بنات ...نص الليل
وبصراحة شديدة، ما هي الأفكار التي دارت في بالك، ولو عندك أخت يا ترى هتسمح لها تتأخر بره البيت؟ وهل حاولت أن تسألها عن سبب هذا التصرف، وهل تعبت نفسك قليلا في البحث عن أسباب؟
02/04/2006
وائل الغزاوي- ولاد البلد:
بصفتك شاب مصري ومن حقك تسهر بره البيت براحتك دون أن يعترض أحد أو تتعرض لأسئلة السيد الوالد ورفض الست الوالده، هل صادفتك فتاة تمشي بالشارع في وقت متأخر ليلاً ؟
وبصراحة شديدة، ما هي الأفكار التي دارت في بالك، ولو عندك أخت يا ترى هتسمح لها تتأخر بره البيت؟ وهل حاولت أن تسألها عن سبب هذا التصرف، وهل تعبت نفسك قليلا في البحث عن أسباب؟
عموما "ولاد البلد" قرروا يوفروا عليك المجهود لأنهم بالفعل سألوا مجموعة من البنات السهرانين عن سبب التأخير تعالوا نعر ف الإجابات وفتحوا عقلكم وعينيكم معانا.
أنا وحيدة
نبدأ بالآنسة نهى 23 سنة حيث كنت متردد لكني تشجعت قليلاً وسألتها عن سبب وجودها في الشارع حتى الساعة الواحدة صباحاً.. فقالت إنها بنت وحيدة، ووالديها متعودين (دايما) النوم مبكراً وهى تحب السهر.
وكانت في البداية تشاهد الدش حتى الساعات الأولى من الصباح ولأنها تخرجت من الجامعة والحمد لله إلا أن أهلها يرفضون خروجها للعمل فهي عادة لا تجد شيء تفعله، لذلك تخرج من بعد منتصف الليل وتعود إلي البيت مرة أخرى حوالي الساعة 3 قبل الفجر(ونعم ألآهل).
وقالت أنها في الغالب تخرج مع صديقاتها لأنهن يجدن في ذلك متعة فيذهبن إلى "الديسكو تك" في الأغلب فهو المكان الوحيد المتاح لوقت متأخر، وأكثر ما يستفزها هو أنها تجد الكثير من المضايقات خاصة من الشباب الساهر في الشارع(عندهم حق بصراحة) .
بنات وسط البلد
ومن وسط البلد وبالتحديد من شارع طلعت حرب المكدس بالمحلات التجارية ودور السينما، التقينا بثلاث فتيات أكبرهم منى (24سنه) وتعمل في محل ملابس حريمي وتقول:"أتأخر في الغالب حتى منتصف الليل وخصوصا في الصيف لأن حركة الشراء تزيد ليلا خصوصا أيام الأجازات.
وتكمل سارة 22سنه تعمل بمحل أدوات تجميل بأحد المولات التجارية بأنها مضطرة للعمل في المحل لوقت متأخر لأن العرب يزيدون في فترة الصيف كما أن صاحب المحل لا يمكن يسمح لأي واحدة تروح بدري حتى ولو نص ساعة وأنها تضطر إلى انتظار صديقاتها في نفس المول للذهاب للبيت سويا وفي الغالب يركبن تاكسي وكثيرا ما يتعرضن للمضايقات ولكن ما باليد حيلة.
انتووا يا بتوع البنزينه
أما رنا 24 سنة فقالت إنها تستمع جدا حين تخرج بسيارتها ليلا هي وصديقتها وعادة تبدأ الخروج من الساعة 10 مساءاً، وتنتهي في حدود الساعة 2 أو 3 وتفضل دائما الخروج متأخرا لأنها تحب السير بسرعة من دون زحام.
أصعب المواقف التي حدثت لها هو أن السيارة نفذ منها البنزين ولا يقود محطة وقود قريبة من المنطقة التي وقفت فيها السيارة مما اضطرها أن تركب تاكسي للذهاب للبنزينة وتعود مرة أخرى للسيارة و اضطرت وقتها للتأخير إلى ما بعد الفجر، وأضافت أنها لا تهتم بالنقد أو المعاكسات لأنها ترى أن هذه هي حريتها الشخصية ومادام أهلها عارفين خلاص.
عفوا...عندي وردية
وطبعا التأخير لا يكون للترفيه فقط فهناك بعض المهن التي تتطلب من البنت أن تتأخر غصب عنها ومنها الطب والتمريض وغيرها، وتقول دكتورة مريم طبيبة نساء وتوليد 30 سنة:"إن عملي يتطلب أن أخرج في وقت متأخر ليلاً وذلك بسبب مواعيد الورديات وبالأخص في الأيام التي أضطر فيها للمبيت بالمستشفى يومين في الأسبوع، لتعود في صباح اليوم التالي.
وخلال رحلتها من البيت للمستشفى والعكس تتعرض لكثير من المعاكسات حتى أنها في بداية عملها قررت أن تترك العمل إلا أن والدها أقنعها أنها رسالة واضطر أخوها إلى توصيلها يوميا في أيام الوردية، ثم تعودت على رخامة الناس وأصبح التأخير عاديا ،وأصعب موقف حدث لها هو أن غرفة الأطباء بالقرب من المشرحة لذلك تخشى دائما بالجلوس مفردها داخل الحجرة.
وتشاركها مروه 24 سنة تعمل في أحدى الفنادق وهى دائما تفضل الشيفت الليلي لان الزبائن فيه يدفعون " تيبس" ولأنها لا تحب الاستيقاظ مبكراً للذهاب للعمل وتحب السهر كما أن العمل ليلاً يكون أفضل لها، وعن أغرب موقف ضحكت و قالت:" إنها كانت تستخدم الاسانسير الخاص بالزبائن وممنوع لها أن تستخدمه وكانت في ساعة متأخرة جدا من الليل والحركة قليلة جدا بالفندق وإذا فجأة ترى أمامها مدير الفندق لكنها تمكنت من الاختفاء سريعا دون أن يراها".
سهر البنات ..يعني خلل المجتمع
وبم إن الظاهرة أصبحت منتشرة سألنا الدكتور علي فرغلي أستاذ علم الاجتماع بجامعة عين شمس عن تفسير لهذه الظهور ومدى خطورتها على المجتمع من عدمه وقال:" أن هذه الظاهرة تشكل خطورة على المجتمع حيث أن من المعتاد أن لا تسهر الفتاة وحدها لساعات متأخرة من الليل لما فيه خطورة عليها كما أن البعض قد يظن بها السوء."
ويكمل :" وهذا دليل قاطع على وجود خلل داخل هذه الأسر لكن من تتطلب طبيعة عملها مثل الطبيبة أو ما شابة ذلك فهو عمل شريف يجب احترامه ولا يجب اعتبار هذا خلل، والسبب الرئيسي في مثل هذه الظاهرة هو التسيب والتفكك الأسري ونتاج حقيقي لعدم وجود تنشئة اجتماعية سليمة داخل الأسر".
"كما أنها ظاهرة قاطعة بأن معظم البنات يتأخرن لساعات من الليل لكن مازال الوضع الطبيعي في الأسر هي المحافظة على بناتهن وعدم خروجهن لأن هذه الحالات التي اعتبرها إلي حد ما فردية إلا أنها ظاهرة من الضروري أن تناقش لأنها من الممكن أن تسبب خللاً في المجتمع".
إلى هنا انتهى كلام الفتيات وكلام العلم ولكن مازالت الظاهرة مستمرة وبالتأكيد ستبقى كذلك اكتبوا لنا عن أطرف موافق مع فتيات منتصف الليل أو مواقف بنات البلد مع السهر.
عدد التعليقات : 128
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
كنت مرة في التحرير حوالي الساعه 12 بالليل(شتاء) دخلت شارع طلعت حرب ولمحت وانا داخل بنتين (مش محجبتين)العربيه بتاعتهم واقفه وهما واقفين محتاسين.
المهم مخدتش في بالي ودخلت اضيت مشواري في الشارع وانا خارج بعد نص ساعه حوالي لقيت العربيه لسه واقفه والبنيتن واقفين شكلهم غلبان اوي بصراحه صعبوا عليا
اكسفت اعرض خدماتي وكنت همشي لولا ان حاجه جت في نفوخي خلتني اقول لحسن واحد شرير يعرض مساعدتهم .انا ضامن نفسي وهما في ورطه.
واول مبصيت عشان اتكلم يادوب بقول اساعدكم؟
كانت واحده فيهم قالت الكوتش فضى تعرف تغيرة؟
ولاني مش عندي خبرة في اعمال السمكرة او الميكانيكا(غير الميكانيكا بتاعت ثانوي اللي في رياضه 2)
قلتلها هجرب
وكانت اول مرة امسك(كوريك) وافك عجله ولقيت العجله اتفكت وركبرت العجله التانيه؟( الموضوع سهل اوي )
المهم اول ما خلصت تركيب العجله ناولت البنت (الكوريك) وقبل ما تقول كلمة شكر كنت مشيت بس سمعت صوتها بتقول (جزاك الله كل خير)
روحت وانا مبسوط ان حد دعالي من قلبه
ماما ماعندهاش حكاية التاخير برا البيت لبعد 8 ...
والا لو اتاخرت نص ساعه بس .. بتبهدلني ..
ودي حاجه على قد مابحس انها بتخنقني شويه ... الا انها بتسعدني في نفس الوقت لاني بحس قد ايه هي بتخاف عليا .. والحقيقه هي معاها حق في كل دا ..
وفعلا انا لو مكانها هتصرف بنفس الاسلوب ..
لكن لو هتاخر بره البيت طبعا لازم يكون اخويا معايا ..
وخصوصا اما بحب اشتري هدوم .. بخرج من العصر ومابرجعش الا على الساعه 11 ...
وطبعا بدب مع اخويا ميت خناقه عشان بيبقى عاوز يروح وانا بسوق فيها بقى ..طالما هو معايا ..
وكل مره يحلف مايجيش معايا .. وفي الاخر يسحب نفسه زي الشاطر وييجي ..
والله بيحصل كثير ان اختي بتاخر مع جارتنا خصوصا لما بينزلوا يشتروا حاجة وما ادراك ما البنات ، لكن طبعا الموضوع مرتبط بالثقة والتربية قبل اي حاجة تانية، ولما بتحب تتاخر زيادة عن الساعة 11 لازم اكون معاها انا او بابا او ماما
اية يا عم الكتكوت شكلك كدة لا مؤاخذة(......) .
نصيحة ليك ما تتأخرش برة بعد الساعة 12 عشان فيه ناس وحشين كتير والدنيا بقت وحشة مووووووت وربنا يابني يكفيك شرب المستخبي.
انا ابويا متبرع بيا.....
والله العظيم بيثق ثقه عمياء بس اقول ايه لازم يخاف بردوه
مش يسافرني لوحدي والله العظيم لوحدي من الفرنجه لمصر
وعديت علي فرنسا لما دخت كل دا ليه يا "دادي "
لازم تتمرمطي علي الرغم من ان سني سعتها تحت العشرين
نقول ايه ولاه ايه
ولاه الصب واي اللي لولا ستر ربنا كان زماني في ههالرم
اقول ايه
ايه
ابويا.
البنت الملتزمة لاتخرج من بيتها من بعدالمغرب
مش عارفه انا احيان كتير بتاخر بره البيت مع صحباتي بس مش اكتر من 11 بالليل لان بعد كده مفيش مكان نروحه
انا لما بقارن بيني دلوقت وبيني زمان بقعد اضحك لاني كان اكتر وقت بتاخر فيه بره كان الساعه 3 العصر
كل الي عايزه اقوله اني معتقدتش ابدا ان بنت حرة هتقبل انها تهين نفسها واهلها اللي وثقوا فيها وتعمل حاجة غلط التاخير دايما بيكون خارج عن ارادتها لظروف شغل او شوبينج او مسرح وشكرا
وربنا يتصرف فيه بقى عم قاسم امين ولا ايهّ!
بصراحه خروج البنت في الليل غلط@
ممنوع البنات يخرجن في نص الليل بتاتاالا مع ابيها او اخيها او جدها او خطيبها او زوجها
طبعا تاخير البنات ليلا وخاصة بعد نص الليل يعتبر ظاهره فى المدن الكبرى فقط مثل القاهره والاسكندريه وبعض المحافظات ويترتب عليه الكثير من المضايقات او الجرائم لهن الحمد لله على العيشه فى المدن او القرى وربنا يستر
راقبو بناتكم اذا سهرت سوف يتعبن نفسيا وعقليا الدكتور فاضل
الخروج للبنت بعد المغرب لة حدودفعلي سبيل المثال لا الحصر أن تكون مع أسرتها أو أي أحد من الأسرة
الم يأخداحد فى اعتبارة ان الاهالى يخافون من تاخر البنات فقط بسبب الشباب فلم يكون كل مل نفعلة ان نمنع البنات من الخروج لم لا نحاول ان نمنع السبب ورايى انة لا يجب التاخر ليلا الا لضرورة سواء كان للولد او للبنت!
تاتىةاتنىاتاىلاااع
بحب بنات اليل واذا في يراسلوني على ايميلي odai_mkd@yahoo.com
w odai@maktoob.com
w odai_thelove@hotmail. com
انا كنت من الاول مش مقتنع بحكايا الشكل والاخلاق وكنت دايما فاكر ان الجمال فى الشكل وحده دون الاخلاق ولكن اكتشفت ان جمال احدهما وحده لا يكفى
لانسططيع ان نحكم احد بدوان معرفه ممكن يكوتن خاروج البنت فى هذا الوقت لهوا سبب مهم ليسات كل فتاه تكوان فى اى مكان فى واقت متاخر مش محترمه
مفيش بنت تخرج بعد المغرب .. يا سلام انتو تروحوا تنامو ياكتاكيت عالساعة سبعة عشان عندكو مدارس بكرة.. فى ايه يا جماعة هو اى بنت تسهر تبقى بنت مش كويسة بطلوا تفرقه عنصرية بقى.. حرام عليكو يعنى لو بنت فى حالها و الوقت متأخر ماكم و مالها الناس تقعد تجيب فى سيرتها و الله اعلم بظروفها.. و اللى يقللك تأخر البنات خلل فى المجتمع.. طب اشمعنى البنات؟؟ فى ولاد بتسهر للفجر و متقليش و شغل و بتاع.. هنعمل ايه مجتمع هيفضل طول عمره منغلق و بيتهم البنت فى كل حاجة.. ربنا معانا..
اول حاجه انا عاوز اقلها ان النتدى كويس وما فيهوش حاجه واشكر الراجل اللى ساعد البنات اللى كانوا واقفين بس انا لسه ما اعرف حاجه عن بنات نص الليل بس شكلهم مؤادبين وشكرا علي حسن استماعكم
انا اسمى ناصر من الاسكندريه من العجمى عاوز اتعرف علي بنت من بنات سهر الليالى بس لازم تكون من العجمى الهانوفيل وده ايميلى لما تبقا في وحده تبقا تسجل الايميل ده عندها وتكلمينى
romyo_romyo583
بدون نساء اصلا لحياة هواء وبنات عقلة فقط
اول شي البنت ليش تتأخر بعد ساعه 12
واذا كانت اختي تتاخر كنت فكرت انه اتسةي شي غلط
fkhj