عودة الـ "منصور"
مرتضى منصور المهزوم في نادي الزمالك وانتخابات البرلمان الاخيرة، فاز أخير وربنا نصره بقرار من محكمة القضاء الإداري..
02/04/2006
رويترز + ولاد البلد:
فجأة (اقرأها كدة.. فج أتن)، عاد مرتضى منصور للأضواء من جديد، وعدنا جميعا بسببه للضوضاء من جديد أيضا..
مرتضى منصور المهزوم في نادي الزمالك وانتخابات البرلمان الاخيرة، فاز أخير وربنا نصره بقرار من محكمة القضاء الإداري..
تعالوا نقرأ نص الخبر الذي نشرته وكالة رويترز تحت اسم.. عاجل:
ألغت محكمة القضاء الاداري المصرية يوم الاحد قرار وزير الشباب والرياضة المصري الذي صدر في نهاية العام الماضي بحل مجلس ادارة نادي الزمالك برئاسة مرتضى منصور وتعيين مجلس ادارة لمدة عام.
وفور صدور القرار توجه منصور وهو محام وعضو سابق في مجلس الشعب أحد مجلسي البرلمان الى النادي مع عدد من أنصاره طالبا تنفيذ الحكم.
وأحكام محكمة القضاء الاداري واجبة التنفيذ فور صدورها حتى لو جرى الطعن فيها أمام المحكمة الاعلى درجة وهي المحكمة الادارية العليا. ودخل منصور غرفة مجلس الادارة وسلم صورة من الحكم الى محمد مفتاح مدير نادي الزمالك بالانابة.
وألغيت وزارة الشباب والرياضة في اخر تعديل وزاري. وأصدر المجلس القومي للرياضة الذي حل محل الوزارة الملغاة في الجانب الرياضي منها بيانا قال فيه ان المجلس تلقى شهادة بصدور الحكم وانه سيدرس اتخاذ الاجراءات اللازمة تجاهه وفقا لاحكام القانون.
وأكد البيان "احترام المجلس القومي للرياضة الكامل للقضاء المصري وأحكامه." ولم يحدد طبيعة الاجراء الذي سيتخذه. وقال منصور انه سيعقد مؤتمرا صحفيا في النادي يوم الثلاثاء.
وكان ممدوح البلتاجي وزير الشباب والرياضة السابق أصدر قرار حل مجلس ادارة الزمالك بعد مرور ستة أشهر على انتخابة بسبب مشاكل ادارية تسببت في استقالة عدد من أعضاء المجلس المنتخب. وأعقب قرار الحل تعيين مجلس ادارة مؤقت برئاسة مرسي عطالله.
أهلاوي كنت أو زملكاوي.. هنستني رأيك..
عدد التعليقات : 67
• في انتظار جودة
• أمام الشمس
• إضرابات العمال بين أمين العالم ودار الخدمات
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
هنرجع تاني لايام البلطجه والالفاظ السيئه والاتهامات والفضايح والبلاد العربيه هتتفرج علينا وعلى خيبتنا التقيله المتمثله في مرتضى منصور
بما اني اهلاوي الموضوع في حسنة واحده ان الزمالك هيغرق تاني والاهلي هيغلبه بسهوله
بس بردو هيرجع على مستوى المنتخب
يلا يا رب يمشي
محدش عايزه
مبروك
عودة البلطجي
مبروك تدهور الزمالك
و الف الف مبروك للاهلي الكاس و الدوري و اي بطولة نفسك فيها
بصراحةانامبسوط جدا لان الحكم ده هيدى الفرصة لمرتضى منصور يكمل الخراب اللى بدأه فى نادى الزمالك....ألف مبروك عليكوا يا زملكاويه
الزمالك بجد صعبان عليا اوي ..
يعني انا كنت اتمنى اي حاجه تحصل لكن ماكنتش اتوقع (عودة الندل )..
ياللا .. ربنا يكونه في عون الزمالك .. حقيقي والله صعبان عليا والدمعه هتفر من عيني ..
بس انا لو مكانكم ..اعمل حركه زي (كفايه ).. يمكن تنفع المره دي ..
اولا اعرفكم بي انا محمد نبيل صحفي وبصراحة انا عاوز اقول شيء مهم جدا لابد لكل منا ان لا يحكم علي اي انسان الا اذا جلس معه وتحدث معه ولا نقول مرتضي منصور جيد او سيء الا بعد ان نبحث عن شخصيته وحتي لا ينخدع الراي العام مرة اخري انا تحت امر اي انسان يحتاج الي مساعدة واتمني للمسئولينعن الموقع موافاتي بالاخبار الجديدة اولا باول مع خالص تحياتي لكم محمد نبيل
و الله كل ما اشوف اللى بيحصل ف ادارات النوادى الاقينى بفتقد صالح سليم
و اليكم اخر فضائح مرتضى منصور و هو فشل اعتداء كان هيتم من ابنه و جوز بنته و 20 بلطجى على عمرو اديب بعد حوار ر اجراه معاه عمرو ف القاهره اليوم
صحيح عمرو ظبطه يومها بس ده اسلوب البلطجيه امثال منصور
و على رايك يا عبد الله احنا الكسبانين لان الزماللك هيتدهور و الاهلى سينطلق
و ينطلق
و لا عزاء للاخوه الزملكاويه الاعداء
قصدى الاعزاء
واحد
بصرف النظر عن قرار المحكمة بعودة السيد منصور الى سدة الرئاسة فى النادى فإن وصول من له هذه التصرفات التى أقل ما توصف بعدم الحكمة والألفاظ التى تتسم بالعصبية وعدم الدبلوماسية لمسئول مثله يدلل على من أنتخبوه فى الأصل وأن المسألة تثل الذوق العام السائد وأن الأمر يحتاج بحث وعلاج على مستوى الخبراء والمختصين
عايزيين ايه ياولاد الآيه!حكمت المحكمه ؟ فى مصر ؟ وقضاء مصر الذى حكم على عزام ؟ وحكم على ايمن نور؟ اللى بيحبوه ليه ؟ واللى بيكرهو ليه؟ اتقو الله فى هذا الرجل ! دع القافله تمضى و..... تنبح ؟ خلص الكلام
عاوز ايه تانى يامرتضى منصور والله انا اهلاويه
بس الزمالك صعبان عليه ليه كده بيعملوا فى النادى ده كده وفين المسؤلين عن هذا البلطجى الى مش همه حد ومتكبر على ايه ابعد عن الكوره ابعد عن الكوره
والله الزمالك صعبان عليه والاعيبه خلاص هتمشى وتسيب النادى بسببك يا راجل يالى بتقول على نفسك كبير ابعد وسبهم فى حلهم لو انت فعلا زاي مبتقول انك بتحب الزمالك ليه متمسك بالمنصب وليه عاوز المنسب ده عاوز ايه تانى عاوز ايه تانى
الأعضاء هما السبب في البلوه دي
يلا خليهم يشيلو الطين
لازم الجمعيه العموميه تجتمع وتحد من المهزلة دي
"حسرة عليك يا فريق النكبات"
انا متاكد ان الاستاذ مرتضى عارف ان كل الوسط الرياضى والصحفى بيكرهه ومش عايزه, ومنصبه منصب شرفى !! طيب فى ايه وليه اللى بيمسك فى حته مش عايز يسيبها حتى لو كانت تطوعيه ؟ شوفوا مرتضى وشوفوا نعمان جمعه نفس الفكر ونفس الاسلوب واحد ولع فى حزبه والتانى ممكن يولع النادى ويعادى الكل بس يفضل تحت الاضواء , هو منصب تطوعى يعنى ايه ؟؟
ياريت نسيبة يعمل حاجة للنادى اللى كان خرابة لمدة سنوات على يد مجلس ادارة ماعندهوش غير فريق الكور واعضاء النادى يتصرف عليهم كل ايرادات النادى كفاية مغالطة وتعلوا شوفوا اعمالة فى شهور فى النادى الى كان خرابة رنا معاك يا مرتضى
وكفاية كدة وما تردش على اى حد علشان ما توقعش تانى فى الغلط
السؤال ! لماذا تحب الاستاذ مرتضى منصور وماهى الاسباب ؟ لماذا تكره الاستاذ مرتضى منصور وماهى الاسباب ؟ ولنا حوار والسلام
ربنا يكون في عون الزملكاوية بعد ما رئيسهم هيتحبس يلا كويس عشان يبقى رئيس الزمالك خريج سجووووووووون .
ليه يارضوى زعلانه على الزمالكاويه كلنا بنحب اللى غيظكم ! علشان كله رجولة وعند صدق مش زى ولاد الآيه اللى كل يوم بيتغيرو ميت لون !!! نستوا اللى فات جيبوا الدفاتر تنقرا الله يرحم ايام طاهر ابوزيد واحمد شوبير لما قعد على الكورة ورفض يتغير والله يرحموا ثابت البطل كل يوم حدوته شكل ارحمو بقى والسلام
1
انا مش زعلانة عليهم ولا اقدر اقول كمان اني شمتانة فيهم لكن صعبانين عليا
انت عارف مين دول يا اخ فؤاد اللي بتتكلم عنهم دول رموز الكرة المصرية بس انتم مبتفهموش روحوا ربوا رئيسكم اللي ناقص رباية.
يا ترى مرتضى وجد الحصان احسن بيقولو شاحح فى السوق
,hوالله العظيم انا زعلان على نادى الزماللكلئن لو مفيش زماللك مفيش كوره فى مصر والعكس بالنسبه لاهلى
باامانةمرتضى منصورهيخرب نادى الزمالك وانااهلاوى
نرجو من الأستاذ مرتضى مزيدمن الصمود وكثير من الأصرار على محاربة الفساد فى نادى الزمالك وغير الزمالك لأنه اصبح مثل اعلى للشباب فى الصمود والتحدى قاهر المستحيل
نرجو من المستشار مرتضى منصور محاربة جميع المفسدين بنادى الزمالك وتطهير الزمالك منهم بسيفك ضد الفساد