حضرتها بتسوق.. "الهَبل"!
نهار شهر رمضان.. أعلى كوبري 6 أكتوبر بالقاهرة.. الحارة اليسرى من الطريق، كانت تسير أمامي إحدى السيارات بمنتهى البطء أقرب في سرعتها إلى السلحفاة، ورغم كافة توسلاتي مستخدما آلة التنبيه لم تتحرك السيارة شبرا واحدا لتفتح لي الطريق..
في البداية، ظننت أن بها عطلا، وبعد أن تفاديتها كانت بداخلي رغبة شديدة في معرفة سبب هذا البطء، فوجهت نظري إلى السائق فوجدتها فتاة في العشرينيات من عمرها تتحدث في الموبيل ومنهمكة في الضحك غير مبالية بما يحدث من حولها.. وقتها فقط أتحرق دمي بسبب استهتارها وبرود أعصابها، وأنها لا تسوق سيارة إنما بتسوق "الهَبل".. ولأول مرة أخرج رأسي من الشباك وأسب فتاه!.
في نفس اليوم ذهبت للجلوس مع مجموعة من أصدقائي في المقهى، ورويت لهم ما حدث، فانهالت عليّ العديد من القصص والحواديت حدثت لكل منهم بسبب قيادة النساء والفتيات للسيارات.. وخد عندك:
- كان صديقي "أحمد" يسير بسيارته في شارع ذي اتجاهين، ووجد في الطريق المعاكس سيارة قادمة، فوقف على جانب الطريق ليدعها تمر بسلام، إلا أنه فوجئ بقائدة السيارة تطلب منه العودة بسيارته مسافة الشارع بأكمله، لمجرد أنها تخشى على سيارتها من التجريح، حاول إقناعها عشرات المرات أن الطريق واسع ويمكنها العبور، حتى طلب منها أن تتركه يقود سيارتها ليمر بها من هذه المنطقة، إلا أنها رفضت وأوقفت المحرك ونزلت في الشارع.. ولم تنته هذه الأزمة إلا بعد أن نزل جميع قائدي السيارات وتوسلوا إليها أن تحرك سيارتها لتدعهم يمروا.. وبالفعل مرت من نفس المكان بسلام.. طيب ما كان من الأول!.
- وقفت سيدة بجانب سيارتها في الطريق وظلت تلوح بيديها لسائقي السيارات تطلب منهم المساعدة، حتى وقف لها صديقي "أشرف" فسألها ما الأمر، فردت عليه: "السيارة لا تتحرك"، وبعد أن تفحص الموتور وعجلة القيادة فوجئ بأن السيدة نسيت أن تضع المفتاح لإدارة السيارة!!.
- أما صديقي "محمود" فأخته الصغرى دمرت السيارة الجديدة التي اشتراها لهم والدهم، فمن كل جانب تجد بها "خبطات"، حيث تستخدمها في الذهاب إلى الجامعة، وبعد انتهاء المحاضرات لا مانع من اصطحاب زميلاتها في نزهة بالسيارة في الشوارع، وتكون نتيجة هذا الأمر أن تكون السيارة مليئة بالأوراق والمناديل وأكياس الطعام.. يعني من الآخر "صندوق قمامة"!..
- "أسامة" صديقي يشتكي دائما أن أخته تتعامل مع السيارة بعنف شديد، فهي تضغط على كل شيء بقوة، سواء البنزين أو الفرامل، أما مقابض الزجاج والباب فمعظمها مكسور، وفي أخر مرة ذهب لإصلاحها، قال له الميكانيكي: "أكيد اللي بيسوق العربية دي مش بني آدم"!.
انتهت جلستنا في المقهى.. وخرجنا جميعا بقاعدة "أن السيدات من الأفضل لهن عدم قيادة السيارات والاكتفاء بركوب التاكسي الخاص".. بالطبع ليست كل النساء عشان ما حدش يفهمني غلط!.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
وحضرتك كل يوم خانقنا ومأخرنا ومعطل الباص وعلي طول مقضيين حياتنا عالمحور بسببك
الستااااااااااا ااااااااااااااا ااااااااااااااا ااات اوسخ حاجة في الكون
أما لسواقة الستات .. فأظن انها بتخاف شوية بس مش لدرجة البلاوي اللي الرجالة بيعملوها يعني ..اطلع ع المحور و الدائري هتلاقي 98% من الحوادث سببها غباء الرجالة في السواقة
و دا راي كل الستات اللي بيسوقو
بس مش غلطتهم غلطة اللي بيجبلهم الرخصه و يسبهم يتعلمو على الناس
صحيح ماما فكرت انها تجيب عربيه جديده لنفسها و طبعا كلنا قفشنا عليها عشان ده خراب بيوت
يعنى الستات اللي بيسوقو فية منهم بيسوق حلو وفية منهم بيسوق وحش
ونفس النظام عند الرجالة
فى منهم بيسوق كويس وفي منهم عندهم حالة
اللي يفقع مرارتك بقى سواقين التاكسي اللى دايما يقولو فى الطريق السواقة دي مش ليكو
خلى اخوكى يسوق بدالك ولا ابوكى ولا جوزك واقعدى انتى فى البيت
بجد يفقعو المرارة
وايه رايك في اللي شامم في عز الضهر ويخبط العربية من ورا وانا باعدي تقاطع و لما اكلمة يقولي انا معملتش حاجة
و التاكسجي اللي مبيحترمش اي حد ولا اي حاجة ويكسر عليك من اقصى الشمال لاقصى اليمين عشان عينية لمحت زبون؟
وايه رايك كمان في الواد الروش اللي يعمل نفسة هياخد غرزة محصلتش في تاريخ اللي بيسوقوا على وجه الارض من قدامي والنتيجة انه طيرلي وش العربية؟
وايه رايك في الرجاله الي ربنا بينزل عليهم هدوء الأعصاب كله الساعة 9 اصبح والواحد متاخر على الشغل وتلاقي بطة بلدي ماشية قدامك بيسوق على اقل من مهله،ولو عملت كلاكس يشوحلك ويقولك هي الدنيا طارت؟
بلاش ده كله امبارح رايحة شغلى ولازم اعدي علي شارع جانبي الاقى عربية راكنه في نص الشارع وسط عربيتين ولما عملت كلاكسات والشارع كله صحي جة واحد بمنتهى هدوء الاعصاب فتح العربية ورجع بيها لورا
مبنكرش ان فيه ستات كتيرة مستهترة بالسواقة وبتكسل تركز بس بصراحة فيه رجالة تفقع المرارة وتشل
لو بشتغل وشاطره ف شغلها يركبو 60عفريت ويتجنن ويقول ان القران قال علينا ناقصات عقل ودين وبردو القران قال محدش كامل والكمال لله وحده زى ماانتو مش بريمو ف كل حاجه احنا كمان مش بريمو يبقى متتقتصروش السواقه ع الرجاله بس
هما حاسين اننا هنتفوق عليهم او ع الاقل هنبقهم زيهم ف المهااراتيطلعو فينا القطط الفاطسانه دول بهايم دول ملهمش غير ف قعده البيت والرغى ف التليفون سوورى طولت عليكو بس بجد تصرفاتهم تفقع المراره والعين
انا اتعرضت لنفس موقفك بس مش انا لا ماما وكنت راكبه معاها وف شارع مصر والسودان عربيتين زنقو علينا جامد واحنا اتحشرنا فالنص ومثلا بقى المفروض يعدو لا دول وقفوا ورخمو طبعا احنا ضربنا فرامل واحد حيوان منهم بيقولو ليه كده ياعم عديها دى ست يعنى غبيه ولا ليها ف ام السواقه شكل العربيتين مظبتين مع بعض طبعا احنا اتجننا وبطلنا العربيه ووقفنا والاستاذ جاى يبلطج علينا فاكرنا هنكش ونخاف كده
حلفنا مانمشى الا لما يجى البوليس والناس تتحايل وماما ابدا والتانى يعتذر وماما ابداا وانا بقى دقرمه اول ماشتم اتصلت ب بابا وهو عقيد فى الشرطه دققتين وكان قدامنا عربيه محترمه من البوليس وعملنا محضر وطبعا عشان بابا وكده اتظبطو ف القسم وخدو التمااااام
انا ولله الحمد بسوق من اولى اعدادي ولله الحمد ميكانيكية شاطرة وافك الكاوتش ولا الحوجة ليكم انا زي زيك ربنا ممايزكش عني بايدج ولا رجل
اما الشلل بعينه انكم بلطجيه احنا عمر مافي ست تبلطج احنا بنخاف ع عربيتنا زي جزمنا بالضبط لو الجزمة بتعمر في رجل البنت تبقى العربية زيها انا بقى الحمد لله جزمي بتعمر
اوسخ موقف شفته واحد قد والدي الشارع اتجاهين في الدقي وعربيات ركنة انتظرت اللي خارجين وضربت كلاكس ورعشت للجاي علشان ينتظر
البيه راكن واول ماشافني حبك يطلع قلت له لا انا هاعدي ومش هاتحرك قل ادبه قلت له مش نازلة هات البوليس قال الشارع اتجاه واحد انت غلط قلت له البوليس وماتقلش ادبك طابور وقف وحلفت ما امشي الا لما اخد حقي ووقفت العربيه واعلى مافي خلهم يركبوه
نزل اعتذر بعد 20 دقيقة واقفة والناس يهديك يرضيكي انا ماغلطتش وماشتمتش يعتذر افكر ابعد لا والله البوليس ياغجر
اعتذر وركنت ع جنب وعدى رد يامحترمين يبتوع الغرز وقال ايه فالح شوف احصائية حوادث الرجال والنساء
القاعده المهمه حرص من خطا الاخرين حتى لو ماشي صح انتبه مش كل اللي بيسوق بيفهم
^^^^^^^ b3ddd eeeeeeeeh :@ dNta sh7wrtna 5aleSssss
من أعمالكم سلط عليكم
وحضرتك كل يوم خانقنا ومأخرنا ومعطل الباص وعلي طول مقضيين حياتنا عالمحور بسببك
الحته بتاعه الركنه دي اللي واقعيه اوي فعلا عايشاها ولامساها في الحياه اليوميه
أنا بسوق من زمان و كويس بشهادة بعضهم. بتمزج أوى لما ألاقى واحد كده، بتسلى عليه و أطلع عينه لحد ما أعديه. اللى يحترمنى أحترمه غير كده …
اه وهنسوقها بالطريقة الي تعجبنا
أول حاجة سواقه الستات وحشة قوي بس في كمان ستات ممتازين أحسن من الولاد كمان
وال ست بطبيعتها بتخاف وبالنسبة للمستهترة اللي حضرتك قلت عليها قطر خيرها إنها موقفتش على الشمال علشان تتكلم
على الأقَل كانت ماشية
وحصل ل واحد صاحبي في اختبار السواقة إن واحدة دخلت في العربية اللي قدامها فـال ظابط تردها من الاختبار وصاحبي بيستلم الرخصة كانت هيا بتستلم الرخصة
ana bas 3awza 2ol 7aga ana b2aly 4 sanin baso2 we lama bashof ay wa7da batso2 byb2a nafsy anzel adrbha bas mosh nanker en fy banat batso2 kawes sa7e7 mosh kater bas fy we basra7a fy walad batso2 zay ezfet we ya3odo yazn2o 3ala elbnat we 7aga mostfeza bas ay za7ma fy eshar3 btb2a 7aga min 2 ya2ma wa7da btrken aw bat7'rog min za7ma ya2ma ragel 3ando 60 sana 7'an2 anas fy eshare3
this is awesome
يا حماعه الكوسه الي في مرور مصر هي الي مبوظه الدنيا و الله لو كل واحد اخد الرخصه علي حق ربنا واتنحر في الاختبرات ربع الي معاهم عربيات حيركبوا موصلات
i totally agree with you
و ثانيا سبب المشاكل ان في ناس بتغلس على الست و هي سايقه و لو كان راجل ما بتغلسش عليه كده ، و اتذكر مره كانت والدتي تقود سيارتها في طريق اتجاهين و جاء اتوبيس في الإتجاه المقابل و عندما وجد ان قائد السياره إمرأه ..ترك طريقه الصحيح و دخل ف الإتجاه المعاكس عشان يزنق على سيارة والدتي و كانت حركه واضحه وضوح الشمس و ما استفزني اكثر ان البجح يكلمها كلمتين كانها هي المخطئة و مش عارفه تمشي صح
بهدلة العربية دى ليها علاقة بثلاتة حاجات
اولا: صاحب العربية تعبان فى تمنها و لا ايه فاهمنى طبعا
ثانيا: عنده سينس او احساس بميكانيكا العربية اللى راكبها
ثالثا: انه هو شخص بيحافظ على الحاجة و لا مهمل بطبيعته
الموضوع ملوش دعوة براجل و لا ست الموضوع زى ما قالت لبنى بان مين اللى بياخد الرخصة و معظم الستات زى ما قال محمد جلال فعلا في مصر عندهم عيب التردد فى اتخاذ القرار تدخل يمين و لا شمال و عندهم عيب فى تقديرهم للمسافات مش عارفة اذا كانت عربيتها تعدى و لا متجييش و لنفس السبب مبيعرفوش يركنوا قليل فعلا من الستات اللى بتعرف تسوق بجد دى حقيقة بس ارجع و اقول بالرغم ان الستات فيهم العيوب دى كلها معظهم بيدى اشارة و نادر اما بيكسروا على حد و بيحترموا الاشارات يمين و شمال و تعديك لو فى فرصة غير الرجالة معظمهم مبيديش اشارات و بيعمل نفسه مش شايف الاشارة يمين او شمال و يكسر مرة واحدة كان الشارع بتاع اللى خلفوه بدون اى سابق انذار و هو نفسه مبيعديش حد من قدامه حتى لو مدى اشارة و داخل شوية بشوية فالملخص ان الموضوع ملوش دعوة بسواقة الستات انما مين اللى معاه رخصة السواقة و عدى اختبار القيادة و مين اللى بيحترم قواعد المرور لانه فعلا زى ما قالوها القيادة فن و ذوق
بس تصدقوا مكنتش اعرف ان كل الناس اللى عاملة تضرب كلاس العربية ممكن تكون مضايقين من سواقتى وانا فاكرهم معجبين ههههههه
صدقني والله الموضوع مش موضوع ان واحدة قدامك كانت بتتكلم في التليفون وهي سايقة بلا مبالاة .. الموضوع كله بالنسبالك انها واحدة ست اللي سايقة … لو كان راجل اللي قدامك وعمل كدة والله ماكنت استعنيت حتى تكتب توبيك عنه …
بس أقول ايه .. المشكلة عند أي راجل بيسوق هي "فرسته" من ان بقى في بنات كتير بيسوقوا زيه بالظبط … الرجالة دول معقدين والله !!!!!!!!
الموضوع مالوش دعوة براجل أو ست .. في حد بيسوق كويس و حد بيسوق وحش .. في حد تعبان في تمن العربية و خايف عليها وحد بابي ولا مامي جايبله العربية وماشي في الشارع طايح في الناس و كانه نزل من بطن أمه سواق !!!!!!!!!
حسبي الله و نعم الوكيل
شوه صورتنا و تلاقيه ما صادفش غير كام واحدة هما اللي مش بيعرفو يسوقو
معلش يا عيني نظرتو محدودة اوي بس على الفيديوهات اللي عرضها
و بيتكلم بثقة و كأنو شوماخر في زمانو
موضوع السواقة زي ما قالو مالهوش اي علاقة إذا كان اللي بيسوق راجل او ست
الموضوع عبارة عن ممارسة و تعود و تحكم
في بنات ذكية جدا في سواقتها و عندها سرعة بديهة و في ولاد ممكن يغرقو في شبر مية
المهم ربنا يستر على أي شخص لاقدر الله لو حصل حاجة