انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

ومن الغيرة ما "فركش" الخطوبة!

بناتقراءة في ٤ دبقلم دينا صلاح الدين

"أخويا وخطيبي قط وفار".. "أبي بيغير عليّ من خطيبي".. "أم خطيبي تختلق المشكلات معي"..

3 نماذج من الغيرة تعاني منها الفتيات في فترة الخطوبة، إلى جانب غيرة خطيبها عليها طبعا، والنتيجة مشكلات وتجاوزات وتدخلات تتعدى الحد المقبول.. وفي النهاية من يدفع الثمن هما الخطيب والخطيبة فقط.

استمعنا للمخطوبات والخاطبين عن هذه الأشكال الثلاثة ومواقفهن مع الغيرة..

أخويا وخطيبي

هدى، مخطوبة منذ 6 شهور عانت فيها كثيرا من رقابة أخيها لها، تقول: "أخي ينفع يكون مخبر, على طول معي أنا وخطيبي في البيت؛ في الشارع؛ في النادي؛ في أي مكان موجود معنا, لا أشكو من تواجده بل أشكو من الطريقة التي يتواجد بها فيشعرني دائما أنه يراقبنا فينقل لخطيبي شعور أنه لا يثق بي وهذا هو ما يضايقني".

سارة تؤكد ما قالته هدى، قائلة: "أخي يراقبنا حتى في مكالماتنا التليفونية فيجلس بجواري ليسمع ما أقوله لخطيبي ويغضبه جدا سماعي وأنا أقول لخطيبي يا حبيبي على الرغم من أنه خاطب وأسمعه هو وخطيبته يقولا أكثر من هذا بكثير".

ويحدثنا أحمدعلى عن أحد المواقف التي حدثت له، فيقول: "كنت مريضا في المستشفى وكانت معي خطيبتي، وللعلم كنا قد عقدنا عقد القران وحين علم أخاها أننا بمفردنا في الغرفة فتح الباب بعنف ودخل الغرفة غاضبا وثار علينا وقال أنه لا يجوز أن نجلس بمفردنا مع أنها زوجتي شرعا".

كما قالت لنا مريم: "في أول زيارة لخطيبي لي بعد عقد القران خرجت له بملابس ضيقة (كات) ثار عليّ أخي وضربني".

الرجل الوحيد

"أبي يغار علي من خطيبي بشكل هستيري"، هذا ما قالته نورا وأكملت حديثها قائلة: "علم أبي في مرة أننا سنخرج فادعى أنه مريض كي نبقى معه ولا نخرج بمفردنا".

أما علي فيقول: "غيرة والد خطيبتي تزعجني كثيرا فإذا طلبت منها أن تلتزم أكثر في ملابسها يقول لي ليس من حقك فأنا المسئول عنها".

ويقول محمد سعيد: "أنا أب لثلاث بنات ولا أتخيل أن بعد كل تعبي في تربيتهن يأتي غرباء يأخذهن وأفقد أنا سلطتي عليهن". بينما تؤكد زوجته: "زوجي دائما يقول لابد أن أكون الرجل الوحيد في حياة بناتي".

حماتي غيرانة

كما يغير الأب علي ابنته تغير الأم على ابنها.. فقد عاشت عشرين عاما أو أكثر امرأة واحدة في حياة ابنها هي صاحبة الرأي وأحق شخص بتدليل ابنها وفجأة تجد فتاة غريبة تأخذ دورها..

تقول دينا: "حماتي مثال حي للأم الغيورة فتحاول دائما تشويه صورتي أمام خطيبي وتعقد مقارنات بيني وبينها، ودائما تقول لي أنا ربيت وأنتي تأخذيه على الجاهز".

أيضا تعانى مها من غيرة حماتها منها، فتقول: "حماتي تختلق المشكلات معي فإذا دللت خطيبي أمامها تقول إنني لا أحترم وجودها، وإذا عاملته بشكل طبيعي تقول لماذا لا تدلليه؟ يا حظك الوحش يا ابني"!.

كذلك تقول لنا نرمين: "حماتي تحدث مشكلات بيني وبين خطيبي فتشككه في تصرفاتي وتدفعه للشجار معي وإذا لم يستجب لكلامها توبخه بأنه ليس لديه شخصية وأنه لا يستحق أن يكون رجلا".

السيدة نوال، وهي أم لشابين، تقول: "ربيت أبنائي وكنت أتوقع أن يكونا سندي في الحياة ثم وجدتهما يجدا ويكدحا من أجل توفير احتياجات خطيباتهما، أنا من الناحية المادية لا أحتاج لمساعدتهما ولكن كيف يحبا أحدا غيري فأنا من ربيتهم ولن يجدا من يحبهما ويتعب من أجلهما مثلي.. أنا الأحق باهتمامهما وبمشاعرهما".

الدواء لغيرة الأحباء

كي لا تستمري أنتِ وخطيبك في دفع الثمن من سعادتكما يمكنك فعل ما يلي:

- حاولي التقرب من حماتك بشكل غير مصطنع وتذكري مناسباتها الخاصة.

- قدمي لها هدية من حين لآخر.

- تجنبي انتقاد تصرفات خطيبك أمامها.

- لا تنفعلي على خطيبك أمامها.

- أشعريها بأهميتها في حياتك وحياة خطيبك.

- وجهي مكالمات تليفونية خاصة للسؤال عنها.

- اسأليها عن طريقة عمل أي أكلة يحبها خطيبك حتى ولو كنت تتقنيها، وقولي لها أنه يحبها بالطريقة التي تعدها بها له.

- لا تشعري والدك أن هناك من هو أهم منه في حياتك.

- تجنبي تدليل خطيبك أمام والدك بل عليك بتدليل والدك.

- من فترة لأخرى قولي لوالدك وأخيك أن خطيبك سأل عنهما حتى وإن لم يكن حدث.

- إذا كان أخوك هو من يضايقك بغيرته تحدثي معه بصراحة وأخبريه أن مكانته عندك لا يمكن أن يأخذها أحد.

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. منال كُتب في
    الموضوع جميل مووووووووووووت والنصائح اللى فيه لو اتنفذت كل الخطوبات هتعدى على خير شكرا ياريت المزيد من الموضوعات ده
  2. هدى كُتب في
    حلو جدا go ahead
  3. semsemaa1 كُتب في
    السلام عليكم ورحمه الله وبركاته لو كل واحد التزام وعرف ايه ليه وايه عليه الكل هيستريح والغيره موجوده معا كله وشكرا اوى على الموضوع الجميل
  4. heba كُتب في
    واللهى انا بعانى من كل دول وفوقهم بقى
    مرات اخو خطيبى
    كمان محسسانى انها حماتى التانيه
    افضل حاجة ان الواحد ميتخطبش احس نعس بقى وخلاص
  5. batot كُتب في
    بجد كل كلامكو صح بس اخر نصيحة معتقدش انها تنفع لأن انا جربتها كتيييييير وكانت النتيجة ان انا وخطيبى سبنا بعض و على فكرة انتو نسيتو تتكلموا عن اهم حاجة وهى اخت الخطيب على فكرة احيانا بتكون مصيبة
  6. yassmen hassan كُتب في
    بجد شكراعلى النصائح دىوعاوزين نصائح اكتر عن معاملة البنت لخطيبها وللاهله
  7. emyyyyyyyyyyyyyyyyyy كُتب في
    عاوزة اعرف ازاي اتعامل مع خطيبي لما دماغه بتبقى ناشفة انا عصبية اوي و ساعات مش بقدر استحمل كلامه العنيد فبيحصل خناقات على اتفه الاسباب و لما اريحه في الكلام يقول اني بخده على اد عقله بجد محتارة معاه بلييز عاوزة موضوع عن حل المشكلة دى …شكرا
  8. سلمى كُتب في
    وياريد الرد
  9. سلمى كُتب في
    انا كنت مخطوبه عن حب وحماتى السبب فى ان احنا نسيب بعض وحماتى ديه اهانيتنى كتير وقبل مانسيب بعض قالتلى تعالى اجيبلك هديه حاجه دهب وقلعتنى دهبى وخديته وهو عايز يرجعلى تانى اعمل ايه
  10. نونا كُتب في
    الموضوع جاااااااااااااا مد جدا وشكرا على النصائح دى
  11. mohaaa كُتب في
    وكانت النتيجة من غيرة حماتى ليا فركشت الموضوع وخليت خطيبى كمان يكرهنى بتشويه صورتى امامه وكل ده فى 21 يوم خطوبة حسبى الله ونعم الوكيل
  12. nonna2010 كُتب في
    أنا بجد بعانى تقريبا من كل أنواع الغيرة اللى تناولتلوها بالذكر وخصوصا غيرة حماتى والأكثر من كده مقارنتى الدائمة باخته ودى اكثر شئ بجد بيتعبنى
  13. بسنت كُتب في
    هاى ياسلمى انا شايفه انك مينفعش ترجعيله ابداااااا اولا ازاى سمح لمامته تعمل حاجه زى كده؟! ثانيا اكيد انتى معملتيش حاجه تبرر موقف حماتك معاكى وتصرفها ولو محترمتكيش ف الاول هتعمل ايه بعد كده معاكى؟؟؟؟؟؟ بجد انا مستغربه
    منها واضح ان شخصيتها قويه وصدقينى الحب مش هينفعك لما كرامتك تتهان وتتجرح عشان بتحبى خطيبك هتتنازلى دلوقتى يبقى لازم تتنازلى قدام كتيييير ومش هيبئى بمزاجك مينفعش مينفعش
  14. بونبون كُتب في
    موضووووووووووع مفيــــــد
    تسلمى يا قمر
  15. Nourhan S. Salim كُتب في
    salma lw bt7by 5atebk yb2a blash t5sareeh w 7matk 7awly tksabeha w lw m3rftesh f atganbeha w 5las bs lw enty bt7beh w mot2akda n hwa kman be7bk yb2a arga3elo w mt5sarehosh
  16. battta كُتب في
    انا كمان فركشت خطوبتي بسبب غيرة حماتي بعد اسبوعين بس من الخطوبة مع ان خطيبي كان شخص كويس بس المشكلة هي الام وان هو مش بيحب يزعلها
  17. نيجار كُتب في
    انا بقى بعانى من غيرة اخويا و بابا وامى من خطيبى وكل يوم ف مشاكل بقالى 8 شهور والموضوع من سئ الى اسوء وانا مش عارفة اعمل اية وبحب خطيبى وهوه مش بيعمل حاجة تزعلهم اصلا مع انى البنت الوحيدة واخواتى كلهم ولاد انا عايشة ف نار بس اعمل اية انا وخطيبى بنحب بعض ومش عايزة الموضوع يتفركش اعمل اية
  18. فروتى كُتب في
    ياجماعه الموضوع معقد جداااا
    مش بيتحل بالسهوله دى
    انا مثلا جربت معظم الحاجات دى ومافيش فايده
    وماقدرتش اكمل لان بحس ان ده بيجى على حسابى
    خصوصا لو الام ليها سطوه على ابنها
    بس انا اكتشفت ان من الامور المهمه تكون شخصية الراجل مع مامته لان هو اللى بيعرف يظبط الامور بين مامته وبين خطيبته
    وهو اللى بيعمل لخطيبته مكانه بين اهله بالحب والاحترام
    وهيا كمان نفس الحكايه كل واحد عارف اهله اكتر من التانى يعنى يعرف يتصرف معاهم احسن
    وانا رأى من رأى بسنت يا سلمى لان مامته شكلها مفتريه من الاول
    ثم لو كان كده يبقى سيبتم بعض من الاول ليه
    وانت يانيجار اصبرى شويه بمجرد مايتم الزواج ان شاء الله اهلك هيعرفوا ان ده جوزك ومش هيبقى فى حاجه من دى بس انت حاولى ماتقوللهمش على حاجه بتحصل بينك وبين خطيبك حاولى وقتك فى البيت وانت قاعده معاهم يبقى تسأليهم عن احوالهم وتهتمى بيهم اكتر يعنى حاولى تضحكى عليهم شويه لان غيرتهم دى وقتيه وغيرة خوف لا اكتر
  19. M.H Pharma كُتب في
    الحل انك تتخطبى لواحد تكون مامته ماتت وملوش اخوات بنات
  20. مسلمة_وافتخر كُتب في
    بجد انا اتعقدت ومش اعيزة اتخطب او اتجوز من اللى بسمعه
    مع انى نفسى اتزوج
    صحبتى كانت خلاص هتزوج كان بقى اقل من شهر بس للاسق فركشو الجوازة
    بجد مش عارفة العيب فمين
    بس تقريبا بيبقى قضاء وقدر
    وتسلمى ع النصايح جزاك الله خيرا
  21. مني كُتب في
    انا بابا بيغير بس بحاول ادامه مكلمش مع خطيبي ومامته واخواته بيغيروا بس بحاول مكلمش معاه ادامهم خالص برده كلام قليل انا اصلا بزعل بسرعة ودايما في تاتشات لانهم اصغر مني ويشلو
العودة إلى الأعلى