انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

عايزه إيه يا آنسة؟

بناتقراءة في ٢ دبقلم دينا صلاح الدين

"بتدوري على حاجة معينة يا آنسة؟".. ُمدموازيل حضرتك بتدوري على حاجة محددة؟".. "ممكن أساعدك في اللي بتدوري عليه؟".

عبارات تكررت على أذني مرات عديدة هذا الأسبوع حين ذهبت لشراء ملابس، سمعتها بطرق مختلفة من "بائعات" المحلات التي دخلتها لكنها في النهاية تحمل نفس المعنى.. وعلى الرغم من اختلاف طرق التعبير إلا أنهم جميعا كانوا غير مقبولين لي، فما الداعي أن تظل بائعة المحل ورائي تلاحق خطواتي في كل ركن من أركان المكان تقيد حريتي في الاختيار.

دخلت محل ملابس فوجدت بائعتين تتشاجران بداخله، ظننت أن دخولي كان في الوقت المناسب حيث قلّت حدة المشاجرة بينهما وجعل إحداهما تخجل مما تفعل وتقول للأخرى: "إتلمي بقى في زباين في المحل بدل ما أجي ألمك"، لكن خاب ظني فالبائعة الأخرى لم تقبل الإهانة على نفسها أمام الزبائن فاندفعت بسرعة نحو زميلتها وأمسكت بشعرها، وهنا تحول محل الملابس إلي حلبة مصارعة حرة!.

دخلت محل آخر مجاور "لحلبة المصارعة" فوجدت بائعات المحل يتناولن الغذاء، لم تحاول إحداهن القيام لمساعدتي وطبعا لم أرد إزعاجهن وإزعاجي في نفس الوقت، بدأت أشاهد الملابس وأعجبتني قطعة وأردت أن أجربها، فسألت: "لو سمحت فيه مقاس أكبر؟" فأجابتني إحداهن بحده دون أن تنظر إليّ وهي تكمل طعامها: "مفيش غير اللي معروض قدامك ده"!.

العكس تماما حدث معي في محل آخر، فكلما أمسكت بقطعة ملابس لأشاهدها تسرد لي البائعة شعرا في مدحها وكم ستبدو جميلة عليّ، وحين أمسك قطعة أغلى ثمنا تبدأ في مدحي والثناء على رُقي ذوقي، وبالطبع أنا أفهم تماما أن كل ذلك مجرد كلام خال من الحقيقة (بياعة كلام يعنى).

أما أكثر المواقف التي استفزتني في ذلك اليوم موقف تلك البائعة التي طلبت منها أن تُريني نوعا من "الإيشاربات" فعرضت عليّ نوعا رديئا، وحين سألتها عن نوع أفضل قالت: "عندي نوع تاني بس غالي عليكي"، صدمتني الكلمة وأشعرتني أنني دخلت أتسول بملابس ممزقة داخل المحل، بالصدفة دخل صاحب المحل فحكيت له الموقف ثم تركت المحل على الفور.

ما يشغلني الآن.. ما السبب الحقيقي وراء تلك التصرفات؟ هل هي "قلة ذوق" أم قلة رواتب البائعات مما يجعلهن يتمردن على وضعهن بأي شكل ممكن وغير ممكن، أم أن أغلب المحلات لا توظف بائعات مؤهلات للتعامل مع الزبائن، أم أننا ليس لدينا ثقافة بيع من الأساس؟!.

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. نوشا العربى كُتب في
    عندك حق يا دينا كل ده فعلا بيحصل لما الواحد ما بقاش للأسف ينزل يشترى لبس الا و لازم يسمع كلام مش ظريف
  2. بطاطا كُتب في
    طيب انتى اللى كان بيعمل معاكى كده البياعين
    انا دخلت مره محل انا وبنت عمى واتفرجنا ومفيش حاجه عجبتنا فخرجنا عادى يعنى بتحصل راح صاحب المحل بقى معجبهوش قالنا فليتو المحل ومشترتوش حاجه
    طب والنبى يترد عليه يتقالو ايه
    سبناه ومشينه بس محروق دمنا من قلت الزوق هو مدام دخلت محل يبقى لازم اشترى عافيه يعنى
  3. Nour21 كُتب في
    شكرًا ع الموضوع..
    انا رأيي إنها قلة خبرة ومؤهلات في فن البيع..
    للأسف حاجة تكسف,,
  4. توته الاموره كُتب في
    انا عايزة اقوك انى ساعات بيسيب المحل و امشى حتى لو عجبتنى حاجه بسبب البياعه اللى بتفضل تراقبنى و ماشيه ورايا كأنى حراميه مثلا هخد الحاجه قدامها و امشى
  5. ** ميرو ** كُتب في
    الموضوع دة دايما بيحصل معايا انا واخواتي واصحابي كمان للاسف ومببقاش عارفه ارد على البنت اققولها ايه لما تيجي تقولي ممكن اساعدك ولا عايزة حاجه معينه .
    وتحياتي ليكي يا دينا على الموضوع الجميل دة
  6. dr.esho كُتب في
    عندك حق يا دينا …الكلام ده كله بيحصل فعلا وساعات بيحصل العكس كمان ..تكونى فى محل وعجبتك حاجه وعايزه تسألى على المقاس او السعر وتفضلى تدورى على حد يرد عليكى متلقيش ..بالرغم من ان فى كتير بيشتغلو فى المحل بس متعرفيش بيكونوا مشغولين فى ايه
    عجبنى اوى اسلوبك
  7. otetty كُتب في
    بجد احنا بقينا في عالم صعب اوي التفاهم معاه!!!
  8. توتة كُتب في
    فعلا واللة هو دة اللى عالطول يحصل معايا وبكرة اليوم الى بخرج اشترى فية اى لبس من التصرفات دى
  9. yomna-elmahdy@ كُتب في
    بجد الحياة دى بقت معقدة جدا وصعب ان الواحد يفكها
العودة إلى الأعلى