الطلاب.. اقتحموا مبنى رئيس الجامعة!
فدعي على من ظلمهم وأضاع حقوقهم، وطلب من الله أن يقتص من د.عبد الحي إن كان أضاع حقوقهم
01/11/2006
روضة عبد الحميد – ولاد البلد:
كان يوم الأمس يوما حافلا لطلاب الاتحاد الحر في جامعة حلوان.. جامعة حلوان التي لم يكتفي رئيسها بطرد 425 طالبا وطالبة من المدينة الجامعية ليتم شطب حوالي 500 طالب ومنعهم من ترشيح أنفسهم في الانتخابات الطلابية.
وبدأت الحكاية مع بدء الترشيح لانتخابات اتحاد الطلاب يوم الأحد الذي يلي العيد، ويسبقه السبت أجازة دائمة بجامعه حلوان، بالإضافة إلى عدم الإعلان التام المسبق عنها وكأنها مفاجأة. كما أن تلك القوائم الابتدائية أصلا تم تعليقها في حوالي الساعة الخامسة ونصف والموظفون ينصرفون من الثالثة، والطريف أن من علقها هم ظباط وليسوا موظفون ولا تسأل لماذا كانت هذه القوائم مع الظباط.
وعلي الرغم من هذا أستطاع بعض الطلاب أن يتقدموا بأوراقهم وطلبوا إيصالات استلام فلم تكون متواجدة أصلا بالكليات، بل تمادى الأمر لفصل الطالب إيهاب جمعة أمين الاتحاد الحر بكلية العلوم حين ذهب لترشيح نفسه بحجة أن لديه إنذار بالفصل على أثر تحقيق من العام الماضي لم يكن يعرف عنه شيء!!.
باقي للإعادة.. وماله
وعلى الرغم من أن الباقون للإعادة لا يجوز لهم الترشح للانتخابات وفقا لقانون الاتحاد إلا أن موظفوا الرعاية بكلية التربية "إستلقطوا" واحد من على الرصيف وحين اكتشفوا انه باقي للإعادة فقالوا له "هنحتفظ بأوراقك عشان لو أتزنقنا أوى هناخدها"!
الاقتحام
كل ما سبق دفع طلاب الذين تم شطبهم إلى المطالبة بحقهم فقاموا بمظاهرات في الجامعة بدأت في التاسعة صباحا رددوا خلالها بمكبرات الصوت العديد من الهتافات التي تدور حول التساؤل عن لمصلحة من يتم سرقة الاستمارات وشطب الطلاب وهتفوا "أمسك حرامي" موجهين السؤال إلى عبد الحبي عبيد "من بيدة القرار سيادتكم ولا سامح بك ظابط امن الدولة؟".
ثم قاموا في التاسعة والنصف بعملية اقتحام لمبنى رئيس الجامعة وجلسوا فيه من التاسعة والنصف وأعلنوا بدأ اعتصام مفتوح حتى يتم حل تلك المشكلة و أرسلوا لجنه طلابية لمحادثه القائم بأعمال د.عبد الحي لأن د.عبد الحي في فرنسا.
مجرى القانون
خلال الاعتصام جاءت موظفة تسألني عن تصريح التصوير وخطفت منى الكاميرا وهى تقول "لا لو سمحتي هنا كل شيء قانوني"!!، فانتزعتها منها وأنا أقول "فعلا كل شيء قانوني بدلالة شطب طلاب الإخوان"، وهنا جرى الطلاب نحوها وقالوا لها "كلمينا إحنا"، وبعد أن توجهت للكلام مع بعض الضباط عادت إلى رموز الطلاب كحسام الهندي، المتحدث الإعلامي باسم الاتحاد الحر، تطلب منه أن يمنعني من التصوير.
أمن الدولة بره الباب
وألقى الطلاب كلمات تناولت مطالبهم وهى إعلان القوائم الابتدائية للترشيح دون استبعاد أي طالب، واستبعاد جهاز أمن الدولة من العملية الانتخابية والحياة الطلابية ككل.
وألقى عبد العزيز مجاهد، رئيس الاتحاد الحر، كلمة ينصح فيها المسئول الذي لا يستطيع أن يمارس صلاحياته أن يترك مكانه بدلا أن يكون دمية تحركها خيوط من خلف الستارة، قاصدا أمن الدولة، وذلك أشرف لأي مسئول.
وبعد قراءة بعض آيات القران الكريم قام عبد العزيز مجاهد بالدعاء فدعي على من ظلمهم وأضاع حقوقهم، وطلب من الله أن يقتص من د.عبد الحي إن كان أضاع حقوقهم وكل عميد كلية وكل ضابط أمن دولة.
وأنشدوا نشيدي "لبيك" و"غرباء".
وخلال اعتصامهم داخل مبنى رئيس الجامعة ردد الطلاب العديد من الهتافات منها: يا رئيس الجامعة قولي ليه شطبت الطلبة ليه، و"لا الأمر دة مش بإيديه أمن الدولة فرضوا عليه"، و"ياللي شطبت الطلبة قولي.. هي الكلمة في بلدي حرام"، و"دول عايزنا نبقى نعام.. ناكل نشرب نصحي ننام"، و"يا عميد يا عميد.. أحنا طلبة مش عبيد"، و"رئيس الجامعة يامسئول.. أدام ربك إيه هتقول"، و"أمن الدولة برة برة.. عايزين جامعة حرة حرة"، و"إحنا مين ؟ إحنا مين.. أحنا أخوان مسلمين".
نعش الحرية
وأسفرت اللجنة التي شكلها الطلاب عن وعد بإنزال القائمة كاملة في الساعة الخامسة.. فانفض الاعتصام بعد صلاة الظهر بردهة المبنى معلنين مسيرة يتقدمها نعش للحرية وطلاب مقيدون رمز للحرية المقيدة، وخرجت الجنازة من مبنى الرئيس وخلال المسيرة اتصل الطلاب بالدكتور جمال حشمت المرشح الاخوانى الذي عانى من التزوير بدائرة دمنهور ونصحهم باللجوء للبدائل كالاتحاد الحر ونصحهم بإطالة نفسهم لأن الأمر طويل. وشدد على الطلاب بعدم اللجوء لعنف مهما قابلهم من ضغوط.
وختم الطلاب المسيرة بأغنية على نغمة أغنية "أجيال ورا أجيال هتعيش على حلمنا" تعكس الحالة الاقتصادية والسياسية المحتضرة بالبلد، وكان من كلمتها:
وزارات ورا وزارت هتعيش على حلمنا
و اللي بيجى يادوب مظبوط على قدنا
جايز هيجي اليوم والشبكة تيجى إنما
تفضل فلوس الشقة ودة شيء بعيد عننا
جايز هيجي اليوم والشقة تيجى إنما
هتكون سنانك وقعت قربت على 100 سنه
شاهد مقطع فيديو للطلبة أثناء اقتحام مبنى رئيس الجامعة
شاهد صور لطلاب جامعة حلوان
عدد التعليقات : 254
• هتاف الصامتين في دورات المياه!
• طائر مهاجر: المشكلة فينا إخنا!
• الطيب بين مخالب الإخوان وأنياب الوطني
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اثمن على نصيحة أستاذ حشمت بصورة طول النفس، وضرورة الابتعاد عن اعمال العنف في كل الأحوال، فما يتم هو من تفاعل هو الطريقه المثلي لتكوين كوادر قادرة على التعامل مع المرحلة المقبلة
مع الاسف موقعكم هذا يشجع على التعصب و الكراهيه الى ابعد الحدود ، ويكاد يكون هناك شله او اتنين مسيطرين على مجريات الاحاديث و المواضيع ، بحيث تكون المواضيع موجهه الى اشياء محدده و للترويج لاراءاو افراد بعينهم ، وواضح جدا ان اى راى مخالف يقابل بالسخريه و السباب ( الخارج تماما عن حدود الادب فى اغلب الاحيان ) ، اما والحال هكذا فاقترح ان يتحول هذا الموقع الى موقع خاص ويكون المشاركه فيه عن طريق التسجيل ، ويتم التسجيل وفقا للشروط التى يرتضيها اصحاب الموقع و مؤيديهم.
ولكن ان تجعلوه موقعا مفتوحا يدعى القائمين عليه دعم الحريات و تكون النتيجه هذا ( التحرش اللفظى ) الذى قلما يخلو منه موضوع ، فهذا قمه التناقض فى رايي اذ ماذا تركتم لمن تنتقدوهم فى هذه الحاله وانتم تمارسون سياسه قمعيه ولكن عن طريق النت هذه المره.
اعرف ان كلامى هذا سيقابل بالسخريه و التعليقات المعتاده ، ولكن اعلموا ان الاناء بما فيه ينضح فان كنت ترد بالسباب فهذا يرجع الى مدى سلوكك و التزامك الخلقى و الدينى قبل كل شىء ، فالسباب لن يضيرنى فى شىء ، ولكنه كلام اخرجته و سيحسب عليك و ستحاسب عليه.
وانى لاتعجب من وجود تعليقات قد تورد على رد فيه مثلا الاساءه للدين الاسلامى ، فتجد من يرد يقول فيما معناه (واسف للتعبير): كله الا الدين الاسلامى يا ابن الوسخه !!!
كيف ؟؟؟ كيف يا اخى يتفق دفاعك عن الدين مع ترديدك لمثل هذه الالفاظ القذره ، كيف وانت تدافع عن الدين تكون اول الخارجين عليه و على تعاليمه ؟؟؟؟
كبرى دماغك
ماشاء الله جزيتي خيرا روضة ... واتمني لو اعرف متي يعرف االامن انه كل الاعيبهم معروفه ومكشوفه ومتي تتوقف هذه المهازل في بلادنا حسبنا الله ونعم الوكيل على من بغي وتجبر
الحيوان حسني مش مكفيه هنا رايح يعرنا بره .. في روسيا الصحف كلها بهدلت اللي جابوه ومازالت لليوم التالي على التوالي .. عارفين السبب ؟؟؟ لأن الحمار الواطي إبن الواطي صرح بأنه يطالب الرئيس الروسي بعدم الإنصياع للمطالبين برحيله .. وقال إيه بيطالبه بالبقاء في منصبه .. طبعا الدنيا خربت وبهدلوه الحمار ... الغبي الواطي حسني مبارك فاكر إنه في القاهرة مش في موسكو ... كنت اتوكس واتنيل على عينك وبلاش خبل .. داهية في خلقتك القذرة.
مشهد آخر يا شباب من جامعة القاهرة اليوم .. تمنى من الله أن تكون بداية شرارة لثورة شعبية تعم بر مصر كله اللي بقى لا معقول على رأي الأستاذ فهمي هويدي في هذه الصفحة ... الأمن نازل طحن في الطلبة بتوع الإخوان من سبع ساعات ولغاية دلوقت الساعة 12 مساءً ومازال الطحن مستمراً على عهدة برنامج العاشرة مساءً في دريم ، لسة جايبين صور طازه من هناك متصوره بالموبايل لأن الصحافة ممنوعة تدخل بأمر أمن الدولة الحيوان الجبان عميل الأمريكان ...
ادعو معايا يا شباب تكون بداية شرارة تولع في البلد كلها وبدال ما ييج الحيوان الواطي حسني مبارك من موسكو يبعتوله عيلته القذرة على هناك ولا يروح على النيجر زي بتاع موريتانيا من شهور ... يا رب ما تكمل 2006 قبل ما نخلص من الواطي حسني مبارك وعصاباته .
إبن بهية
www.ibnbahya.blogspot.com
يا رب يا ابن بهية نخلص من الحيوان دا يا ابن بهية نخلص من البقره الضاحكه (لافاشكري) تصدق بالله يا ابن بهية اول كارثة واجهت حسني مبارك انه طلع شبه البقره الضاحكه بتاعة اعلان لافاشكري والشعب كله فضل يألس عليه دا لو كان راجل محترم وعرف ان البلد بتألس عليه كان ساب البلد ومشي لكن طلع جبله ما عندهوش احساس.
وكذب على الشعب كانت ولاية الحكم مرتين بس
خلاها مرة واحدة آل يعني الواد عنيه مليانه اوي واهو قاعد للمرة الخامسة.
هو راح روسيا والصين لانه فلس خلاص عايز ييضحك على الشعب قال ايه عايز يعمل منطقة صناعية روسية الرئيس الأهبل. خلاص فلس وعايز يشوفله نصبه جديدة على الشعب.
تتصور زي ما انت عارف اسرائيل عايزه تلغي معاهدة السلام وترجع تحتل سينا تاني والاقباط عايزين يقسموا مصر دولتين وامريكا عايزه تمنع المعونة عن مصر والبلد في حالة نار والحمار سايب كل ده وعايز يورث ابنه الحكم. ما شفتوش حمار اكبر من كده
نصيبنا مع بطل حرب اكتوبر
والاغنية اللي موجوده في موضوع روضه اللي الشباب غناها اغنية مهمة جدا تعكس الوضع الاليم والمأساوي اللي البلد وصلت اليه وهو الغاء الزواج او انتهاء الزواج واهي كارثة جديدة اطلت براسها في شوارع وسط البلد شباب وقف مجموعات يتحرش جنسيا بالنساء.
والحيوان عايز يورث ابنه
ــــــــــــــــــــــــــــــــــــ
تصدقوا بالله انا غيرت اسمي المستعار عشرين مرة خوفا من الكلاب المسعورة بتاعة امن الدولة
كل مشاكلنا مرهونة بالعودة الى كتاب الله وسنة رسول الله خلي بالكم ما تضيعوش وقتكوا كتير مفيش غير منهج النبي محمد صلى الله عليه وسلم واكرر النبي محمد صلى الله عليه وسلم كانت بلده اسمها (جزيرة العرب) ويستلزم هنا دراسة احوال اهل الجزيرة العربية قبل البعثة المحمدية (كانوا ناس همج لا ما ضي لهم ولا حاضر ولا مستقبل) وبعث الله فيهم النبي محمد صلى الله عليه وسلم (ويستلزم هنا دراسة السيرة النبوية)
وبعد وفاة النبي محمد صلى الله عليه وسلم وانتهاء مهمته العظيمة يستلزم دراسة احوال جزيرة العرب بعد النبي محمد صلى الله عليه وسلم وتاريخ الخلفاء لنرى كيف حول النبي محمد صلى الله عليه وسلم هؤلاء الهمج الى اكبر دولة حضارية عرفها التاريخ وفي اقل من مائة عام وصلت دولتهم الاولى ومن اسبانيا الى الهند.
وانا بقول الكلام دا لان واضح ان احوانا نحن الشعب المصري مشابهة لاهوال اهل الجزيرة العربية قبل البعثة المحمدية (احنا المصريين اصبحنا ناس همج لا حاضر لنا ولا مستقبل) ولكن لنا ماضي هو الاسلام يا ريت نرجع لماضينا ونكمل مسيرة عمر بن العاص
واحد صحبي لقا نفسه في اتحاد الطلبه لمدة 3 سنين من غير ما يرشح نفسه ولا يكون عايز يدخله
والله بتكلم بجد ومش ببالغ ابدا في اي كلمة قلتها
بس التحقيق اللي فوق جامد
ماذا ننتظر من حسني مبارك الرجل الديكتاور والذي يريد ان يورث البلد لابنة ويريد اسكات كل مطالب بالحرية اي كان اتجاهاته سواء اسلامية او غيرة ولكن المشكلة عندهم ان الاخوان قوة كبيرة فى البلد وهم يخافون منها ولذلك يحاربها فى كل مكان المدرسة الجامعه المنزل الشارع اي انتخابات فيها الاخوان تكون مشكلة للنظام الفاسد الذي يخشي انكشاف الحقيقة للناس لمعرفة اخطائهم وسرقة اموال الدولة
نفسي في يوم الحكومة تصحي وتوب توبه نصوحه انا مش عارفه هما هيتعظوا امتي كفانا ظلم واسي اقسم ان دموعي سالت علي اولئك الشباب ماذا يفعلون لو فكروا في لحظه ان دول عيالهم واخواتهم وولاد ناس من دمهم وبلدهم مش هيحصل كل ده حرام ......حرام الشباب بيعملوا كده عشان بيحبوا البلد فوق يارئيسي وشيل الغمامه من علي عينك احنا بنحبك وهما بيحبوك ولما بيعملوا كده هما بينصحوك ونبقي عاملين زي النعامه لو مفكر ان ده هيقضي عليهم بالعكس هيزيدوا لحد الانفجار وبكره هنشوف وبرده بحب بلدي ولو شغلت بالخلد عنها لنازعتني في الخلد نفسي
تقرير جيد يا روضه وواضح ان انتى مهتمة بجامعة حلوان وده حاجه جيده جدا خصوصا ان جامعة حلوان بعيده عن دائرة الاعلام ،، ربنا يوفقيك
انا من خريجى جامعة حلوان واشهد هنا للدكتور عبدالحى عبيد انه شخص بغيض جدا ويكره الاسلامين بشكل غير طبيعى واى نشاط يحمل اى طابع اسلامى الدكتور من اشد الاعداء واظن انه اخد المنصب بعد ما تأكد امن الدوله من ولاءه الاعمى لهم وانه مازال عينه على ترقيات جديده فبيكمل فى قمع اى نشاط طلابي
وهناك موضوع اخر هام جدا وشائك جدا ياروضه لو قدرتى تعملى فيه تقرير وهو التنصير فى جامعة حلوان فالتنصير هناك قوى جدا جدا وفى مكان فى الجامعة اسمه الكنيسه هتلاقيه عند مدرج اتنين كده وهتلاقيهم بيوزعوا ورق وفى قساوسه وراهبات قاعدين معاهم ولو فاكرة قصة زينب المصرية كانت فى جامعة حلوان بارضو
ولو تعملى مقارنه بين تعامل الامن وادارة الجامعة مع التنصير ومع الاسلامين هتلاقيه تعامل غريب جدا يعنى انا شخصيا ايام الجامعة اخدت ورق من بتاع التنصير وكلمت ظابط امن دولة وقلتله الحق اللى بيحصل قالى ونعملة ايه يعنى سيبهم
وموضوع القساوسة والرهبان ده عجيب بارضو وطبعا بيمنعوا بتوع التيار انهم يجيبوا شيوخ المسجد مفيش غير شيخ الاوقاف وكان لا يفلح فى اى شيئ ولا حتى انه يأذن للصلاة - كل الكلام ده ايامى طبعا يعنى من 3 سنين كده -
هى حكاية حرب وتار بنا وبين الاستعمار
اه يا مصر واه يا مصر لسه فيكى كلاب وقصر
انهارده مبنى رئيس الجامعة بكرة مبنى الكلب الى بيحكمالكلب الخاين العميل هو والكلاب الى معاه ولاد الكلب الى باعه البلد لليهود والامريكان دلوقتى بيبيعو الشعب بس يا خسارة الشعب مافهوش حاجة تنفع للبيع علشان مش لاقى ياكل
بس يا تر رئيس الجامعة رتبته ايه
اكيد مش عميد لان كل كلية اقصد كل قسم له عميد اكيد رتيته لوا امن دولة ومتنكر اقصد كلب من كلاب الدولة.كلمة اخيرة
يا مبارك لم كلابك بكرة الثورة هتكسر بابك
عايز اسال سؤال صغير .. هوة الموقع دة بتاع اخوان مسلمين ... اصل ملاحظ ان كل الردود تجريح ومحدش رد بعقلانية كلة بيشتم حتي الي رد بهدوء حسيت انة مش مناصف او علي الاصح في الكفة التانية ... يا ريت يكون في ردود مناصفة ويكون في الردود نوع من الادب ... وبلاش ننسي ان رسول الله ما امن بة من امن الا لخلقة وسماحة نفسة .. وتذكرتلك المرأة التي كانت علي غري الاسلام ورفع عنها حملها وسار بجوارها رغم انها طوال الطريق كانت تسبة . .. كامة اخير اغضب ومثلي الكثير عندما اري من ييدافع عن الاسلام هم من يحولوا اغراقة في اليم .. وافضل ما سمعتة من رجل قال عندما اجد ظالم لا ادعو علية بل ادعي لة بالهداية
للاسف دة مش بيسىء للاخوان المسلمين فحسب وانما للمسلمين ككل؛
لانه ليس المؤمن بلعان ولا فاحش ولا بذىء ؛ولكنهم للاسف يخالفون ذلك كله.
النقطه الثانيه التى اختلف معاك فيها هو من ادعى ان الموقع روادة هم من اخوان فحسب؟ اولا موضايع الموقع متنوعه بما يكفى ثم ان منها من يخالف فكر الاخوان اصلا ؛ولكن لانه راى حر يتم نشرة.
وليس معنى ان من يعترض ويشجب ويستنكر هم الاخوان ؛الانطباع ذلك جاء سبب خلو ساحات الاحداث الا منهم ؛ولكن مؤخرا ظهرت كفايه معهم .