دهب.. ليلة التحرير
في ليلة عيد تحرير سيناء، وفيما يبدو أنه ضربة إجهاضية لخطاب الرئيس المنتظر حول مدينة السلام، شهدت مدينة دهب ثلاث تفجيرات أسفرت عن حوالي 30 قتيلا وأكثر من 160 مصابا ويبدو أنه من الصعب هذه المرة إيجاد "المختل" الذي قام بهذه التفجيرات لأن الواضح أنهم مجموعة من المختلين.
وتقول التقارير المختلفة لوكالات الأنباء أن التفجيرات الثلاثة وقعت في حوالي الساعة السابعة والربع بالتوقيت المحلي وفي توقيتات متزامنة ووقع أحد الانفجارات في السوق المحلي حيث قال شهود عيان أنه بالإمكان رؤية الدخان يتصاعد من السوق بالإضافة إلى تناثر أشلاء الضحايا.
نصدق مين
واختلفت أعداد الضحايا حسب المصادر حيث ذكر البعض أن الانفجارات خلفت 22 قتيلا وحوالي 150 مصابا إلا أن وكالة "رويترز" ذكرت على لسان سعيد عيسى مدير خدمات الإنقاذ بمحافظة جنوب سيناء أن عدد الجرحى 160 بعضهم في حالة حرجة كما قال مسئول بمرفق الإسعاف المحلي أن كثيرا من القتلى هم من الأجانب على ما يبدو.
في الوقت الذي ذكر فيه بيان لوزارة الداخلية الموقرة أن ضحايا الحادث بلغ عددهم 10 قتلى و مائة مصاب، كما قال البيان أن الإنفجارات وقعت في مطعم نيلسون ومقهى علاء الدين ومتجر غزالة في السوق التجاري.
إدانة واستنكار
وعقب الانفجارات صدر بيان باسم الرئيس مبارك يستنكر الحادث ويندد به واصفا الانفجارات بأنها عمل إرهابي آثم قائلا بضرورة ملاحقة المسئولين عنها لينالوا جزاءهم بقوة القانون وحسمه.
في الوقت نفسه انهالت الإدانة والاستنكارات للحادث من الدول العربية فصدرت بيانات بمثل هذا الشكل من الكويت والأردن وقطر وليبيا ومن السلطة الفلسطينية ،كما أدان الرئيس الأمريكي "الحادث الخسيس" ومن إسرائيل بعث رئيس الوزراء ايهود اولمرت بتعازيه باسم إسرائيل.
وتأتي هذه التفجيرات بعد فترة قصيرة من إعلان وزارة الداخلية القبض على خلية إرهابية مكونة من 22 شخص وتحمل اسم "الطائفة المنصورة" ،كما أنها تعيد إلى الأذهان تفجيرات طابا التي أسفرت عن مقتل 34 شخص وشرم الشيخ التي أسفرت عن 67 قتيلا في يوليو الماضي .
وفي اتصال هاتفي بأحد الشهود العيان للحادث قال أحد الشهود في تصريح خاص لـ"ولاد البلد"..
التفجيرات تستهدف مصريين، ولو كانت تستهدف سياح أجانب ويهود فكان لابد أن تحدث أمس أو أول أمس، فيومي السبت والأحد معروف عنهما في دهب أنهما يومين للسياح وخصوصا اليهود، لكن الهجمات كانت يوم الإثنين بعد رحيلهم.. بالإضافة إلى أن توقيت التفجير كان في حوالي الساعة سبعة مسائا وهو توقيت معروف عنه انها ساعة خروج العمال والموظفين المصريين من بيوتهم واتجاههم لمنطقة التفجير لفتحها لاستقبال السياح في المساء..
ويضيف : كنت بجوار مكان الانفجار وبيني وبينه حوالي 200 متر، وفجاة اهتزت الأرض جدا نتيجة الانفجار وسمعنا جميعا صوته عاليا جدا، وخرجت من سيارتي بسرعة وأخرجت موبايلي للتسجيل، لكن الانفجار الثاني دوى في اللحظة ذاتها وهو ما يؤكد أن الانفجارين كان بينهما 15 ثانية فقط..
وعن سرعة تواجد الأمن بمكان الحادث يقول : أتوا بسرعة، لكن الملاحظ أن تحركاتهم كانت عشوائية.. ومتخبطة.. !
كما لاحظ الشاهد أن تواجد الأجانب قل كثيرا خلال اليوم وأمس، ودلل على ذلك بقلة تواجد السيارات المكتوب على لوحاتها "جمرك طابا"..
وعن الأوضاع بعد الحادث يقول أن البلد مغلقة الآن على من فيها، وكل من حاول الخروج عاد من جديد نظرا للزحام الشديد على مداخل ومخارج المدينة.. ويتوقع أن يظل الحال على ما هو عليه لمدة يومين..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
وسأفترض هنا أن من قام بهذا العمل هم مسلمون ، فمن الذي أوصل المسلم أن يستبح دم أخيه المسلم ؟؟!!
الجواب هو حسني مبارك وال سعود وغيرهم من الطواغيت ، فلولا خيانتهم لله ورسوله وتنكرهم لامتهم وتحولهم الى أداة طيعة بيد الاعداء ما نشأ هذا التناقض بين القمة والقاعدة وأعني به الشعب والقيادة.
فالمسلم الغيور عندما يرى أخوانه يذبحون في فلسطين ، ويذبحون في العراق ، والنظام العربي عاجز عن الحراك للدفاع عن هؤلاء ولو بشطر كلمة ، ماذا تتوقع منه أن يعمل؟؟
لذلك على كل مستاء من هذا العمل (تفجيرات دهب وغيرها) أن يعلم أن العلة في طواغيت العرب ، وأن ازالتهم شرط في اختفاء هذه الاعمال ،وما دام هؤلاء الطواغيت في سدة الحكم ، فهذه الاعمال ستستمر ، لانها بكل بساطة تعبر عن التناقض الصريح بين هؤلاء الطواغيت وبين الشعوب.
يااخوانى اللى عمل كده فعلا شخص مختل ، ماهو مافيش شخص يروح يموت بشر ويفرتكهم ويخرب بيت البلد ويقطع ارزاقها الا لوكان مختل عقليا فعلا. مافيش سبب فى الدنيا يخللى حد عند عقل يعمل العملة السودة دى. معترض على حكام البلد ، وماله يروح يطلع ديكهم احنا مالنا. زعلان عشان كرامة الاسلام ولا اي كلام من النوع ده، يطلعلى حاجة واحدة فى القرأن بتقول ان اللى يزعل على كرامة المسلمين والاسلام يروح يموت المسلمين. بصراحة ماعنديش كلام تانى اقوله ، ماهو العيب مش عليه العيب على ال **** اللى ماسكين البلد وسايبنها سداح مداح كل اللى عايز يطلع ديكنا ييجى يطلع ديكنا ياولاد ستين **** سيبو البلد بقى خربتوها.
الله يخرب بيوتكم.
7 اكتوبر 2004 ( عشية عيد الغفران عند اليهود ) حادث طابا و نويبع
23 يوليو 2005 ( عشية عيد الثورة عند ال ......... و لا بلاش ) حادث شرم الشيخ
25 ابريل 2006 ( عشية عيد الفصح عند اليهود ) حادث دهب
تواريخ وطنية ام اعياد يهودية ام كلاهما
ارجو الا تصدر الحكومة احد البيانين الاتيين
1- الذي قام بالحادث شخص واحد و هو من ال 4 مليون مختل اللي في بر مصر
2- ان الحادث فردي و ليس له علاقة بحوادث سيناء السابقة
و سلملي ع الشفافية
رسالة اخيرة للاخ محمد السيد الللي ريقه نشف عشان يلاقي توقيع غير لا للتمديد و لا للتوريث و نعم لتغيير الدستور المصري
انا اقترح عليك شعارين لاتنين من رموز العمل الوطني و هما اصلح شعارين للامة حاليا
1- مفيش فايدة ( سعد زغلول )
2- طظ في مصر ( محمد مهدي عاكف )
و اخيرا لابد من الشعر
قد لا نبالي بالرصاص اذا تهاوى حولنا
فانا و انت نفيق اذ ثقب الرصاص رءوسنا
أخيرا حد رد عليا .... إيه الجمال ده بس يا ريس اكرم ......
بس تفتكر ممكن ... ؟؟؟
ممكن يكون مفيش فايده ....
وممكن يكون طظ في مصر ..... ؟؟
بس برضه حتفضل بلدنا ديه ... بالرغم من كل الحرامية ....
وبرضه ....
لا للتمديد ... لا للتوريث ... نعم لتعديل الدستور المصري
mohamedmat@hotmail.com
عوده حميده يا اكرم
السيد أكرم
حبيت أقولك ان محافظ جنوب سينا حب يغيظك وقال فعلاً ان الحادث ده مالوش علاقة بالحادثين السابقين.
ثانياً انا اخترت شعار ما فيش فايدة لاني شايفة انه عيب قوي نقول طظ في مصر واللي يقول كده عليها يبقى ستين طظ فيه.
انت رجعت يا اكرم ....مبروك!!
انا بقي لسه مارجعتش لاني شايف ان الكلام خلاص مابقاش بيجيب همه
وبالنسبة للاخ محمد السيد باحذرك انك تاخد شعاري (مفيش فايدة )لان دي ملكية فكرية يا حبيبي
المهم انا عايز اسال يا تري من الجاني؟سالت ناس كتير وكانت الاجابات كده:
1- ربما يكون احد افراد الجماعات الاسلامية الراديكالية التي تري ان السياحة حرام (وليس هذا موضوعنا الان) وهو احتمال مستبعد لان الداخلية قبضت عي كل بشري له علاقة بالدين في سيناء
2- اليهود وهو احتمال متعلق بنظرية المؤامرة الشهيرة بالطبع فلو ان قطة ماتت في بني سويف لقالوا ان اليهود قتلوها
3- الحكومة !!! بحجة انها تريد تمرير قانون الطوارئ وهو احتمال عجيب بالفعل (سمعته من عدد من الاخوان وغيرهم)
4- جهة اخري غير معلومة وهو احتمال كوميدي لانه ببساطة يعني (ماعرفش مين)
اما رايي انا فاظن ان الحادث ليه علاقة ببدو سيناء الذين تم امتهانهم لاقصي درجة بعد احداث طابا.
وسلام
مفيش فايدة
Dabdoob
الى الاخ دبدوب اذا فرضنا ان الحكومه ليست لها يد فعليها ان تقدم لنا نتائج التحقيق ولا تلجاء لاجبار الف مواطن على الاعتراف تحت التعذيب وعلينا ان نختار من بينهم واحد ونقول هو اللى عملها ونقتل كام واحد ونقول اعوانه. احتمال الموساد يبقى قائما خاصه انه من الواضح ان لدى الاسرائيليين معلومات اكثر من امن الدوله والمخابرات المصريه بدليل ان اسرائيل حذرت رعاياها من السفر الى سيناء فى الاعياد. وربما تكون هذه المعلومات متوفره لدى الداخليه ولكن الداخليه مشغوله اكثر بالقضاه والتوريث مش مهم اى حاجه تانيه وطظ فى مصر "شوفتى يا فاطمه مين اللى بينفذ ال طظ " اما عن موضوع البدو فهو احتمال قائم بشده ولكن اذا فرض وكان بعضهم متورط فعلا هل سيكونون هم المخطئون ام الداخليه هى التى جعلت منهم مجرمين. من يتحمل المسئوليه. ارجو من الداخليه اجراء تحقيق يحترم الراى العام ويقنعنا بان الحكومه تعمل لصالح الشعب . واطالب بتغيير وزير الداخليه ومدير المخابرات لفشلهم فى تامين المواطنين واقترح تعيينهم فى وزاره امن الرئاسه لنجاحهم فى تامين الرئيس فقط
هوو كل ميحصل حاجة يكون الراجل المختل ولا جمعات إرهابية ...زطب لية متكنش الحكومة (لية هيه معصومة من الغلط)
ولا عشان بلدها متعملش فيها كدة
يا ناس فتحة عألكو شوية
بلدنا خلاااااااااااااااااص ضاع
مصر دا العادى بتعةا وسلملى على كفاية
انتى في دمى حضن بيهونلي همى
كل الاخوة المصريين يسمون التفجيرات الي تصير بمصر ارهاب و الي اتصير ب العراق مقاومة وبيشجعوا عليهه وخاصة مسولينهم اعرفوا الارهاب ومين يستهدف الارهاب و الي اصير بمصر و العراق و الاردن و السعودية هوة ارهاب الاسلام اليهوديلانهم تركوا اليهود يذهبون وفجروا
انا عايزة حد يصحينى من النوم انا فى كابوس انا مش عارفة هما يدونا اجازة ننزل فيها بعد كدة يضربونا محدش لاحظ انى تفجيرات شرم الشيخ كانت فى يوليو يعنى فى شهر الثورة اللى قام بيها عبد الناصر وتفجيرات دهب فى عيد تحرير سيناء يبقى اللى عاملها اللى حبسنا دمهم فى اكتوبر "اسرائيل" الناس اللى عملت كدة وفكرة انى دة علشان ربنا ولا علشان الرسول ولا علشان فلسطين يبقى حمار كبير لان الرسول قال لصحابة لا تدخلو مدينة ليلا حتى لا تفزعوا أطفالها ونسائهاوشيوخها لا تقتلوا طفل,امراة,شيخ واللى عاملوا كدة نفذوا اللى قالوا الرسول بالحرف الواحد ولن يبقى إلا مقولة سعد زغلول ما فيش فايدة وحسبى الله ونعم الوكيل
اولا واكيد بسجل سعادتنا بعوده اكرم
و بصو يا جماعه سواء اليهود(نظريه المؤامره)او بدو سيناء او المختلين عقليا او الجن الازرق هو طلب
عايزين تمن الدم المصرى بقى
هو بقى ارخص دم على وجه الارض صحيح
بس كمان يبقى ببلاش خالص
ده حتى يبقى حرام
لاشك ان الفكر المتخلف التى تحول نشره جماعة الاخون له اكبر الاثر فى تشجاع الشباب على القيام بهذة العمليه الارهابية
فلا يخلو شارع من شوراع مصر من ملصقه تتحدث عما اسمه هم باعداء الله لهذاء وجب على الحكومة ايقف هذه المهزلة
اللهم احمى مصر من الاخوان وانفلونز الطيور
انا خلاص يارجالة زهقت من الطوارىء ومن البطالة ومن الدش ومن النت ومن الريس ومن ابنة ومن البد اللى من غير بلد ومن الزمان الى ملناش فية مكان ومن الحظ اللى رمانا ف مبارك اخوكم الفقير للة mohamed fares
عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ديننا
اكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص
احمد فؤاد نجم
مافيش غيرهم اليهودالي عملوها
ولا عندكم راي تاني؟؟؟
بلاش نضحك عبعض اديهم بيلعبو بينا ويحركونا زي ماهم عايزين واكيد هيحطوها بالمسلمين ويقولوا عنا ارهابيين
ربنا هينتقم منهم فيوم
يااااااااااارب
الحكومه المصريه مش قادره تقول ان اليهود هم اللى عملوا كده بس قادره تضرب القضاه وتهنهم وقادره تحكم الشعب بقانون الطوارئ وقادره تنهب الشعب بصراحه احنا بيحكمنا عصابه منظمه
لازم تسدء ياريس ان وراء العمليات دى اسرائيل بقلة بلمليان لازم تسدء اصحة فؤ يمسلمين اصحو اتقو اللة
والله انتو اللى بتدحكو على نفسكم يا مسلمين انا زيكم بردو مسلم بس الحكايه ان احنا مش عوزين نسدق ان الاسلام بيدعونا للئرهاب واؤكد كلامى ب ارهبوهم التى وردت فى نص قرئانى وانتو مش عوزين تسدقو لا بس سدقو احنا اللى بنبوظ نفسينا بنفسينا
طيب وعمليات الكنيسه بتاعت الاسكندريه دى بردو اسرئيل ولا مجنون زى ما قالو هه اكيد ارهابى بردوبس كان حالق دقنو علشان ميعرفهوش ههههههههههههه