حضرة المتحرش أستاذي!
يوم الأربعاء، الساعة السادسة مساءً، موعد درس اللغة الانجليزية، تجمعت الزميلات (طالبات الثانوية العامة) في بيت زميلتهن (سمر) وجلسن في انتظار مستر "متحرش" .. عفوا مستر (منصور).
جلست الفتيات يتحدثن عن يومهن في المدرسة وكل واحدة تحكي عن مواقفها الطريفة وبينما كن يتحدثن دق جرس الباب.. حضر مستر منصور.. دخل خافضا نظره، يرسم على وجهه ملامح الحياء والخجل، جلس على رأس المائدة والفتيات يجلسن من حوله..
بدأ في الشرح والإجابة على أسئلة الطالبات، فجأة وجدت سمر التي كانت تجلس على يمين مستر منصور ساقه تلتصق بساقها، وقفت منزعجة مما حدث فحاول تهدئتها قائلا: "في إيه يا بنتي، اقعدي"، وبعد أن جلست خفض صوته وقال لها: "معلش مكنتش أقصد بس على فكرة كانت حلوة جدا"، وبعدها عاد ليكمل الشرح وبقيت سمر مصدومة مما حدث ومن وقاحته في التعبير!.
طلب المدرس من الفتيات أن يرددن ورائه الكلمات الجديدة في الدرس ليتأكد من صحة نطقهن لها، ولسوء حظ "هدى" التي كانت على يساره أخطأت في نطق إحدى الكلمات، فإذا به يضع يده على كتفها مدعيا أنه يحاول تعليمها النطق الصحيح، ويضحك قائلا: "على رأي محمد هنيدى في فيلم حلق حوش: مش ها يودينا في داهية غير كتافك".
.. لم تنته الحصة إلا وكانت الفتيات قد قررن أن هذه هي أخر حصة لهن مع هذا المدرس المتحرش، ليظل بطل حديثهن باق العام الدراسي.
لم تكن قصة هذه الفتيات مع هذا المدرس حدث استثنائي، فقد عانت (هالة) من صدمة التعرض للاغتصاب بسبب مدرس الألعاب بمدرستها، بعد أن طلب منها أن تذهب إلي حجرة الألعاب لإحضار الكرات، ليلحق بها محاولا اغتصابها، ولم ينقذها منه سوى استغاثتها التي سمعت بها إحدى العاملات بالمدرسة.
أما (رانيا) فقد أصابها الخرس التام في حصة اللغة العربية طوال عام دراستها في الصف الأول الثانوي، رغم تفوقها في هذه المادة، والسبب هو تعرضها للتحرش في المواصلات حين ركبت الميكروباص وجلس بجوارها شخص حاول التحرش بها بأشكال مختلفة، لم يوقفه سوى صراخها فانتبه الركاب لما يفعل وأنزلوه من الميكروباص، وفي اليوم التالي ذهبت لمدرستها لأول مرة في بداية العام الدراسي لتفاجئ أن الشخص الذي تحرش بها هو نفسه مدرس اللغة العربية في فصلها!.
من المؤكد أن أبشع ما تتعرض له الفتاة هو التحرش، لكن الشيء الأبشع أن تجد من يتحرش بها هو مثلها الأعلى والذي ربما يكون في سن والدها، وقتها تفقد الثقة في كل من حولها..
فهل تعرضتِ لمثل تلك المواقف أو سمعت عمن تعرض لها؟
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الواحد هيعمل إيه بس لا أنا مش محجبة ولا أنا لبسى ضيق ورغم كده الواحد مبيسلمش من المواقف دى
ربنا يحفظنا ويحفظ كل بنات المسلمين
وساعات البنت بتخاف تقول الموقف اللى حصلها لاحسن حد يزعقلها وكمان فى ناس بتبقى مش نتقبله الموضوع وتحسس البنت ان هى اللى غلطانة
وكمان الموضوع ده لو انت مش واخد بالك بيتكلم عن التحرش اللى مش الدعاره التحرش اللى بتتعرض ليه بنات حواء بمختلف اعمارهم دلوقتى من شوية شباب وقح غابت عنهم كل مفاهيم ومبادىء الحياء والدين وبيتحرشوا بالبنات فى الشارع والمواصلات وفى كل مكان بمنتهى الوقاحه ووصل لابشع الصور وده اللى انا عايزه اسميه نوع من انواع الارهاب بالنسبه بالبنات لانه بيسب لهم اثار نفسيه بتتحول لافكار سلبيه بشكل عام عن الشباب مع تزايد عدد حالات التحرش
طيب لو البنت كانت لبسة لبس محترم مش ملفت تبقى فين المشكلة
بس فى ناس كدا معندهاش لدين ولا حياء
من برة ملاك
ومن جواه ابليس
حسبى الله ونعم الوكيل
لو عليا انا امشى بمية نار علشان احافظ على شىء ملكى جسمى
واحدة قرفانة من جيمس 2010-02-10 / 02:47 إلي جيمس…ربنا يا رب يرزقك برجل يتحرش بك بل و يغتصبك كمان, علشان ساعتها تقدر تحس و تفهم البنت بتبقى حاسة بإية فى الموقف الرهيب ده و ساعتها نقو أصله إغتصبك بمزاجك…يا عديم الإنسانية ————————————————————————————————————————— اظن ده كلامك يامحترمة يامتربية يابنت الاصول يالى مابتغلطيش فى حد عاوز اقولك حاجة انا ليه قولت عليكى ام جهل لانك انتى كده فعلا لانك انتى غلطى فى وبعدين مش قابلة ردى حقك لان غرورك مش يسمحلك حد يهزقك لكن يسمحلك تهزقينى اوك مافيش مشكلة حاجة تانية انا بتكلم عن بنات بتوافق وبمزاجها وبعدين تقول تحرش ماحنا لاوم نشغل عقلنا الا ادهونا ربنا وبلاش نشغله فى شتيمة جيمس انا راكب اتوبيس الاقى ولد بيتحرش فى بنت وهى ولا هى هنا انا الشهامة تاخدنى امسك فى خناقه يقول اسئلوها يسئلوها تقول ماعملش حاجة يبقا انا الا كداب وهى كدة موافقة يتحرش بيها مش كل البنات كدة طبعا فى بنات بتكون خايفة تتكلم وده غلط لانه الا بيشوف بيقول هى موافقة
ربنا يشفيك يا بني .. عشان واضح ان نفسيتك تعبانه بجد … و محتاج مصحه نفسيه … دي اقل حاجه تتقالك عشان انا محترمه جدا مش هرد عليك باسلوبك الواطي ده … و واضح جدا انك م الفئه اللي بتعمل كده عشان كده محموق اوي في الدفاع عنهم … وبعدين انت مالك انت النت لابسه ايه ماتخليك في حالك و لما انت بقي بتتكلم علي لبس البنات انا برضه ممكن اتكلم علي لبس الولاد لكن انا مش هقول كده عشان اانا محترمه و بحترم حريه الاخرين و مش بمشي اتفرج ع الناس في الشارع و اقلعهم و البسهم علي مزاجي..و طبعا انت عترف نفسك انهي فيهم .. خليك فرحان بنفسك كده و بمستواك الاخلاقي ده … انا اسفه جدا جدا جدا لكل الناس المحترمه اللي في التوبيك ده لكن الشخص ده ماينفعش ارد عليه احسن من كده