انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

عوانس من أجل المجتمع !

بناتقراءة في ٤ دبقلم هبة الله أحمد

إذا صادفت ودخلت احدي الأماكن الخيرية القائمة علي العمل التطوعي، فلا تتعجب إذا رأيت أغلب القائمين علي العمل هم من الإناث.

ولا تحاول أن تلقب إحداهن بلقب "مدام"، لأن في الأغلب ستجد الرد الآتي: "أنسه لو سمحت" فأغلبهن مشتركات في لقب "عانس" عفوا أقصد "عازبة".

فإذا كان الشباب الذكور جل همهم بعد التخرج هو إيجاد العمل المناسب لسد احتياجاتهم المادية حتى لا يظل عبئا علي أهله، فإن للفتيات اللائي لم يلحقن بقطار الزواج بعد شأنا أخر، فالعمل في الأغلب لهن هو لقضاء وقت فراغهن في شيء مفيد حتى إذا كان الراتب ضعيف، فجيب الوالد سداد ولا عيب في ذلك..

ولكن حتى إذا وجدت الفتاة التي لم تتزوج العمل المناسب لها، تظل محتفظة بطاقة داخلها تظل تبحث لها عن متنفس، وكثيرا ما يكون هذا المتنفس هو عمل خيري تطوعي..مما يجعلنا أن نقول أن العمل التطوعي لا يحمل رايته عادة إلا العوانس..

قلب بنوتة

سارة درويش،27 عاما، هي خريجة كلية الحقوق لم ترد أن تعمل محامية، فكل أحلامها أن تعمل سكرتيرة في شركة كبيرة وبظروف تناسبها من ناحية ساعات العمل، حتى تستطيع أن تراعي أخيها الأصغر، بالرغم من أن سارة هي وحيدة أبويها اللذان يصرفان عليها ببذخ.

وحتى لا يطول الاستغراب فسارة تبنت معنويا طفل منذ عام تحت لقب (الأخ الأكبر) وهو نشاط تطوعي تتيحه بعض الجمعيات الخيرية يعمل علي توفير كل الاحتياجات المعنوية والنفسية لطفل يتيم من خلال وجود شخص تكون مهمته ذلك.

تقول سارة عن شعورها تجاه أخيها الأصغر: "في البداية كان الدافع لهذا العمل بالنسبة لي هو عمل شيء جديد حتى أجد ما أنشغل به، أما الآن فهذا الطفل أصبح كل حياتي لدرجة أنني أقضي معه كل وقتي تقريبا حتى في أيام العيد".

المظروف المبارك

ورغم أن مها إسماعيل،29 عاما، تعمل في وظيفة تحبها كثيرا وطالما حلمت بها، وعلي الرغم من أنها تقضي أغلب وقتها يوميا في العمل، فان هذا لم يكن كافيا لها كفتاه.

فلا يمر شهر حتى تجد بين يدها ذلك المظروف المبارك، الذي تمر به علي زملائها في العمل ولا يتوقف عن التداول بين الزملاء حتى يمتلئ عن أخره بالنقود التي تقوم مها بدورها بصرفها علي أسرة فقدت الأب والأم ولا تجد من يعيلها.

مساجد العوانس.. للأعمال الخيرية

أما رشا خليل،30 عاما، فلا تجد من الوقت ما يجعلها تستطيع أن تقضي يوما من الراحة سوي أن يكون قهرا بسبب المرض.

وذلك لكثرة أنشطة المسجد المجاور لمنزلها التي تقوم هي بالإشراف علي كل هذه الأنشطة التي نتجت عن طريق اقتراحاتها المستمرة لأعمار هذا المسجد بالعمل الخيري.

ولا تخفي ناهد أحمد،31 عاما، في أن سبب ذهابها إلي المسجد لحفظ القران كان في البداية بديلا عن التفكير في الموعد الذي سيدق فيه زوج المستقبل بابها، ولكن عندما ذهبت ووجدت الكثير من الفتيات الغير متزوجات منهمكين في تحقيق هدفهن نحو إتمام حفظ القران ثم تحفيظه لغير الحافظات له، فأصبحت هي أيضا منشغلة بذلك الهدف الذي لم ينسها التفكير في متى يأتي إليها زوجها، فمازلت ناهد تحلم بان تتحول هذه الطاقة لتحفيظ أولادها القرآن..

من البيت للبيت

أما سالي محمد،24 عاما، فكثيرا ما انتقدت شقيقتها وصديقاتها اللائي سبقنها إلي الزواج بالتكاسل عن أداء أي عمل خيري تطوعي بعد الزواج، وانشغالهن بأسرهن الجديدة الصغيرة فقط رغم توفر الوقت لديهن.

وعلي الرغم من أن سالي امتلأت حياتها قبل الزواج بالأعمال الخيرية التطوعية بجانب تفوقها الدراسي، إلا أنها لا تستطيع الآن بعد عام من الزواج مواصلة تلك الأعمال بسبب رعايتها لأسرتها الصغيرة.

فربما أشتكي الكثير من ارتفاع نسبة العنوسة بين الفتيات في العالم العربي، لترتفع أصواتهم في المؤتمرات وتملئ كلماتهم الصحف عن مشاكل المجتمع جراء ارتفاع العنوسة، وكيف السبيل لإيجاد حل للتخلص من هذه الظاهرة.

ولكن لم يفكر هؤلاء في من سيكون للمجتمع إذا غابت عنه عوانسه..

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. مها صديق كُتب في
    لا طبعا ازاى يتجوز اربعة دا لو كان يقدر وظروفة تسمح لكن لو واحد ظروفة على ادة ازاى يتجوز اربعة والسبب الرئيسى لزيادة عدد العنوسة اننا مش مشين على نهج دينا صح لو بنصل الرحم كان اقرب شى الولد يستجوز قريبتة لانها اولا بية من حد تانى لكن للا سف لا يغير الله ما بقوم حتى يغيروا ما با انفسهم..
  2. من عرب 48 كُتب في
    احنا عنا في الاراضي المحتله بنت ال24 تسمى عااااانس
    و هاي كارثه لانو الشباب كلهم ما بيطلعو الا على بنت ال 15 و ال 16 و ال 17 و 18 سنه بعدها البنت بتصير اتواجه خطر
  3. اكتب اسمك هنا كُتب في
    تحليل الموضوع مزعج جدا .. أعتقد أن كثير من الفتيات الآن سيخشين من العمل التطوعي حتى لا تؤخذ عنهن صورة العانس!!!!
    وطبيعي أن تكون المتزوجة غير متفرغة للأعمال التطوعية يعني يا دوب بيتها .. وكما في التعليقات الأخرى أعمار الفتيات ليست كبيرة كفاية لنقول عنهن عوانس!!!
  4. ®Cipher كُتب في
    عدد النساء 3 أضعاف عدد الرجال يبقى علشان نقضي على العنوسة لازم المجتمع يكون متفتح و يسمح للرجل الزواج ب4
  5. انا مش عانس انا انسانة كُتب في
    انا يمكن لسة مابقتش عانس اوى انا عندى 26 سنة بس بمنطق عليتنا اللى بيتجوزو فى سن ال18 20 بالكتير اوى فانا مش عانس بس فانا خلاص ادور على دار مسنين !!!!!!!!! لدرجة ان اهلى بداو يطالبونى بتنازلات لارضى ع اى عريس واحد يعنى 40 عادى وفعلا انا بستغل وقتى باسلوب كويس بشتغل فى مكان محترم بقيت نائب مدير فى سنى دة وعملت دبلومة محاسبة فى عين شمس وكنت فى نفس الوقت بعمل واحدة فى الجامعة ا لامريكية واجتازت الاتنين بنجاح وبعمل حاليا ماجستير فى ادارة الاعمال فى الجامعة الامريكية ودة احسن ماضيع وقتى وفلوسى على واحد من ال[ *** ]ان الللى مش اد كدة اللى بيجبهوم عليتى
    فى ناس بتبقى فاكرة ان البنت ل ما بتكبر شوية بيتضطر تقدم تنازلات دة كان زمان دلوقتى البنت اللى سنها بيتاخر على الجواز بمزاجها مش بتتجوز اللا فى مزاجها
    اما مشكلة الامومة فتغلبت عليها زى ماغيرى عمل اتكفلت باحد البنات الصغيرات فى احدى ملاجىء الكنيسة - انا مسيحية - وبقضى معاها يوم الجمعة والسبت ودخلت السنة دى الحضانة وبجد لو خلفت هاعرفها على ولادى على انها اختهم
  6. ريما كُتب في
    انا مش شايفة عوانس يا اخت هبة… يعني البنات عمرهم صغير و لسة ملحقوش لقب عانس… يعني 27 سنة و لا 29 سنة عانس؟… ده كان زمااااااااااااا ااااااااااااااا اااان…ولا انت مش عايشة بهالعصر
  7. بسبوسه كُتب في
    مش عارفه ليه فى مجتمعاتنا العربيه لما البنت توصل لسن مابعد ال 24 ،25 سنه تبدأ كلمه عانس تطاردها ونظرات الناس وكلامها وتعليقاتها (البايخه)لامؤاخ ذه
    اعتقد انها ثقافه مجتمع توارث عن اجيال عتيقه ايام تاتا وجدو علشان كان على ايامهم مفيش مشكله اصلا
    ورغم ان مشاكل العصر كتير بطارد الشباب الا ان الكلمه هى هى العنوسه ماتغيرتش
    مش عارفين ان كلمه عانس قد ايه بتجرح البنت ومش هيعرفوا الا لما يبقى عندهم بنت فى نفس الموقف فيبطلوا كلام
    على كل حال الزواج مش اخر امال البنت لكن اللى بيدفعها للتفكير فى الزواج هو فى الغالب ثقافه المجتمع العتيقه
    ياريت ثقافه المجتمع تتغير لان ظروف الحياه اتغيرت الى الاصعب
  8. اكتب اسمك هنا كُتب في
    سلام عليكم جميييييييييييعا ً…
    الأخت المسيحية.. بصراحه برافوا عليكي…كده البنات ولا بلاش…شغل و عمل خيري و تبني لطفلة…
    ربنا يباركلك فعلاً و يهدينا و يهديكي..
    ربنا خلق البنت عشان تشتغل في الدنيا مش عشان تستنى الجواز و عريس ال____
    وانا شايف ان العانس هي اللي قاعده في بيتهم مستنيه "عريس" و مش بتعمل أي حاجه لا لنفسها و لا لمجتمعها و لا لبلدها..>;>;>;>;>;>;>;>;>;>;>;>;هي دي العانس والباقي زي الفل ما شاء الله..
    أخوكم محمد..
  9. هايمة كُتب في
    الحين يسمون اللي بالاربعين عانس، اما الثلاثينية آنسة لكن اللفظ يكون فيها اكثر هيبة ، وللعلم حتى الرجل يسمى عانس ، لكن ماادري ليش العنوسة ملتصقة بتاء التأنيث، ومشكلة مجتمعنا واعلامنا عامل فوكس على عنوسة البنات… الدنيا تغيرت، مع ذلك البنت ماردها الا لبيت زوجها وكـــــل شي نصيــــــــــــ ـــــــــــــــ ـب
  10. أحمد كُتب في
    ههههههههههههههه ههههههههههههههه ههههههههههههههه ههههههه
    عانس
    مساكين
    الكل يقول عليهن عوانس
    لو دفنوكم أحسن بدل هذي الكلمة الشاب يحترموه …احتراما بيسموه عازب
    والبنت تحقيرا لها بيسموها عانس
    للأسف مجتمع متخلف لايراعي المشاعر ولا الأحاسيس ولا حتى انتقاء الكلمات
    بالله عليكم مامعنى أو أصل كلمة عانس
    هي أصلا لاتنطق الا من متخلف يريد الاستهزاء
    للأسف ياعرب أتمنى أن ترتقوا قليلا واتركوا هؤلاء الآنسات لوحدهن هن الأقدر على حل أمورهن لوحدهن
    لأنهن أقوى من موقع سخيف تافه يهتم بكلمة لامعنى لها ولا يحترم مشاعر الغير
  11. oosama كُتب في
    oosaamaaa@yahoo
  12. oosama كُتب في
    إلا بالمناسبة ما الاقيش عندكو عروسة يا عشرينات تكون عاوزه واحد بالحصة..تبقوا عملتوا معايا أحلى واجب بصراحة؟؟
    عندى 25 سنة وعندى شقة ما تخافوش !! وبكالوريوس تجارة بس معلش أنا صعيدى فمش هقدر أبقى كاو بوى..يعنى؟؟ علشان سلو بلدنا يعنى؟؟
  13. osaamaaa كُتب في
    والله زمان يا عشريناتية ..أنا النهاردة أول مرة أدخل الموقع يمكن من سنتين ..وإيه الحلاوة والحاجات الجديدة..ما شاء الله واحشينى موت والله يا خوفى لتكونو مش فاكرينى يا ولاد الذين؟
    فاكرانى يا هبة ولا لأ؟؟ أنا علقت على موضوعات ليك ؟؟ إيه مش فاكرة ولا إيه…موضوع منهم كان إسمه إيه ..كان إسمه يه؟؟ إيوة افتكرت كان إسمه((حب الملتزمات دموع وآهات))
    إيه لسة مش فاكرة برضة ..يا دى النيلة أقولك ..سلام يا هبة؟؟
  14. osaamaaa كُتب في
    على فكرة العنوسة بسبب الأهالى ..وتقاليد المجتمع السيئة ..لو الناس تمشى حسب تعاليم الدين وتيسر المهور وتدور على الدين والخلق ..زى ما ربنا أمر الحياة هتبقى أجمل..لكن الناس بتدور على المادة أولا ..أما ثانيا فالمادة برضه..!!!.الحاجة المرة قوى إن الأسر المتدينة زيها زى الأسر العادية لأن الدين للأسف بقى عند كثير من الناس منظر بس؟؟ معلش يا جماعة أعذرونى أصل أنا مكوى شوية من الموضوع ده!!
    وخدوا عندكوا بقى: أحسن بنت خلقها ربنا مين؟؟؟؟
    إيه مش عارفين ولا إيه..؟؟ أحسن بنت (فاطمة بنت النبى صلى الله عليه وسلم) إتجوزت فى بيت من طين على طرف المدينة على حصير ووسادة حشوها من الليف ومهرها كان درع من حديد؟؟ هاتولى أكتر واحدة متدينة النهاردة توافق تتجوز بالشكل ده؟؟ أو يوافقوا أهلها على عريس ظروفه زى ظروف سيدنا على كرم الله وجهه وياريت ما حدش يقولى هاتلنا واحد زى سيدنا على واحنا نوافق..علشان برضة ما فيش واحدة زى ستنا فاطمة رضى الله عنها..!!
    ربنا يقول (( إن يكونوا فقراء يغنهم الله من فضله)).. والناس تقول : لا زم نأمن مستقبل البنت!! أعوذ بالله
    كمان مع دور الأهالى دور الإعلام.. اللى بيعرض علينا ليل ونهار بلاوى مسيحة خلت الشباب بيدور على شريكة حياه دميه ..قصدى ستايل ..؟؟ والبنات بتدور على شاب كاو بوى ( بقره يعنى) المهم إنه يكون مريش قصدى مروش؟؟ وبيحطوا شرط الدين برضة على جنب كدة!!
    المشكلة إن شباب كتير قدروا يبقوا كاو بوى ..وقدرو يتروشوا ..بس مش قادرين يتريشوا…ليه بقى ؟؟؟
    علشان دور ستنا الدولة اللى مش موفرة للشباب أى فرصة عمل ..يا حبة عينى؟؟
    إلا إذا حبيت تشتغل مدرس بالقطعة..أقصد بالحصة؟؟ زى حالاتى؟؟ بمرتب وقدره 105 جنية ..هتصرفه على الصاندوتشات فى الفسحة؟؟
    والله مش عاجبك إضرب دماغك فى ال…لأ مش ف الحيط؟؟ علشان ممكن الحيط تحصلوا حاجة ويبقى إهدار للمال العام…إضرب دماغك فى القطاع الخاص..ومش هيشغلوك لأنهم عاوزين آنسة حسنة المظهر ملفوفة القوام خبرة 7 سنوات!!وانت لا مؤاخذة قاومك مش هتقدر تلفة أبدا؟؟!! وما عندكش خبره؟؟
    …إيه ده !! أنا الظاهر سرحت أنا آسف ياجماعة؟؟ باى باى…
  15. سالي كُتب في
    انا شايفه ان الاعمال التطوعية دي مهمه جدا وعليها ثواب كبير باذن الله وفي حاجة مهمة كمان ان اللي اتاخر سن زواجها اوحتي متجوزتس ده اكيد خير يمكن لوكانت اتجوزت كانت درجة قربها من ربنا قلت واتحرمت من الاعمال التطوعيه دي
  16. غريبة كُتب في
    الكلام اللي بتقولوه ده جميل ،ونا بشغل وقتي بشكل فظيع،لكن المشكلة ان مرات لما تهدا عجلة الحياة وبقعد مع نفسي،بحس بألم رهيب وببقى نفسي اكون تراب،وبصحى بالعافية أروح الشغل،ولما تجري عجلة الحياة تاني بنسى وبضحك والناس بتغبطني على ضحكتي.الحمدلله
العودة إلى الأعلى