هي دي مصر.. يا أسماء!
"هي دي مصر".. إحدى الجمل المتكررة لدى الأجانب عند زيارة مصر أو مشاهدة الأهرامات في التلفزيون، كما أنها إحدى الجمل المستخدمة في الحملة الدعائية للحزب الوطني ولكن الجديد أن تكون هذه الجملة إحدى الأوامر العليا لضباط أمن الدولة!
أتفرج يا سلام!
قد يكون الأمر مثير للتعجب والاستغراب ولكن هذا ما حدث بالفعل مع الصحفية أسماء محمد علي (صحفية بالكرامة) يوم 26-11 فقد تم أخذها من إمام إحدى مراكز الاقتراع في شبرا أثناء تغطية الانتخابات وبدلا من ذهابها إلى الكرامة لكتابة الموضوع ذهبت إلى مكان أخر لا تعرفه لتتعرف على مصر الحقيقية على يد ضابط أمن الدولة الذي أشبعها ضربا وسبا وركلا هو وبلطجيته فكسروا عظمها وفقا لما جاء في تقرير مستشفى شبرا العام بعد مكوثها فيه خمسة أيام بتعرضها لتمزق في العضلات وشروخ في القفص الصدري والعمود الفقري وكدمات في أنحاء مختلفة من الجسم.
خلي عبد الناصر ينفعك
هكذا أنهى الضابط الدرس الذي علمه لأسماء فبعد أن أنهى حصة الاهانة والضرب والبهدلة قذفها بجملته المعبرة "هي دي مصر وخلي عبد الناصر ينفعك"جملة أمر الضابط "أسماء "أن ترددها بعد الخروج من المعتقل الذي حبسها فيه بعد أن هددها وأمرها بترك الصحافة ونصحها أن تبقى في المنزل وإلا يرى اسمها في أي جريدة وإلا... و يبدو أن الصحافة أصبحت عمل ممنوع وجريمة يعاقب عليها القانون، قانون الحكومة التي تعودت على اهانة الصحفيات وتأديبهن بطريقة البلطجة والتهديد.
عايزة حقي
"مفيش حد ها يجيب لي حقي " قالتها أسماء بمرارة فما حدث معها حدث مع الصحفيات من قبل يوم الاستفتاء ولم يحدث شيء وتم إغلاق الملف وقيدت الجريمة ضد مجهول وأنها تتوقع أن يحدث ذلك معها وفي النهاية تساءلت عن المسئول عما حدث معها وطالبت بحقها الذي ضاع بلا مجيب؟، فهل سنرى تغيير؟، أم سيبقى الحال كما هو عليه؟!
استمع الى شهادةاسماء
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
منهم لله الظلمه كانت عملت ايه الغلبانه دي وليه يحصل كده من الاصل هو احنا فين طيب كانوا راعو ربنا فيها دي بنت ممكن تكون اخته عموما احنا لازم نخرج من سكوتنا ده ونغير اللي بيحصل والا كل يوم فعلا هاتحصل حاجات زي دي واكثر
علا هي دي مصر يا أسماء ....
علي العموم ... في النهاردة ... الثلاثاء وقفة احتجاجية في نقابة الصحفيين .... يا ريت كلنا نكون فيها....
يا ريت بجد يكون في عدد مننا محترم ... علي الأقل نقول إننا بنتحرك ومش بتوع كلام بس......
الثلاثاء .... الساعة 6 ومستمرة لغاية 8 ... في شارع رمسيس ... وسهل جدا نروح كلنا هناك .....
اللي مش عارف الطريق ... يركب المترو خط حلوان ... وينزل محطة جمال عبد الناصر ... وهناك حيلاقي نقابة الصحفيين والمحامين ...
والله السكة سهلة جدا .... وآمنة جدا كمان والتواجد مفتوح لكل الناس .... ممكن نتقابل هناك ؟؟؟ ونكون رجالة بجد ....
لا للتمديد ... لا للتوريث ... نعم لتعديل الدستور المصري
mohamedmat@hotmail.com
السؤال اللى لازم نسأله لنفسنا ... مين الظابط ده ؟ ... هو من مصر و للا من إسرائيل ؟ ... و للا من عالم تانى ؟
الراجل ده مصرى ... معلش على كلمة راجل دى بس نعمل أيه ؟ ...
أنا بتخيل أن فى ظالم مفترى بيظلم الناس و يفترى عليهم ... بس هو لوجده معندوش رجالة ... تفتكر كان ممكن يظلم ... ها ها ها ... ماهو طول ما فى اللى بينصر الحق الحق ينتصر له ... بس مين بقى الباشا ده ؟
الظابط الأبهة ده ( يد النظام ... أو على رأى شيخنا كلب النظام ) هو مصرى ... ممكن يكون أخويا ... أو جارى ... أو بالأدهى صحبى ... و بيشتغل أوسخ و أدنى مهنة فى التاريخ ( --- ) بالأجر .. و أنا فين بقى من الكلام ده ... بقول معلش ربنا يهدى ... و أقعد معاه باليل نهزر و نضحك ... قشطة عادى يعنى
يا جماعة ... لو المشكلة فى حسنى و صفوت كانت أتحلت من زمان ... المشكلة فينا ... الشر بين أظهرنا ... الشر فى قوات شرطة من أخوتنا و أحبابنا بتعمل للنظام اللى هو عاوزه ... أصلها خايفة منه ... و مش خايفة من مالك الملك و بتقول لأ لربنا و مبتقولش لأ للظلم.... الشر فى قضاة من أخوتنا و أحبابنابتقول لأ للحق و مبتقولش لأ للظلم ... للضرائب ... للنيابة ... عايزين سلطة وجاه .... و خايفين من الفقر ... مش خايفين من ربنا ... طب ألبسوا بقى يا حلوين ...
كلمة أخيرة , لن يغير الله ما بقوم حتى ...
شاطريين :)))
t is so disgusting to see those kind of barbaric acts happens in Egypt. Rest assure that the entire world is watching and we are standing with you in your fight for your freedom.
سبنا الله ونعم الوكيل
الظاهر ان اللي اتعرضت له اسماء ده هو مصير أي بنت بتشتغل في الصحافة لأن هي دي حقوق المرأة عندنا في مصر اللي دايما يتكلموا عنها ، وهو ده الإهتمام الكبير بالمرأة اللي خلاهم يعملوا المجلس القومي للمرأة !!!!
أنا بشتغل في الصحافة الإلكترونية وأمي كل يوم توصيني بوصية....
" اوعي يا بنتي تكتبي حاجة على الحكومة ,, اوعي يا بنتي دول ..... حايبهدلوكي البلد خلاص .... حسبنا الله ونعم الوكيل ... اكتبي أي حاجة بس مالكيش دعوة بالسياسية "
وده كلام ام خايفة على بنتها من الديمقراطية والفكر الجديد .....
اقولك إيه اصل ده بلد عايزة ولد، والولد مات فى 73
طبعاً في ناس بتسأل عن ماما سوزان راعية المرأة المصريةو عن دور المجلس القومي للمرأة.
و عن رافعات لواء الدفاع عن المرأة
"منى رجب , طوسون و اقبال بركة و أيناس الدغيدي و أخريات"
يا جماعة الناس دول مهمتهم الاساسية الدفاع عن حرية العري و عن سيدات الاعمال و مصالحهم
و هدفهم الاسمى الدفاع عن البظور "وقف ختان الاناث" و ليس الدفاع عن العقول
و طبعأً مكانهم المناسب في مزبلة التاريخ
مع ماري انطوانيت و إيرما لادوس
ن اقول الا تعبيرا واحدا هذه هى مصر الظالمة المقىدة تحت انياب الحزب الوطنى الحاكم بالظلم والعدوان على شعب فقير غير فقيه ولكن الان اصبح يعلم كل شىء عن هذه الحكومة الظالمةوفى النهاية لا يسعنى الاان اقول حسبى اللة ونعم الوكيل فى كل من ظلم هذا الشعب المسكين
ا جماعة للاسف هذا هوالطبيعي في بلد مثل مصر نصفها جهلة والنصف الاخر امي .لو لم نكن هكذا لما صار البلطجي ضابط شرطة.
وعموما مفيش فايدة
ا مش هي دي مصر ولو الكلب ده قال كده ده حرامي من ضمن الحرامية لكن مصر حاجة تانية دي مصر المنهوبة المغلوبة على امرها لان ولادها خانوا وباعوا وهادنوا لكن اكيد مصر هاترجع تاني وهاتقوم ولابد من يوم نرجع فيه لمصريتنا ولحياتنا
أ لأ .. لأ ومليون لأ .. مش ممكن تكون دي مصر .. دي غابة والكلاب فيها سارحه .. كما قال عمنا بيرم رحمه الله .. أفاعي متسيبه .:. من غير رفاعيه .:. ودنيا مترتبه .:. ترتيب فلاتيه ... مش هي دي مصر يا أسماء .. دي حكومة الحزن الوثني .. حكومة مبارك الجبان المختبيء وراء هؤلاء البلطجية .. ويقولك الحزن الوثني بيستأجر بلطجيه .. طيب ليه وهو الحزن الوثني ناقص بلطجيه .. ده كله بلطجيه .. هو اساس البلطجه ورئيسه شيخ المنسر .. والأكاده بيجهزلنا بلطجي صغنن يمسك مملكة الغابة بعد ما ينفق الريس الكبير .. تبقى دي مصر ازاي يا أسماء ؟؟؟ لما المـعَّرص فى فرقة فنانين يحكم .. وفوقه أعرص وفى المسرح بيتحكم .. يبقى عليه العوض فى الفن يا جدعان .. ويبقى حل الفساد والخبص والتعريص .. نجيب سرور كان بيتكلم على المسرح والفن .. بس الحكايه قلبت بغلب وغم .. وبقت البلد كلها تعريص .. بس برضه مش هي دي مصر يا أسماء .. مصر الغلابه الطيبين الشقيانين .. ودول المعرصين على كل لون .. وأعرصهم كبيرهم أبو التعاريص .. لأ .. لأ .. مش هي دي مصر يا أسماء .. مصر راجعه بعد غربه .. راجعه بإيدين ولادها وبناتها الطيبين الشقيانين .. في إيدهم ورقه صغيوره وحبة فول ونص رغيف .. وفي الأتوبيس متشعلقين .. زحمه وخنقه وريحة عرق الغلابه .. هي دي مصر يا أسماء .. خايفه يا أسماء من الكلب ده ؟؟؟ قولي آه .. حاسس إنك خايفه .. طيب وخايفه ليه ؟؟ ومن إيه ؟؟ وعلى إيه ؟؟ فيه إيه تاني حنبكي عليه يا أسماء ؟؟ لا لقمه ولا هدمه ولا عيشه ولا حتى فتفوتة كرامه ؟؟؟ باقي إيه تاني ؟؟؟ أوعي تخافي يا أسماء ..
مهند muhannadsalah@yahoo.com
نا لسة جاي من وقفة الصحفيين .... انا بأحب أسميها وقفة ....
إنما هي الحقيقة كانت مظاهرة ... ومظاهرة محترمة كمان .......
العدد كان جميل جدا ... والناس تفاعلت معانا في الشارع و كتير منهم شاركنا ومشي معانا .....
لمانقارن يوم زي النهاردة بأول مظاهرة لكفاية مثلا ... العدد تضاعف أضعاف مضاعفة ... والناس اتكسر عندها حاجز الخوف بفارق كبير عن الأول ...
العجيب إنك كنت تلاقي الفرحة علي وجوه الناس العادية اللي في الشارع ... وكأنك بتسمع منهم : يا ريتني كنت معاكم !!! .....
وياتري اللي مجاش معانا النهاردة ... بيقول كمان .... يا ريتني كنت معاهم؟؟؟
لا للتمديد ... لا للتوريث... نعم لتعديل الدستور المصري
mohamedmat@hotmail.com
حيح .... أنا قابلت البراء هناك .. ويمكن دي كانت أول مرة أقابله ...بس عرفته علي طول ... مفيش حد في حجمه في المظاهرة كلها ؟؟؟؟ صح ؟؟؟
لا للتمديد ... لا للتوريث ... نعم لتعديل الدستور المصري
mohamedmat@hotmail.com
مصر ليست كذلك
مصر هى الأتى
اخلع ملابسك إنك بالمباحث ... ثم تقيد ثم تضرب الى ان تنزف ثم تربط بكرسى من يديك واخر من قدميك ويجلس على كل كرسى احد الابطال الاشاوس
ويبدأ الصعق
هل جربت ان تصعق ؟!!
ثم يسكبون عليك الماء الساخن.... ومن بعده الماء البارد
وما بين ركلة وضربة
ياتى الصعق
... أنت لم تنطق بعد ؟
ليس لديك ما تقول ؟
سنشحذ همتك الأن
أحضروا له الخاذوق....
يبعدون بين ساقيك ويضعون العصا فى شرجك
تكلم الأن
ليس لديك ما تقول ....
ياتى أحدهم ليخرج العصا ويحاول وضع عضوه ........
انتهت هذه الليلة
القوه فى بير السلم ( امن الدولة الاسكندريه ) او فى الدور الرابع تحت الارض ( جابر بن حيان )
وفى الليلة القادمة يبدأ المسلسل من جديد
نسيت ان اقول انهم عفيفى اللسان
يسبون الله والدين والام والاب وفقط
لا يتطاولون اكثر من ذلك
اسماء انتى وقعتى فى ناس كويسه
شكلهم اخوان ...
لانهم طيبين قوى
فعلا يا محمد يا ريتني كنت معاكم...وأن شاء الله أكون معاكم المره الجايه
ازم إنتفاضة على هذة الأوضاع المتردية ، لكن أزاي معرفش ، يارب نور بصيرتنا .
بدو ان مؤلف يبقى انت اكيد فى مصر وكانه غير مصرى الجنسيهاو انه يعيش فى عالم مثالىرسمه له خياله ترى هل كانت ستكون كلمات الاغنيه بعد ان يرى ما حدث للصحفيه اسماء على يد الامن المصرىفبدلا من ان يكافئوها قاموا بضربها ضربا مبرحا
بدلا من يتيح لها الامن الفرصه لنقل الاحداث بحريه كافئها بما تستحقه بالاعتقال والضرب المبرح ولذلك فقد قمت باعاده توزيع اغنيه انت اكيد فى مصر واود ان الفت انتباهك ان توزيعى يختلف عن عمليات التوزيع التى تحول اغانى الزمن الجميل الى اغانى الزمن الحقير بل
ما انا فتنقل عمليه توزيعى الاغنيه من المثاليه الى الواقع المريراسمع كده لما تلاقى الشرطى سلاحه فى ايده يجرى ورا الصصحفى وكانه طريده يبقى انت اكيد اكيد فى مصرولما الصحفى الحر يفكر فى مصيره هيلاقى نصيبه سجنه و موته بكتيره يبقى انت كيد فى مصرالصحفى فى عينه ملاك والشرطى هو الهلاك الصحفى يقوله ياشرطى
عايز اقول رايى بحريه والشرطى يقوله بشرطى متقولش رايك علانيه خليها فى سرك يابن مصر
#65279;ألَمْ يكن من الأفضل أن أضع عنوانَ مقالي: كيف تُقنع الكرامةَ بأن للمصريين حقاً فيها؟
أعود للمرة الرابعة أو الخامسة للكلمة التي فجّرها في أذني صديقي المحامي الأوروبي الذي استفسرت منه عن سبب طرد شرطة بلده لمجموعة من المصريين بطريقة مُهينة، فقال لي وكأنه يضع سراً في بئر عميق لا قرارَ له: لأن المصري من دون خلق الله كلهم الذي لا تدافع عنه حكومته تحت أي ظرف وضد أي امتهان لكرامته!
في كل دول العالم يتقدم الزائرُ لضابط الجوازات بجواز سفره، فيشكره الضابط ولو كان ممتعضا، أما في مصر فأنت تقدم جواز سفرك قائلا: شكرا، ليس من قبيل التطرف في التمدن، ولكن المساحة المخصصة لكرامتك في التعامل مع الآخرين لا تسمح لك بأكثر من هذا، بل قد تشكر أمينَ الشرطة لأنه ألقى في وجهك هويتك الشخصية دون أن يصطحبك معه بتهمة اللاتهمة!
لو أنك في مركز قوة، أمنية أو مالية أو إدارية، وأعتدت أن تصفع أحدهم على قفاه في كل يوم عشر مرات دون أن ينبس ببنت شفة، ثم قررت بعد عدة سنوات أن تخفض عدد الصفعات إلى خمس فقط، ما الذي سيحدث؟
أغلب الظن أن المصفوع سيقدم لك عميق شكره، وربما يُحَدّث الآخرين عن لطفك وكرمك وطيبة قلبك!
ولكن إذا كنت في مصر وتقدمت من المصفوع محذرا إياه، ومُنبّهاً لضرورة الحفاظ على كرامته، ثم عارضاً عليه مقارنةً بحقوق الآخرين في الجزء الآخر من العالم، ومستنهضا هِمّتَه، ومُحَرّضا نوازع الخير في نفسه للتمرد على الواقع، فإن الكارثة والفاجعة والمصيبة ستدهشك، وربما يغشى عليك من هولها وصدمتها!
إنّ صاحبنا سيغضب منك لأنك ذَكرّته بكرامته، وحاولت تعكيرَ صفو لذة الذل واستعذاب الهوان التي تبلغ شدتها ومُتعَتَها وبهجتها كلما مَنَحَته أمْنا وسَكْينة وحماية في ظل سلطة يُقَبّل حذاءها، وتمد في روحه، وتمَنّ عليه أنْ تركته
اقرأ بقية التعليق ..
لضابط ظالم ومفترى
ين نقابة الصحفيين اين لجان حقوق الانسان اين كل مواطن غيور على عرضه وعلى دينه من يرد لاسماء كرامتها0 ان كرامة اسماء هي كرامة كل اخت وكل ابنة وكل زوجة0
وسلو في 12 مارس 2006
رسالة مفتوحة إلى قائد الإنقلاب العسكري المصري
دعني أولا أقبّل يديك الطاهرتين اللتين كانتا ترتعشان ردحاً طويلا من الزمن من هول رجفة غضب تمس جسدّك المتماسك دائما وأنت تراقب عن كثب من ثكنتك العسكرية، ومن خيمتك، ومن منزلك، وخلال متابعتك لأغلظ وأقسى لصوص العصر وأكثرهم فظاظة وبجاحة ووقاحة وهم ينهبون مصرك ومصرنا الطيبة الصابرة تماما كما فعل البغداديون في المتحف القومي عندما داست أحذية اليانكي فوق بلاد الرافدين.
لا أعرف أين أنت الآن، ومع من تتحاور، وكيف قضيت ليلتك، ومن هم زملاؤك الأبطال الذين ينتمون لذلك الجيش الوطني العظيم صاحب أسطورة حرب الاستنزاف والعبور؟
كنت وزملاء الغضب تتحاورون عشرات المرات، وتلتقون في أماكن مختلفة، وتشاهدون ضعفنا، وقلةَ حيلتنا، وتفرقَنا، وأحزابنا الهشةَ، ومعارضينا الوطنيين الذين لم يحركوا شعرة واحدة في ربع قرن، بل لا أبالغ إن قلت بأنهم منحوا هذا الطاغيةَ شرعيةً دستورية في تفرقهم وشجارهم وأولويات العمل الأناني الذي جعلهم أوهن من بيت العنكبوت في معارضتهم لأعفن الأنظمة الفاشية في تاريخنا الحديث.
إن أكثر الحركات المعارضة شعبية وهي ( كفاية ) لا تستطيع أن تجمع ثلاثة آلاف معارض لمدة ساعتين في قلب عاصمة الملايين الذين لا يختلف اثنان منهم على كراهيتهم لمن أوصل بلدهم لذلك العمق من القاع.
لعلك انتظرت مع زملائك سنين عددا، وحمل لك فجر كل يوم أملا كاذبا أننا قادرون على الغضب، وأن روحا مصرية معبئة بالكرامة ومفعمة بنفخة سماوية ستسري فجأة في ملايين من المهانين والمعذبين والمضطهدين والجوعى والعاطلين عن العمل والباحثين عن سكن كريم والعارفين تفاصيل عملية النهب المنظَم لوطنهم الغالي والرافضين للطاغية وابنه والمتألمين للظلم الواقع على عشرات ال
اقرأ بقية التعليق ..