الحقائق العلمية في العملية الزوجية!
المؤمن لا يلدغ من جحر مرتين..، وكذلك الزوج الناصح لا يريد - بتاتاً- أن يتزوج ثانية، فهو مؤمن أن سبب زواجه حتماً هو الـ« قضاء وقدر»، كما أنه يستغفر الله ألف مرة بعد أن يقول لمن حوله إنه تزوج عن قصة حب ليقينه بأن الملكين المكلفين بكتابة حسناته وسيئاته يضحكان بشدة حينما يسمعان مثل هذا الكلام.
وغالباً الزوجة المصرية، سواء كانت متعلمة أو جاهلة، عبقرية أو غبية، كبيرة أو صغيرة، تخينة أو رفيعة، بأبزيم أو من غير أبزيم تتصف بنفس الصفات، وتتصرف نفس التصرفات التي تؤهلها لدخول عالم الغرائب والعجائب والطرائف، ولو أن أستاذنا د.مصطفي محمود لا يزال يقدم برنامجه الشهير «العلم والإيمان» لخصص لها حلقات وحلقات للحديث عن هذه المعجزة المذهلة المسماة بالزوجة المصرية!!
تتزوج سعادتك لتعيد زوجتك تربيتك من جديد وتكتشف حقائق ونظريات علمية خطيرة نذكر منها علي سبيل الرخامة وليس علي سبيل الحصر :
1- نظرية الشبشب : هناك شبشب للبيت وشبشب للحمام وشبشب لنزول الشارع في المشاوير البسيطة وشبشب آخر للخروج في الصيف فقط.. يعني حياتك شباشب، ويا وقعتك السودا لو لم تلتزم بقاعدة الشبشب « طبعاً ستقول ساعتها انك تستاهل ضرب الشبشب» .
2- نظرية الفوطة : وفيها تفترض الزوجة أنك كائن مقزز تستحق التعقيم أو الحجر الصحي أو ربما الحرق بجاز، وتتعامل معك بالقطعة وليس بالجملة، ويجب من خلال هذه النظرية أن تعرف مثلاً أن فوطة الإيد غير فوطة الوش غير فوطة لامؤاخذة الحموم غير الفوطة اللي بتمسح بيها شعرك يا نيلة إنت «مالهم القرع بس يا ربي»، كما أن الفوطة التي ستنام عليها مهمة لكي تمتص عرقك بدلاً من أن يلوث المخدة العظيمة التي تتشرف بأن زوجتك رضيت ووضعت رأسها عليها!!
3- نظرية الريموت: الريموت كونترول لابد من وجوده علي ترابيزة الأنتريه لكي لا يضيع «علي أساس أن سعادتك ساكن في بيت جحا» ويا ويلك يا سواد ليلك لو فكرت في الإمساك بالريموت كونترول لتقليب القنوات قبل الاستقرار علي شئ مناسب «ما ينفعش تقلب كتير عشان عيني ما توجعنيش»
4- نظرية «المفروض تساعدني» : وهي نظرية غريبة جداً تعتبرك زوجتك من خلالها شماعة لتعليق أخطائها عليك، فإن كان البيت ملخبط ومتدهمل فإنت السبب« ما بتساعدنيش ليه » وإن نط حرامي غسيل ليسرق - لامؤاخذة - بوكسراتك فسعادتك أيضاً السبب «ليس لأنك ترتدي البوكسر بالطبع» لأنك لم تساعدها في نشر الغسيل، وحتي المواعين يجب أن تساعدها في دعكها علي أساس انك «طافح» معاها واللا يعني هي أكلت لوحده.
5- نظرية - لا مؤاخذة- قاعدة الحمام: وهي نظرية فريدة تجعلك تتمني لو كنت تسكن في جبلاية القرود لا لشئ إلا لتغيظ زوجتك بسلوكيات القرد حتي تعرف أنك أهم من 100 قرد، وفي هذه النظرية تتحول زوجتك إلي مفتش مفاجئ أشبه بكمسارية الأتوبيسات الخضراء أم 2 جنيه للتذكرة، وتجدها خرجت لك من حيث لا تدري ولا تعلم بعد أن تنتهي - لامؤاخذة برضه - من قضاء حاجتك، لتردد بلهجة مرعبة: غطيت قاعدة الحمام؟..، ولأنك يا عيني لم تكن منتبهاً للسؤال فستجيب إجابة تراها منطقية: «ما أنا شديت السيفون»، لتجدها بعد ذلك عاملة عبيطة وهي تسألك مرة أخري بلهجة أكثر رعباً: «غطيت قاعدة الحمام»، ولأنك - يا حرام - ستخاف عليها من تحولها خاصة مع كون القمر بدراً ووجهها الذي سيحمل تعبيرات غير آدمية ولا حتي حيوانية فستعود أدراجك بفعل نظرتها السحرية وتغطي قاعدة الحمام، وتتحول حياتك فجأة إلي فيلم رعب خاصة حين ستدرك أن هذا السؤال شأن يخص الزوجة المصرية فقط ولا يحق لك ترديده ولو علي سبيل الدعابة.
أعتقد بعد كل ذلك «وهو قطرة من محيط» أنك عرفت ليه مش عاوز اتجوز.. تاني.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
a3at 2 days mafesh nadafa wala hedom btt3'sel wala sarerr bytwadb wala akl wala 7aga dal3 we bas .gozy m2drsh yst7mel el beet bel shakl d .. homa keda elrgala mahmh 3amlto ya bnat mesh 3agb'
klamk yd7k awi , bs brdo e7na 3ndna 7a2 , asl elragl mnkm 3arf en fi w7da wrah fbeto btndf , 3shan kda bikon 3aiz ykbr dmago 7ta 3n ndafto elsh5sia
وبضم صوتى لصوتك ياسعوديه متزوجه مصري فعلا احسن شئ النظافه ولو حد دخل بيت اى انسان مش نضيف هيقول مراته مش نضيفه مش هو وطبعا هتبقي عيبه فى حقه هو كمان ولا الى كاتب المقال شكله فعلا عايز يعيش فى جبلايه قرووووووووود …هههههههه
لكن لو التزم بالنظافة معتقدش انها هتعمل كدا و بخصوص المشاركة اللى مش عجبة الرجاله العبقرية انت احسن من اشرف الخلق صلى الله عليه و سلم كان بيساعد زوجاته و انشاء الله الراجل المعاصر اشد انشغلا من اشرف الخلق و مغير الامه و سيدنا عمر راضى الله عنه كان شديد فى الحق و معتقدش ان فى دلوقت حد ممكن يبقى حاجة تذكر جنبه و كان بتحمل زوجته فى وقت غضبها.و دا مش محاسب او دكتور دا حاكم دولة اسلامية!!!!!!!! !!!!
مش الموضوع زوجة مصرية و زوج مصرى الموضوع الندية
ههههههه ياعينى مش مدرك انه بيتكلم عن نفسه لانه لو محترم وعنده اخلاق ومبادىء استحالة ياخد واحده بتعمل معاه كده لان فعلا الطيبون للطيبات والخبيثون للخبيثات
انت يابنى ماتتكلمش عن الستات فى مصر بالاسلوب ده
لان فيهم ستات ولدت رجالة فعلا اتسجلوا فى التاريخ ومفيش وجه مقارنة بينك وبينهم
الرجووووووووووو وولة الرجووووووووووو وولة ليتها تعود يوما
يعنى هى الست ملهاش نفس ترتاح وملهاش نفسى حد يقدملها لقمه حلوه زى ما هى بتقدم وبتعمل وبتتطبخ وترتب وتحمى العيال وتغسل هدوم البيه وتحضرله هدوم نظيفه الصبح وهو نازل الشغل
والله احنا مظلومين
الكاتب على فكرة بيشتكي من الطريقة يلي بتتعامل بيها الزوجات مع الازواج مش من النظافة بس العتب عال؟؟؟؟ ماعلينا فيكم وحده قالت الاجانب والسوريين واللبنانيات مهما دول بيعرفوا يدلعو رجالتهم صح مش زيكم جوازكم طفشانه منكم ده انتو بقيتو 9 مليون عانس الله يخرب بيتك يلي في بالي…
هو الموقع ده مش للبنات ماهر ده بيعمل ايه؟؟؟
اللبنانين والاجانب والسووريين مينفعش يتجوزو واحد زيك اصلا
ولوحصل هيشغالوك زى … ويبقى ع قلبك زى العسل ولا انت من النوع الى بيشتغل فالبيت عادى؟؟
متنساش انك مامتك مصريه واختك
وال 9 مليون اللى بقو عوانس اكيد مش بسببهم هما مش لاقين رجااااااااااااا االه فهمت يا اخ ماهر
يالا تحمدوا ربنا وكل ما تشوف بنت انحنى لها ومتنساش اول ماتتجوز تيجى وتغير كلامك .
وانصحك انك تتبع التعليمات والنظريات اللى انت كتبتها عشان تعيش يابنى بدل ماترجع بيتكم بشنطة هدومك
انا شايف بصراحة انك متحامل تحامل كلي على الست المصرية احسن زوجة في الدنيا في رأيي الشخصي
يا اخي واي المشكلة اما يبقى البيت نضيف لدرجة الاهتمام بالتفاصيل اللي انت شايف انها تافهة او صغيرة
العملية كلها في انك تتعود على عمل الحاجة الصح وخلاص
وبمجرد ما تتعود عمرك ما هتسمع اي تعليق على اي حاجة
وموضوع المفروض تساعدني دي حاجة عادية جدا والنبي عليه الصلاة والسلام كان بيخيط ثيابه بنفسه واحنا يعني بنرمي الطبق عالارض ومبنشيلوش
كتر خير كل ست مصرية حمالة أسيه وصابرة وراضية
وفي النهاية اعتب على الست المرية الخلق الضيق والصوت العالي
يعني ممكن توصلي اي رسالة انتي عايزاها في الدنيا بالهدوء والاسلوب الانثوي الناعم اللي يضحك على اي راجل في الدنيا
وربنا يوفق الجميع
بجد ربنا يجازيك كل خير على كلمه الحق الى قولتها
يا اخي واي المشكلة اما يبقى البيت نضيف لدرجة الاهتمام بالتفاصيل اللي انت شايف انها تافهة او صغيرة
العملية كلها في انك تتعود على عمل الحاجة الصح وخلاص
وبمجرد ما تتعود عمرك ما هتسمع اي تعليق على اي حاجة
وموضوع المفروض تساعدني دي حاجة عادية جدا والنبي عليه الصلاة والسلام كان بيخيط ثيابه بنفسه واحنا يعني بنرمي الطبق عالارض ومبنشيلوش
كتر خير كل ست مصرية حمالة أسيه وصابرة وراضية
وفي النهاية اعتب على الست المرية الخلق الضيق والصوت العالي
يعني ممكن توصلي اي رسالة انتي عايزاها في الدنيا بالهدوء والاسلوب الانثوي الناعم اللي يضحك على اي راجل في الدنيا
وربنا يوفق الجميع
بل بالعكس الشباب اليومين دول فى منهم الللى يحب يتعامل على انه سى السيد ومتحكمين جدا ولو حتى هو غلط المهم انها ماتعملش حاجه بعيد عن رأيه وأنه يحب انها تنفذ كلامه وبس
وفى الراجل الحنون ، المتفاهم اللى يحب يشيل مراته جوه عينيه ويحس انه مخلوق عشان يسعدها وبس
الناس أنواع ، والحب دراجات ، والدماغ أفكار ومبادئ
اتمنى من ربنا انك تلاقي بنت الحلال وتتجوز وتعيش مبسوط وبعدين تبقى تضحك على المقال دي وخلاص ,, بكل بساطه الحمد لله انا لسه جديده ف الجواز واتمنى ان جوزي يفضل حنين وميتغيرش ابدا واتمنى انا كمان اقدر احافظ على كل حاجه ف بيتي وكمان لجوزي وطول ما انا حاسه انه بيساعدني من غير ما اقوله وكمان لما اقوله وهو مش مضايق بردو هكون حريصه على راحته, لان ده واجبي زي ما هو واجبه انه يساعدني ,, اومااااااال سموها شركه ليه لان كل اللي فيها بيشتغلو علشان تنجح ومش عيب حد يعمل شغل التاني المهم ان كل واحد مخلص وربنا يبارك ف الحياه اللي فيها تعاون ,, على فكره يا جماعه في اختراع اسمه رامو , دي مكعبات بيتحط في الكومبنيشن مع الميه ومش لازم خالص تغطو الحمام لان ريحته هتكون كويسه ومتعقم كمان, الاهم بلاش النقط اللي بره على القاعده " عدم الامؤاخذه .
وعلى فكره لو انت مش مقتنع بكلامى فاحسنلك متتجوزش و تبهدل بنات الناس معاك…
وفى النهايه ده كون مسيره صاحبه!!!
مع احترامى لكل الموجودين ولكل الرجال وياريت البنات ميزعلوش منى بس بجد مش كل البنات وحشين قوى كدا وبيتعاملوا مع ازواجهم بالطريقه دى انا بجد معترضه على الكلام اللى بيظهر ان البنات مسيطره على جوزها وانه بيكون متجوز الهضبه او وحش الشاشه البنت معروف عنها الحنيه والحب والحنان والعطف اكيد مش فى كل الاوقات احيانا بيكون ضغط الشغل والاولاد والحياه بيخليها تتعامل مع جوزها بطريقه ناشفه شويه بس بعد كدا بتعرف غلطها وبتعتذر …وياريت ان الرجاله متنساش ان اساس وجودهم هيا المراه ويتعاملوا ويكلموا عنها باحترام شويه وميمنعش ان يكون فيه شويه تقدير …وصباح الخير
الله الله عليكي يا catty بجد ربي يحميكي هو ده الكلام الصح و العقلاني
و ده اللى انا قولته و هفضل اقوله
اتمني اشوفلك كومينتات تانية
كل ما في الموضوع ان اللى كتب الموضوع بيناقش و المفروض اننا نستفيد و ناخد الجانب الاجابي عنه
مش كل من هيقول كلمة ولا حاجة هناخدها على نفسنا
في مثل بيقول "اللى على راسه باطحه"
انا شايفة انه موضوع جميل قوي و مش كل الستات كده بس الاغلبية و ان كان ع السورية و لا اللبنانية ولا غيرهم في منهم من نفس النوعية دي
احنا في الاول و الاخر بشر…
و على فكرة يا بسنت هدى شوية من العصبية اللى انتي فيها احنا بنات و من حقنا ندافع و نرحب باي تعليق لاي شاب برضه هم ليهم راي
شكراا لجريدة الدستور و ميرسي لمحمد
وانا بازن الله لما هجوز هجوزه نضيف كده وكويس مش يعزبني بقه
هو الاسلوب بتاع حضرتك(كاتب المقال) ساخر بس محتاج شويةاننا نبص في نص الكوبايه المليان
وهوان الانسان بمعناه ده لازم يعيس في بيئه نضيفه وكويسه ومش هقوول يبقي زي الحيوانات سوري يعني لان الحيوانات بتعرف النظام عننا كتيير
انا عاجبنب الطريق اللي تناول بيها الموضوع .. اكيد مش موافقه علي الكلام ده .. بس فعلا الرجاله فوضويين ومش عيب يتعلم الصح والنظافه مش وحشه
اقتباس ماهر:
الكاتب على فكرة بيشتكي من الطريقة يلي بتتعامل بيها الزوجات مع الازواج مش من النظافة بس العتب عال؟؟؟؟ ماعلينا فيكم وحده قالت الاجانب والسوريين واللبنانيات مهما دول بيعرفوا يدلعو رجالتهم صح مش زيكم جوازكم طفشانه منكم ده انتو بقيتو 9 مليون عانس الله يخرب بيتك يلي في بالي…
هو الموقع ده مش للبنات ماهر ده بيعمل ايه؟؟؟
اللبنانين والاجانب والسووريين مينفعش يتجوزو واحد مصرى اصلا
ولوحصل هيشغالوكوا زى … ويبقى ع قلبكو زى العسل ولا انتو من النوع الى بيشتغل فالبيت عادى؟؟
متنساش انك مامتك مصريه واختك
وال 9 مليون اللى بقو عوانس اكيد مش بسببهم هما مش لاقين رجااااااااااااا االه فهمت يا اخ ماهر
اقتباس ماهر:
الكاتب على فكرة بيشتكي من الطريقة يلي بتتعامل بيها الزوجات مع الازواج مش من النظافة بس العتب عال؟؟؟؟ ماعلينا فيكم وحده قالت الاجانب والسوريين واللبنانيات مهما دول بيعرفوا يدلعو رجالتهم صح مش زيكم جوازكم طفشانه منكم ده انتو بقيتو 9 مليون عانس الله يخرب بيتك يلي في بالي…
هو الموقع ده مش للبنات ماهر ده بيعمل ايه؟؟؟
اللبنانين والاجانب والسووريين مينفعش يتجوزو واحد مصرى اصلا
ولوحصل هيشغالوكوا زى … ويبقى ع قلبكو زى العسل ولا انتو من النوع الى بيشتغل فالبيت عادى؟؟
متنساش انك مامتك مصريه واختك
وال 9 مليون اللى بقو عوانس اكيد مش بسببهم هما مش لاقين رجااااااااااااا االه فهمت يا اخ ماهر
اولا مامتي مش مصريه ثانيا لما تتكلمي مع حد حاولي تحترميه (ماهر ده) ثالثا كل البنات العرب بيموتو في الشباب المصري رابعا مين قالك ان مصر مفيهاش رجاله (انتي جربتي؟)
إلا أن ليس دائما الزوجه هكذا و حتى لو فالهدف هو النظافه و ليس النظر الى الرجل ككائن مقرف بالعكس
إن النظافه من الإيمان
شكرا لرسم إبتسامه على وجه من قراه بنوع من الكوميديا
واكيد احنا مش عوانس لوحدنا اكيد الرجاله ظروفهم وحشه عشان كده احنا عنسنا ولا زم انها تنحاز لبنات جنسها
ومعلش يعنى مش من الزوق انك تقول علينا كده
حتى لو ده حقيقى لانك تقريبا كده شمتان ف بنات مصر بس كما تدين تدان ولا ايه رايك
اولا موضوع ان مامتك مش مصريه ده ميدكش الحق انك تكلم بالاسلوب ده ع البنات لا وداخل الموقع عشان تتكلم وحش وخلاص
ثانيا انت باحترامك لنفسك واللى حوليك تفرض انهم يحترموك
بدل ماتقعد تقول احترمونى احترمونى.
ثالثا انا بعرف اتعامل مع كل واحد كويس جداا مش هتيجى تقولى اتكلم معاك ازى
رابعا انامجعمتش وقولت ان مصر مافهاش رجاله طبعا لا ولاد بلدى االلى ابوهم وامهم مصرين جدعان ورجاله بس دى مش اغلبيه
فى ناس كتييييير تافهين ومعندهومش اخلاق وبيرمو كل حاجه ع الستات سبب طفشان اجوازهم النظافه اللى بقيت عيب دلوقتى وحاجه غريبه وسبب عنوستهم اللى هو اصلا راجع لربنا ف الاول وف الاخر دى حاجه اسمها نصيب ع فكره
اولا موضوع ان مامتك مش مصريه ده ميدكش الحق انك تكلم بالاسلوب ده ع البنات لا وداخل الموقع عشان تتكلم وحش وخلاص
ثانيا انت باحترامك لنفسك واللى حوليك تفرض انهم يحترموك
بدل ماتقعد تقول احترمونى احترمونى.
ثالثا انا بعرف اتعامل مع كل واحد كويس جداا مش هتيجى تقولى اتكلم معاك ازى
ماهو انت لو مريحها و جايبلها خدامه و جايبلها مكنسه اخر موديل و جايبلها تليفزيون خاص ليها ف المطبخ و مكفيها ماديا مكنتش هتقولك ساعدنى ولا هتقولك متقلبش القنوات
الرك عليكو يا فندم الراجل لما يسعد مراته هى تسعدو
باللى بتتكلم على اللبنانين و السوريين شوف هو بيعملها ايه عشان يخليها مش شايله هم نضافه و ترتيب لكن انتو يا رجاله مصر اللى كسالنين ومش مكفيين بيوتكم ماديا كويس و بالتالى الست بيبئى عليها عبء النضافه لوحدها
تنكر يعنى ان البنت المصرية مش جامدة ومفيهاش مميزات
دى بتضحى بنفسها وصحتها علشان اولادها وبيتها
المرأة اللى بتصحى من الفجر وتروش شقتها وتفطر اولادها وتروح الشغل وترجع جرى عشات تحضر الاكل لجوزها واولادها وتذاكر لهم
بجد تستحق كل تقدير واحترام
مهو انتم يا رجاله لو عارفين دنكم مكنتوش قلتم كده ,اولا لازم قاعده الحمام تغلق لان ده بيت الشيطان و المفروض انها تتقفل بعد قضاء الحاجه وباب الحمام يغلق ايضا , وبعدين مش هتموت ولا هتخس لما تعمل كده يعنى بالعكس هتاخد ثواب انك ساعدة زوجتك وريحتها وكمان لو كان عندك اطفال هيطلعو اطفال عندهم نظام مش همجيين فى المجتمع .
ده انتم المفروض تدونا وسام على اللى بنعمله عشانكم و عشان نطلع مجتمع صالح و منظم مش مجتمع مهرجل وعديم الثقافه
بدل مانتم عماليت تنتقدونا و تقولو عيوبنا و سلبيتنا ,احنا ممكن نعمل مثلكم و نقول عيوبكم و سلبيتكم بس ثقوا تماما ان
ه لو حصل هنفضل فى صراع داءم و عمر المجتمع مهيتقدم.
وشكرا
ماهو انتم لو بتثبتو على قناه مكوناش اتكلمنا لاكن ليه لازم من قناه لاخرى لما بيجلنا حول واللى يغيظ انك ممكن تتفرج على مسلسل بس تلاقى مراتك جت تقوم تجيب ماتش كره او قناه اخباريه لمجرد انك ترخم عليها لان معظم رجاله مصر بيحبو يشوفو زوجاتهم متعصبينى ومستفزين عشان شكلهم بيبقى حلو ,مش هقولك هات لمراتك تلفزيون بس هقولك زى ما بتحب تتفرج على اللى انت عاوزه هيا كمان ليها نفس الحق ده ونظريه الرموت احسن من انك تغرم و تجيب ليها تلفزيون ,ولما الريموت هيتحط على الترابيزه مش هيضيع لانك لو عندك اطفال ثق تماما انه هيضيع.
رابعا نظريه المفروض تساعدنى:
المرأه المصريه بشتغل خارج المنزل مثلك تماما ومع ذلك بتجرع بيتها تنضف وتعمل اكل وتغسل الغسيل والموعين وتحضر اكل الغد وانت قاعد باشا بترجع تاكل وتنام وتصحى تتفرج على التلفزيون و تنزل تقعد مع اصحابك وتلعبو بلاى استيشن ومضايق انها تقولك ساعدنى معا انها مش بتقول ده دايما هيا بتقوله لما بس بتبقى تعبانه او مرهقه,ده انتم يا رجاله انانين جدا عاوزين كل حاجه مع ان الدنيا مش بتدى كل حاجه.
النظام برضو حلو يا رجاله , والمفروض ان شبشب الحمام ده بتاع الحمام بس عشان مينقلش الجراثيم للشقه كلها سيبك من الجراثيم اهو شبشب الحمام ده هيريحك انت ليه بقي عشان لما تتوضى الشبشب هيبقى مبلول هتخرج بيه فى باقى الشقه هتبهدلها مراتك هتقولك نضف مكان مبهدلت ,اذن معنى ذلك ان هيبقى فى شبشب بيت و شبشب خروج فقط
اقنعنى انك قبل متتزوج كنت كل مصيف بتاخد من والدك فلوس بحجة انا رايح مصيف و لازم اجيب شبشب والحج يقولك ما انت عندك واحد تقوله لا ده حاجه والتانى ده بتاع الخروج
ثانيا نظريه الفوطه:
النظافه من الايمان يا رجاله , مفيهاش حاجه لما يكون فى فوطه لكل حاجه اهو الفوطه اللى بتتحط على المخده دى ليها كذا ميزه ليك طبعا,1-المخده مش هتتوسخ ومراتك تقولك عاوزه انجد او انزل تاكى اشترى مخدات جديده,2- مراتك مش هتقولك اصل كيس المخدخ اتوسخ وانت اللى وسخته اتفضل اغسل الغسيل وبالتالى هتنشره ,اهى الفوطه رحمتك من توفير فلوسك و توفير مجهودك اللى كان هيضيع فى الغسيل.