انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

دبلتي.. هي حريتي!

بناتقراءة في ٣ دبقلم هبة الله أحمد

أنت شاب عازب، أو فتاة غير مرتبطة.. تريدون الآندماج في المجتمع ولكن تخشون سوء الفهم اذا تحدثتم مع الجنس الاخر بشكل منفتح.. إليكم اختراع قديم اسمه دبلة الخطوبة أو الزواج.. ذلك الطوق الذهبي الذي طالما نظرنا إليه على أنه قيد للحرية، لإ أنه لدى الكثيرون الآن أصبح للإنطلاق والتحرر من قيود المجتمع، خاصة فيما يتعلق بالتعامل مع الجنس الآخر..

هدير أحمد تؤكد بشدة هذه النظرية قائلة : كنت مشهورة لدى صديقاتي بالضحك والمزاح، إلا أن الأمر مع الذكور كان على العكس تماما، فقد كنت أحرص دائما على ألا أتحدث معهم بحريتي، وكنت دائمة التحفظ في كلامي معهم خوفا من أن يصدر مني قول أو فعل يفهمه أحد خطأ، أما الآن بعد أن ارتبطت، فلا أخشى الاختلاط مع زملائي".

أما ريهام حسن، 20 عاما، فتعتبر دبلتها سبب نجاحها العام الماضي في الجامعة، وتفسر ذلك بقولها: "بعد أن تمت خطبتي العام الماضي لم أركز بقوة في متابعة المحاضرات ولا المذاكرة، وجاء آخر العام وكنت أعرف أن أحد زملائي في المدرج متابع جيد للمحاضرات من بداية العام، وعلي الفور ذهبت إليه وطلبت منه نسخة من محاضراته، ولم أتردد أن أستفسر منه عن بعض خبايا المنهج، ولكن قبل ذلك أظهرت له الدبلة جيدا حتى لا يتوهم أن طلبي المحاضرات منه حجة للتقرب منه".

وتصف أميرة أبو بكر، 22 عاما، لسانها بأنه تغير كثيرا متأثرا بارتداءها الدبلة، فتحكي أنها قبل خطوبتها كانت تستخدم كلمات مثل حضرتك وسيادتك والعديد من الألقاب عندما تتحدث إلى أي ولد، حتى إذا كان يصغرها في السن أو المقام، ولكن بعد أن ارتدت الدبلة أصبحت لا تستعمل الألقاب إلا في محلها وليس مثل أيام العزوبية بسبب أو بدونه..

أنا والسكرتيرة

ولا ينفي أحمد علي، 27 عاما، أن الدبلة جعلت علاقته بسكرتيرته مختلفة تماما بعد أن ارتداها في يده اليمنى، فيحكي أنه كان يتحدث إلى سكرتيرته بكل جدية وجفاء متعمدا هذا الأسلوب، حتى أنه لا يتذكر موقفا ابتسم فيه أمامها، وذلك لأنه كان أعزب وكذلك هي، ولكن بعد الخطوبة أصبحت علاقته بها أكثر ودية من ذي قبل، ويرى أحمد أنه الآن ضمن أن سكرتيرته لن تفسر ابتسامته في وجهها بأنها إعجاب لا قدر الله !

ويرى ياسر عبد الله، 29 عاما، أن أرتداء الدبلة أجبره على التعامل مع الجنس الأخر والسبب هو جهله التام بكل أنثى، ويشرح ذلك قائلا: "بعد الخطوبة كان لابد أن أثبت لخطيبتي مدى كرمي وحبي لها عن طريق هدايا تأسر قلبها وعقلها، وطبعا كشف هذا جهلي التام بكل ما يعجب البنات أو يسعدهم.. فكان سبيلي الوحيد هو زميلات العمل اللاتي أصبحن خير عون لي، مما جعل علاقتي بهن جيدة جدا خوفا من أن يفشوا سري إلى خطيبتي وتعلم ذوقي الحقيقي".

ويحدد عمر هشام، 28 عاما، أسلوب تعامله مع أي فتاة بعد أن ينظر إلى يدها أولا ليرى إذا كانت تحمل دبلة أم لا، لأنه حسب رأيه "يفرق كثيرا طريقة التعامل مع واحدة مرتبطة أم لا"...

وأنت هل دبلتك طوق لحريتك أم طوق نجاة لها.. أم إنك ما زلت في صفوف المنتظرين ؟

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. غبي كُتب في
    ارجوكم ردوا علي ّ
  2. محمد كُتب في
    ياغبي دبلة يقصد بها المحبس أو الخاتم !!
    لا تتغابى الله يخليك مش ناقصه الشغله !!
  3. battot كُتب في
    والله يا هبه انا كمان بضم صوتي لكل الناس اللي اجريتي معاهم الحوار، احنا في مجتمعنا الشرقي كتير تفتكر البنت الولد اللي بيعاملها بلطف وزوق انه معجب بيها بس ده بيكون عند البنات المتربية في بيئة منغلقة، وكمان وده الاكثر طبعا ان اي ولد بيلاقي اي بنت بتكلمه عادي وهي في دماغها انه زي اخوها مش اكثر يفتكر مثلا انها معجبة بيه وبترسم عليه الخ الخ…
  4. البراءة كُتب في
    احب ان اعلق علي موضوع الدبلة من رائي ليس قيد للحرية انما هو وضع صح للارتباط بالجنس الاخر لان المقابلة بتم في ا
    المنزل امام الاهل كما انها فيها راحة ليكي لان الواحدة مش بتحس انها بتعمل حاجة من وري اهلها0 ياريت يتم الرد عليا فورا احتاج حد لمناقشتي0
  5. loli كُتب في
    أنا غير مرتبطة ومع ذلك تعاملاتي مع زملائي فالجامعة زي صحباتي المخطوبين
  6. اكتب اسمك هناsammar كُتب في
    السلام عليكم
    للأسف فكل ماسبق ذكره حقيقي
    قبل تجربتي للخطوبه كنت دائما حريصه في كل حرف , حتي لا يعتقد زملائي في العمل انني اكن لهم أية مشاعر
    بل وقد حدث ان فهم زميل لي خطءا انني عندما اساعده في تقوية مهاراته اللغويه في اللغه الانجليزيه عن طريق اعارته بعض الكتب , انني معجبه به , ده طبعا على مبدأ ان مفيش حاجه لله في لله
    بعد الخطوبه , كما قالت الاخت سابقا أحرص جدا على اظهار الخاتم
    ومازال الاحترام كما هو لهم قولا وفعلا حتي مع خطيبي
  7. توتوم كُتب في
    بنلبس الدبلة ومش مخطوبين وفى الاخر بنتعامل عادى يعنى علشان نكسر الحدود بس
  8. هدى كُتب في
    أنا أعرف واحد لابس دبله وهو مش خاطب عشان يعرف يتعامل مع البنات عادي من غير ما يتحفظ في كلامه معاهم .. ولا واحده تفكر فيه لإنه مرتبط
    عجبت لك يا زمن !! … اللى يعيش ياما يشوف
  9. عبد الرحمن الهنداوي كُتب في
    أنا مش قادر أفهم ازاي الدبلة بتدي فرصة للواحد انه يتعامل بسهولة مع الجنس الاخر … أنا خاطب من حوالى 13 شهر ومحصلش ده معايا … بالعكس الدبله دى خلتنى أحس بقيمة الانسانه المرتبط بيها ومحاولش احط نفسى فى أي موقفش مرضاش ان اشوفها فيه ( من هزار او تهريج او كتر كلام عالفاضى ) حتى لو كان زماله زى مابتقولوا """ البنزين و الكبريت عمرهم مايولعوا لو كان بينهم دبله """ ولا أيه…
  10. المتميز كُتب في
    حتى أنا عندما خطبت تركت كل البنات الي كنت أكلمهم بالتلفون لأني حسيت بأنها خيانة بنظري ،
  11. ahlam كُتب في
    yojad nase bi tsta3mal fatrat kotba zay ta3abd insan
  12. amel كُتب في
    fatrat kotba hiya ahsan fatra bitt3aml ma3a katibk bikol horiya 3alachan mayafhmakch nase ralat
  13. منى كُتب في
    انا عن نفسى جو الكليه(فنون جميله)عودنى على انى اتعامل مع الجنس الاخر بسهوله تامه لاننا كنا بنشتغل شغل عملى كتير مع بعض,وده سهل عليا حاجات كتير فى الحياه العمليه,بقيت بتعامل مع الجنس الاخر عادى جدا ومن غير اى مشاكل ولا قيود بس بحدود برضه
  14. cry rose كُتب في
    والله يا هبه الرد على سؤالك محتاج تفكير0000000000 00 بس افتكر يا جماعه فى الزحمه اللى احنا فيها فى اشغالنا معندناش وقت نفكر بالشكل ده فى حاجات اهم كتير انا عن نفسى فى شغلى ما بخدش بالى انا بتعامل مع راجل ولا ست اهم حاجه الانجاز فى العمل
  15. بيرى كُتب في
    انا بيرى 24 سنة وشكلى ملفت جدا وكانت مشكلتى ان اول حاجة لما تيجى الناس تتعامل معايا يبصو على ايدى عشان يعرفو انا مرتبطة ولا لاء وكنت ساعات بفكر ابس دبلة عشان ابان مخطوبة
    ولما اتخطبت فعلا بقيت دلوقتى بحرية فظيعة
  16. Rehab SISAQ كُتب في
    في الصفوف
  17. dode كُتب في
    انا بقيت بحريه شديده جدا بعد الخطوبه بقيت اتكلم مع صحابي في الكليه عادي وان لزم الامر اني محتاجه حاجه من حد من زمايلي الولاد في القسم بتاعي بقيت مش محرجه زي الاول لاني عارفه انه مش هيففهم غلط لاني مخطوبه
  18. sally كُتب في
    مازالت فى صفوف الانتظار
  19. بسنت كُتب في
    انا مش ف الصفوف اوووى يعنى
    بس اناكنت بتعامل عادى ولابتحفظ اووى ولا هزار وتسيب اووى
    كان الموضوع عادى بالنسبالى لحدماجه يوم وعرفت ان حد من بعض الشباب قال انى معجبه ولهانه متيمه حيرانه
    ومن ساعتها بقيت اتعامل بتحفظ بس مش اووى يعنى لحدما قالو عليا دى بت كشريه وخنقه ومعقده
    يعنى لاكده عاجب ولا كده عاجب اعمل ايه ياربى اشق هدومى
    ده بقى كان قبل الارتباط
    اما بعد الارتباط فبقيت اتعامل بتحفظ جداا وتبقى وقعتى سودا لوحد جه كلمنى او سألنى ع حاجه يبقى يومى ويومه مش معدى
    وتقريبا كده بعد الخطوبه والجواز هيتمحى من ذاكرتى اسم ولد او راجل ومش هيفضل فى الجمجمه غير خطيبى
    انتو عارفين بقى يابنات حكم القوى ع الضعيف بس طبعا احلى حكم واحلى قوووى
  20. dodo كُتب في
    ومن وجه نظرى مفيش حاجة اسمها طوق للحريه كل واحد فينا لية مساحة من الحرية ولكن مش حرية اوى حرية بحدود مش من حد اومش من دبلة لكن من قيم وتقاليد وتربية وحاجات كتير .
  21. dodo كُتب في
    مش شرط ان التعامل يبقى على اساس انا لبسة دبلة فمحدش هيفهمنى غلط ياجماعة كل واحد لية حدود والى يتعدى الحدود دى نوقفه عند حدة سواء فى دبلة او مفيش دبلة ,مش معا احمد لما قالى انه بيتعامل وحش مع السكرتيرة لنه خايف تفهم ضحكتة او لطفة بطريقة غلط او انه معجب بها بالعكس كدا مكنش حد اتعامل مع حد بلطف لو انا مثلا بنت ليا حدود فى التعامل وعارفة انا بعمل اية عمر ماحد هيفهمنى غلط والى هيفهم غلط يبقى اتعدى حدودة يبقى لازم اوقفة ونقولللللللل استوب
  22. niro كُتب في
    هو انا اه لسه في صفوف الانتظار بس مش اوي برضو زي بسنت كده
    بس انا عارفه ومتأكده ان دبلتي هتبقى سبب تقيدي مش حريتي خالص
    انا كنت بتعامل مع اصحابي في الكليه عادي جدا وكلهم عارفين ان انا اختهم وهم اخواتي
    بس لما هتخطب انا متأكده ان اللي كان بيحصل قبل كده مش هيحصل بعد الخطوبه و الارتباط
    لأن خطيبي هيبقى مش عاوزني اصلا اتعامل مع اي ولد سواء داخل الكليه او خارجها وده هيبقى بشكل رسمي اكتر وهتبقى مسئوليه اكبر خصوصا لما دبلته تبقى في ايدي
العودة إلى الأعلى