شنط بنات ثانوي.. فيها إيه؟
الطبيعي أن تحتوي شنط البنات المدرسية على أقلام وكشاكيل وكتب وكمان سندوتشات.. ولكن يبدو أن البنات تمردن على تلك المحتويات واستبدلنها بأدوات أخرى تجعلهن في أجمل صورة؛ حيث أصبحت شنط البنات المدرسية لا تخلُ من المكياجات والبرفانات والباديهات والاسشوار.. وما خفي كان أعظم!.
فتحنا شنط بنات ثانوي علشان نعرف فيها إيه..
- هند محمود:
الرأي: لا تخلُ شنطتي من المشط والمراية وبالرغم من أنني ارتدي الحجاب إلا أنني أخلعه في الفسحة داخل الفصل عشان سمعت كتير أن لازم الشعر يتنفس ويتهوى علي فترات، وبما أني بظل في المدرسة فترة طويلة لذلك بحرص على تهويته بالاضافة إلى ملمع الشفاه الذي لا أستطيع الاستغناء عنه وبعتبره بديل لزبدة الكاكاو.
مريم إبراهيم:
الرأي: الميك آب أساسي عشان أحطه وأنا رايحه الدرس بعد المدرسة، لأننا بنجي المدرسة الصبح بدري ومش بنكون فايقين نحط ميك آب، لكن بعد انتهاء الحصص بروح الحمام وأحطه عشان أحس بتغيير في الشكل والمود.
- نورهان ناصر
الرأي: المجلات الفنية بدلا من الكتب المدرسية، لأنه أحيانا بتكون عندنا حصص فاضية وبنتهز الفرصة وبقرأ أي مجلة فنية لأني من عشاق الفنانين وبحب أعرف أخبارهم، كما لا تخلُ شنطتي أيضا من الكريمات وقلم الكحل، فأحرص على استعمال الكريم المرطب لليد حتى تظل يدي ناعمة، كما أحب أن أضع ايضا كحل على خفيف.
- سها إسماعيل
الرأي: بجانب الميك آب توجد ملابس خروج أيضا عشان لما أكون خارجة مع أصحابي بعد المدرسة بلبس البنطلون الجينز تحت جيبة المدرسة وبجيب معايا في الشنطة البادي عشان ألبسه في الخروجة، ما هو ما ينفعش طبعا أخرج بلبس المدرسة.
- مديحه أحمد
الرأي: أحرص دائما على وضع الإبرة والخيط داخل شنطتي عشان لو مسمار من المسامير قطع القميص أو الجيبة أبقى جاهزة وألحق نفسي.
- هاجر محمد
الرأي: العدسات الملونة والاسبراي والميك آب أدوات لا تخلُ منهم شنطتي، علشان أحيانا لما المدرس يعتذر عن الدرس على الفور نقرر الخروج أنا وأصحابي، يعني بعمل حسابي عشان أكون في أجمل صورة.
- داليا السيد
الرأي: لا أزال أتذكر محتويات شنطة صديقتي في الثانوي "منة الله"، التي تمتلك والدتها كوافير حريمي، فقبل العيد بأيام تتحول شنطة منة إلى كوافير متنقل حيث تحمل كل المعدات اللازمة للتجميل وأولها السيشوار، ويتحول حمام المدرسة إلى أكبر beauty center تصطف فيه البنات طوابير على منة!.
وأنتي.. شنطة مدرستك فيها إيه؟
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
لكن الميكب والبيرفم والينسس ليه؟؟؟؟؟؟؟؟؟؟؟
انا رايحه كباريه يالهوى لو ده فعلا اللى بيتشال ف الشنطه فعلا البنات فسدت اخر حاجه
واللى بتاخد الهدوم دى انا مستغربه ازاى اصلا تقلع بره بيتها
م الاخر يعنى كنا مقضينها بس ده طبعا كان فى الحصص الفاضية بس
انا مبخدش ولا حاشة من دول
باخد مرايةومجلة وطبعا الهاند فريى بس كده مش اكتر
ههههههههههههههه هههههههههه
عجبنى جدا الموقع مودرن ولذيذ وخاص بينا كبنات
بالنسبه للتوبيك ف انا بجد كل ما اخرج الشارع واشوف بنات ثانوى خصوصا احس انهم رايحين النادى او خارجين مش رايحين مدرسه ابدا وياترى ايه بقى فى شنطتهم
وانتم جابتولى على السؤال
الزمن اتغير كتييييييييييييي يييييير
و في حاجه كمان كل البنات الصغبره بتحسيسني ان احنا في usa مع اننا في مصر و ان لازم تكون حره اول متم 16 ذي usa بالظبط حاجه تقرف
ودي صوره من صور العولمه
بلا نيله
my facebook is rogi el saka
pls help me
&i hope they r girls only sory guys
i hate teen girls when they do dat they acting lik 21 age they 2 over in every ting
& i realy agree withpurelolo about da usa ting .
لكن لا فالثانوى ولا الجامعة كانت شنطتى فيها حتى مراية او زبدة كاكاو
فالثانوى مفيش ف شنطتى غير أدواتى والكتب والكشاكيل بتاعة اليوم والسندوتشات
وفي الجامعة شنطتى مفيهاش غير المحفظة والقلم والموبايل وممكن لو الشنطة كبيرة اشيل فيها الكتب ودا لحد دلوقتى وانا عمرى الآن 22 سنة
واضح ان دماغ البنات دلوقتى بقت فالمظهر وبس والأهم خلاص بقي ف خبر كان
بس دا ميمنعش الإهتمام بالشياكة والمظهر المقبول لسنى وطبعى ومجتمعى
دلوقتي ونا في الجامعه بقي لازم المرايه وبعض ادوات الميكب الخفيفه زي الملمع او الروج مثلا وحاجات خفيفه وساعات باخد شنطه الميكب كامله بس لازم المحفظه والموبايل والقلم وشويه ورق كده وكريم ومناديل