اعرفي حقيقة الرجل
- مغرور:
يريد الرجل طوال الوقت أن يشعر أنه شخص مقدس، لذلك يجب أن تشعريه بأن هناك هالة تحوم حوله، وبالطبع يشعر أنه أذكي منك، فهو يعشق الأنا باستمرار، ويرفض شعور تفوقك عليه.
- كسول:
يرغب أي رجل في أن يشعر أنك خادمته التي تجلب إليه كل ما يفكر فيه قبل أن يطلبه، فبمجرد انتهاء الغداء يجد كوب الشاي بالنعناع الساخن، وبمجرد أن يرن الهاتف المحمول يجدك تحملينه بسرعة إليه، فلا يحمل حتى هم طلب الأشياء منك، وطبعا هذا تحت مبدأ أنك تفهمينه جيدا، وبالتالي تلبين طلباته كلها قبل أن يفكر بها عقله.
- لا يفهم التلميحات:
"إذا لم تطلبي، لن تحصلي"، هذا مبدأ الرجل، فهو ليس مطالباً أن يفهم تلميحاتك على الهدية التي تودين الحصول عليها في عيد ميلادك، بل عليك طلبها بشكل مباشر خالي من أي تلميحات غبية أو حتى ذكية.
- لا يحب عيد الحب:
يعتبر الرجل عيد الحب أو عيد الميلاد أو عيد زواجكما أو خطوبتكما، فهي أيام عصيبة بالنسبة له، لأنه لا يعلم ما المتوقع أن يفعله فيها، ما الهدية التي يجب أن يحضرها وما السعر المناسب لها، فالرجل ليس عاجز عن الرومانسية، ولكنه يكره الأداء الرومانسي، ولا يفضل أن يعبر عن مشاعره بشكل علني.
- البصبصة:
إنه شيء بيولوجي غير إرادي، فتخيلي نفسك بينما تمرين بالشارع كل يوم من أمام واجهة المحل المفضل لديك، فبشكل تلقائي وعفوي ستجدين عينيك تزوغ على المحل لتري ما الذي يعرض في واجهة المحل اليوم، كذلك يفعل الرجل عندما تمر من أمامه فتاة، فهو لا ينظر لها، ولكنها دائماً ما تلفت انتباهه.
- طفل كبير:
كل الرجال أطفال، وهذا يفسر اهتمامهم المبالغ فيه لمتابعة الرياضة، فهو يحب أي شيء به ركل وضرب، فهذه هي أفعال الصبية غير المسئولين، فانظري لأي تجمع ذكوري أمام التلفزيون ستجدين مجموعة من الصبية يصرخون ويهللون كالأطفال، فهم لا يتسلون فقط، بل يتخذونه وسيلة لتقمص دور الطفل دون الشعور بحرج.
- يحب التفكير في الخيانة:
التفكير بالخيانة لا يعني أنه سيفعلها، ولكنه يفكر في ذلك وقد يتمنى حدوثها أحيانا، ولكن قد يمنعه تدينه وأخلاقه من التمادي في هذا التفكير أو التنفيذ، فالرجل بطبيعته لا يحب أن يكتفي بامرأة واحدة، فهو دائما في معركة مع رغباته الجنسية، فالتفكير بالمرأة الأخرى ليس لعيب في المرأة الأولى، ولكن للرغبة في وجود ثانية، فبينما تفكر المرأة في الارتباط برجل واحد مذهل، يفكر الرجل في خمس نساء مذهلات، ولكن الشيء المطمئن أن 50% من الرجال يخشون من الخيانة خوفاً أن يفقدوا الشيء المميز الذي حصلوا عليه بالبيت.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ينفع كده يعني
ايه كأن الراجل ده كائن متسلط عالمرأة
وفيه كل العبر ؟؟؟
حرام عليكو كده
انتى كده خليتى شكلنا وحش اوى
على فكره الرجاله غلابه اوى بس اللى يفهمنا
ده كله على اساس ايه ياعنى
انتى كده خليتى شكلنا وحش اوى
على فكره الرجاله غلابه اوى بس اللى يفهمنا
hwa f3ln s7 3ndk 72 anto 3'alab gdn bs ellbnt b2a elzakea elly tfhmoko s7
مع احترامي لكاتبة المقال ,,, مقال سئ جدا جدا جدا … وسؤال بقي وهو حضرتك بقي اللي جبتي الديب من ديله وانتي الوحيدة اللي عرفتي حقيقة الرجل وكل البنات مش عارفاه … وبما انك كاتبة يعني المفروض مثقفة يعني المفروض ان مافيش قاعدة عامة يعني مش ينفع نعمم علي كل الرجال … مش عشان انا رجل بقول الكلام ده بس ممكن حضرتك تروحي تبصي قدام المرايا وتشوفي انتي اد اية مقصرة في حق جوزك لو متجوزة او شوفي انتي كبنت كاملة ولا فيكي نقص اكيد فيكي نقص . يا ريت ما نرميش اخطائنا او فشلنا في علاقة علي شماعة الرجالة وحتى لو هما مخطئين فانتوا كمان مخطئين او علي الاقل ماعرفتوش تعالجوا الخطأ اللي في شريك حياتك،،، في النهاية كلنا بني ادمين .. يعني ننتمي لنفس النوع … يا ريت اللي تكتب تكون فعلا بتكتب لهدف ,, مش اي بتنجان والسلام
جزاك الله كل خير..
أنا متفقة معاك 100%..
وأنا بنت.. بس أنا شايفة إن الكلام ده فيه ظلم كبير وتجني على الرجل..
بالعكس الرجل عنده حنية وحب وقلب كبير جدًا..
بس البنت الذكية هي اللي تعرف تخليه يطلعهم ازاي..
شكرًا
الرجالة والستات مافيش بينهم فرق كبير في أسلوب المعاملة، والشخص الوحش دي بتبقى حكمة ربنا .. يعني منقدرشي نقول ان كل الرجالة وحشين .. ولا كل الستات مفتريين زي حضرتك
انا بصراحة بحب الموضوعات بتاعة الصفحة دي .. بس الموضوع ده "اوت" يا ريت ما يتكررشي ويا ريت ترجعي يا هبة لصوابك وتعقلي شوية في اختيار أفكارك
ومعظم اللى فى الموضوع صحيح
والموقع دا رائع جدا بجد ,,
اما اللى عملت الموضوع فأحب اقولها مش شرط انك قابلتى مثال او اتنين من الرجالة اللى فيهم الصفات اللى انتى بتحكى عليها انك تعممى الكلام دا لكل الرجالة و احب انك تقرى تعليقى على البنات فى العنوان دى بنفس اسمى فى التعليقات "أحمد المصرى" و الله انا بشكر فى كل البنات المصريات
http://www.20at.com/banat/only-for-men/14972-2010-01-19-18-51-19.html
(ليس مغرو)ر:كل الحكاية لا يحب ان تعامله المرأة بندية و المرأة أيضا لا تحب أن تعامل الرجل بندية و لكن تحب أن تشعر أنه حامى الحمى فهذا من تمام التوافق بين الرجل والمرأة
(ليس كسول):الزوجة الكسولة هى التى تتضرر من خدمة زوجها فما الذى يضرها أن تعمل كوب شاى أو تناوله الموبايل..و لو تخيلنا رجل من بداية الزواج انه كل يوم يقول لزوجته انه يريد شاي بالنعناع بعد الغدا ..اذا بعد 3 شهور فقط من الزواج سيكون قال الحكاية دى 90 مرة..اليست 90 مرة كافية انها بعد كدة تعمل الشاى من نفسها ؟؟؟ و قس على كدة الأمور الأخرى…ثم الرجل يعمل ليلا و نهارا ليلبى طلبات الاسرة ثم نقول عنه كسول؟؟
(بصباص): صحيح الرجل المفروض ما يبصش لكن العتب أولا على البنات الماشيين شبه عرايا تستعرض كل واحدة جسمها كما تعرض السلع فى الفاترينة
(عيد الحب): اذا بذل الرجل ما يستطيع ليسعد زوجته ثم لم يقل لها كلمة رومانسية فى مناسبة هل هو افضل ام من يجيد الكلام الرائع و لكن بدون فعل؟؟
(التفكير فى الخيانة):ما اسهل الخيانة للرجل و المرأة بدون الرادع الأخلاقى و الدينى
اولا هي مش بتقول رأيها بس و خلاص .. لكن بالعكس هي مدعمة كلامها بدراسات و احصائيات اتعملت هنا وبرة .. يعني هي مش بتتكلم من فراغ ..
كلنا فينا مشاكل .. وفيش جنس أفضل من الجنس الآخر .. كلنا متساويين عند ربنا والفرق بين كل واحد والتاني مش بجنسه
بس الفرق ان احنا الستات بنعترف بمشاكلنا .. رغايين؟ آه رغايين .. في البعض يحب النميمة؟ آه فيه .. وهكذا .. عادي يعني ..
وهو دة الفرق بينا وبنكو .. الرجالة مابيحبوش حد ينتقدهم أو يتكلم في عيوبهم .. مع انهم بشر يعني !!!! .. بس دايما كتير من الرجالة عندهم شعور بأنهم كائنات (استغفر الله) قربت توصل الى حد الكمال .. معندهومش مشاكل و يهربوا من مواجهة الآخرين لهم بأخطائهم .. خصوصا لو كانت ست هي اللي بتواجه !!!!!
كل جنس في حاجة للجنس الآخر .. وعمر مالحياة هتمشي بالرجالة بس أو بالستات بس .. ربنا خلقنا كدة .. كل جنس بيكمّل الجنس الآخر ولا تستقيم الحياة بدونه .. لكن الأهم نتعلم ازاى نحترم الجنس الآخر و نتعلم ازاي مانتفهش منه و نعرف ازاي نتعامل مع بعض من غير مانقلل من بعض
وشكرا
اولا هي مش بتقول رأيها بس و خلاص .. لكن بالعكس هي مدعمة كلامها بدراسات و احصائيات اتعملت هنا وبرة .. يعني هي مش بتتكلم من فراغ ..
كلنا فينا مشاكل .. وفيش جنس أفضل من الجنس الآخر .. كلنا متساويين عند ربنا والفرق بين كل واحد والتاني مش بجنسه
بس الفرق ان احنا الستات بنعترف بمشاكلنا .. رغايين؟ آه رغايين .. في البعض يحب النميمة؟ آه فيه .. وهكذا .. عادي يعني ..
وهو دة الفرق بينا وبنكو .. الرجالة مابيحبوش حد ينتقدهم أو يتكلم في عيوبهم .. مع انهم بشر يعني !!!! .. بس دايما كتير من الرجالة عندهم شعور بأنهم كائنات (استغفر الله) قربت توصل الى حد الكمال .. معندهومش مشاكل و يهربوا من مواجهة الآخرين لهم بأخطائهم .. خصوصا لو كانت ست هي اللي بتواجه !!!!!
كل جنس في حاجة للجنس الآخر .. وعمر مالحياة هتمشي بالرجالة بس أو بالستات بس .. ربنا خلقنا كدة .. كل جنس بيكمّل الجنس الآخر ولا تستقيم الحياة بدونه .. لكن الأهم نتعلم ازاى نحترم الجنس الآخر و نتعلم ازاي مانتفهش منه و نعرف ازاي نتعامل مع بعض من غير مانقلل من بعض
عندك حق كلامك صح جدا
كلامك صح طبعا