نصائح لمكالمة سهلة مع خطيبك
هل تعاني من أن خطيبك قليل الاتصال بك، ويفضل التواصل معك بالـ SMS أو عن طريق الفيس بوك والإيميل..
ففي بداية أي علاقة قد يصاب الشاب بالارتباك والخجل أو عدم الثقة في مشاعرك تجاهه، أو الجهل بشكل التواصل المناسب بينكما، ولكي تتخلصي من هذه الأسباب وتجعليه يتصل بك، اتبعي تلك الخطوات:
1- كوني صريحة:
الرجال لا ينتبهون للتفاصيل مثل النساء، لذا يجب عليكِ أن تخبرين خطيبك ما تحتاجين منه بشكل واضح ومباشر، فلا تجعليه يستنتج الشكل المناسب للاتصال بك، لكن كوني محددة في كلامك معه مثل: الشكل المناسب للاتصال سواء كان عن طريق التليفون المحمول أو الأرضي أو عن طريق الإنترنت، والوقت المناسب لهذا الاتصال حتى لا يتعارض مع مذاكرتك أو عملك ولا يسبب ضيق لأهلك بالمنزل.
لكن احذري وأنت تخبرينه بما تريدينه الفرق بين الصراحة والوقاحة، فالصراحة هي أن تخبرينه بكلمات مثل "من فضلك، لو سمحت"، والوقاحة كاستخدام "أنت ما بتفهمش، لازم تكلمني".
2- شجعيه على الاتصال بك:
بالنسبة للرجل قد يكون إجراء مكالمة تليفونية أمر شاق وغريب، في مقابل الخيارات الأخرى المتاحة أمامه من وسائل اتصال كرسائل الـ SMS أو الفيس بوك فهي وسائل اتصال عملية وتجنبه الحرج، فإرسال نص مكتوب عن طريق أي وسيلة اتصال أسهل وآمن بالنسبة لأي رجل.
أما إذا الوسائل لا تناسبك، فهذه مشكلة يجب أن تتكلمين بها معه وتصري على إيجاد حل لها.
ولكي يتحلي بالشجاعة في الاتصال بك، عليك أن تشعرينه بالسعادة في صوتك عندما يتصل بك، ولا تعطينه إحساس اللامبالاة.
3- اجعلي الاتصال بينكما سهلا:
الدخول مع خطيبك في محادثات تليفونية لا نهاية لها ولا يوجد طائل منها تجعله مشدودا، فبسهولة لا تدعي هذا يحدث.
وإليك بعض الأفكار لمحادثات تليفونية بدون نكد وجدال:
- اجعلي مدة المكالمة التليفونية بينكما لا تزيد عن 10 دقائق، فليس من السيئ أن تنتهي المكالمة وهو مازال يريد التحدث معك، المشكلة هي أن يكون اكتفي من التحدث معك ومازالت المكالمة مستمرة.
- إذا شعرتي أنه بحاجة إلي محادثتك وأنت مضطرة لإنهائها فلا تفاجئينه بأنك ستنهين المكالمة حالاً، ولكن يمكنك أن تعطيه فكرة بذلك من بداية المكالمة، مثل "أنا أمامي 5 دقائق علي بدء المحاضرة"، فلا يشعر أنكِ تجاهلته.
- أما إذا كان غير ماهر في محادثاته التليفونية معك ولا يجيد فن المحادثة، فهوني عليه الأمر وحاولي أن تتولي دفة الكلام وتوجهينه إلى مسار إيجابي في الحديث، مثل "ماذا دار في اجتماعك اليوم؟" أو "ماذا شاهدت أمس بالتلفزيون؟".
- لا تُفسري عدم رغبته في إطالة المكالمة أو أنه لم يرد على اتصال لكِ ذات مرة، أن ذلك يعني أنه لا يحبك، فقد يكون مجهدا أو مشغولا فلا تتهمينه بعدم الاهتمام بك.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
انا خطيبى بيكلمنى كتير ع الميل
بس ع الموبايل قليل
بنتخانق كتير اوى ع الميل
و بنرجع نتصالح تانى بعدها على طول
وفعلا تقريبا كل الولاد مش بيعروفا يتكلموا في الموب خالص
انا وخطيبى اصلا مش بنتكلم ولا في الموب او حتي علي النت لان بابا مانع التليفونات اصلا ومش عارفه اعمل ايه
معقول باباكي مانع التليفونا وهو عارف انك خاطبة ؟؟
يعني حتى ممنوع تكلميه وانتي مخطوبالو؟؟
انا مش مع باباكي على فكرة انا اسفة
المفروض تقوليلو انك محتاجة تتعرفي عليه اكتر
اجعلي مدة المكالمة التليفونية بينكما لا تزيد عن 10 دقائق، فليس من السيئ أن تنتهي المكالمة وهو مازال يريد التحدث معك، المشكلة هي أن يكون اكتفي من التحدث معك ومازالت المكالمة مستمرة.ا
ومش بكون عرفه اعمل اييييييييه بضيق اكيد انه مش بيتكلم
.وغلبا بنتكلم على النت والموبيل قليل
وانا بالعكس خالص مش بعرف اكلمه على الميل
وبنفضل الموبيل على طول
ولما بتكلم على الميل دايما بيفهم قصدى غلط وبغهمه غلط
عشان كده بتجنب الرغى معاه على الميل … الصوت وتعبيراته افضل
مش عارفه
ايه دا
مع اننا اخر مره كنا متكلمين مع بعض كويس وبنهزر ومكانش في مشاكل خالص
انا عارفه انه هو بيحتاج يكون ليه وقت لوحده بس مش لدرجه 21 يوم
انا بتصل بيه مش بيرد
ودلوقتي اخدت موقف لما يطلع من الي هو فيه يبقا يكلمني بس خايفه قوي دا يبعد ما بينا
انا مش عارفه اعمل ايه
انا عارفه انه خجول ومشغول قوي وانه بيحبني قوي بس انا تعبت نفسيا عاوزه اتطمن عليه
كان قبل كدا بيدخل ع النت ع الاقل يوم الخميس دلوقتي مبقاش بيدخل خالص
مش عارفه اوصله باي طريقه لانه كمان مش في مصر
ربنا يهديه بقا ويكلمني
احنا الحمد لله بنتكلم موبايل ونت المشكله اللي بتواجه اي اتنين مخطوبين ان النت غالبا بيوصل الرأي غلط
يعني ممكن اكون باتكلم عادي هوه يفهم الكلام بطريقه مش كويسه وطبعا خناقات بس خناقات بهزار بقي
انا وخطيبي بنتكلم بكل الوسائل نت او موبايل او بيزورنا في البيت
بس في النت علي الميل مش بحب كده لان الصوت بيكون أفضل وكمان مش بحب اعطله عن شغله فا الموبايل احسن حل
بس بعد ما كتبنا كتابنا بقينا مش بس بنتكلم نت او موبايل بالعكس
دلوقتي ممكن نخرج كمان ونروح اي مكان
نصيحتي لكل بنت مخطوبه اعرفي خطيبك كويس ومش عيب ابدا انكوا تتكلموا كتير في بداية الخطوبه لانكوا مفروض بتفهموا بعض اكتر اومال ازاي عايزين تتجوزوا من غير ما تفهموا بعض كويس !!