عربة السيدات.. أوووف
عربة السيدات في مترو الأنفاق بالطبع هي وسيلة مواصلات آمنة للسيدات والفتيات.. قادتني قدماي للركوب فيها منذ أيام.. ورغم دقائقي المعدودة في هذا "العالم" إلا أنني حصلت على لقطات غريبة أحب أن أنقلها لكم..
للوهلة الأولى لاحظت شيئا غريبا، نظرت بإمعان إلى الجهة اليمنى.. هناك 3 فتيات حولن عربة المترو إلى غرفة ملابس (dressing room) فهن يبدلن ملابسهن، ويضعن الماكياج، دون أي اهتمام بالمكان أو الأشخاص، وكأنهن بمفردهن، لا يشعرن بنظرات السيدات والفتيات المندهشات مما يفعلن، ولا يسمعن التمتمات الغاضبة منهن.. "زمن ملعون"، "فين الأهل؟"، "مفيش أخلاق ولا تربية"، "بنات تخرج من البيت بلبس وترجع بلبس تانى"، "ربنا يرحمنا من الزمن ده"!!.
في رأسي دارت تساؤلات (وبلا شك دارت أيضا في رؤوس من حولي).. كيف يتصرفن بهذه الحرية؟ هل انتقال عربة السيدات إلى منتصف القطار وبُعدها عن السائق هو ما أعطاهم الفرصة للتصرف بهذه الحرية؟.. وبينما أحاول إيجاد إجابات سمعت صوتا عاليا في الناحية اليسرى من العربة..
فتاة واقفة تحمل كتبا وترتدي كمامة، تتشاجر مع سيدة تجلس بجوار الشباك، الفتاة طلبت من السيدة فتح الشباك، خوفا من أنفلونزا الخنازير، والسيدة ترفض فتحه قائلة: "الهوا بيتعب ضهري، حرام عليكي هو إيه مفيش رحمة" وتجيبها الفتاة بغضب: "ضهرك إيه، مين أهم ضهرك ولا صحتنا كلنا؟، أنتي مش عارفة إن أنفلونزا الخنازير ممكن تموت كل اللي واقفين في الكتمة ده".
حاول الجميع إقناع السيدة بفتح الشباك إلا أنها ظلت متمسكة برأيها، إلى أن قطع ذلك صوت إحدى الراكبات وهي تشير بيديها: "افتحوا الشبابيك خلوا الريحة دي تضيع".. تلتفت الراكبات لمكان الإشارة.. سيدة تقوم بتغيير حفاضة طفلها داخل عربة المترو!.. "حد يعمل كده في المترو؟".. تجيب السيدة: "ايه المشكلة، ما كلنا بنات زي بعض، يعني أسيب الواد كده؟".. بالطبع
إجابة ساذجة، هل لأننا بنات فمن المفترض أن نتحمل الأمراض والأوبئة التي ننشرها بتصرفاتنا داخل عربات المترو؟!.
ربما انتشرت رائحة حفاضة الطفل لخارج العربة، فرأفت بنا إحدى البائعات الجائلات في المترو، ودخلت لتبيع لنا بعض البرفانات (الحقيقة كان معها أنواع حلوة وسعرها معقول) لم تكن بائعة عطور فقط، بل هي محل متنقل متعدد الأقسام، فلديها جوارب، ولانجيريهات، وملابس بجميع المقاسات.. أعجبني "بادى" فاشتريته منها، لكن حين أعطيتها النقود لم يكن معها فكة لتعطيني الباقي.. "حد معاه فكة؟" كررت البائعة طلب الفكة من الجميع لكن لم يجب أحد، إلا واحدة هي في الحقيقة "شحّاتة" كانت تتسول داخل العربة مدعية أنها تريد علاج ابنتها اليتيمة!،
فتحت الشحاتة كيس من القماش وأخرجت منه أموالا كثيرة لتفك النقود للبائعة، وحين كانت تعد النقود لتعطيها لي، جاءت محطة الوصول ونزلت من العربة بقوة دفع الراكبات لي دون أن أخذ باقي النقود.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ممكن الواحد يعمل سبعين ألف موضوع عن حاجة ويكون فيه إختلافات.. وعلى فكرة أنا عن نفسي متابعة جديدة للموقع وعاجبني.. ابعدي إنتي بس
بالمناسبة أنا بكره ركوب مترو الأنفاق وبفضل التاكسيات حتى لو كانت أغلى شوية ده بالنسبة للمسافات القصيرة بس أو ببرشط على أي حد معاه عربية لأن الواحد بيشوف مهازل في المترو وبيتعرض لأرف كتير
وبسبب اللي قولتيه ده كله وأكتر منه ماينفعش يتقال .. الستات و البنات بتسيب العربية دى وبتيجى تركب معانا .
وأهم حاجة هي علشان يرحموا نفسهم من الصداع والرغي الستاتي المتواصل .
موضوع روعة … وأسلوب الكتابة فوق الرائع .
هو ان شاء الله مفيش جديد هنا؟
bs Rabena yewafa2ek 2esloub we mawdoo3 gayed
بس على فكرة حلوة الأمثلة والمواقف اللي في الموضوع
المترو بصراحه اصبح ابوخ وسيله مواصلات بسبب الي بيحصل فيه وانك بتحسي انك مش قاعده في مترو خالص وياسلام عليكي بقى لو ركبتي المترو الصبح مه بنات المدارس شئ لا يوصف بجد
انا اوقات بريح دماغي واركب اي عربيه تانيه غير عربيه السيدات
ولا ده كله بيحصل غمتى عادة انا بركب في الصبح بدري يمكن قصدكم وقت الظهرية …
بس الله يسامحهم لو كانوا وصلوا للمرحلة ده … والله العظيم انا تنحت لما قريت كده … لاحول ولاقوة الا بالله
عشان بيغير عليا ولما اشرحله الحال فى عربيه السيدات يقولى ما انتى بنت برضه يعنى انتى من الكفار ما هو مجربش وماشفش اللى بشوفه من العناء والعذاب معاهم
مش بالذمه عندى حق
بس انتى لذيذه فى تعبيراتك وكلامك
فا بجد محتاجين رقابه ورقابه بجد
وشكرا لآن الموضوع ده بيخص ناس كتير
ركوب الرجال بها ولو فكرتي تكلمي حد ممنوع يشتمك وماتعرفيش تخلصي منه
تنادي للعسكري ولا كانه شيفك
لا واللي يزيد ويغطي يركبوا ويجلسوا ويتركوا السيدات والبنات واقفين
(بجاحة)
و الاخت اللى كانت بتعمل كده و لا اكنها بتعمل حاجه غير مألوفه عااااااااادى
و قبل كده كانت العربيه زحمه جداااا ة كانت امى معايا و هيا مريضة قلب محدش رضى يقوملها لحد ما اغمى عليها فى المترو قدامهم و والله العظيم قامولها بالعافيه لما شافوها وقعت
على قد المساوىء ديه كلها على قد ما انا مبركبش الا عربيه السيدات
و ربنا يعينا على اللى فيها
، أو نقدر نقول
: شر لابدج منه..هى فعلا بقى فيها مهازل بس للأسف مبآش فى نخوة عشان الواحد يطمن و هو راكب عربية مشتركة
، بس أرجع و أقول لو كل واحدة فينا مسكتتش عالغلط هنلاقى نتيجة ممتازة ان شاء الله
بس دول الستات واكيد ارحم من رخامه الرجاله وقرفهم
انا مش بركب المترو الا قليل واهون بكتير اركب عربه مشتركه احسن من زنقه الستات واللى بيحصل فيها
ع الاقل انتى قادره تحمى نفسك من اى راجل ممكن تزعقى تشتمى لكن الست تقولك مش مشكله كلنا ستات عادى بقا نسند ع بعض
هههههههههه حاجه تشل يارب ارحمنا
ارف بجد بقا يارب ارحمنا كمان الستات والبنات عملين مشكله بس الولاد والرجال اكتر بيعملوا حركات وافعال متتقالش وتحرق الدم ويضيقوا البنت و الست حتي ميرحموش الستات الكبيره مفيش دم خالص ولا اخلاق عند الولاد والرجاله حتي الراجل العجوز بيرحمش حاجه ارف
راجل عجوز بيعمل كده الواحد مش بيصدق والله لم بيبص بس ربنا يرحمنا من الناس دي
ويخلوا قبل الد م رحمه
bs aho elsetat a7san men elregala bs ely by3`ezny e7na setat zay ba3d ya3ny 3shana ana we hea men nafs elgens yb2a lazem ast7mel re7t el pambers bta3 ebnaha ya rab er7mna
شىء غير طبيعى
ولا الراجل اللى بيدخل عربية السيدات وعامل نفسه اعمى ويقعد يشحت فيها ويمشى يخبط فى دى وفى دى قال اعمى ومش بيشوف هنستهبل احنا
والستات الهبل اما حد يقوله بره يقوله بره دى سيدات يقولوها حرام عليك
اذا كان هو مش بيدخل الا عربية السيدات وهو لو اعمى صحيح يبقى مابيدخلش غير دى ليه مايدخل اى عربية تانيه
بس احنا نقدر نحد من التصرفات دى بان كل واحد يلتزم باداب المكان ويحاول ينصح اللى بيعمل كده
وشكرا على مقاللك اللذيذ ده
فعلا فيه باعه متجولين .. فعلا فيه زحمه .. بس بردو لسه فيه اخلاق و زوق عادى..
يعنى انا بس كنت باحس ان المشكله فى الزحام لكن كل الناس بتفتح الشبابيك عادى و بتراعى الذوق العام ( على قد ما شفت يعنى) الله اعلم بس بلاش نبأه متشائمين اوى كده