رعاياك يا مولاي!
اليوم .. و بعد مرور 25 عاما من حكم مبارك، أو بمعنى أدق بعد مرور 25 عاما من تعطيل الدستور و انتهاكه .. هؤلاء هم .. رعاياك يا مولاي.
04/10/2006
أحمد بلال – ولاد البلد:
"سيكون العام القادم .. عاما للإصلاحات الدستورية التي طرحت معالمها العام الماضي، و في خطوة جديدة تستكمل بنيان ديمقراطيتنا المصرية، تتجاوب مع التطلعات المشروعة لشعبنا، و تحفظ المصالح العليا للوطن و مصالح أبنائه" ...
"سنواصل تنفيذ البرنامج علي محاوره الاجتماعية، نعزز مساندتنا للأسر الفقيرة والأولي بالرعاية، نصل بالدعم إلي مستحقيه، نوسع شبكة الضمان الاجتماعي، ونوجه ثمار ما حققته خطوات الإصلاح الاقتصادي.. لمزيد من التركيز علي الأبعاد الاجتماعية للإصلاح والتنمية"... "ستشهد الدورة البرلمانية القادمة تعديلات دستورية، هي الأكبر والأوسع نطاقاً منذ عام 1980 " ... "لقد أرست أحكام الدستور .. منظومة للحقوق والواجبات المكفولة لكل مصري ومصرية.. أحكام دستورية أكدت سيادة القانون.. وكفلت حرية العقيدة وحرية الصحافة والرأي والتعبير.. وغير ذلك من الحريات الأساسية للمواطنين" ...
"سوف نتمسك دوماً بهذه المنظومة والأسس والدعائم، التي تضمنتها أحكام الدستور.. سنمضي بعزم في المزيد من الإصلاح السياسي، لتطوير البنية الدستورية والتشريعية الحاكمة لحياتنا السياسية.. وسيشهد العام المقبل بلورة معالم ما طرحته من إصلاحات دستورية.. وفق ما حدده الدستور لتعديل مواده من أحكام"
هكذا تحدث حسني مبارك البالغ من العمر 87، و الذي يحكم مصر منذ ربع قرن، في المؤتمر الأخير للحزب الوطني، حديث عن الدستور و احترام الدستور و تعديل الدستور، أقل ما يوصف يوصف بأنه حديث الإفك.
الدستور هو عقد اجتماعي بين الحاكم و المحكوم، و عندما لا يلتزم الحاكم بأي بند من بنود هذا العقد فإنه يفقد شرعيته، و اليوم و بعد مرور 25 عاما على تربعه على عرش مصر، لم يلتزم بأي بند من بنود الدستور، و يأتي بعد أن بلغ من العمر أرذله ليتحدث عن تعديلات دستورية هي الأكبر و الأوسع نطاقا منذ عام 1980 على حد قوله.
و اليوم .. و بعد مرور 25 عاما من حكم مبارك، أو بمعنى أدق بعد مرور 25 عاما من تعطيل الدستور و انتهاكه .. هؤلاء هم .. رعاياك يا مولاي.
عدد التعليقات : 29
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الفيلم مؤثر ومؤلم ورأعجبتني الجملة الأخيرة فيه(لا يستأذن عبد من قيصره عندما يريد ثورة)
وأحب أن أهدي القيصر هذه الكلمات من الفاجومي:
شيد قصورك
شيد قصورك ع المزارع
من كدنا وعمل إدينا
والخمارات جنب المصانع
والسجن مطرح الجنينه
واطلق كلابك
في الشوارع
واقفل زنازينك
علينا
وقل نومنا في المضاجع
ادي احنا
نمنا ما اشتهينا
واتقل علينا بالمواجع
احنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبه
دقت ساعتنا
وابتداينا
نسلك طريق
ما لهش طريق
ما لهش راجع
والنصر قرب من عنينا
النصر أقرب
من إدينا
وما انتم الا حاقدين
مدعين
خونه
وعملاء
فاسقين
وكفره
انتم و هذا "الزنديك" احمد فؤاد نجم
ازيوكو يا اولادى و احبائى الاعزاء
عاملين ايه في الدنيا, و احوالكو ايه, اظن مافيش لا اجمل و لا احسن من كده,كل حاجة انتو عايزنها و طلبتوها عملتهلكو, عاشان بس ماخليش نفسوكو فى حاجة,وفرتلكو فرص عمل ليكو كولوكو,صحيح المرتب تعبان شوية(180 جنية) بس لازم كلنا نستحمل عشان مصرنا الحبيبة ام الدنيا, و بعدين كلنا تعبانين في حياتنا, مين فينا يعنى مبسوط,دة حتي انا و اولادى مش عارفيين ندبرها ازاى, دة الواد جمال ابنى اللي انتو قالبين عليه الدنيا يا عينى مش عارف يتجوز لغاية دلوئتى, لسا بيكون نفسه, يعنى زيو زي اي واحد فيكو, عشان تعرفوا انوكو كولوكو زي اولادى بظبط.
و بعدين يعنى عايزنى اقطع نفسي, انا هالاقيها منكو يا اولادى ولا من الصحفيين و لا القضاة و لا الجيش و لا المهندسين و لا مين و لا مين, بقالكو 25 سنة كاتمين علي نفسي انا و عائلتى و مش عارفين نستريح منكو و لا نريحكو, طب اعملكو ايه, كل شوية شاب من الشباب الوحشين منكو يطلع و يفضل يتكلم و يتنطط و يقول لا للتوريث, انا والله عايز اريحكو, مافيش داعي لكل اللى انتو بتعملوه ده, كدة كدة جمال جموله جماميلو جاى جاى و هاياخد مطرحى,يبقي مافيش داعى لكل دة, شوفتوا بقي انا عايز اريحكو ازاى و انتو مش عايزين ترتاحو.
و بعدين فى حاجة عايز اقولهالكو, و دة وعد مني, اول ما جيجو يمسك الحكم,والله (وانا بحلف اهو و انتو عارفين اني عمري ما بكدب) هاوصيي عاليكو توصية بقة عمركم ما كنتم تحلموا بيها, توصية هاتخاليكو تفضلوا تتدعولى طول عمري اللى جاي,عاش انا لسة مش ناوي اموت دلوئتي, لازم اطمن علي جوجى حبيبي و هو ريس كدة و ملعلط.
عشان كدة يا اولادى و حبايبي عايز اطلب منكو طلب, انا مش عارف اجيب الواد جوجي مطرحي اززاي من غير ما اخلي الناس الوحشين دول يفضلوا يزغقوا و يهللو,
اقرأ بقية التعليق ..
موضوع جميل بس الناس اللى فى الصور يمكن حظهم حلو شوية . لانة يوجد ناس فى مصر المحروسة مش لاقية تاكل و ويعز على نفسها السؤال .
http://hadouta.blogspot.com/2006/09/blog-post_29.html#comments
حدوتة رائعة من رحاب بسام مسجلة بصوت سامية جاهين
يا ريت بجد الكل يخش يقرأها
مش هتندم
شكرا حبيب قلبي محمد حسنى مبارك
ردك في الموضوع اشفى غليلي...
الله يخليك يا رب.
يا جماعة فى ايه مالكو متحاملين على الموضوع ليه؟
الدستور محتاج فعلا يتعدل
لازم يتعدل بعد حادثة اديس ابابا
لما العربية اتخبطت الدستور اتخبط هو وفانوس الاشارة اللى ورا ولا زم يروح للسمكرى يتعدل ويرجع وبعدين نبقى نشوف موضوع تطبيقة دا
وبسيطة يا جماعة لو عايزين تطبقو الدستو ودوه لاى حداد هايطبقة كويس اوى هايعرف يعنى
وبعد ما ييجى من عند الحداد نبقى نوديه للسمكرى يستعدلة تانى لاننا نسينا نكويه قبل ما نطبقة
يا جماعة اطمنو الدستور مغسول ومكوى ومطبق ومتشال فمكان امين وما حدش يعرف عنه اى حاجة
هم يضحك وهم يبكى
بس والله انا فطست من الضحك
ضحكت مش عارفه ع الكدبه اللى طولت ومسخت وهى تعديل الدستور
ولا ع 25 سنه مرار ولا تعليقاتكم بجد عامله ذى الضاحك الباكى
عموما ربنا يصبرنا
وخلينا ورا الكداب لحداخر يوم فى عمره
وما باليد حيله
ولاحول ولاقوه الا بالله
عجبنى الموضوع و المشاهد المصورة و لكن فى الحقيقة هناك صور اسوأ بكثير و حالات انسانية تدمى القلوب فى المستشفيات لا تجد العلاج ولا حتى الامل فى موعد قريب للعرض على الأطباء و اجراء الجراحات
مرضى الفشل الكلوى و السرطان والكبد اعدادهم فى ازدياد
الملوثات فى كل مكان نتنفسها و نشربها و نأكلها
الفساد فى كل مكان و تعبير القطط السمان صار مضحكا كوصفا لهولاء الذين كسبوا من خيرات ام الدنيا بدون وجه حق و بالفهلوه و المحسوبيه
ان القلب مليىء ومرهق مما نراه و نعانيه
حسنا الله و نعم الوكيل
اللهم أنشر رحمتك على العباد و عجل بالفرج يارحيم
يا اولاد انا محبش مبراك وكمان مبحبش حد
نعم لجمال مبارك
نعم للتمديد و التوريث واستكمال المسيره.
أولاً حسنى مبارك ليس من حقه الإقتراب من الدستور لأنه مزور وليس له شرعية فى الحكم
ثانياً الدستور ده ملك الشعب وهوه إللى المفروض يختار المندوبين عنه فى سن الدستور الذى يرعى حقوق الشعب ويحافظ على ممتلكات المصريون
ثالثاً الشعب كله بيرفض حسنى مبارك الفاسد وبيرفض إبنه وهما قاعدين من غير شرعية وبإعتراف اللامبارك بتزويره للإنتخابات بيقى لازم كلنا نرفض وجوده فى الحكم ونفرض بنود الدستور التى تمنع هذه المهزلة لتوريث أبن متخلف عقلياً حكم رجال قضاء وحكم الجيش وحكم خبراء مصر وأساتذه الجامعات والشعب بكل طوائفه إبن ليست له أى خبرات إلا نهب البلد وأمر بضرب الشعب بالحذاء فى المظاهرات والطريقة التى يفرضونه بها على الشعب هى طريقة المحتل وليست طريقة إختيار حاكم بالإنتخابات الحرة وترشيح المناسب الذى إختارة الشعب أصلى عيلة مبارك بتعتبر نفسها بتحكم بلد من غير شعب ومن حقهم يعملوا إللى هما عايزينه ولكن الشعب سيتحرك ليس بإرادته فقط ولكن بكبته وحرماته ورفضه لفسادهم
انتوا اكبر جاهلين شفتهم فى حياتى لو انت شاب زى الورد وتقول ان احناو الناس دى خونة وعملاء يبقى يا حبيب قلبى ما فيش عميل غيرك يا عبيط واصلا باى حق تكفرنا واضح انك حتى جاهل فى الدين لأ والتانى اللى بيقول نعم للتمديد والتوريث يا عم روح شفلك كلب ي....... انت ياد عبيط ولا عبيط ازاى نمد وازاى نورث هى ناقصة انا شاكك فى حاجه على فكرة الظاهر كده ان القنبلة الذرية لما هتنزل هتنزل على اوضتك انت ولا عزاء للمصريين جميعا (ملاحظة : الحزب الوطنى يعتبر جنسيات اخرى)
فى شوية اقوال سادت فى عصر مبارك عصر التقدم والازدهاروالازدهار دى حطوا عليهامليون خط اول مثل يقول
"إن شفنا فيل من غير زلومة نبقى نصدق كلام الحكومة"
"يا واعدنى بالوظيفة كلام فى كلام يا ساقينى البانجو فى البرشام"
"قال ليه انت ارهابى يا ديك قال له يا تعلب كلنى وبلاش تلاكيك"
"ايه وزك على الحرام يا خلوصى قال خمسة وعشرين مدرس خصوصى"
"بعد الفرحة بالبكالوريوس والزهوة جت الوظيفة قاعدة على قهوة"
"إن كان دولار يا ولية زغرتى وإن كان جنيه غطينى وصوتى"
"تقولنا مليار ولا عشرين مليار هو حد هيعد وراك يا وزير الدار"
قال يابا علمنى الغباوة قال تزرع البرسيم للحمار وتشترى رغيفك بالدولار"
"قال مالك تعبان يا وزير قال شامم ريحة تغيير"
"الجعان يحلم بطابور العيش"
"إن تاه منك حمار هتلاقيه معلق عند الجزار"
مثل يقال فى البرلمان "بلا نزاهة بلا امانة لايمنى على الحصانة"
"وزارة تروح ووزارة تيجى إيه اللى جد عليك يا مليجى"
"تعال يا جحا واستثمر عندنا قال لا احب اموت موتة ربنا"
"يا مستثمر ايش جابك بلدنا ووقعك فى الخية قال بختى الاسود ودعى امى عليا"
"يا داخل الوزارة وليك طلة يا خارج من الوزارة وتنكسر وراك قلة"
"يا مأمن للحرامى حيسرق اكلك يا مسدق الحكومة سلامةعقلك"
"ايه اللى نفخ دماغك كدة يا عبد الحى قال كنت بكبر دماغى مع رئيس الحى"
"قال حكيم القاهرة الكذب اربع درجات متصاعدة:كذب ابيض وكذب رمادى وكذب اسود وبيان حكومة مصر"
قال حكيم مصر:إن تتجه إلى محطةسكةالحديد و تبتاع تذكرة سفر فهذه هى النفس الامارة بالسوء وأن تعدل عن السفر فى اخر لحظة فهذه هى العنايا الإلهية وإن تصدق تصريحات الامان التى يرددونهامن 20 سنة فلك الرحمة والمغفرة ولاسرتك الصبر والسلوان و3000 جنيه
إلهى يارب تجعل ال72 مليون مصرى غلابة
اقرأ بقية التعليق ..
الى الاخ Samirium
هذا الجاهل المتعصب الحقير ، واطى من الاخر
انت مين انت ، عمال تشتم فى ده وده و تشتم الحكومه تشتم الرئيس
وانت بقى يا فالح تطلع ايه ، واد اهبل قاعد على النت لا شغله و لا مشغله وقال ايه البلد مش عجباك ، يا كلب مانت اخرك تروح تعيش فى افغانستان ، تعد فى خيمه وقدامك الجمل والسلاح والاربع حريم وخلاص ، ملكش اصلا انك تعد قدام كمبيوتر يا كافر يا واطى.
شكرا لك مره اخرى على هذا التعليق!!!
الاخت مصريه ، النص ده منقول منقوووول شوفته فى كذا موقع خلى عنك امانه وقول انه منقوول.
وايه فيكتور النصرانى ده كمان اللى بيعلق ، روح العب بعيد ياله.
يا استاذ ابو مرزوق النص دة انا واللهى مانقلته الامثلة دى امثلة احناكلنا بنقولها فى حياتنا اليومية يعنى ايه بقى نقلته من موقع لو كان قصدك انى نقلت الامثلة دى من موقع يبقى حضرتك غلطان لانى الامثلة دى الناس بتقولها فى حياتها اليومية
بما ان كل شىء حولنا اصبح غناء والتعبير عن كل ما نعيشه غناء وكلام المسئولين غناء على خلق الله يلا نغنى احنا كمان ونقول لنا الله
انا شايف من تعليقك انك بتتريق على الاسلام
واريد ان انوه هنا انه لمعرفة الاسلام يجب اتباع الاتي:
دراسة احوال الجزيرة العربية قبل البعثة المحمدية.
دراسة السيرة النبوية
دراسة احوال الجزيرة العربية بعد وفاة النبي صلى الله عليه وسلم ودراسة تاريخ الخلفاء
ويتبين كيف غير النبي محمد صلى الله عليه وسلم احوال سكان الجزيرة من الهمجية والتخلف والرجلية الى الدولة الحضارية وفي اقل من مائة عام كانت تحكم من اسبانيا الى الهند.
ارجو ذلك
ياعم حرام عليكو اللى بتعملوة داة يعنى معقولةنائب للريس من خمسة وعشرين سنة مفيش وفى الاخر هذاالابن من ذاك الريس
أرجو أن تشرفوني بزيارة مدونتي المتواضعة الوليدة وتقرأوا المواضيع القليلة التي بها علها تروق لكم
nashwah.blogspot.com
ياريت أكون أخر تعليق علشان أنا رقم 25 أد عدد سنين حكم المستبد مبارك لا بارك الله فية و حشرة مع أبو جهل ان شاء الله
هو انتم عايزين ايييييييييييييييييه من الرئيس الشعب عايش في اما ن وانظروا الي العراق ولا توجد تباعه الى امريكا وهناك ادله علي ذالك وامريكا اصلا عايزه مبارك يمشى وليس هناك بديل والبديل قاااااااااااااااااااااااااااااااااااااااااااااااااسي اكثر من النظام الحالي وهو الاخوان وكفايه مغامرات بمسنقبل مصر ويشهد الله اني غير منتمي الي الحزب الوطني ولكني انسان يحب وطنه بعقله
نعم احبه احب هذا الزعيم لولاة لكان هذا البلد خرابه نعم احب حسنى مبارك الرجل الرزين الحاكم العاقل الوطنى احبه وان كان الحاشيه فيها فساد فهذا موجود فى كل دول العالم وشئ طبيعى فى العالم كله
سيد حسنين
بسم الله الرحمن الرحيم
أردت أولا أن أقول لكم كل عيد وأنت بخير ثم أتحدث عن مصرنا العزيز الذي يضيع الآن بين يدي مبارك ورجاله الذين يبيعون مصرا للغرب وأمريكا ...الله يرحمنا ....من فساد الحكم والرأي ....الله يرحمنا ....من ضياع البلد والصاحب....الله يرحمنا ....من الذين يريدون أن يحولوا مصرا إلى حكما ملكيا فهو بجلالة قدرته يريد تولية أبنه من بعد وفاته التي ندعوا الله بتعجيلها .....الله يرحمنا أو يرحمه منا