العريس جه.. وخلع
ماذا تفعلين لو جاءتك إحدى صديقاتك بالخبر السعيد "جبتلك عريس" والمطلوب منك مقابلته لإجراء التعارف بينكما، كيف تتصرفين خصوصا إذا كانت هذه المقابلة هي الأولى من نوعها.. هل ستهتمين فقط بشكلك، أم أنك ستنشغلين بإبراز شخصيتك على حساب مظهرك، أم سترفعين شعار"الطبيعي يكسب"؟.
"شكلي، ثم شكلي، ثم شكلي".. كان هذا ما فعلته "منال" في مقابلة أول عريس، كان إهتمامها الأوحد هو مظهرها وكيف تبدو أمامه جميلة، "عرفت موعد المقابلة قبلها بأسبوع، ومنذ عرفت لم يشغلني غير هلبس إيه، والماكياج يكون إزاى، وبدأت بجمع كل ما يعجبنى من ملابس وماكياج من أخوتى وأصحابى، وفي صباح يوم المقابلة، إتصلت بصديقتي، أدعوها للحضور لمساعدتي، وبالفعل بقيت على (سنجة عشرة) وذهبت للمقابلة، وحدث ما لم أتوقعه، أول ما شفت العريس إتكسفت ووشى جاب ألوان، ومعرفتش أتكلم ولا كلمة، اللي صدمني أكتر سؤاله لي: هو أنتِ عندك فرح النهاردة؟.. وكأنه لم يستوعب أن كل ما فعلته في مظهري كان من أجل مقابلته بشكل أنيق.. وباظت الجوازة".
أما "علا" فلها رأي مختلف تماما، فهي ترى أن ما يميز فتاة عن أخرى هو شخصيتها، لذا كان عليها أن تبذل كل ما في وسعها لإبراز هذه الشخصية، فحكت لنا تجربتها في لقاء اول عريس قائلة: "لم تشغلني الجوانب الشكلية كثيرا، ذهبت لمقابلته بملابسي العادية، تحدثنا في موضوعات عديدة، إلى أن طلب مني عدم العمل بعد الزواج، فرفضت بشدة، وحولت المقابلة إلى ندوة عن حق المراة في العمل.. ولم أره من بعدها".
وبالنسبة لـ "ندى"، فقد فعلت كل المطلوب منها، ظهرت بشكل أنيق غير مبالغ فيه، تكلمت بأسلوب لطيف، لكنها في نهاية المقابلة تقمصت دور الأب، وبدأت توجه له الأسئلة:"مرتبك كام؟ والشغل الإضافي بتكسب منه قد إيه؟ وهتجهز الشقة منين؟ وبعد الجواز مين هيمسك مصروف البيت؟".
وطبعا فر العريس وكان رأيه فيها معروف "إنسانة مادية ولا تناسبيني".
"نورهان"، من أصحاب شعار"الصراحة راحة"، والذي رفعته عند لقاء أول عريس، تقول: "ليه ماكياج؟ بعد كده هيشوفنى وأنا لسه صاحية من النوم، ساعتها بقى يقول كانت بتخدعني، وليه أستلف لبس من أصحابي عشان أقابله؟ افرضوا عجبه اللبس اللي أستلفته، وطلب مني ألبسه تاني، أعد بقى أستلفه كل شويه؟.. رحت قابلته بطبيعتي، وإتكلمت معاه بتلقائيتي، لكن الظاهر إن تلقائيتي ما عجبتهوش، قالي أنتِ ولا الراجل، الكلمة ضايقتني طبعا، لكني بعد كده أقنعت نفسي إني صح، وتمسكت أكتر بطبيعيتي".
تصرفات مختلفة صدرت من منال وعلا وندى ونورهان.. لكن ما هي النصائح التي يجب أن تتحلى بها الفتاة عند أول لقاء؟
- اهتمي بمظهرك وملابسك وماكياجك لكن دون تكلف ومبالغة.
- حاولي التركيز على إبراز ما ترغبين في أن يعرفه عنك.
- احرصي ألا ترفعي نبرة صوتك، وفي نفس الوقت لايكون منخفضا بشكل يدعو للضيق.
- لاتجعلي خجلك يسيطر على الموقف، ولا تكوني جريئة بشكل يزعجه.
- حافظي على إبتسامتك طوال الوقت، لكن انتبهي أن تبدو مصطنعة.
- تفاعلى مع الحوار، فلا تشعريه أنه يحدث نفسه.
- لا تتقمصي دور احدي رئيسات جمعيات حقوق المرأة، لتخبريه برغبتك بالعمل بعد الزواج والمساواة...ألخ، لكن يمكنك التحدث عن أهمية العمل لك بدون استخدام عبارات رنانة وعامة، اطرحي أسبابك الشخصية فقط.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
النصيب ثانيا
النصيب ثالثا
لما جيت اتجوز شفت بنات كتير من اول وهله كنت بحس ان دي مش ليه
ولما قابلت زوجتي _ والكلام دا كان من 27 سنه - من اول نظره ووهله عرفت ان هي دي وعملت المستحيل علشان خاطر اتجوزها
صاحب النصيب بيحمل ويشيل على طول مش محتاج النصائح ال لي موجوده في اخر المقال دا يا دينا صلاح الدين
حلو الموضوع كتير انا من راى ان كل ال[ *** ]ان اللى ذكروا فى الموضوع كلهم اشخاص غير جاديين وبيلعبوا هما لو كانوا فعلا اشخاص جاديين كانوا عملوا بسنه النبى الرسول عليه الصلاه والسلام (قال تنكح المراه لاربع لمالها وجمالها وحسبها ودينها فاظفر بذات الدين تربت يداك صدق رسول الله) لكن اللى بتتكلموا عنه ده مش جواز دا لعب عيال لو دا فعلا جواز كان زمان العريس سال عن العروس الاول وبعدين قابلها مش يقبلها ويتصدم ويصدمها هى كمان وبعدين يقول يلا فى غيرها المفروض يسال ويتاكد من اخلاقها من غير هى ما تحس عشان ما يسبب لها جرح لو شعر انها غير مناسبه
من الاخر المطلوب انى كل شاب يروح يتقدم
لاجواز الصالونات احسن يجوز وهو وحظه
زى البطيخ يعنى انت ونصيبك امال الخطوبه ايه
لازمتها ولو هو المطلوب شقه وعربيه وحساب فى البنك وشبكه بى 10 تبحطاشر الف
وبعدين هما عمله مسواءه ليه من حق اى فتاه مصريه او عربيه
ان تتقدم لاى شاب ( وخدى الحق ده انتى كمان ) متزوج ولدى ابنتى الصغيره
اه والله مع ان فيهم عيوب مالهاش حصر بس نعمل ايه بقه مجتمع ظالم … بس اصلا جواز صلونات دا مشروع فاشل
وحب بردوا فاشل ولو فى طريقة تانية فاشل بردوا مافيش مفر من الفشل
والدليل النماذج اللى بنشوفها فى الحياه ونسبة الطلاق العالية وبسبب كبير من الرجال اللى عديمي كل حاجه ههههه
من الاخر محلاها عيشت الحرية
ويسقط الرجال هههه
وبعدين مافيش اجمل من البساطة فى المظهر والروح يعنى الجمال مصيرة للزوال اما الروح هى اللى يتعيش . يعنى مافيش مانع من الميك اب بس يكون بسييييييط ميضطغيش على جمال البنت نفسه
واللبس كل ما يكون بسيط بيبقه انيق وشيك .
اما بقه التفكير العنصري اللى عند الرجل هو اللى بيدفع البنت انها تقول حقوق المرأة والشعارات دى اللى مش بتتنفذ فى مجتمعنا الذكوري ,لكن لو جاب السيرة دى تتكلم معاه بحنكة وذكاءة بدل مايقول عليها هوائية وكلمة بتخليها تتنطط وتتعصب .
ولكل بنت اكتر حاجه بتشد الرجل فى البنت الغموض الغير مفتعل وكمان الرزانة والرقة وطبعا لا تتخلى عن انوثتك تحت اى ظرف ( عشان ميقولش ناقصها شنب) والذكاء فى المرأة من اكتر الاشياء بتهم الرجل وخصوصا الرجل المتحضر.. وبس
يسعى الرجل للوصول الى العروس المناسبة ويلح ف رؤيتها وعندما يحدث هذا يقول ببساطة شديدة ليست هذه هى الشخصية التى ابحث عنها.
كيف عرفها ؟ وهل مقابلة واحدة كافيه ليحكم شخص ع أخر؟
كيف يكون الانسان محبوب من كل من اقترب منه ويأتى شخص غريب ليحكم انها شخصية غير مناسبة؟
شوية نصائح علي الماشي
1- أذا لاحظتي أن الشاب بيدور علي الشكل ومهتم بالمكياج والمظهر الخارجي، أنسيه … وأعرفي أن بكرة هيدور علي إلي أحلي منك!
2- حاولي تتأكدي من أنه متدين بجد ومتنخدعيش في مظاهر التدين السطحي.
3- الأسرة تاني أهم عامل في الجواز، حاولي تتعرفي عليها بأكبر شكل ممكن …
4- حاولي تفكري في شكل العلاقة بينكم بعد 5 سنين، 10 سنين، 25 سنة دا بيساعدك تشوفي قد أية ممكن يكون في توافق بينكم
5-أوعي تنسي صلاة الإستخارة … فالله أعلم بما فيه الخير
ان اللى اى حد يجئ من برا ويعرف انى بعمل ماجستير ومصره انى اكمل دراسات عليا لان طبعا شغل البنت ودراستها هما اللى بيبقولها متقولوش بقا راجل وعيال وحجات كده لان ولا راجل بيقدر الست اللى بتعمله ولا عيل بيحترم امه ولا ابوه
انا مش ممانعه اكون ام ولا اتجوز بس امسك سلاح فى ايدى عشان متحوجش لحد
فكل اللى يعرف انى مصره على الماجستير
يسحب كلمته ويخلع رغم انهم اللى بيجوا
معاهم جامعات وشغلته كويسه
بس اقول ايه بقا
ليه المهم نركز اننا نعجبه طيب افرضى بالغتى فى الاهتمام بنفسك سواء بالشخصية او المظهر واعجب بيكى طيب مهو ممكن ميكونش مناسب وبعد الخطوبة يحصل خلافات كتيرة ع الاقل فى المقابلة الاولى مش تفرق لو محصلش نصيب ولا المهم الجواز وخلاص
كل شئ فى الأول واخر نصيب
علشان كده نصيحتى هى اللى جايلها عريس اول مرة يشوفها اقولها فكرى فى اى حاجة الا انك تفكرى فى العريس
وحتى لو جه العريس وعجبك وانتى معجبتهوش ولا تزعلى نفسك لعلها رحمة من عند ربنا
فعلا الموضوع جميل جدا ولاكن في ملحوظه مدام الشخص اللي هتجوزيه مش في قصة حب يبقي تختاري اللي بناسبك لازم يكون في توافق في كل المستويات الثقافيه الاجتماعيه والماديه وكمان لو مشي هيجي غيره المهم مش تقدمي تنازلات علشان اي شئ وتمسكي بما هو صالح لكي
ااااااخ من الرجاله دوول مش بيعجبهم العجب
لا الطبيعه ولا التصنع
نقول ايه بس
ربنا يهديهم
كل دة الواحد بيعملة بس المشكلة في ان كل واحد عايز يتقدم عايز فيها كل حاجة بيضة وعيبنا زرقة وطويلة وتقدر تساعدة في الجوازة ومش مهم انهامؤدبة ولا الاخلاق ولااي حاجة وجوز الصالونات بقة فاشل هي كل واحدة تعرفلها واحد شوية بعد كدة يتجوزة
ده فعلا بيحصل ده حتى دلوقتى فى برنامج اسمه قسمه نصيب الشباب كلها هتموت على بنت بالموصفات دى مع انها لا تصلح زوجه خالص لابتعرف تتطبخ وعلى طول نايمه
اما بالنسبه لل[ *** ]ان انا جالى واحد من الخارج مناسب الاول قابلته بالميكياج بعد كده وانا مدبهدله لكن مهموش المظهر هو قالى انتى مناسبه ليا عشان بتعرفى تفكرى بس بعد كده بدأ يزهق من انى بحللل وبفهم هو اللى ايه قصده
كان باين انه متدين وطالع ولا متدين ولا حاجه ده حافظ كلمتين وبقولهم ده حتى طالع مش بيصالى
انا زهقانه منه اخر حاجه بس ماما قرفانى وكمان عندى ناس اعرفهم احلى منى بكتير لحد دلوقتى متجوزوش ابقى معاه وهى عيشه وسلام ولا اسيبه ويكون احتمال انى اعنس على فكره انا عندى 21 سنه
و انا رائي اننا نكون علي طبيعتنا احسن بس برضوا نهتم شويه بمظهرنا
و الاهم اننا قد ما نبرز احسن ما فينا نبقي نحاول نفهم دماغ الي بيتقدملنا و هل هو عريس مناسب و لا لاا
انا مريت بتجارب قري فاتحه و شوفت العذاب و الله
في الاتنين
عارفين
اتعلمت بعد كده اني متنزلش عن كرامتي عشان الانسان الي بحبه
لازم تحافظي علي كرامتك
و تبقي شخصيتك قويه بس متكونيش متصلطه
الدنيا دي عشان تتعلمي فيها لازم تتلسعي من تجاربها
و الحمد لله انا بقي تفكيري احسن و اقوي من الاول
و بقي عندي خبره ازاي اعرف الوحش من الكويس
و اتمنالكم يارب تلاقوا ال[ *** ]ان الصالحين و انا كمان بتمني الاقي الزوج الصالح المتعلم ده كل امالي في الدنيا و رضا ربي
تقبلي علشان متعنسيش ولا ترفضي لحد لما يجي فارس الاحلام؟؟؟
هو ده السؤال الي دايما معايا
انا الحمد لله بعجب كل ال[ *** ]ان الي اتقدمولي بس هما مش منسبين ليا خالص اما بخيل او تفكيره عيالي او مادي اوي او مستوي تعليمه علي قده وفي فرق في التفكير او في فرق في الطول
اعمل ايه اقبل وخلاص علشان اتجوز والسلام؟؟؟؟؟
انا معاكي دوري عليه وهتلاقي نمرتي كلميني ضروري
انا مرتاح افندي مهيتي 45 جنيه في الشهر وموظف درجه سادسه في وزارة الشئون الاجتماعيه ومقدم على شقه اوده وصاله وحمام مشترك وهاستلمها سنة 2080 وبادفعلها 3 جنيه شهريه وعالعموم انا وزني 130 كيلو وطولي 150 سم و لوني اسمر وعندي شنب رفيع وارعه في نص راسي وبدله كستور بني وبدور على بنت الحلال اللي عايزه تعيش وتكافح معايا بس اهم حاجه تكون بتحب الجبنه والنشويات .
اه صحيح انا عندي اشتراك شهري في هيئة النقل وممكن اركب اي اتوبيس تذكرته اقل من 50 قرش ببلاش . الحمد الله متهيالي كده مش ناقصني حاجه وعريس لقطه والله . المهم انا اهم ما فيه التواضع والسماحه … اى نعم انا قوى الشخصيه وشكيم العزيمه وراجل بمليون راجل بس برده انا متواضع جدا الا اني محبوب جدا ولماح جدا وذكي جدا بس الحمد الله اهم ما فيه اني متواضع … طبعا انا عارف ان في بنات كتير هينبهروا بيه وهيتمنو يعرفوني ويكلموني و يفكروا في الارتباط بيه … وانا معنديش مانع يا حلوين وكمان ولاول مره هاعلن عن رقم تليفوني على الملاء 0110999001 يلا افرحوا وانبسطو يا بنات … بس انا ماليش في الرنات ولا الرسايل . يا سم
المفروض ان الواحده لما يجي حد يخطبها تظهرلو بطبيعتها بدال مايجي بعد كده ويقول خدعونى
يا جماعه الواحده تظهر بصراحه اكتر معاه عاجبو كان بها مش عاجبو محصلش نصيب وخلاص
مش الواحده تقتبس شخصيه اخرى تستقطب بها العريس ويبقا اسمه نفاق ف الاخر
وشكرا
بس الاهم مش لازم نبهرج فى الميك اب والمكياج يعنى ممكن نروح المقابله زى اول يوم بنزل فيه الشغل او اول يوم بنروح فيه المدرسه مبنبقاش مبهرجين بس بنبقا شيك ولا ايه
والاهم انك تشترى منه عشان تفهمى طلباته لو معجبتكش طلباته ارفضى من غير ما هو يرفض او يعلق على طريقه كلامك انك بتتكلمى زى علماء الدين او رئيسه جمعيه
وبصراحه انا شيفه انى مبحبش جواز الصالونات ده ابدا لازم الى يتقدملى يكون عارفنى ومعجب بيه كده على بعضى بمحاسنى وعيبوبى
انا كان لسه متقدملى عريس من اسبوعين عن طريق الصالونات وغالبية مواصفاته حلوه اوى … مهندس فى شركة بترول ومتدين ومن عيله محترمه وأهله ناس كويسين وظروفهم مرتاحه أوى وهيعيشنى فى أحسن من مستوايا …بس مش عارفه انا مرتحتلوش ليه ؟ ده انا حته ما نطقتش بكلمه واحده طول القاعده..وتانى يوم من المقابله بعت وقال انه مرتاح اوى … بس مش عارفه مرتاح لايه ؟..المهم انى قولت أشوفه تانى… خفت اتبطر عالنعمه واستنى الأحسن منه واستنى كتيييييير … اه صحيح اللى معجبنيش فيه انه كان ابيضانى لدرجة انه بيحمر اوى لما بيتكسف … ولبسه ماكنش عاجبنى … بس ده ممكن اغيره بعد كده … بس والله ده مش دلع بنات … انا ما اتشدتلوش … حسيت ان فى حاجه عامله حاجز من ناحيته … مع انه على رأى أختى أحسن واحد فى اللى اتقدمولى من حيث الشكل والمستوى الاجتماعى والمادى … بس انا لو كنت وافقت كنت هبقى غاصبه على نفسى عشان ظروفه حلوه …مش عارفه بقى بس انا رفضت وحاسه بالندم… اهو نصيب بقى وخلاص
انا حصلى زيك بالضبط هو كله قسمه ونصيب ياسالى ونفس موصفات عريسك هو موصفات عريسى
الموضوع ده جالى عالجرح تمام النهارده
بالعكس شخصيتها دائما وابدا هي الي بتكلم عنها مش حد تاني وبالمناسبة في تصرفات ممكن تودي وراء الشمس
من البنت ذي مثلا تلاقيها مثلا مش فردة ظهرها ولا رافعة راسها يوم ميجي يتقدم وبرده من الوجاهة الاجتماعية انها تحتفظ بابتسامة بسيطة اثناءالحديث اول مرة كمان في حاجة لما يجي العريس اول مرة ياريت اهل البنت والبنت نفسها يعمله فرشة اجتماعية خالص بعيد عن الاستفسار عن المديات وحجيب ايه ومش حيجيب ايه ياعني جلسة يتعرفه علي بعض وكفاية اوي انه يتقي ربنا فيكي