أسئلة اللقاء الأول
قد يستهلك التفكير في ماذا سترتدي، وكيف سيكون مظهرك في اللقاء الأول مع الشخص الذي تودين أن ترتبطي به كل وقتك، فلا تجدي الفرصة لتحضير بعض الأسئلة التي قد تفيدك في معرفة هذا الشخص جيدا..
ولكي توفري كل وقتك لتحضير مظهرك اللائق، إليك الأسئلة الآتية التي ستساعدك علي التعرف علي هذا الشخص:
- اسأليه عن هوايته، عمله، تجاربه السابقة، دراسته، خططه للمستقبل.
- دعيه يتكلم حتى تتعرفي عليه جيدا، وذلك مفيد من جهتين، أولا: لا احد يكره أنا يتحدث عن نفسه ويكون محور الجلسة، ثانيا: ستظهر شخصيته بكل وضوح.
- تعرفي علي علاقته بأهله، لأنها ستظهر لكي هل هو شخص محب لأسرته أم لا.
- ما هي مواصفات شريكة حياتك؟ إجابة هذا السؤال ستتعرفين من خلالها علي نظرة هذا الشاب للمرأة التي يريد أن يرتبط بها، فمثلا إذا ركز علي شخصيتها ومشاركتها له في الحياة فهذا يدل علي انه سيكون زوج متعاون ومتفاهم مع زوجته، أما إذا ركز علي المواصفات الشكلية ومدي خضوعها له فهذا يدل علي انه سيكون زوج ديكتاتوري.
- ما هي علاقتك بالله؟ إذا كنت تهتمين بمدي قربه من الله، فعليك توجيه هذا السؤال له، لأن إجابته ستظهر لكي روحانياته ومدي صفائه الروحي.
- ما هي نوعية الأفلام والأغاني المفضلة لك؟ سواء كانت اكشن أو اجتماعية أو رعب فهي تدل علي شخصيته.
- ما هي الكتب التي تحب قرائتها؟ ويمكنك مناقشته في احدي هذه الكتب التي تكونين قد قرأتها، لتكتشفي كيف يكون أرائه، وهل هي متطابقة لأفكارك أم مخالفة تماما لها.
- عندما يكون لديك وقت فراغ في أي شيء تحب أن تقضيه؟
- ما هي الأماكن التي تحب أن تسافر إليها؟
- ما هي الصفات التي لا تستطيع تقبلها في الأشخاص المحيطين بك، وما هي الصفات التي تحب أن تراها فيهم؟
- كوني علي طبيعتك بكل بساطه، ولا تتصنعي بأي شكل، فالشخص الذي لا يقبلك علي حقيقتك لا يستحقك.
- حافظي علي التواصل بالعين فلا تجعلي الخجل يغلب عليك طوال فترة التعارف لدرجة عدم معرفة ملامح وجهه، اصحبي التواصل بالعين بابتسامة خفيفة، واحذري من الوصول إلي مرحلة البحلقة.
- اجعلي تليفونك معك، دائما ففي حالة أردتي استشارة أو نصيحة صديق، يمكنك الدخول إلي الحمام والقيام بمكالمة الصديق.
- اسألي نفسك قبل لقاءكما الأول ما الذي تودين هذا الشخص أن يكتشفه فيك، وما هي الأشياء التي تودين أن تكتشفيها فيه.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
جدا جدا جدااااااا فى اول لقاء وبيبقى مش عارف يتكلم اصلا انا دى مشكلتى انى بتكسف ومش بعرف اتكلم واعرف مميزاتة وعلشان كدة مش باخد القرار المناسب
ربنا يزرقنا الازواج والزوجات الصالحين يارب
طبعا بصفتى ولد انا اب اسالها تقريبا نفس الاسئله دى
موضوع جميل جدا هيفيدني ان شاء الله لما اوصل للقاء الأول
هوا كلام معظمه صح ومنطقي كمان بس برضوا مش هيكتشف كل الحقائق لأن بيبقا فيه شخصيات خادعة بطبعها
بس الي عوزة اعرفة ازاي اعرف انة صريح ولا كذاب؟
شكرا كتييييييييييييي يييييير
وغالبا ما بكون في حيره من التفكير
في الاسئله دى
شكرا بجد
وربنا يوفقك ياKRKR من قلبى ويكون خير عليكى وربنا يوفق الجميع MONAIA
اية رأيك قى الارتباط من على النت بعد معرقة طويلة و مقبلته قى الحقيقة؟؟؟؟
نصيحه بلاش ارتباط النت لانه بيكون مش مشاعر حقيقيه حتي لو قابلتيه كذه مره و نصيحه من بنت بلاش تيديه الثقه الكامله و لا تيديه اي صور ليكي عشان مهما كان فهو واحد انتي معشرتوش بالدرجه الكفيله بالثقه و ان شاء الله يجعلك الخير
بجد بجد دي اسئلة في غاية الروعة ومهمة جدا ومفيدة
بس الي عوزة اعرفة ازاي اعرف انة صريح ولا كذاب؟
شكرا كتييييييييييييي يييييير
انا ممكن اساعدك بشكل بسيط في النقطة دي و اديكي شوية ملاحظات شخصية و يارب تنفعك
اولا: ادعي ربنا دايما يوفقك معاه للخير.. هتتفاجئي و انتي قاعدة بمواقف او احاسيس تبينلك حاجات كتير قوي
ثانيا:الكذاب بيميل للمبالغة..يعني ممكن تحسي من كلامه انك قاعدة مع باتمان اما الصادق فبيرد ردود منطقية و مثبته
ثالثا:الكذب ملوش رجلين..الحاجه اللي تشكي فيها سيبي الموضوع و ارجعي افتحيه من زاوية تانيه..هتذهلي قد ايه الكدابين مهما كانو ناصحين..اغبيا
رابعا:حاولي الله يخليكي تحتفظي بذاكرتك القويه في القعدة و اول ما تخلصي تحكي كل اللي حصل لحد قريب منك غالبا اخ او اب او ابن خالة المهم واحد و واحدة و الهدف هو جمع اكبر كمية معلومات لتأكيد او نفي المعلومات اللي قالهالك :)
اخيرا:صدقيني ده مش كلام كل البنات عندهم الحاسة السادسة بس للاسف بنعطلها يا اما بسبب الحب او الطمع فاياكي تلغيها ساعتها و اي نقطة مشكوك فيها ادي نفسك فرصة كمان معاه تتأكدي
واخيرا
تأكدي
الكذب ملوش رجلين
الاسئله دى فعلا مفيده قوى,بس ادخلها ازاى وسط الكلام بحيث المقابله ماتقلبش على تحقيق او حوار صحفى؟؟
السلام عليكم
معلش الكومينت بتاعك لفت نظري قوي لان صاحبتي القريبة مني كانت بتقولي كده
وهقولك قلتلها ايه و يارب يظبط معاكي زي ما ظبط معاها
بصي يا ستي
انتي ممكن تفتحي الحوار من اول نقطة تحسي انه مهتم بيها حتى من غير ما يتكلم
مثلا
سمعتي ان منصبه كوةيس في شغله ابتدي بالكلام عن شغله.. وده اللي غالبا بيحصل لانه موضوع عام و ممكن تسألي باسلوب ظريف انت مبسوط في شغلك؟ بتحبه؟ طب لو مكنتش طلعت كذا كنت بقى هتحب تطلع ايه؟
الردود بتاعته هتديكي لمحة كبيرة عن شخصيته و دماغه
الذكاء بقى
انك تاخدي ردوده هو و تخرجي منها باسلوب رقيق و بسيط و بسذاجة اسئلة اعتراضية في وسط الكلام او تفتحي منها موضوع تاني و تسيبيه يتكلم وهكذا الشغل ممكن ينفد على زمايلك في الشغل صحابك برده و لا دول حاجة و دول حاجة و منها على اصحاب طفولتك و منها على انت واخواتك اصحاب و لا علاقة اخوية و منها طب مين اقربلك بقى باباك و لا مامتك في التفكير؟ و منها على طب لما بتروح من الشغل او بتبقى في اجازة بتحب تعمل ايه؟
وهكذا
الحقيقة انا دااااااااااايما بعمل كده بدون تفكير
بحس انه منطقي انكو تتكلمو في كل حاجة
مش المفروض ان بعد المقابلة دي هتحددي اذا كان ده ممكن يبقى شريك حياتك و لا مستحييييل؟!!!
انا قابلت [ *** ]ااااااااان كتييييييييير قووووووووووي و كنت بسأل كده و بالرغم اني لسه متخطبتش بس داااااااااااااا يما كانو بيقدرو فيا breaking the ice زي ما بيقولو و كنت دايما انا اللي برفض لاسبابي الشخصية
فمفيش بنت تقلق انها تسأل و انه ممكن يفتكرها بجحة مثلا او انها لحوحة او اي حاجة
بالعكسسسسسسس تماما
وربنا يوفق الجميع
بعنى مفيش وحده تقعد مع واحد عشان تعرف شخصيته
هو الاب بيسال يا توفقى با ترفضى فى حيث انك مش عرفه
شخصية اللى متقدم هرفض وله اقبل
بس عجبتني اوي جملة (احذري من الوصول إلى مرحلة البحلقة)
وموضوع السؤال عن الالتزام الديني له اهمية اكبر من كدا بكتير
وبعدين الشباب فكرهم اتغير ، كلام زي دا ممكن يزهقهم
بس انا بشكرك جدا على تعبك وكتابة الموضوع المفيد دا
- اجعلي تليفونك معك، دائما ففي حالة أردتي استشارة أو نصيحة صديق، يمكنك الدخول إلي الحمام والقيام بمكالمة الصديق
اكتر حاجتين مسخره
التانيه فعلا صاحبتى عملتها وكانت تتصل وتسالنى
اللى جامد بقى احذرى الوصول لمرحله البحلقه دى
بس على ما اعتقد ان الاسئله دى ممكن تتسئل بس ف اوروبا والدول المتقدمة
احنا هنا ف مصر يا بنات
يعنى مش كتير مننا ممكن تروح تقابل واحد برة وتتعرف عليه علشان ييجي يخطبها
ياريت مواضيع تناسب عل ىالاقل الاغلبية
من غير مقابله العمل دى ده ولا التحقيق
امم وممكن تشوف نظراته لناس ازاى بيبصبص ولا ايه نظامه لبسه كده يعنى المكان اللى هيعزمك فيه و طبعا خليه يختار هو المكان بس عن طريق غير مباشر مثلا انك مبتخرجيش كتير او هو خبره عنك كده يعنى بس بجد الموبيل ده ممكن يعرفك عنه كل حاجه حولى تتفرجى عليه بصانعه لطافه لان كل الاسئله ممكن يكون مصتنع فى الرد عليها
وربنا معانا بقى
وفعلا اسئلة مميزة جدا
شكرا على الموضوع