المبيد الحشري.. أخر صيحات التعذيب!
طريقة جديدة للتعذيب ابتكرها ضابط شرطة بقسم أول شرطة العريش، باستخدام مبيد حشري ورشه علي العين والوجه والجسم والانهيال ضربا علي المناطق التي تم رشها لما يسببه ذلك من حرقان شديد وألم مضاعف للإنسان الواقع عليه التعذيب، عفوا علي «الحشرة» الواقع عليها ا
10/10/2006
علي زلط – المصري اليوم:
طريقة جديدة للتعذيب ابتكرها ضابط شرطة بقسم أول شرطة العريش، باستخدام مبيد حشري ورشه علي العين والوجه والجسم والانهيال ضربا علي المناطق التي تم رشها لما يسببه ذلك من حرقان شديد وألم مضاعف للإنسان الواقع عليه التعذيب، عفوا علي «الحشرة» الواقع عليها التعذيب.
الحكاية تبدأ مع الشابين محمد سليم الشريف وإسلام محمد علي أثناء وقوفهما في منتصف ليل الخميس الماضي، عندما اقتربت منهما سيارة شرطة، وتوجه ضابط الشرطة «المنتفخ» بداخلها لهما قائلا: «تعالي يا... إنت وهو» تقدم محمد وأبرز بطاقته لجناب الضابط.
وجاء الدور علي إسلام ليقول: «بطاقتي مفقودة ومعي مذكرة فقد للبطاقة القديمة وإيصال بموعد استلام البطاقة الجديدة»، فرد الضابط: «اركبوا البوكس»، فأجاب إسلام متوسلا: «يا باشا أجيب لسيادتك المذكرة والإيصال»، وهنا اشتعل غضب الباشا فجأة وصرخ: «اركب يا ابن... إنت وهو».
وقبل أن يستطرد محمد وإسلام في توسلاتهما، أمر الضابط القوة الموجودة معه قائلا: «شيلوهم بالعافية وارموهم في البوكس ولاد دول»، وهم الجنود بحملهما عنوة إلي داخل البوكس، ومنه إلي قسم أول شرطة العريش، ثم إلي الدور الثاني حيث مكتب رئيس المباحث.
وبينما يقف محمد وإسلام في انتظار المصير المجهول، رن تليفون محمد الذي ارتكب خطأ لا يغتفر بالرد علي المكالمة وهو داخل القسم، فانهال عليهما المجندون ضربا، وخرج الضابط من وراء مكتبه وفي يده عبوة مبيد مكافحة البعوض ليرشها علي وجهيهما، ليشعرا بحرقان شديد ويفقدا القدرة علي الإبصار. وبعدها قام المجندون بتجريدهما من الملابس، وانهالوا عليهما ضربا بالأحزمة والعصي الغليظة، وتحرشوا بهما جنسيا، ناهيك عن الألفاظ النابية وأقذع الشتائم حتي مطلع الفجر عندما أطلقوا سراحهما.
انتهت القصة.. ولم تنته القضية.
عدد التعليقات : 60
• كمال زاخر.. باب النجار مخلع!
• مليونير.. العيش الحاف!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
يمهل ولا يهمل
بالشكل دة مصر بتسير لاسفل سافلين
اللهم منتقم
أجمل تعبير لخص الموضع كله فى جمله انتهت القصة ولم تنته القضية ولن نتتهى طالما ظل حاكمنا وحاشيته فى الحكم فالموضوع لن ينتهى بنقل ظابط او فصله انما ينتهى بفصل نظام حكم واخراجه من الخدمه .
مبارك اطلق يد الامن فى كل مكان لانه يعلم ان هذا ملاذه الاخير ويعلم ايضا ان هذا الحل الوحيد للتوريث .
لذا متى انتهى حكم اسرة مبارك وانتهى حكم الفاسدين والعملاء الظلمه البغاه ساعتها بس من الشرطة اللى هينصلح حالها البلد كلها انشاء الله .
السلام علي من اتبع الهدى
اظن العملية واضحة جدا جدا و مش محتاجة لا تفسيرات و لا تحليلات, اصل مش ممكن كل الظباط ز امناء الشرطة و ظباط المباحث متخلفين لهذه الدرجة او ساديين , و واضح ان مفيش مثلا طار بايت قبل كدة بينهم و بين الناس الغلابة دى, و لا الناس دى عملت اللي يستاهلوا عليه البهدلة دى كلها, يبقى لو فكرنا كدة بهدوء و بتمعن سنجد ان في دافع او حافز لرجال الشرطة , او لنقول افراد الشرطة علي اساس ان من يفعلوا ذلك ليس برجال, حتي يفعلوا هذه الافعال السوداء, و بعد البحث و التحري و السؤال و الاستفسار, علمت و من مصادر موثوقة ان هذه الطرق الغريبة فى التعذيب و هذه القساوة و العنف و الافتراء مل هي الا البوابة الرئيسية للعبور الي المناصب القيادية العليا و الرتب الاعلي و زيادة النجوم و النسور علي الاكتاف, فهؤلاء الافراد (افراد الشرطة) يتنافسون فيما بيتهم علي منصب الزعامة في فن التعذيب و البهدلة و ابتكار الاساليب الجديدة و عدد المحاضر و الاصابات التي يحدثونها, فمن يفوز بهذا المنصب و الجاة و السمعة المدوية تجته يترقي للمنصب الاعلي و ينتقل الي الاماكن الاحسن.
اذا هي ليست سادية و لا مرض التلذذ بالتعذيب علي قدر ما هي المجهود المبذول و الثمن المدفوع للترقى, اتعلمون لو جعلوا اسباب الترقي فى الشرطة مثلا السمعة الطيبة للضابط مثلا بين الناس , ستجدون كل افراد جهاز الشرطة و قد تحولوا الي حملان وديعة و عصافير كناريا مع افراد الشعب, لأن كل واحد منا عنده طموح و يسعي بكل السبل و الطرق و المكانيات لتحقيق طموحه, اذا العيب في الاصل يقع علي الكبار في جهاز الشرطة الذين حددوا الية الترقية و المواصفات الخاصة للذين يستحقونها
علشان خاطر يلبس البدله ويتعالى بها على عباد الله والبنات تجري وراه وهلم جراأأأأ
هل حد فيهم دخل كلية الشرطة علشان خاطر بيحب مصر وعايز يحفظ الامن فيها... ابدا
لذلك تجدها كلها وزارة منحرفه وهي سبب الفساد في مصر الضباط بيحموا الفساد
انت تعرف السياسة العامة والفكر الاستراتيجي لكل ضابط قوته وسطوتة ونفوذة في ظلمة عشان كدة يلبس ويتأنتك ويعمل إلى هو عايزة ما البد بتاعت أهاليهم واحنا شوية صعاليك مالناش لزمة جزم في رجلين ولاد الكلب يعملوا إلى هما عايزينة ما خدتش بالك من فيلم اللمبي وزتون كلاتاتا حد سمع عنه يا عم البلد بلدهم ربنا يأخذهم كلهم أخذ عزيز مقتدر بس خلى بالك دا بسببنا أحنا والله
مسجون سابق
مستنيين ايه يا شعب وسخ لما يذلوكوا اكتر من كده اتفووا عليكم وعلى تاريخكم
ادعو كل من يتعرض للتعذيب الا يترك حقه القانونى والادبى من ضابط الشرطة الذى عذبه ،هنخاف من ايه ،لازم البهوات دول يحسوا ان اللى بيتعذب مش حيسكت على حقه ،منظمات حقوق الانسان المصرية والعالمية موجودة وبيعملوا شغل كويس جدا فى الموضوع ده ،ثم لازم نبعت للصحف ومواقع الانترنت والفضائيات ،المهم ان الواحد ما يسكتش يا جماعة لانه ما ضاع حق وراءه مطالب .
كل عام وانت بخير يااخوان انتو دايما فاهمين الناس دى غلط يعنى ايه رش مبيد حشرى على الراجل الحكايه بمنتهى البساطه البعوض هناك كتير والراجل خاف على الناس من البعوض قوم شويه رش جم جوه معدته - نعمله ايه يعنى - دى تبقى غلطه الضابط يعنى احنا مديين تعليمات لجميع الاقسام بحس معامله الجمهور وعدم التعدى على اى مواطن - لكن الايدى التى تعبث فى الظلام والتى لاتريد الاستقرارلهذا البلد- تضخم الاحداث وتزيف الحقيقه - ارفعوا ايديكم عن لبنان - اسف عن وزاره الداخليه -الاندر وير - ياجهله- مهما قلنا ومهما كتبنا ومهما ابلغنا المشكله فى الثقافه البوليسيه التى تحرك رجل الشرطه منذ دخوله الى الكليه ونظرهالفرعون التى تخرج من بين اضلعه والجينات الوراثيه الى تتخبط فيما بينها بين الرهبه من السلطه وبين العرق الفرعونى الذى يتلازمان داخله - المشكله ايها الساده ان هؤلاء يتعلمون منذ اليوم الاول - انك مخلوق غير كل من خارج هذه الكليه انت مميز فى كل شىء انت مميزفى انفاقك ولاجل ذلك سنعطيك راتبا يتماشى مع ما سوف تتعلم ان تجنيه من علاقاتك واتصالاتك انت انسان - غير مدان قانونا لو قتلتل رجل او اثنان او اكثر المهم من يكون هذا الرجل - اولا ممنوع منعا باتا عليك ايها الشرطى مهما كانت رتبتك ان تتعرض لاى مسيحى ممنوع منعا باتا ان تناقشه الا وان تسبق النقاش بكلمه حضرتك ولو سمحت ممنك اقبض عليك لان سيادتك فى حاله تلبس بجريمه- فأذا رفض فقم بألقيض عليه ولكن حذار ان تمس تسريحجه شعره لان اهله ها يصحوالبابا من النوم - يقوم يكتب فاكس لامريكا الحقينا احنا مضطهدين وبيخطفوا ولادنا علشان يجبروهم على الاسلام -والضابط مان معاه واحد بدقن وواحده محجبه - ثانيا - ايها الضابط ممنوع التعرض لاى بائع جوال فى المنطقه التى سترأسها - وسيبهم يييييييييي
اقرأ بقية التعليق ..
حسبي الله ونعم الوكيل طالما التشكيل العصابي الموجود فى مصربرئاسة الكابتن محمد حسنى افندى امنحوتب مبارك ومعاه خط الظهر من اليمين للشمال الداخلية وامن الدوله وحبيب افندى رع العادلى .... وبقية التشكيل العصابي لترويع الامنين من اولاد بهية .. انتظروا الكثير والكثير من المتعه والاثارة من عصابة بهية .. انا بيتهيالى ان اغلب الضباط فى مصر شواذ ولا اناغلطان ؟ ....
حسبي الله ونعم الوكيل " اللهم اهلك الظالمين بالظالمين واخرجنا من بينهم سالمين " اميييييييييين
انتظروا العديد والعديد من مسلسلات التعذيب من ظباط الشرطة الشواذ ...
انا بيتهيالى الضابط ده محبش يحرمنا من مسلسل تعذيبي نشوفه فى رمضان ...
ياااااااااارب اللهم لا تسلط علينا منلا يخافك ولا يرحمنا ...
اسف لو فيه اى لفظ خارج
ماذآ اقول حسبى اللة ونعم االوكيل ولة الضمير ولة الكل يكتب ونتكلم بس هذة حال العرب واين الحق الى متى نتكلم ونتكب الى متى هذ كل يوم يحصل فى مركز شرطة فى انحا مصر ماذا قال الكتاب الكريم العين بالعين والانف باللاف نحنا الان فى عام 2006 ليس 50 ولة48 الى متىكل يوم فى الذيادةنعم هذ يحصل كل يوملابود عمل شى ,,ما هو ارجو التفكير وليس الكتببة راجو العمل على الظلم وناطل استهبال,,,؟؟
مطواه قرن غزال وانتظروا الظابط وهو خارج لابس مدنى وشرحوه او زجاجه بنزين والعه وجوه شقه امه تتحدف لانهم كلاب شرطه تخاف ماتختشيش
الصراحة حاجه وسـخة
انا مش عارف لو اتعمل كده فى ممكن امسك فى ام الظابط ده ويقتلونى احن ما اطلع من القسم من غير ما ارد على الظابط الجـزمة ده
الموضوع دا عايز تحقيق صحفي مش مقال يا اخ علي زلط يعني لازم تاخد هذه الحقيقة وتعمل تحقيق ميداني وتاخذ راي عدة جهات مثلا تاخد راي المضروب نفسه شوف حيقول ايه وبعد كده تروح بصفتك صحفي لمأمور القسم وبعد كده تروح وزارة الداخلية تسال هناك اي ضابط من اللي مسئولين عن اقسام الشرطة وبعدين تروح تسأل وكيل نيابة وبعدين تسال رجل دين وهكذا
الموضوع عايز تحقيق صحفي واسع
والمقال دا كلام فارغ
شعب ذليل,وأى واحد فيكم لو اصبح شرطجى هايعمل كده واكتر,لأن العيب بقع على المفعول به , لوبيعرف يدافع عن حقه أو يعرف ينظم نفسه ويثور كان الحال اتغير ,ملعون أبونا كلناإن لم نتجمع ونمسك بندقيه أو سكين أو حتى حجر ونخش على الأقسام كلها وناخد تارنا, وحتى يحدث هذا فلتتحمل مؤخراتنا ماسيحدث
العرب همج
sorry guys and gals for not writing in arabic, but my keyboard doesnt have arabic letters... anyway, just wanted to say that this is bullshit, its becoming very common (not this incident, but some like it) that one day, it'll be like hearing that a man got hit by a car. and as Dr. Saieed said, we do deserve that coz we dun stand up for ourselves :(
في ليلة من ليالي زحام المروركانت العربيات راكبة فوق بعض في الشارع الرئيسي و محدش عارف ايه السبب و مشينا تاتا لحدنهاية الشارع أتاري الونش و حملة من ضباط المرور في عز زحمة رمضان وفجأةنط ملازم منهم في نصف الشارع امامي و أوقف تاكسي بالامرفوقف التاكسي قلنا أكيد علشان يشوف رخصته لكن البيه كان بيوقف التاكسي علشان يركب فيه سيدة و فتاة معرفة والشارع كله واقف مستني البيه و الهوانم يركبوا التاكسي و يخلصونالكن طبعا الملازم البارد الحقير وقف يتكلم مع الست شوية و هي على باب التاكسي وولا على بالة...طبعا الناس اتعصبت و رجعت بسيارتي بعصبية للخلف و ثم للامام مرة تانية بزاوية لكن للاسف معرفتش أعدي كل ده و الملازم الكلب لسة بيتكلم مع الهانم وفين وفينمشوا بالتاكسي قام سيادته معدي قدام العربية بتاعتي روحت دايس على الاول جامد وضرب صوت العجل في الارض و قربت منه خالص لكن الحقير ما نطقش... جريت ورا التاكسي لحد ما حصلته...و طلعت من الشباك و قلت للسواق يقول للهانم ان هي و البيه حيوانات فرد السواق و قالي أنا مليش دعوة انا مظلومو مشه في طريقه ...قولولي بقه رأيكم ايه لأني هاموت من الغيظ
على باشا ..ايه الموضيع المريعة دية ,لسة ثورى زى مانتا , فكرتنى بالذى مضى
امضى واتمنى ان نراك فى مواضيع اكثر تظهر براعتك اكثر واكثر
ياإبن البلد
انت صح ابن بلد جدع وراجل اللى تصرفت كدا
والمفروض اننا كلنا نتصرف مثلك
تعرف لو كنت اعترضت بأدب وقلت مثلا هذا لايجوز منك ياحضرة الظابط كان نزل وضربك جوز على قفاك لا مؤاخذه ولكن أن تعترض وبعنف فقد خاف منك هو والسائق
حدث معى هذا وهو اننى مررت بسيارتى على اشاره زحمه جدا ووجدت العسكرى مشغول بالكلام مع زميل له فصحت به : شوف شغلك ياعسكرى وبطل كلام مع زميلك , فرد على حاضر ياباشا. ومررت عليه بعد عشرة أيام الساعة ثلاثه ظهرا وجدته فى نفس المكان وتحت الشمس الملتهبه ومتعب جدا صعب على .قلت له بدل الشمس قف تحت المظله .رد على وقال لى خليك فى حالك لأشكك مخالفه
هكذا هم شرطتنا . إضربهم بالجزمه يحترموك تعاملهم بضعف يركبوا عليك
جهاز الشرطة فى مصر و جهاز أمن الدولة أصبحو عبارة عن سرطان هذة الامة الامن تغلغل فى كل شىء حتى الانترنت لم يتركوة فى حالة واعتقلو المدونين بتهمة تكدير السلام الاجتماعى فى دولة بهذا الشكل بقالها فى الحالة دى حوالى خمسييييييييييييين سنة وعايزين المصريين يتغيرو فى يوم و ليلة يا راجل حرام عليك
مفيش كلام ممكن يتقال بعد كل الكلام دة غير كلمة واحدة
حراااااااااااااام