رمضان.. إتسرق!
دلوقتى رمضان بقى تقليد.. بقى فوانيس صينى بتتكلم – الصين تعمل لنا فوانيس ليه؟.. لا الصين بلد إسلامي.. ولا الفوانيس صعبه أوي كده!!– بقى إعلانات سمنة وزيت وموبايلات
12/10/2006
إيهاب علي – ولاد البلد:
رمضان إتسرق.. أيوه إتسرق.. أنا مش لاقى رمضان..
أنا مش بتكلم على العبادات والدين والأخلاق.. لأ
رمضان إتسرق معنوياَ..
رمضان ماكنش كده زمان.. أنا مش من زمان أوى..
بس فيه حاجات كتير أوى أتغيرت..
الناس بقت بتمثل رمضان.. بقت "بتترمضن"!!
كان زمان رمضان بسيط .. روحاني.
كان زمان رمضان زينة.. ألوان.. فوانيس بسيطة.. عيال بتلعب فى الشارع.. وأغنية "رمضان جانا" لعبد المطلب.. وبوجى وطمطم.. ومسحراتي.. وكنافة وقطايف.. وليالي الحلمية.. وناس بتزور بعضها وبتعزم على جيرانها.. وصوت محمد رفعت قبل الفطار.. كان فيه صورة جميلة.. روح لرمضان.
دلوقتى رمضان بقى تقليد.. بقى فوانيس صينى بتتكلم – الصين تعمل لنا فوانيس ليه؟.. لا الصين بلد إسلامي.. ولا الفوانيس صعبه أوي كده!!– بقى إعلانات سمنة وزيت وموبايلات!!– بقى إعلانات سمنة وزيت وموبايلات.. وبرامج سخيفة الناس بتضحك فيها بالعافية.. ومسلسلات لناس بتحتضر (ناديه الجندى.. نبيلة عبيد.. نور الشريف.. ورده..) من باب حسن الخاتمة.. بقى خيم رمضانية.. خيم فطار وخيم سحور وشيشة وحلو الصمدى.. وأي حد يطلع يغنى أي حاجة عن رمضان:
"رمضان يا حبيبى.. إشطة يا رمضان
رحمة وغفران.. رمضان رمضان
ياهلال رمضان.. أي بذنجان.."
وبدل الزيارات بقت ميسدات والناس قاعده متيّسة قدام التليفزيون مسلوبة الإرادة..
كل حاجه راحت.. سرقوا رمضانيته و سابوا صورة مشوهة.. ملطخة بالألوان– كان زمان فيه صورة كده بتيجى فى المسلسلات لبنات صغيرة في الفلاحين حطين لها مكياج كتيير أوى عشان تبقى حلوة وتبان كبيرة عشان يسننوها ويجوزوها– هي حاجه زى كده..!!
بقى فيه تشوه عام فى صورة كل شيء.. الناس إتعولمت غلط.. خدنا من الغرب شكله وسيبنا العلم والتقدم.. خدنا سلع ومظاهر وفى المقابل سيبنا الحاجات اللى كانت مميزانا عنهم.. الدين.. الأخلاق.. العادات والتقاليد.. الطيبة والبساطة.. فقدنا هويتنا أو إتسرقت منا..
عدد التعليقات : 46
• قناة الأمة.. نقبل أموال الربا!
• فسافس الأمور!
• في ذكري انتصار بورسعيد
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
السلام علي من اتبع الهدى
ما اروع و اجمل و اصدق مما كتبت يا استاذ ايهاب علي, و الله صدقت فى كل كلمة , فعلا لقد اختفر رمضان الجميل البسيط الروحاني الاسلامى المهدئ للنفس و المرتقي بها, رمضان الذي كان اذا جاء ولت الهموم و الاحزان و حل الهدوء النفسي و الصفاء, لا ادري اذا كانت مقصودة ام لا و لكنهم اصطنعوا لنا رمضان غريب , مظاهر لم اعتاد اليها ابدا, كل المظاهر التي سبق و تفضلت حضرتك بذكرها, و يكفى الخيام الرمضانية كما يتلقون عليها, و رمضان برئ منها و مما يحدث فيها الي يوم الدين, لا ادري ما علاقتها برمضان, و لا ادري لماذا يقترن اسمعا باسم رمضان و خاصة انها لا تقدم اي شيء يخص رمضان اللهم الا كل مبتذل و رخيص و مسف و هابط و منحل, و لم يكتفوا بذلك و لكن لمن لم يستطيع الذهاب الي الخيام, فقد صوروها و نقلوها مباشرة علي الهواء للناس, يعنى محاولة للتغييب و لفت الانتباه عن رمضان بكل قوة و تفنن, يا سيدي يكفيي ان تشاهد حلقة واحدة من البرنامج الذي يذاع علي قناة دريم2 (وهى القناة التي تذيع ايضا اجمل و اقوى البرامج الدينية !! ), هذا البرنامج الذي ينقل الاحداث مباشرة من الخيمة الغير رمضانية, ما هذا الاسفاف و عدم احترام الشهر الجليل, الا يتذكرون ان رمضان بعد ان ينتهي سيصعد الي المولي عز و جل و يحكي كيف استقبله كل فرض من امة محمد (صلي الله عليه و سلم),الم يتخيلوا ماذا سيحكي عنهم رمضان, الا يشعرون بالحرج و الاشمئزاز و القرف من استضافة شخصية مثل شخصية سعد الصغير, والله والله والله و بدون اية مبالغة, لقد كنت علي وشك الاتيان بكل ما فى معدتى حين شاهدت هذا المسخ, الذي لا هو محسوب علي الرجال و لا علي النساء و لا علي الجنس الثالث حتي, من الذي سمح له يالظهور و القيام بمثل هذه الحركات التي لا اجد لها وصف , ه
اقرأ بقية التعليق ..
الكلام اللي حضرتك كاتبه ده ايضا يمثل صورة رمضان بعد التشويه يعني خيالك عن رمضان هذا تشويه رمضان ثم جاء بعد ذلك التشويه تشويه آخر.
يا اخي عيب عليكم
نبدأ من الاول نجيب رمضان في القرأن (شهر رمضان الذي انزل فيه القرأن هدى للناس وبينات من الهدى والفرقان)
نشوف الكلام دا نزل على مين
نزل على النبي محمد عليه الصلاة والسلام والصحابة رضوان الله عليهم (مهاجرين وانصار)
نفتح الكتب ونشوف النبي عليه الصلاة والسلام والصحابة رضوان الله عليهم عملوا ايه في رمضان الرسول صلى الله عليه وسلم حضر (9) رمضانات نفتح الكتب ونشوفوا عمل فيهم ايه.
وبعدين عيب واحد استاذ كبير زي حضرتك يكتب السخافات دي اللي جابتنا ورا
أنا قلت فى أول المقال انى مش بتكلن على الجانب الدينى والعبادات
أنا بتكلم على شعورى الشخصى .. إحساسى برمضان
"نبدأ من الاول نجيب رمضان في القرأن (شهر رمضان الذي انزل فيه القرأن هدى للناس وبينات من الهدى والفرقان)"
أنا مش بكتب موضوع تعبير عن رمضان مع أحترمى لرأى حضرتك
فعلا أنا حاسس كل كلمة من اللي انت قلتها
رمضان فقد هويته الشرقية زي ما كل حاجة شرقية ومصرية فقدت جمالها وطبيعتها وفطرتها البديعة
كمان أعجبت جدا بتعبير (الناس بتترمضن)
أرجو أن تشرفوني بزيارة مدونتي المتواضعة الوليدة وتقرأوا المواضيع القليلة التي بها علها تروق لكم
nashwah.blogspot.com
كلامك حكم والله
بس الموضوع ده فى مصر بس ولافى العالم العربى كله
مش فارقه كتيير