي من دون رحمة حتى اني بدات اهرب من الناس حتى لا ازعجهم من رائحتي
  20. ريحة الجزمة كُتب في
    طب ايه الحل فى ريحة الجزمة والشراب ؟؟؟ حتى لو غيرت الشراب كل يوم بيبقى فيه ريحة بردو …
  21. asmaa كُتب في
    الريحة دى بجد مشكلة انا بقيت موسوسة و كل شوية اشم هدومى و اشمم ماما و خطيبى و كلو يقولى مفيش حاجة بس انا بقيت كده من كتر ما شوفت بنات ريحتها مقبرة و قلت داهية لاكون انا كمان مش شامة نفسى و المصيبة الاكبر هى المساجد بجد دا بيت ربنا يعنى نظافته واجبه و حرام اننا نهملو انا بجد بتجنن من الموضوع دا المسجد بتبقى رحتها فظيعه و دا مكان عبادة!!!!!!!!!!
    انا كذا مره اجيب جليد لمسجد الكلية و اجى ارش عشان اغير ريحة الجامع وحدة تقوم تزعقلى تقولى هنتخنق و التانية يقولى العطر حرام و التالته تتنفض و تقولى بينزل عليا و الرابعة…طب و مش حرام ريحة الجامع تبقى كدا
  22. برجع علي طول كُتب في
    كلمة و احدة بس حس بنفسك
    حسبي اللة ونعم الوكيل
    علي فكرة فيبكس جامد اوي ومش مكلف الصغير 7 جنيه بيستخدم من 5 ال6 شهور و الكبير 12 وبيستخدم من 8الي 12 شهر رخيص و اللة و هيخليك كويس واللة
العودة إلى الأعلى