من أمام كوافير حريمي!
أن يسكن شاب أمام كوافير حريمي .. فهناك بالطبع انطباعات مختلفة عن هذا المكان الذي يرفع شعار "الرجال يمتنعون" .. ورغم أني بالطبع لم ولن أدخل إليه، إلا أن هناك مشاهد تلتقطها العين من باب الفضول الذكوري بمجرد الخروج إلى البلكونة (اللي في الأول علوي) حيث يكون أمامي مباشرة كوافير الأستاذ "حمادة"..
جاء الشاب حمادة ليستأجر المحل المواجه لنا والمغلق منذ سنوات بعيدة، ومع تجهيزه للمحل جاء أخي الأصغر بالبشرى أنه كوافير حريمي .. ليرد أخي الآخر ساخراً: "كواااافير.. قشطة.. أهي دي الجيرة ولا بلاش".. ليرد الأول بنفس اللهجة: "إحنا مش ح نتحرك من البلكونة يا معلم".. بينما يظهر في خيالي مشهد الفنان "أحمد حلمي" في فيلم "السلم والتعبان" وهو بيقول بأعلى صوته فاردا ذراعيه: "يا نسوااااااااااان"!!.
يحجب الكوافير عن الشارع و(عنا) مجرد ستارة تغطي بابه، وهنا كانت البداية.. بمجرد خروج أحدنا نحن الثلاثة إلى البلكونة "تنتفض" بنات حواء بالداخل لو كانت الستارة نصف مغلقة أو ربع مغلقة ليقمن بغلقها بالكامل في قوة وغضب، رغم أننا لا نقصد النظر إلى عالم ما وراء الستارة!.
وإذا انفتحت الستارة بفعل فاعل لدخول أو خروج إحدى البنات، تجد العرايس المصطفة على المقاعد يوجهن إليها الكلام في عنف: "اقفلي الستارة بسرعة"، "حاسبي حاسبي" وترتفع أعين الجميع للنظر إلى البلكونة وبداخل كل واحدة يضرب صوت الكسوف بقوة: "راجل.. راجل".. يعني إنتم مكسوفين مننا ومش مكسوفين من الأخ حمادة؟!.
بعد أسابيع قليلة تغيرت الستارة وحل محلها باب خشبي، اعتقدت أن حمادة يخشى على "زبونات" الكوافير المكسوفات من شباب البلكونة، ولكن خاب ظني بعد أيام عندما قام حمادة بتركيب تكييف داخل المحل وبالطبع كان تركيب الباب لأجل إحكام الهواء (ولا رأيكوا إيه؟).
اكتسب حمادة شهرة كبيرة في أسابيع قليلة (طبعا معرفش ليه)، ومع هذه الشهرة بدأت ألاحظ بعض المشاهد عنده .. ح احكيها لكم:
- منذ الصباح الباكر (خاصة يوم الخميس والجمعة) تقف كل عروسة ومعها أختها وابنة خالتها وابنة عمتها وابنة خالها وابنة عمها وجمع من صديقاتها وأقاربها وجاراتها أمام المحل في انتظار قدوم حمادة أو البنت اللي بتشتغل عنده، وحتى قدومه يكون الرصيف أمام المحل أو أسفل بلكونتنا هما المكان المفضل إليهم جميعا.. ولست بحاجة إلى أن أشير إلى كم الضحكات والرغي واللت والعجن الصادرة من هذه الجموع الغفيرة!.
- في مرة لقيت البنت "شيماء" جارتنا وهي في أولى ثانوي داخله عند جارنا الآخر حمادة، قلت يمكن داخله لعروسة قريبتها ولا حاجة.. بعد شوية كنت طالع البلكونة لقيت "المفعوصة" شيماء خارجة من الكوافير هي وكام واحدة من أصحابها بمكياج كامل وهما فكين الضفاير وكويين شعرهم و"الذي منه".. طيب حد يقولي بنات لسه عمرهم 15 سنة رايحين الكوافير ليه؟، رغم أنه زمان البنت كانت بتروح الكوافير بس يوم جوازها!.
- ابن خالتنا (وهو صايع حبتين) جه يزورنا وطبعا الكوافير شد انتباهه.. "يا بختكوا يا ولاد اللذين.. قاعدين للسقطة واللقطة.. وطبعا الجيبونة لما بتترفع كل شيء بينكشفن ويبان"، الصراحة مكنتش واخد بالي من حكاية الجيبونة اللي بتترفع دي لما العروسة بتركب عربيتها، عدت لحظات وخرجت عروسة وزي ما قال: "كل شيء انكشفن وبان".. طبعا ابن خالتنا عجبه المشهد خصوصا أن العريس نام ع الفستان وجريت صحبات العروسة يلحقوها.. لكني كنت في نص هدومي لما "سقطت العباءة".. قصدي "ارتفعت الجيبونة"!.
- بينما تشدو أم كلثوم بأغنية "يا ليلة العيد آنستينا" يكون كوافير حمادة ملئ بـ "الزبونات" من كل الأعمار والأشكال والمستويات، فهذا هو الحال في ليلة العيد الصغير والكبير ورأس السنة.. وأشفق على حمادة لأنه يعمل حتى ساعات الصباح الأولى .. يالا ربنا يقويه!.
أصبحت جلسة أمي المفضلة هي البلكونة في المساء لمشاهدة لحظة خروج العرائس والاحتفالات التي تصاحب ذلك، ثم امتد بها الأمر إلى زملاء العرائس الواقفات أمام الكوافير لتختار من بينهن عرائس لنا، ولأني أنا كبير أخوتي كان لي النصيب الأكبر من النداء بين حين وآخر "تعالى شوف البنت دي" تعقبها بسؤال: "إيه رأيك؟".
في مرة خرجت إلى البلكونة بناء على نداء أمي، كانت فتاة تقف أمام الكوافير.. ولكن ظهرها إليّ وعلى بعد أمتار قليلة يقف عريس كانت بصحبته.. ركزت قليلا معها فأنا أشعر أنني أعرفها.. لم يقطع تركيزي سوى أن العريس يشير إلىّ من مكانه "إزيك يا باشاااا".. ايه ده .. ده الواد "أحمد" زميلي في ثانوي بيتجوز.. "ألف مبروك يا أحمد".. قلتها وأنا أرد تحيته بعد أن لاحظ انشغالي بالفتاة التي كانت معه والتي لم تكن سوى شقيقته.. "يا دي الكسوف.. أدخل أحسن شكلي وحش".
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
يا ريت تكتروا من المواضيع اللي الناس بتتكلم عن تجربتها الشخصية
هههههههههههه
فكرتنى يابنى لما كنت فى مرة عند الكوافير وخرجت وانا مكسوووووووووووف ة اخر حاجة لأن فعلا كان أدامنا محلات والناس كلها فاتحة وواقفين يبصوا على اللى داخل واللى خارج
موضوعك جميل ولذيذ ويتاكل أكل
اه نسيت … اهم حاجة بقى اوعى عروستك يوم فرحها تلبس جيبونة انت اكتر واحد عارف خطر الجيبونة . وابقى سلملى على ابن خالتك .
لا حول ولا قوة الا بالله .
ومش تشغل بالك كل دى حاجات بتحصل وهتحصل ولا مفر
انا على العموم بضايق جدا من النساء اللى بتروح كوافير وفيه رجاله
هما الستات ماتوا
وكمان حماده مين هو من عليتنا عشان ادخل عندوا
يعنى يابنات مفيش كوافير حريمى ابدا سبحان الله
وبالنسبه لجيبونه ممكن جدا العروس توقف بنات حوليها
وطبعا اى فرح مش بيخلى من البنات
لكن الاخ حماده بتاع الكوافير بيبقى عارف انه هو اللى هيعملك مش قاعد يضحك عليك زى الحيوان فالموضوع مش موضوع راجل وحماده
ثانيا انت ضد الكوافير وان البنات بيرحوه يعنى الوالده مش بتروح ولا اقولك خالى مراتك تبقى قعده جنبك زى اخوك وشعرها منكوش مترين ومش متساوى وحالته صعبه
ثالثا بالنسبه للجيبونه انت ضدها دى بنت بتحلم باليوم اللى هتلبس فيه فستان زى سندريلا انت عايز تقتل حلمها ليه _الغلط على الحيوان اللى بيقف عشان يبص عليها _
كان ممكن موضوعك يبقى الطف شويه لو جه فى شكل نصائح
انا عايزه اعرف ماتكسفتش وانت بتقول كل شىء انكشف وبان
هل انت تعتقد ان البنت اللى الجيبونه بتترفع منها بيكون قصدها ولا هيا بتكون عارفه ان واحد زى سيادتك انت وابن خالتها مستنى حاجه زى كده
يااخى واذا بليتم فاستتروا عملت ذنب اسكت واستغفر ربنا
انما عامله تجربه شخصيه وعامله موضوع وكاتبه وفرحان بيه اوى
ربنا يشفيك
انا مش عايزه اقول كلام زياده فى الموضوع بصراحه لان الاخت بسنت و prenciss كفوا ووفوا
وربنا يهديك انت واخواتك وابن خالتك
واستغربت جدا من انبهارك الفظييييييييييي يع بالكوافير
واستغربت اكتر من تعليقات الاخ ابن خالتك اللى ((صايع حبتين))
وازاى اساسا تفضل مركز مع الجيبونه والببرونه انت شخصيه تعبانه
لوحطيت ف دماغك ان الاخت صاحبت الجيبونه اختك استحاله كنت تعمل كده انت خلاص بئى خلصت شغل وصلاه وقريت القراءن وقاعد تتسلى ف البلكونه
ازاى هتتفتح بيت بالدماغ الهايفه دى؟؟؟؟
ونصيحه منى لحضرتك يوم ماتتجوز متوديش الهانم بتاعت ساعتك للكوافير احسن يكون ف ناس زيك كده بيتفرجو عليها
وخليها قعده جبك ف الكوشه وهى منكوشه وبعماصها وطبعا بالبيجامه حضرتك طبعا عارف اخطار الجيبونه
وبعد الجواز ولاتوديها تعمل شعرها ولا حاجه تانيه وتبقى جنبك
زى الراجل ومش هاقولك ناقصها شنب هى فعلا هتبقى بيه
ما انت لوتتقى ربنا متبصش ع البنات وتعرف ان كل بصه بذنب زنا ربنا يهديك ويرحمك
كل كلام البيه المحترم انه مركز جوا المحل وبيبص ع البنات اللى جوه وع حماده دى بقى عادى ومن الواقع المصرى؟؟؟
ولما يبص ع البنت الى خارجه من الكوافير يوم فرحها وطالعه لعريسها وهو مركز مع الجيبونه اللى اترفعت
دى بردو خارجه عشان تجذب عيون الشباب
قبل ماتحاسب الاب والام انهم بيسمحو لبناتهم بكده حاسبو انتو انفسكو ع تصرفاتكم الزباله اللى بتعملوها مع بنات الناس
واذا كنت حضرتك مستغرب انهم مش مكسوفين من حماده ومكسوفين منك حماده ده شغله
لكن انت شغلتك ايه غير البص ع البنات ودقق ع كل حته ف جسمهم وتفصصهم من صوابع رجليهم لحد راسهم
لا وفرحان بنفسك وجاى تحكى بلاويك وعقدك المريضه انت وابن خالتك الشملول
انا هازود اللى الكلام اللى قالته (أختك فى الله) انه الاب اللى بيدفع فلوس لبنته عشان تظهر زينتها و يسمح للراجل الكوافير انه يحط ايده على شعر و وش بنته هو كمان مذنب و الام اللى بتشجع ابنها و مربياه على انه مش عيب انه يبص على البنات و يمتع بصره هى كمان مشاركة فى الذنب.
اية دا بعد كل دا طلع الش
بجد ربنا يهدى
وصراحه استخسرت الوقت اللى قريت فيه الكلام ده
ايه الهدف او الرساله اللى عايز توصلها للناس
بلاش تسكنوا امام كوافير حريمى
ربنا يهدينا جميعا
لو كل واحد دور أنه ما يسكنش امام كوافير حريمى .. البلد كلها ح تبات في الشارع ههههههههههههههه ه
و عملت ايه بعد كده بعد ما اكتشفت ان دى كانت اخت العريس ؟؟؟
كلمت صاحبك مثلا ؟
معلش اصل الفضول بيدفعنى لسؤالك
شباب مريض والله … ماعدش في رجولة ولا خوف على بنات الناس حاجة تقرف …
بجد خص على كدة وعليكوا كلكوا يا شباب مصر !!
والله ماعارفة أقول ايه ولا ايه شباب مريض بجد طيب و مضيع وقتك ليه يا استاذ ياللي كاتب التوبيك ؟؟ مش خايف لا تفوتك حاجة برة وانت قاعد كدة تكتبلنا المواقف والطرائف دي !!! ولا تلاقيك ناقل حياتك كلها في البلكونة أصلا !!!
وبعدين نازل تريقة على بنات الناس !!! فيها ايه بنوتة صغيرة 15 سنة داخلة تعمل شعرها عند الكوافير؟!! ماهي ممكن تكون عندها مناسبة ولا رايحة فرح ولا أي حاجة على طول كدة ترجمت تصرفها بطريقة زبالة و تقول "طيب حد يقولي بنات لسه عمرهم 15 سنة رايحين الكوافير ليه؟" سؤال غ*** غريب مارودش عليه !!
ماهو أمثالك والله هم أكيد اللي كانوا السبب فب ان "حمادة" يحط باب بعد ماكان ستارة عالمحل ..
والله مهما عملوا .. حتى لو كل البنات لبسوا خيم .. انتو أصلا عالم تعبانة في مخكوا ومريضى .. تفاهة و دماغ فاضية ماشوفتش كدة .. استفادنا ايه احنا من شوية الهبل دة !!!!!!!!!!!!!!
انا كده اطمنت على مستقبل مصر
انت ما سمعتش عن حاجه كده اسمها "غض البصر"
يا اخى اتقى ربنا ..
و بعدين ماهو بردو الرجاله بيروحو يعملو حاجات بس مافيش حد بيبص عليهم كده ..
و لو المدام بتاعتك ان شاء الله ماراحتش كوافير انت هتكره نفسك .. ربنا يرزقك بأه بواحده جايه من الغابه منكوشه كده عشان حتى ماحدش يبص عليها من البلاكونات ,, لا كمان يحدفوها بالطوب لما تمشى فى الشارع .
bs ana 7seet enk bttry2 shya
wmnfsn shwyten
وصريح يعنى حضرتك مخبتش اللى الشباب او حضرتك بيعملوه
بس فعلا كان ممكن فى الاخر تقول ان ده غلط وان يعنى يبقى فى غض بصر
يعنى التوبيك ميكونش مجرد سرد احداش بس
وبالامانة اللي بتشوفوه بره ميجيش ربع اللي بيحصل جوه
من حواديت وكلام وافعال وسجاير وكل حاجه
وبالنسبة لان البنات بتتكسف منكم مش من حماده الكوافير ده لان ببساطة انا لو روحت عند كوافير وشاف شعري مره او شافني لابسه سواريه عريان هتكسف مره وبعد كده هتعود عليه ومش هيجي في بالي انه راجل هحس انه ست ماهو متعود يشوفني كده وانا متعوده انه يشوفني كده ويشوف كل البنات
وعموما الكوافير والترزي والدكتور حتي لو اعجبوا بواحده مش بيبينوا
عشان شغلانتهم كده
وانا اسفه طولت عليك بس يارب اكون مش تقيلة الدم
وميرسي جامد ع الموضوع
"قبل ماتحاسب الاب والام انهم بيسمحو لبناتهم بكده حاسبو انتو انفسكو ع تصرفاتكم الزباله اللى بتعملوها مع بنات الناس"
خطـــأ يا بسنـــــت … كفـــــــى بالمـــــــرء إثمًـــــــا أن يُضيــــع من يعـــــــول
قال الله تبارك و تعالى .. قوا أنفسكم و أهليكم نــــــارًا وقودهـــا النـــاس و الحجـــارة عليها ملائكـــة غــلاظ شـــداد لا يعصـــون الله مــا أمرهــم و يفعــلون ما يــؤمرون ..
الأب و الام مسئوليـــــن مسئوليــــــة كامـــلة عن تربيــة الأبنـــاء و لــو الأب عارف ان بنته رايحــة " لحمادة " و مأنكرش عليها يبقى ابوها ده ما قال عنه صلى الله عليه و سلم " الديـــــــوث " وهو اللي يستحـــل الفاحشــــة على أهـــــــل بيتــــه
و هـــو من الثــلاثة الذيــن لا يدخلـــــون الجنـــــــة . . .
واذا كنت حضرتك مستغرب انهم مش مكسوفين من حماده ومكسوفين منك حماده ده شغله"
زى ما قولت لـ bent vip عدم حياءهم من حمـــادة ده اسمه " إلـــــف المعصيـــة " من التعود على فعـــل الحــرام ضـــاع الحيــــاء و إن ضاع حيـــــاؤك ضـــــــاع إيمـــانك
و مهنــة " حمادة " لا ترضي الله و لا ترضي رسـوله و مكسبـــه حـــرام و بالتالي مأكله و مشربه حـــــــرام و كما قال صلى الله عليه و سلم " كـــل لحـــــم نبت من حرام فالنـــــــار أولى بـــــــه
" ولما يبص ع البنت الى خارجه من الكوافير يوم فرحها وطالعه لعريسها "
حبيبتي في الله . . .
لو العريس راجــل غيور على زوجتـــه ميوديهاش لراجــل يزني بيهـــا .. مستغربة من كلمة يزني بيها؟ قال رسول الله صلى الله عليه و سلم … العين تزني و زناها النظر و اليد تزني و زناها اللمـــس و الأذن تزني و زناهـا السمع و اللسان يزني و زناه الكــلام و القدم تزني و زناها المشي و القلب يتمنى و يشتهي و الفــرج يصدق ذلك كله أو يكذبه
يعنى لما البنت تروح لكوافير " راجـل " يحط ايده على شعرها او على وشها مش هيتكتب فى صحيفته انه عملها شعرها لا هيتكتب انه زنا بايده و زنا بعينه لما بص عليها و لما اتكلم معاها و هزر معاها هيتكتب انه زنا بلسانه
و تذكري أن اللســـان مغرفــــــة القلــــــب .. أي ان اللســـان يغرف ما في قلبك .. فإن كان كلام حسن يرضى الله فقلبك سليـــم و العكس صحيح
و إن إستقام قلبـــك استقيمت جميع جوارحك و سلمت و الدليل قول النبي صلى الله عليه و سلم ..
ألا أن فــي الجســـد مضغــــة إن صلحـــت صلــح الجســــد كلـــه و إن فســــدت فســــــد الجســــد كلـــه إلا و هـــي القلــــــــب .
قال صلى الله عليه و سلم .. إن العبد ليتكلم بالكلمـــة مــن رضوان الله لا يلقى لها بالا يرفعــه الله بها درجات و " أن العبد ليتكلم بالكلمة من سخــط الله لا يلقى لها بالا يهوي بها فى نار جهنـم"
تفتكــري الكلام اللى كتبه " محمد " كلام في رضى الله أم في سخطه ؟
كل كلمة بتكتبيها يا " رشروش " أو بتقوليهـا هتتحاسبي عليها حتى لو تقصدي بيها هزار أحاديث النبي وحي من الله عز وجل لكنها بلسان النبي صلى الله عليه و سلن و إن كنتي مؤمنة بالله و رسوله فلابـد لكِ من تصديق قول الله و قول النبي صلى الله عليه و سلم
و قـال النبي صلى الله عليه و سلم
لا يستقيم إيمان عبد حتى يستقيم قلبه ولايستقيم قلبه حتى يستقيم لسانه.. وسئل النبي عن أكثر ما يدخل النار وفقال الفــــم والفـــرج
(( وبالنسبة لان البنات بتتكسف منكم مش من حماده الكوافير ده لان ببساطة انا لو روحت عند كوافير وشاف شعري مره او شافني لابسه سواريه عريان هتكسف مره وبعد كده هتعود عليه ومش هيجي في بالي انه راجل هحس انه ست ماهو متعود يشوفني كده وانا متعوده انه يشوفني كده ويشوف كل البنات))
ده إسمــــه إلـــــــف المعصيـــــــة يا BENT VIP من تعودك على إنك تظهري عارية قدام حمادة و غيره ضــاع منك الحيــــاء .. قال الرسول صلى الله عليه و سلم الحيــــــاء و الإيمــــان قرنـــــــاء جميعًــــــا إذا رُفـــــــع احدهما رُفـــــــع الآخـــــــــر ..
يعني ببساطـــة لــــو ضــــاع منـــك الحيـــــــاء ( وهو تعودك على المعصية) ضــاع إيمـــــــانك
قال صلى الله عليه و سلم .. الإيمــــان بضـــع و ستون شعبة و في رواية بضع و سبعون شعبـــة و الحيـــــــــــ ـــاء شعبــــة من الإيمـــــــان .. لم يذكر النبي صلى الله عليه و سلم البضع و ستون او و سبعون شعبة و ذكـــر شعبـــة واحــــدة فقــــط و هـــــي الحيــــــــاء لأنكِ إذا أتيتِ بالحيــــــاء أتيتِ بباقـــي شعـــب الإيمــــان
لأ بجد يا محمد موضوع هايل وضحكتني جدا ومكونتش اتوقع ان الشباب والرجاله عندهم الفضول ده للكوافيرات
وبالامانة اللي بتشوفوه بره ميجيش ربع اللي بيحصل جوه
من حواديت وكلام وافعال وسجاير وكل حاجه
وبالنسبة لان البنات بتتكسف منكم مش من حماده الكوافير ده لان ببساطة انا لو روحت عند كوافير وشاف شعري مره او شافني لابسه سواريه عريان هتكسف مره وبعد كده هتعود عليه ومش هيجي في بالي انه راجل هحس انه ست ماهو متعود يشوفني كده وانا متعوده انه يشوفني كده ويشوف كل البنات
وعموما الكوافير والترزي والدكتور حتي لو اعجبوا بواحده مش بيبينوا
عشان شغلانتهم كده
وانا اسفه طولت عليك بس يارب اكون مش تقيلة الدم
وميرسي جامد ع الموضوع
———————————————————————————————————————————-ههههههههههههههه ههههههههههههههه ههههههههههههههه ههههههههههههههه ههههههههههههههه ههههههههههههههه ههههههههههههههه ههههههههههههههه ههههههههههههههه هههه