انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

والاسم مخطوبة

بناتقراءة في ٤ دبقلم يسر عبد الدايم

* قبل الخطوبة:

قصة حب شهد الجميع أن طرفيها "روميو وجوليت"، كانت رمزاً للقصة الرومانسية الناجحة، استمرت طوال سنوات الجامعة الأربع علي أمل أن تتم الخطوبة بينهما..

* بعد الخطوبة بشهرين:

هو: "الخطوبة هي الفترة الأسوأ في الحياة، ما أحلى عيشة الحرية، أنا مش عارف دماغي كانت فين أما عملت كده، غلطت الغلطة دي أزاي، دي فترة الملل والزهق، كل حاجة في الحياة بقت الجهاز والفلوس".

هي: "خطوبة إيه أنا كنت بحب واحد تاني في الجامعة، أنا اخترت لنفسي النكد والخناقات، ولاّ حماتي هي دي اللي يتقال عليها قنبلة ذرية، دي ماري منيب جنبها ملاك، وقال أية أسمي مخطوبة".

فترة التنافر

يرجع علماء النفس أسباب التوتر والملل العاطفي أثناء فترة الخطوبة إلي الاصطدام بالواقع، ففترة الحب قبل الخطوبة تسير بشعار "لا للمسئوليات"، فأقصي خلاف ممكن أن يحدث في تلك الفترة يكون بسبب كذبة صغيرة منها، أو نظرة منه على فتاة لا تعجبها، فالحياة وردية اللون والدنيا سهلة ولذيذة ولا تعقيدات، فهو "الحب من أجل الحب".

ولكن بعد الخطوبة ُينظر للحياة بنظرة جديدة، لم يكونا مستعدين لها نفسيا ولم يحسبا حساب ذلك اليوم فتختلف شكل العلاقة، ومن هنا تبدأ الخلافات بشتى أنواعها، منها المادية حيث تبدأ دوامة التجهيزات لشقة الزوجية، ومنها العائلية فهو وهي يصعب عليهما الدخول في أسرة جديدة بمعتقدات وعادات مختلفة.

وينظر كلا الطرفين إلى الأخر نظرة مختلفة وتبدأ مرحلة اصطياد العيوب للأخر وتجاهل ما فيه من مميزات، وهذا يحدث بشدة في حالات الحب دون تفكير، فهو وهي للمرة الأولى يستخدما عقليهما في التفكير في بعضهما، وبدلا من أن تكون فترة الخطوبة فترة للتقارب يحدث العكس فتكون فترة للتنافر!

عن مشاكل فترة الخطوبة تحكي لنا سارة عادل،23 سنة، قائلة: "تمت خطبتي على زميلي في الجامعة عقب تخرجي مباشرة، ولكن لم تستمر الخطوبة أكثر من شهرين، لأني اكتشفت شخصا آخر غير متحمل للمسئولية".

سهي الحسيني، 25 سنة، تخبرنا أن مشكلتها مع خطبيها هي عدم استماعه إليها واحترام وجهة نظرها، رغم محاولاتها الدائمة إيجاد حوار مشترك بينهما، ولكنه دائما كان يرفض ويريدها تنفيذ ما يقول دون أي مبرر.

أما أحمد عمر،27 سنة، فيوضح أن خطيبته كانت تتعامل معه بطريقة "أفعل ولا تفعل"، فهي دائما تحاول فرض أسلوبها وطريقتها عليه في طريقة الأكل والمشي والكلام بصيغة الأمر، ولهذا قام أحمد بإنهاء العلاقة على الرغم من توافقهما في مرحلة ما قبل الخطوبة.

توافق على مرحلتين

يرى علماء النفس والاجتماع أن التوافق في فترة الخطوبة يتحقق على جزئين، الجزء الأول قبل فترة الخطوبة ويتلخص في التهيئة النفسية للطرفين لمرحلة الخطوبة، وهنا يجب أن يكون التفكير بشكل عقلاني في الطرف الآخر حتى يكون الحب مبنيا علي أساس عقلاني بالإضافة إلى العاطفة، وأيضا لا ينسى الشاب التفكير منطقياً في أوضاعة المادية، وهل هو مؤهل في هذه الفترة للارتباط أم لا.

وأيضا يؤخذ في الاعتبار دخول كلا الطرفين على أسرة جديدة بعادات وتقاليد وأسلوب معيشية مختلف، وهذا الاختلاف سوف يؤدي إلي وجود خلافات فلابد أن يتفهما هذا جيدا ويجدا طريقة لحل هذه الخلافات إذا وجدت.

أما الجزء الثاني فيأتي بعد الخطوبة؛ ويتحقق بعدم تدخل الأهالي في خلافات الطرفين، وأن يحتفظ كلا منهما بخصوصية العلاقة، ويقدر ظروف الآخر.

** للحفاظ على العلاقة يجب علي الطرفين إيجاد أساليب جديدة لتجديد حياتهما وإسعاد كلا منهما للآخر، ولكم بعد النصائح التي تساعد علي التجديد من شكل العلاقة*:

1- البعد كل البعد عن الإهمال والتجاهل مهما كانت حجم مشاغلكم اليومية، فلابد من التواصل اليومي أكثر من مرة.

2- لابد من تجديد العلاقة كل فترة وإيجاد مجالات جديدة مشتركة بينكما في الحديث والاهتمامات حتى لا يحدث ملل وفتور.

3- من الملاحظ أن معنى الخروج سوياً يقترن بالذهاب إلي مطعم لتناول الغذاء أو العشاء، وهذا هو الروتين الذي يدخل الملل للعلاقة، لذا لابد من التنويع فمثلا من الممكن الذهاب إلى مكان أثري، أو حديقة للبحث عن التجديد.

4- الهدايا من أجمل أنواع التصريح بالاهتمام، فمن المطلوب عدم التهادي في المناسبات الرسمية فقط، ولكن الهدية المفاجئة تعطي انعكاسا جميلا على الطرفين حتى لو كانت بسيطة.

5- التفاهم هو مفتاح حل المشاكل، ولكن الكثير منا يُصر على العناد والتصميم علي الرأي وهذا قمة الخطأ، فيجب إيجاد حوار مشترك بين الطرفين.

6- لابد من وجود خصوصية في العلاقة وعدم إدخال الأهل في المشاكل الخاصة، لأن هذا يؤدي إلي زيادة المشاكل وليس حلها.

____________________________

* النصائح الواردة في الموضوع منقولة عن بعض المواقع الأجنبية المتخصصة في العلاقات العاطفية

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. غريبة كُتب في
    يااااة علي الخطوبة فعلا في ظاهرة غريبة اوووي دلوقتى ان الناس بيكون عندها ممل وفتور بس الواحد منا بيقول بكرة الوضع يبق تمام ويصبر نفسة علي اية معرفش
  2. كُتب في
    والله الموضوع فعلا واقعي ودة هو الحال مع اغلب الناس
    ودية حاجة غريبة كل يومين الولد ولا البنت يخطوبوا ويفسخوا الحمد لله انى لحقت نفسي واتجوزت.
  3. اكتب اسمك هنا كُتب في
    الحاجات دى فى الاول وفى الاخر نصيب يعنى مش قاعده ان كل المخطوبين مش مرتاحين
    وعلى فكره انا مخطوبه بقالى سنه لواحد كنت بحبه من قبل الخطوبه بسنه وعايزه اقولكو ان انا بحبه دلوقتى ومبسوطه اكتر من الاول الف مره
    وياريت بس طلب كل الى يقرا كلامى يدعلنا ربنا يجمعنا على خير ويعجلنا بالفرح
  4. rham كُتب في
    انا مخطوبة من خمس شهور بعد قصة حب سنتين واتحدينا ناس كتير ومشاكل كتير عشان نكمل واتخطبنا من اول يوم اتكلموا فيه وقبل حتى حفلة الخطوبة وانا فى جحيم نكد ومشاكل اكتشفت انى بتعامل مع انسان غير اللى كنت بتعامل معاه الاول تماما اختلاف تام حاسة انى مبقتش بحبه انا بحب الشخص الاولانى اللى كان بيعاملنى كويس وبيحبنى وبيخاف عليا لكن ده لا ومش عارفة اعمل ايه
  5. rham كُتب في
    انا مخطوبة من خمس شهور بعد قصة حب سنتين واتحدينا ناس كتير ومشاكل كتير عشان نكمل واتخطبنا من اول يوم اتكلموا فيه وقبل حتى حفلة الخطوبة وانا فى جحيم نكد ومشاكل اكتشفت انى بتعامل مع انسان غير اللى كنت بتعامل معاه الاول تماما اختلاف تام حاسة انى مبقتش بحبه انا بحب الشخص الاولانى اللى كان بيعاملنى كويس وبيحبنى وبيخاف عليا لكن ده لا ومش عارفة اعمل ايه
  6. roro m كُتب في
    انا مخطوبة من خمس شهور بعد قصة حب سنتين واتحدينا ناس كتير ومشاكل كتير عشان نكمل واتخطبنا من اول يوم اتكلموا فيه وقبل حتى حفلة الخطوبة وانا فى جحيم نكد ومشاكل اكتشفت انى بتعامل مع انسان غير اللى كنت بتعامل معاه الاول تماما اختلاف تام حاسة انى مبقتش بحبه انا بحب الشخص الاولانى اللى كان بيعاملنى كويس وبيحبنى وبيخاف عليا لكن ده لا ومش عارفة اعمل ايه
  7. كُتب في
    المهم يا جماعة عدم إطلاق الأحكام المطلقة على فترة الخطوبة لآنى والله قلقت فعلا فالمفروض أن يتفهم كل طرف طيعة المرحلة التى يمر بها لإجتيازها بنجاح فالخطوبة فترة جميلة لا تخلو من المسئولية فى إعداد منزل جميل وبسيط وتحقيق تفاهم بنسبة معينة بين العائلتين مش بالضرورة توافق كامل وكبير وكمان مش لازم البنت أو الولد تقارن أوى بين فترة الحب الرومانسية الخاصة قبل الخطوبة وبعدها وكما مش تبص مرة واحد أو هو كمان للطرف التانى وكأنه أول مرة يشوفه ويعرفوا ولازم يدعوا ربنا دايما أنه يوفقهم ويتمم فرحتهم وقرآنهم على خير وربنا يوفق كل المخطوبين واللى لسه بسرعة يتخطبوا ويسعدهم بالزواج يارب.
  8. oosama كُتب في
    أنا عاوز أخطب من عندكو يا عشريناتية ..تكون متدينة وحلوة وأقل من25 سنة وتعيش معايا فى الصعيد..عشان تشوف علوان ودبور والناس الحلوة دى..؟؟
    أنا بتكلم جد والله..أنا عندى 25 سنة بكالوريوس تجارة ..oosaamaaa@yahoo
  9. m_hasanen2000 كُتب في
    انا مع البنوتة اللى قالت ان الخطوبة هم بس انا شايفه انها أسوأ من كدة ومش عارفة هو ممكن يتغير بعد الجواز ولا لأ(الخاطب)
  10. sara كُتب في
    والله صح جدا انا كنت بحب واحد ايام الجامعه واول ما اتخرج اتخطبنا بجد اتغير تماما بقى شغال انتى فيكى عيوب لحد ما كرهنى ف نفسى وبجد انا بقيت عصبيه اوى وحاسه انى بقيت اوحش ف شخصيتى بس المشكله انه كان يعرف بنت قبلى لمده شهرين ومرتاحوش وسابها وعرفنى المهم البنت دى لسه بتبعتله انها بتحبه وانها مستنيه اليوم اللى تتفركش فيه خطوبتنا ويرجعوا لبعض انا بكرهها جدا وهى عنده ع النت وكل ما اقله يمسحها ميرضاش لحد ما قلتله انه لسه بيحبها عند معايا وقالى هكلمها انا عاةواه يعرف انه لو عمل كده انا هفركش الدنيا لاى مستحملش الخيانه نفسى حد ينصحنى
  11. بونبون كُتب في
    اقتباس sara:
    والله صح جدا انا كنت بحب واحد ايام الجامعه واول ما اتخرج اتخطبنا بجد اتغير تماما بقى شغال انتى فيكى عيوب لحد ما كرهنى ف نفسى وبجد انا بقيت عصبيه اوى وحاسه انى بقيت اوحش ف شخصيتى بس المشكله انه كان يعرف بنت قبلى لمده شهرين ومرتاحوش وسابها وعرفنى المهم البنت دى لسه بتبعتله انها بتحبه وانها مستنيه اليوم اللى تتفركش فيه خطوبتنا ويرجعوا لبعض انا بكرهها جدا وهى عنده ع النت وكل ما اقله يمسحها ميرضاش لحد ما قلتله انه لسه بيحبها عند معايا وقالى هكلمها انا عاةواه يعرف انه لو عمل كده انا هفركش الدنيا لاى مستحملش الخيانه نفسى حد ينصحنى
    يا اما بيبحبها يا اما بيقارن ما بينكم يا اما بيثير غيرتك
    او فرحان بلمة البنات حوالية
    مينفعش ابدآ اكلم بنت تانية وانا عارفة انها بتحبنى
    ودلوقتى بقى شايفك مليانة عياب
    لو انتى اللى عملتى كدة هيقبل وضع زى دة
    لازم تاخدى موقف حازم البنت دى برة حياتنا للابد
    وشوفى رد فعلة واثباتة ان انتى الوحيدة اللى جواه
    وحاولى متجادليش كتير وابتسمى اكتر وخليكى مريحاه الفترة دى بس عشان يرجع الحب بتاع زمان يا جميلة وربنا ييسرلك الخير يا قمر
  12. بونبون كُتب في
    موضوووووووووووو ع فوق الممتاز
    طرح متفهم واقعى ونصايح غالية
    تسلم ايدك يا قمر
    وربنا لا يجيب مشاكل ابدآ ابدآ يارب
  13. emy242 كُتب في
    ana zayek ya rahma bardo 7asa ano wa7ed tany da b2a bystat2el mshwar bety 3shan maywaslnesh bl3rbya msh 3arfa a3mel m3ah eh wana b2aly m3ak 4 snen w 2t5atbna mn shahreen
العودة إلى الأعلى