حملة لتحرير الرجل..
«المساواة مش معناها ظلم الرجل» شعار أنطلقت به حملة على موقع «فيس بوك»، قادها ٣٠٠ عضو أغلبهم من الفتيات، اللاتى أكدن فى افتتاحية الموقع أن المجتمع أسهب فى ذكر حقوق المرأة ونسى الرجل. وقالت الفتيات أعضاء الجروب: «يا بنات مصر إحنا اللى هنحرر الرجل ونطالب بحقوقه، قاسم أمين إللى حرر المرأة زمان وإحنا اللى هنحرر الرجل دلوقتى».
أسماء محمد، صاحبة فكرة الجروب، قالت: «أنا شايفة الرجل بجد مظلوم جداً دلوقتى، وفيه غلابة كتير دخلوا بناتهم المدارس وطلعوا ولادهم منها عشان يصرفوا على البنات، حتى الشركات لم تعد تطلب سوى فتيات للعمل، والولد أول ما يتخرج فى الجامعة يطالبوه بشغل وزواج ومصاريف.. نحن لسنا ضد المرأة ولا ندافع عن الرجل، لكن المجتمع أصبح قاسياً مع الرجل ولا يعطيه حقوقه».
نقلا عن المصري اليوم.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
دة حقها اللي يادوب ابتدت تاخده من (سنين) بسيطة جدا أمام (قرون) من القهر .. دة هو العدل
وشكرا
ثانيا .. اي شركة دلوقتي وخصوصا القطاع الخاص همه الأول و الأخير هو تحقيق المكسب بأقل عدد من الموظفين و الرواتب .. فتلاقيهم دايما بيختاروا الأكفأ لشغل الوظيفة .. سواء ولد أو بنت ..
وأنا ضد الفكرة في التوبيك ان طلب الشركات فتيات للعمل يعتبر ظلم للرجل !!!!! هو حقيقي فعلا ان عمالة البنات زادت ولكن دة بسبب تأكد صاحب العمل من كفاءة الفتاة ولباقتها وقدرتها على اثبات نفسها في أي مكان .. والا ماكنش فضل الفتاة عن الرجل لشغل هذا المكان
ثالثا .. ربنا أمر الناس بعمارة الأرض .. ولم يقتصر تعميرها على الرجل فقط .. بل أمر البشر جميعهم (ذكر وأنثى) بذلك بالتعمير ..
اذا يا جماعة الكفاءة هي الحاكم الأول و الأخير بغض النظر عن اللون أو الدين أو الجنس … و دة هو اللي بيقوله ديننا الاسلامي العادل ..
وبعدين انا شايفه ان الولد اكتر فعاليه من البنت -فى الغالب يعنى-
مثلا يعنى لو استغنت بنات كتير عن شغل الوظائف اظن ان ده هيحل جزء كبير من مشكله البطاله عند الشباب وبالتلى هيقدروا يتجوزوا ويفتحوا بيوت وهتقل نسب الانحراف والادمان
عموما دى مجرد وجهة نظرى
والشركات اذا كانت بتعين بنات كتير عندها ممكن عشان الكفاءه بس الاغلب بياخها منظر ومظهر حلو للشركه
وكمان ماينفعش نقول البنات اتعينو عشان هما اكفأ من الولاد عشان هما اصلا ما دوش فرصه للولد ده انه يثبت نفسه هما ادو الفرصه للبنت وهو لأ
ورايي اذا كانت البنت مش فى حاجه ملحه للشغل كماديات مثلا يبقى بلاش شغلها احسن
وربنا لما امر بعمارة الارض اه طلبها من الولد والبنت بس كمان كان فى تحديد نوعا ما لمكان كل واحد فيهم المراه المسلمه عملها فى بيتها وولادها هى دى اصعب مهمه اللى قليل اوى بينجح فيها ما هو بناء جيل صالح ده اعمار للارض بردو
عالعموم دي وجهة نظري وانا بردو بحترم وجهان النظر الأخرى .. لأن مفيش حد زي التاني .. واكلنا مختلفين في أفكارنا وتوجهاتنا .. زكل واحد شايف الصح من وجهة نظرة وشكرا
وأي حد بيشتغل أولا عشان الماديات كلنا بنشتغل عشان نجيب فلوس ونعتمد على نفسنا بعد ما أهلنا تعبوا فينا
وبعدين ان مش معاكي الدنيا كلها بتتكلم عن البطالة و ان السبب في دة ان البلد مش قادرة حتى تكفل وظيفة محترمة للخريج فامينفعش احنا نيجي نقول ان شغل البنت هو اللي حجب الفرصة عن الولد واذا كنتي شايفة انهم هم اللي مادوش فرصة للولد يثبت نفسه فدي برده مشكلته ساعتها هو المفروض ينمي نفسه وساعة لما يتفوق عليها صدقيني هياخد مكانها مينفعش نعاقب البنت على كفائتها!
معنى كدة ان عمارة الأرض (عمل+تناسل) وظيقة البشر (ذكر+أنثى)
دة غير ان ماينفعش أبدا نعمم و نقول ان كل تجارب الستات اللي بيشتغلوا مابيقدروش يكفّوا أسرهم و يهملوهم .. لأن حوالينا في نماذج كتيرة قوي لستات بتشتغل وناجحة في شغلها وبيتها مع بعض وكلنا عارفين ان آخر احصائية في مصر بتقول ان أكتر من 90% من نساء مصر "معيلات" .. يائما جوزها مات وهي معيلة .. او معندوش دم وهجرها هي و عيالها فبقت معيلة .. او او .. الأمثلة كتير للي عايز يشوف الموضوع بنظرة موضوعية !!!
ده قصدى بان اللى مش محتاج الشغل ومش عايزه ما يشتغلش ويسيب المكان لحد محتاجه فعلا
وحاجه تانى انا مقصدتش انى احجم دور الرجل فى انه يجيب فلوس وبس دى قضيه تانى حضرتك هندخلى فيها انا قصدى ان اساس البيت فى الدخل هو الراجل مش الست وهو محتاج الوظيفه اكتر عشان هو اللى هيفتح بيت فى الاساس