من همه.. خد قد أمه
30/03/2006
باسم المجدوب – الأقصر- ولاد البلد:
تعرف عبد المنعم إبراهيم، الكومديان المصري العبقري، صاحب الدور الثاني في أفلام مصري (أبيض وأسود) محفورة في ذاكرتنا..
لو موش فاكره فتلك مشكلة حاول أن تحلها مع نفسه، ولو فاكره فتعالى نفتكر أكتر دوره في فيلم أنا شخصيا موش فاكر اسمه من بطولة أحمد مظهر ونادية لطفي.. وكان صاحبنا عبد المنعم إبراهيم بيحب الستات الكبيرة في السن لإنه – حسب تعبيره – كلهن وقار وحنان..
إيه رأيك بقى في شاب مصري مازال يفضل العجوزات، لكن لأسباب أخرى غير الوقار والحنان..
سنة أولى نصب..
عارف شرم الشيخ، بلد السلام والمؤتمرات واستراحة الريس في الأجازات، وطبعا عارف الغردقة، والعريش ورأس محمد.. في كل المناطق دي يا بطل هتلاقي هناك شباب زيك بالظبط نازل يصطاد.. لا يا راجل، سمك..؟؟، وهو حد بيصطاد سمك الأيام دي.. نازل يصطاد عروس حيزبون من مواليد القرن الـ18..
نرجع تاني للسينما، شفت فيلم سنة أولى نصب.؟؟
أحمد عز وخالد سليم قرروا يرحوا شرم عشان يتجوزوا ستات كبار، وياخدوا فلوس كتير، وطبعا أنت عارف إن أمنية أي شاب مصري عاش واتولد وهيموت في نظام مبارك زي نظامنا، هتكون أغلى أماني حياته إنه يعمل أي شيء ياخد من وراه فلوس كتير..
في الغردقة والأقصر ومرسى علم نزلنا واتكلمنا مع الشباب اللي شغالين في سياحة الجواز في مصر.. تعالوا شوفوا قالوا إيه..
عروسة مية المية..
"يا بيه رزق الهبل ع المجانين"، هو ده بالظبط اللي قاله محروس، وهو شاب أسمر من ولاد أسوان الطيبيين، وهو برضه ولد متجوز واحدة أكبر منه بـ45 سنة بس.. والله مناسبين لبعض جدا..
محروس بيؤكد إن أهم 3 شروط في العروسة هي إنها تكون (غنية - كبيرة في العمر- جنسيتها من بلد متقدم)..
أما أحمد، وهو صاحب محروس وزميله في نفس الشغلانة فيقول.. ظروف العمل والتخرج الدراسي دعتني للعمل في السياحة التي أدت لتلك الزيجة مع فارق السن الشاسع بيني وبينها إلا إنها فرصه عظيمة و جنسيه وفرصه للعمل في الخارج وعن سؤاله عن فرصه التكافؤ بينهم لم يجب، وإن كان قد أعطاني محاضرة(يمكن استفيد) عن أسهل وسيله للهروب من البطالة وهى السفر خاصة لو كنت من أبناء وادي الصعيد الضيق المساحة والأفكار.. فيقول الخروج من البلد ده يخلق فرص اكبر ترجع بعدها بأفكار جديدة وأحوال جديدة تفتحتلك كل المقفول في البلد ده برده.
هي اللي بتيجى
عمرو عامل في بزار سياحي ويحكى إنه سمع في يوم سمع خير عن ست عندها 60 سنة، قابلها، وحكت له قصتها، قالت إن أولادها تزوجوا وتركوها وهي تملك المال وتريد التمتع بالباقي من حياتها فقام بالزواج منها ليمتعها بالباقي في حياتها، ولتسلبه هي سنوات شبابه مقابل مالها، عمرو الآن يملك شركه سياحية بعد فتره زواج لمده 3 سنوات.
طارق قام بالزواج من سيده سويدية تبلغ من العمر 75 سنه مقابل الجنسية ومنزل في النمسا وكان يفكر في خداعها والزواج بسيده شابه تعرف عليها في النمسا فقامت السيدة العجوز بمواجهته وتم الطلاق بينهم (طارق مديون ب55الف دولار بسبب تلك الزيجة)..
وللآسف قابلته ففاجئني بقوله: عندك حل تاني. والحقيقة أنها لم تكن مفاجئه كبيرة حيث أنه حال معظم الشباب في الصعيد..
المصري مش ندل
ولا مؤاخذة.. فبرغم تلك القصص، إلا أن هناك قصص أخري عن زواج مصريين من أجانب في غاية النجاح ويكون معظمها ناتج عن وجود التكافؤ بين الطرفين دون وجود طمع أو استغلال.
وده معناه إيه ياولاد؟، معرفش بصراحة.. مستني منكم إنتم الإجابة
• 11 سبتمبر.. إزيك النهاردة؟؟
• عاجبني.. وهتضرب!
• فضحية سرية للداخلية
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اقول ولاه مقولش
اتحيلوا عليا كمان شويه ...خلاص خلاص متقزقش
عشان الحلفان بس
اولا احب اتكلم في الموضوع دا مخصوص من خلال فلمين
الاول "همام في امستردام"و"شورت وفانله وكاب"
حتكلم بصفتي عشرت الناس دي اللي اتجوزت عربي من عربيه
اوعربي من اجنبيه والعكس
نقول ليه بتجوزها وعشان ايه وازاي?
صلوا علي النبي.....
اولا الشباب اللي بيهاجر ليه تلات حالات
-طالع الغرب وورقه "اسود"يعني معهوش ورق شرعي يسمحله
بالاقام هفبحاول يقعد قانوني زي همام يقعد ازاي بقي عن طريق
الزواج ببنت البلد "امريكيه ,فرنسيه....."
لو امريكيه مثلا يقعد معها لمده اربع سنين بعد كدا
حسب سلوكه لو مودب ومهدب ياخد الورق وياسلام بقي لو خلف حط تحت "خلف" دي مليون خط لان دي مربط الفرس
بالنسبه للحلات اللي عشرتها
-اتجوز امريكيه عشان الورق وبعد ما خده بنته مصاحبه
ومبتعرفش عربي ولاعايزه
-وواحد اتجوز امريكيه خد الورق وخلف وابنه في حضانه امه
-واحد اتجوز امريكيه بعد ماخد الورق مازال لبحث جاريا
عن ابنه.
وبلاوي كتتتتتير في نظري الجوزات دي كلها فاشله
لان الهدف الاول "مصلحه" حط تحت مصلحه دي 2مليون خط
خلص مفيش "سكينه "مفيش "موده' اهي ...اهي
المشكله التانيه بتاعت "شورت وكاب" مش حقول غير
كلمتين"اه يابلد " للدرجه دي الكيل طفح
المشكله الاسسيه في كلا الحالتين "الجيل اتاني "والتالت"
بمعني الطفل طالع مش عارف انتمائه لمين للغرب ولاه الشر
ابوه بيكلمه عن حاجات هو مش شايفها هو عايش هناك مدرسته
هناك الانسان ابن" البيئه "يبتدي بقي صراع الاباء مع
الابناء من منطلق ان الاتين من بيئه مختلفه.وشفتها كتتير االحالات دي.
مالها بنت البلد مالها ونا عن نفسي بكره جواز العربي
من عربيه او العكس صحيح في زيجات صالحه
اقرأ بقية التعليق ..
فين بقيت التعليق ???
علي العموم هقول بالنسبه تاني للعربي والعربيه
مش كويس في حاجات وكويس في حاجات , بس اللي الواحد
شافه يقول بلاها خلاص , المشكله لما ينزل مثلا بلده
اوبلادهاالام وعايزه تدخل عيالها المدارس
الطفل بيحس انه غريب في بلد ابوه او امه
ياسلام بقي لو مصري متجوز تونسيه مثلا ابنهم يشجع مين
اخيرا علي راي عمرو خالد محدش بيتجوز مرات غيره
وايه الفرق بين "بودره تللك خمس خمسات "و"الجواز'
الاولي قسمه ولشبريشي والتانيه"قسمه ونصيب "
وسمعونا الزغروده انا لسه مزغرده من شويه لما اتقطع نفسي.
أكيد عبارة الفلوس مش كل حاجة بتتآل على كل لسان
بس للأسف في زمنا الحالي (زمن الدمقراطية)بإت كل حاجة في ساعات مفيش حد بيحأأ حلمة إلا بالفلوس و مننساش الوسطة (دي أهم حاجة) أما بأة مصر فدي حالة تنية معروفة عند الشعوب لالشياكة والفلوس والوسطة عشان تعدي ولا ناوي تعد على الرصيف(دا مصر متسدأ)
اما عن الجواز فبلاش منة لإنة بيزيد نسبة السكان وحرام عليك كدة كفاية (الحكومة إتخنإت )
انا صديقه للموقع من زمان وانا اللي معرفه هبه عليه كمان بس مبحبش اعلق عشان كل تعليقاتي اشكر كاتب المقالوبس علي راي هبه غير ان معندناش كي بورد عربي فبخمن
الحروف فبقعد وقت طويل عشان القي الحرف الموضوع الليحضرتكم تفضلتو وطرحتوه هام جدا وهبه اشارت لحتت فيالاهميه بلنسبه للجيل التاني والاول اوضح اكتر بطه اللي هي ماما ناتج خليط بين تركي ومصري لما جدها جه مصر
الجيل التاني طلع مصريين وكدلك الثالث اما بخصوص عربي من عربيه فاعتقد ان الرسول صلي الله عليه وسلم تزوج من السيدة ماريه القبطيه موضوع زواج عربي من عربيه.خلاف بيني وبينها اساسا وعلي رايها بودرة تلك خمس خمسات وقسمه والشبرويشي وقسمه ونصيب
الان بس فهمت يا هبهووب انا ليه بحس اني
محتاج مترجم لما اجي اقرا التعليقات بتاعتك بتفكريني بالاخ الباكستاني اللي كنت يقول مائه كلمه علي مالقط منهم كلمتين
حلو تفاعل الحضارات ده بيطلع حاجات تجنن
** بقول يا هبهوب لو عندك شابه في مقتبل العمر عندها كده ستين سبعين سنه ابقي قوليللي علشان اكمل حياتي معاها
ونعمل مشروع حضاري عظيم
ويا بخت من وفق راسين في الحلال
شاهد فض اعتصام القضاة بالقوه