قالي بحبِك.. أعمل إيه؟
"قالي بحبك.. أعمل إيه؟.. أتصرف إزائ؟.. يا ترى لو وافقت هكون أخدت القرار الصح؟، ولو رفضت إزاي نفضل أصحاب؟".
أسئلة كثيرة تشغل فكر أي بنت يصرح لها أقرب زملائها في الدراسة أو العمل بحبه لها، فتقع في حيرة.. تقبله أم ترفضه لأن مشاعرها تجاهه لا تتعدى مشاعر الأخوة..
صيام عن الكلام
تحكي "داليا" قصتها فتقول: "كان أقرب صديق لي، ودون أي مقدمات وجدته يقول لي أنا بحبك وعايز أتقدم لخطبتك، كانت مفاجأة ولم أستطع النطق بكلمة واحدة، وبقيت صامتة لمدة 3 أيام أحاول التهرب منه، لا أستقبل مكالماته، بعدها أجبرني على الحديث معه قائلا (أتكلمي معايا حتى لو هترفضى الموضوع كله)، وقتها لم أكن أقصد مضايقته بصمتي، لكنى كنت أفكر كيف يمكنني الرفض مع الاحتفاظ بصداقته فهو أقرب أصدقائي، والغريب في الأمر أنني بمجرد أن بدأت الكلام معه وجدتني أوافق على طلبه بل وأصرح له بمبادلته نفس المشاعر، والحمد لله تمت خطبتنا ونستعد لتجهيز منزلنا الآن".
أما "نهى" فموقفها مختلف تماما، فحين صرح لها زميلها في العمل عن حبه لها لم تستطع التحكم في نفسها وأخذت تضحك قائلة: "لا أنت أكيد بتهزر.. إحنا أصحاب أوى إزاى تقولي كده أنت أكيد بتضحك"، ثم كان الرفض سيد الموقف.
هذه المرة العريس المُعجب كان مدير "عُلا" في العمل، وطبعا الموقف في منتهى الإحراج، لم تستطع أن تفعل شيئا سوى أنها قررت ترك العمل، وبدأت تفسر كل كلماته التشجيعية لها وثنائه على أي عمل قامت به من قبل على أنه مجرد حيلة للوصول لقلبها!.
"رنا" قررت تتعامل مع الموقف بحكمة، حين أخبرها زميلها في العمل بأنه يريد خطبتها؛ أخذت وقتها في التفكير ثم وافقت، لكن بعد أن تقدم لها وجدت فيه ما جعلها ترفض الموضوع، ومن وقتها قررت أن تعامله بشكل طبيعي، تقول: "كنت بحاول أتعامل معاه عادي لكن بحرص عشان ما يظنش إني عايزه أرجع الموضوع تاني".
إليكِ بعض النصائح إذا تعرضتِ لمثل هذه المواقف:
- لا تتسرعي في الرفض، خذي وقتا كافيا للتفكير في الموضوع فربما يكون هذا الشخص هو الأنسب لك مع الحرص على عدم المبالغة في الوقت.
- حاولي التحكم في رد فعلك، فلا تبالغي في الخجل وفي الوقت نفسه لا تستخدمي الضحك كوسيلة للهروب من الموقف.
- تذكري أنكِ تتعاملين مع مشاعر لابد وأن تُحترم حتى وإن كنتِ رافضة له.
- إذا كان ردك هو الرفض، أخبريه بوضوح لكن دون أن تجرحي مشاعره أو تسخري منها.
- لا تكتفِ بمعرفتك المسبقة له للموافقة عليه، تمهلي واستشيري من حولك.
- إذا كنت تبادلينه نفس المشاعر، فلا تعلني عنها في نفس الوقت بل انتظري قليلا ثم أخبريه بموافقتك.
- إذا شعرت بالتردد في مشاعرك نحوه، اخبريه بقبولك خوض التجربة مع الاتفاق بأن فشلها لا يؤثر على تعاملكما.
- عليك تقييم مدى نجاح العلاقة قبل البدء فيها.
- الإعجاب وحده لايكفى، لا تدع فرحتك بكلمات الحب تشغلك عن تقييم شخصيته، وتقديرك لمسئولية البدء في هذه العلاقة.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
والنطائح حلوه تسلم ايدك
واكتر موقف عاجبني موقف داليا ومبروك ليها
وعقبالنا كلنا
الإعجاب وحده لايكفى، لا تدع فرحتك بكلمات الحب تشغلك عن تقييم شخصيته، وتقديرك لمسئولية البدء في هذه العلاقة.
ممكن تسمحلي الأنسه fedoأني أرد على موضوعها…
بصي يا جميل الشخص دا لو بيحبك فعلا كان أتقدملك من زمان. و خلي بالك من حاجة هو لو عاوز فعلا يتوب من الموضوع إللي أنتي ذكرتيه دا كان أتجه لربنا سبحانه و تعالى بقلب سليم و نية خالصه ما كانش يطلب من مجرد إنسان يساعده. و خليني اسألك سؤال تجاوبية بصراحة… لو حصل و اتجوزتيه هل هاتقدري تنسي الموضوع دا ؟ كل نظرة لواحدة ها تترجميها غلط و الحكايه ها تكبر من ما فيش. أعتقد إني لو مكانك كنت ها أتهي الموضوع دا من زمان.
ممكن انضم لهذا الموقع الجميل
وصدقة رسول الله من تردونه دينه وخلقة
ولا تتزوجي بزير النساء فأنها ادمان والله حتى لو تزوج 100 سيدة بردة هيبقة الحرام عندة اهم من الحلال
ويريت تفكري في المستقبل ليكي ان شاء الله هيجيلك احسن منه بكتير مترميش نفسك في التهلكة
وربنا يوفقك وياريت اسمع ردك على ما كتبته ليكي قريبنا
ربنا يبعد عنك شيطين الأنس والجان ويهديكي لما يحب ويرضى اللهم امين
وصدقيني لو خوضى في العلاقة دية اكتر من كدة انت اللي هتخصري كل حاجة في حياتك
علشان الخطوه الجايه منه هيقلك علشان ابقة ليكي لوحد وتنسيني كل وحدة تبقي انت اللي معايه علطول وليه تعملي معاه ما لا يحمد عقباه وتغضبي ربنا وتخصري اعز حاجة عندك علشان ترضية اسمعي كلامي الحب الصح ما يرضي ربنا ورسوله وحفظي على نفسك وابعدي عنه نهائي وبنات السوء كثير يروح يشفله حد يعمل معاه كل حاجة بيحبها لكن انتي مش ممكن تعوضي اللي انتي هتعمليه معاه علشان ترضيه واتقي الله في نفسك وفي اهلك ولدتك وولدك واخوتك
ومن يتقي الله يجعل له مخرجا ويرزقه من حيث لا يحتسب
اللهم بلغت اللهم فشهد
roro22 عندها حق الولد اللى عايزك بجد هيدخل البيت من بابه
شكرا للموضوع