انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

مفقود مفقود.. يا (موبيلي)!

حياتناقراءة في ٤ دبقلم محمود التركي

تسمع رنة موبيل بجانبك..تلقائيا تضع يدك في جيبك بكل بهدوء وثقة لتخرج موبيلك.. تمررها في ملابسك وفي كل مكان يمكن أن يكمن فيه.. لتصل إلى الحقيقة المرة.. أنك ممسك بالهوى.. وآه من الهوى يا موبيلي الضائع.. تكثر الرنات حولك.. تتحول إلى لحن جنائزي تلهب أعصابك غيظا على الجهاز والذاكرة والرسائل وحياتك الهاتفية التي صارت في حوزة لص !.

سوف تصيبك الحسرة ويعتصر قلبك ألما.. وأول شيء تتحسر عليه هي بعض أرقام التليفونات المهمة التي لم تسجلها في أجندتك الورقية، الأمر الذي يترتب عليه انتظارك طويلا حتى تسترجع كل أرقامك السابقة.

أما خطك المسروق - نعم أصبح مسروقا- لا بد أن تستعيده حتى يتصل بك أصدقائك والأشخاص الذين ترتبط معهم بعمل.. ووسط كل ذلك وأنت في تلك الحيرة عليك أن تتحمل أصدقاءك الذين يسخرون منك ويطلقون القفشات والنكات، وأنت لا تدري لماذا يفعلون ذلك! .. أنهم لا يقدرون مصيبتك.

قد تتحسن حالتك النفسية بعض الشئ عندما تجدد شريحتك وتسترجع الخط ورقمك القديم، وقد تسارع بشراء جهاز أخر، ولكنك لا تنسى جهازك القديم أبداً مع أنه لم يكن سعره غالياً، وتتساءل دوما يا ترى الموبيل مع من الآن؟ وهل يحرص على تغذيته بالشحن عندما يكون جوعاناً..مثلما كنت أفعل معه دائما؟

الأمل المفقود

إذا كنت تعتقد أنك تماديت في شعورك حزنا على فقد هاتفك، فهّون على نفسك..فهناك تعساء الحظ مثلك تعرضوا لنفس موقفك يشاركونك الشعور..

دعاء مصطفى، 23 سنة، تتذكر اللحظة التي فقدت فيها هاتفها جيداً، حيث كانت متوجهة للعمل وفجأة بعد نزولها من محطة المترو لم تجد هاتفها، وتأكدت أكثر من مرة أن الموبايل غير موجود، تيقنت لحظتها أنها فقدت الموبايل وضاع منها خط التليفون، وظهرت بدلاً منه خطوطاً من الحزن والحيرة على وجهها..إنها حتى الآن مازالت تبحث عن هاتفها وتشعر أنها ستجده عما قريب بعد أن أتخذت كل الإجراءات اللازمة، حسبما قال لها السادة المسئولين!.

بينما يقول حسام، 21 سنة، "فقدت موبيلي في مكان لا يتوقعه أحد وهو (سرادق عزاء)!، حيث توجهت كي أقدم واجب العزاء في وفاة والد صديقي وكان ذلك في مدينة مجاورة، قبل دخول السرادق أغلقت الموبيل كي لا يحدثني أحد، وبمجرد خروجي من السرادق وضعت يدي في جيبي لإخراجه فلم أجده!!..الغريب أنني لا أصدق ما حدث حتى الآن، لأن جميع من كانوا حولي في العزاء كانوا متأثرين بالقرآن الذي يتلى!".

فوبيا الضياع

أما حسن إبراهيم، 29 عاما، فقد أصبح خبيراً في ضياع الموبايلات بعد أن فقد 3 موبايلات في أقل من شهرين، وبات يضرب به المثل بين أصحابه!

يخبرنا حسن أنه بعد كل مرة يفقد فيها موبايله يشعر بالإهانة، لأنه لم يتعلم من أخطائه، لدرجة انه حالياُ أصبحت عنده فوبيا ضياع الموبايل، وكل فترة ينتابه هاجس ما بأن هاتفه ضاع أو سرق.

تجربة مختلفة

ولفاطمة عبد المنعم، 27 عاما، تجربة مختلفة.. حيث فقدت موبايلها عندما كانت في أحد الكافيهات ولم تشعر بذلك إلا في طريق عودتها للبيت، وسارعت على الفور بالرجوع للكافية، والغريب أنها وجدت الموبايل في مكانه ولم يقترب منه أحد، الطريف أن فاطمة طوال طريق العودة للكافية لم تكن تفكر سوى بشئ واحد فقط هو أرقام صديقاتها في فترة الجامعة التي ظلت العلاقة قائمة بينهما ولكن عن طريق رسائل الـ sms فقط.

أما ياسر عبده، 20 عاما، فلم يتمالك نفسه عندما فقد موبايله، حيث شعر أن حياته كلها توقفت، وأخذ يبحث في كل مكان جلس فيه على مدار اليوم دون جدوى، وفي النهاية توجه لمحلات بيع الأجهزة المحمولة لعله يضبط السارق متلبسا وهو يبيع الموبيل.. وبالطبع تعرض للسخرية من الجميع.

رسالة دكتوراه

أما حكاية المطرب "إيهاب توفيق" مع فقدان الموبيل فإنها ستهون عليك شعورك بالحزن، حيث فقد موبايله منذ 3 سنوات تقريباً ووقتها رصد مكافأة قدرها 20 الف جنيها مصرياً لمن يجده، وذلك لأنه كان يضع عليها رسالة الدكتوراة الخاصة به، وبالرغم من تلك المكافأة السخية إلا أنه لم يجد هاتفه!.

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. منى عبد المنعم كُتب في
    انا برضه من اكتر الناس اللي ضيعت موبيلات واصحابي بيتريقوا علياوبيقولولي اي مغفل لازم يتسرق بس باجاهد اهو عشان ارجع اللي اتسرق والاجراءات اللازمة بقالي سنة باجري عليه اهو ياموسهل ، اللي اتسرق مني ده بأة بطريقة مختلفة عن اللي فوق دول كنت ماسكاه في ايدي وماشية في الشارع ( مع العلم كنت حطاله سلسلة الامان وكانت طويلة ولفاها على ايدي) المهم عدت جنبي فيزبا فيها واحد سايق وواحد وراه اللي ورا ده بأة اللي لطش الموبايل من ايدي بس وهاتك ياجري ومافيش فايدة طبعا دول حرامية برضه والكار كارهم هنقاطعهم فيه ، على فكرة جاتلي حالة نفسية بعديها طول مانا ماشية في الشارع باحس برعشة في ايدي وبعدين بتتقفل
  2. Dabdoob كُتب في
    اعرف حكاية غريبة جدا لواحد صاحبي لما اتسرق منه الموبايل في كافيه في العاشر من رمضان وبعد ما فقد الامل انه يرجع واشتري واحد جديد اتصل به ابن خالته الضابط في قسم شرطة الموسكي او السيدة تقريبا عشان يقوله ان الحرامي اتسرق ومعاه موبايلك!!!!!
    اتاري الحرامي راح يبيعه في عبد العزيز بس ماكانشي معاه فاتورة فشكوا فيه وبلغوا القسم الي بيشتغل فيه ابن خالة صاحب الموبايل!!!
    وسلام
    Dabdoob
  3. نيفين نيفى نوفا كُتب في
    الكارثه اللى اكتر من ثمن الموبيل و ذكرياتك مع كل cover كنت بتشتريه و الرنات و الكليبات هى الارقام اللى اتحدى ان يكون اى حد فينا فكر ياخد احتياطه و يسجلها ف نوته
    و كل ما كان يتسرق من اى حد من اصحابى موبايل كنت اجرى اجيب نوته و اسجل فيها الارقام اللى على الموبايل بتاعى
    بس هما نمرتين تلاته و ازهق
    التكنولوجيا علمتنا ال[ *** ]ل
    بس بينى و بينكو راحه برده
    يعنى تجيب النوته و تقعد تمقق عينيك و تدور و لا تضغط ضغطتين و الموضوع ينتهى
    اللهم احفظ موبايلاتنا
    جمعاااااااااااا اء جمعاء
  4. ادم المهدى كُتب في
    كان يوما عصيبا جداا بالنيبة لى حيث توقفت حركة المرور يومها لانى قد سرق منى موبايلى فى الميكروباص فرحت ايال جميع سائقى الميكروباص و جميع ضابطى المرور ، و ظللت ابحث اسبوع كامل عنه ، و بالنسبة للاسماء فكان فى زاكرة جهازى اكثر من 2000 اسم من دول مختلفة فكانت بالنيبة لى انقطاع بالعالم الخارجى و الداخلى ايضا
    اما تجربة صديق لى عندما فقد موبايله راح يتصل به فرد عليه شخص بكل تهكم و قال له صاحبى لو سمحت اللى معاك ده موبايلى فرد عليه اللص : عفوا اللى كان موبايلك و راح صديقى يقول له و النبى راجعه و ابوس ايدك و لكن بلا جدوى
    www.ademelmahdy.blogspot.com
  5. شرين منصور كُتب في
    السلام عليكم يااه يا استاذ محمود فكرتني بالغالي اول ما جبت الموبايل جبتو بالعافية لأن بابا كان مش مقتنع بيه وطبعا اقنعتو وانا في اولى كلية وفعلا جبت الموبايل من برة مش من مصر وكان 3310 وكنت بحبو حب جنون كانت احدث الرنات عليه ومهتمية باللوجو اللي عليه برغم ان الناس كلها كانت بتشتكي من اني احيانا لما بتعصب برميه وهو الوحيد اللي بيمتص غضبي بس لما حد يجي يعمل فيه اللي بعملوا بقولو انت عارف المثل الي بيقول انا ادعي على ابني واكره اللي يقول امين اهو انا كدة وكنت فرحانة جدا بالموبايل وعدت السنة وجينا على اخر السنة وكنت حاطة الموبايل بتاعي في الشنطة وسيباها مع انتمتي وصحبتنا عشان كنت بكلم وحدة في حاجة على جنب وافاجا ان صحبتنا دي قامت كانت بتجري اول ما بصيت بصيت على الشنطة لقتها مرمية في نص الشارع اللي جوة مجمع جامعة اسكندرية وبفتح الشنطة ملقتش الموبايل ويوميها زعلت عليه زعل كأنو واحد من عيالي زي ما بيقولو لأني مش بحب السرقة وبتعصبني جداااااا المهم عملت الاجراءات الازمة وبلغت لكن فينك يا موبيلي وطبعا حل عليا العقاب من بابا لغاية ما جبلي موبايل تاني 3310 نفسو على بداية الامتحانات بالرغم اني غيرتو لكن بجد وحشني جدااااااا 3310 وحشتني يا موبايلي ..
  6. منى عبد المنعم تاني كُتب في
    والله ياجماعة حصلت حاجة غريبة جدا انا صاحبة اول رد فوق بعد ماكتبت الرد ده وقعدت عادي على ماسنجري لقيت صاحبتي بتكلمني وبتقولي نتيجة التتبع بتاعتك طلعت وموبايلك مع واحد اسمه فلان الفلاني ورقمه ورقم بطاقته وعنوانه دلوقتي باخلص الاجراءات وهيرجعلي خلاص ان شاء الله
    الف حمد وشكر ليك يارب
    اتمنى كل اللي كتبوا هنا برضه موبيلاتهم ترجعلهم
  7. صالح عبود كُتب في
    من المرات المهمة اللي اخذت فيها موقف عجبني اني اكتشفت ضياع الموبيل أول ما نزلت من الميكروباص، روحت متصل باخويا الكبير وبلغته وطلبت منه يتصل بالتليفون ولو حد رد عليه يزعقله جامد -لأني مكنش عندي قدرة علي الزعيق وكنت خايف ابوظ الخطة- ويفهمه انه ظابط وان الموبيل ده بتاع اخوه، ورحت واقف في غمره مكان ما نزلت لغاية مالميكروباص لف من رمسيس ورجع تاني وأول ما الميكروباص هل عليا رحت فاتح الباب بقوة وباصص للسواق جامد وقايله فين التليفون؟؟؟ راح قايلي اهو اتفضل!!!!!!! ورحت راجع البيت وانا فرحان قوي
  8. رشا كُتب في
    أنا طبعا موبايلى اتسرق بس بطريقه مختلفه شويه لانى انا اللى اديت الموبايل للحرامى بايدى
    شخص طلب منى انه يتكلم فى الموبايل فأديته موبايلى وما أخدتش بالى منه لمده ثوانى وطبعا اتفاجات ان الشخص مش موجود قدامى
    فاتعلمت طبعا انى ما اعملش خير فى أى حد واعترف طبعا ان دى كانت طيبه زياده شويه منى
    وطبعا كل اللى قدرت أعمله أنى حرقت الشريحه لكن الموبايل ما رجعش
  9. زهران كُتب في
    كانت الساعه 7صباحا عندما كانت افكر اروح بى الموبيل ولا لاء الى قصر المنتزه بالاسكندريه للعب الكوره ويارتنى مارحت اتسرق منى شنطيطى وكان فيها ثلاث تيلفونات من النوع 5320 الجديد 3110 وتلفون مش كده يعنى
    3310 وملابس اصحابى وملابسى وبطاقه والقيزا والشنطه كلها اخذها اذى معرفش
العودة إلى الأعلى