أنا متحرش.. سابق!
لحد ما الموضوع بقي زي الكيف أنا اللي بدور عليه سواء في الاتوبيس أو في الشارع أو الجمعية وطابور العيش والسينما بالذات في الأعياد
05/11/2006
مجاهد شرارة – حسام كمال – ولاد البلد:
"بدا لي الأمر كأنه إحياء لذكري قديمة وملفات مغلقة لم أشاء حتى تذكرها وقد تاب الله علينا وسترنا"
بهذه الكلمات بدأ أحد الشاب حديثه عن ذكريات "أيام التحرش" في ميدان السيدة زينب بالقاهرة، مناقشة ساخنة حول الذي دار في شارع سليمان بوسط البلد في أيام العيد فتحت شهية الرجل ليؤكد لهؤلاء المنكرين أن ظاهرة التحرش الجنسي موجودة منذ زمن ليس بقريب وأنها ربما طفت على السطح بهذا الشكل بعد أن أستفحل الأمر وزادت رابطة المتحرشين بدلا من أفراد قلائل لتصبح مئات من الشباب في آن واحد.
تركت العنان للرجل يسترسل وقد إشترط علي عدم التسجيل على شرائط كاسيت مرددا "بلاش فضايح" وأنطلق في الحديث.
كنا حوالي عشرة من الشباب لا يعرف بعضنا بعضا ولكن يجمعنا غرضا واحدا هو إشباع الغريزة المتأججة في نفوسنا ناحية الجنس الآخر، نجوب شوارع الميدان بحثا عن فريسة تسير وحيدة بلا أنيس ليسهل علينا التحرش بها.. مرات عديدة عدي الأمر بسلام لينتهي بخجل المرأة وإسراعها لمغادرة المكان بأسرع وسيلة ممكنة تاكسي.. ميكروباص.. أو حتى الركض!.
ومرات أخرى ينتهي الأمر بسيل من الردح والشتائم والبهدلة من المرأة مدافعة عن نفسها، لذلك كنا نحرص على أن نختار بنت أو سيدة يظهر عليها الاحترام، بنت ناس يعنى، ونبتعد كل البعد عن بنت البلد أو من يظهر عليها ذلك.
سألته هل هناك وقت مفضل للتحرش بالنسبه إليكم
الوقت ليس مهما للدرجة، فممكن جدا أكون في الأتوبيس وأتحرش بسيدات أو آنسات وقت الرجوع من الوردية لكن وقت التمشية يعنى لما أنوي أنزل من البيت علشان أقضي مزاجي بفضل أيام الأجازات ويومي الخميس والجمعة تحديدا بيبقي الميدان زحمة ومحدش داري بحد، أما بقي الليلة الكبيرة فوضعها مختلف.!!
اي ليله تقصد؟
المولد.. مولد السيدة زينب دا بيبقي زي موسم للتحرش عندنا هنا في الميدان وبنبقي نتسابق ونزق بعض وإحنا بنحاول نوصل للواحدة من دول. أنا فاكر أن أنا مشيت ورا واحدة لمدة نص ساعة بلف وراها وكل مرة أخبط فيها شوية وابعد وأرجع ألف دورة تانية وهكذا لحد مرة لقيت واد مدبئها (ماشي وراها)، وفضل مرافقها لحد ما ركبت ومعرفتش أعمل معاها حاجة تاني.
في مواقف تفتكرها تاني غير الموقف دة في المولد؟
طبعا في كثير جدا. يعنى في أحد المرات كان في راجل ومعاه اتنين ستات تقريبا واحدة مراته والتانية أخته وكانوا نغشين شوية (ملفتين للنظر) وبصيت لقيت حوالي أربع شباب أنشقت الأرض عنهم بيزاحموني على التحرش بالاثنين واقسم بالله أن الستات (اتهرت) ومفيش واحدة فتحت بقها بكلمة!!.
- وفي نفس اليوم كان معانا راجل حوالي 40 سنة كان بيلف معانا بس لوحده، دة بقي كان ييجي يلزق في البنات والستات اللي شغالين في المولد لدرجة أنه مرة مد ايدة ومسك أحد البنات وكل اللي عملتهولو أنها زقت إيده وخلاص.
ايه اللي بيخليكم تعملوا كدة؟
بصراحة أنا الموضوع بدا معايا لوحده، يعنى مكنتش بفكر في موضوع المشي ورا البنات والستات من الأصل لكن ركوب الاتوبيس علمني وعودني على كدة.!!
ازاي يعنى؟
يعنى من الزحمة رجاله مع ستات، في الأول ما كنتش بحس بحاجة وبحاول أبعد عن أي ست تقف قدامي ولكن مع الوقت بدأت أنا اللي أدور على الإحساس دة كنوع من الـ... يعنى أنت عارف بقي الواحد مش متجوز. لحد ما الموضوع بقي زي الكيف أنا اللي بدور عليه سواء في الاتوبيس أو في الشارع أو الجمعية وطابور العيش والسينما بالذات في الأعياد.
طيب والشرطة.. كانت بتعمل إيه معاكم؟
الشرطة دورها بيبقي حماية المولد من البلطجية والنشالين، لكن إحنا هتعمل معانا إيه. خصوصا لو الواحدة من دول ما اتكلمتش ولا صوتت مثلا ولمت علينا الدنيا، وفي معظم الاحوال كان الموضوع بيتلم قبل الشرطة ما تيجي.
العشوائية قبل الإباحية
د. أحمد عبد الله مستشار "ولاد البلد" النفسي قال في البداية أن التحرش ثلاث مستويات فالمستوى الأول التحرش اللفظي، أو أن يقوم المتحرش بتعرية جسده أمام المتحرش بها. أما المستوى الثاني لمس أجزاء من جسد الأنثى أما المستوى الثالث فهو الاغتصاب.
وأكد د.أحمد على أنه لا يوجد سبب واحد لما حدث في وسط البلد أول وثاني أيام العيد إنما عدة أسباب منها ضعف الرادع والضوابط سواء الرادع من حيث التواجد الأمني أو الرادع الاجتماعي فلم يكن هناك من المارة من وقف أمام هؤلاء أو واجههم مما يدل على عمق السلبية التي وصل إليها مجتمعنا.
ويكمل د أحمد حديثه مضيفا سببا أخر وهو زيادة الدافع لدى المتحرش فهؤلاء الشباب وما يتعرضوا له من فيديو كليبات وأفلام مع صعوبة الزواج أو الارتباط بمن يحب يؤثر بشكل كبير وطالما أن الدولة قد غابت بأجهزتها فسيحل محلها العشوائية في كل شيء وهذا ما يهدد بكارثة ليس على المستوى الأخلاقي فقط بل على المستوى العام. فقد أصبح الناس جميعا لا يشعرون بالأمان.
المتحرش مريض نفسي
أما أ. أميرة بدران المستشارة الاجتماعية والنفسية بموقع إسلام أو لاين فقالت أن من يقوم بعمل التحرش يمر باضطرابات نفسية وغالبا ما يكون المتحرش تحت تأثير مخدر وأشارت إلى أن هناك دراسة تؤكد على أن نسبة 90% ممن يتحرشون بأقاربهم يكونوا تحت تأثير مخدر أما ما حدث في وسط البلد فله طبيعة خاصة لأن الأمر انتقل من تحرش فردي إلى تحرش جماعي ولابد من دراسة هذه الظاهرة.
فالتراكم الإعلامي بكل مستوياته من كلمات خادشة للحياء إلى أفلام وصور ومجلات وفيديو كليبات تقتحم علينا بيوتنا بالإضافة إلى حالة الإحباط التي يمر بها المجتمع على مستوى الإنسان العادي هذا كله يؤثر على نفسية المتحرش بالإضافة لضعف الوازع الديني وقلة الرادع الاجتماعي.
روح القطيع
د. داليا الشيمي، أخصائية التأهيل النفسي بجامعة عين شمس، قالت أن ما حدث هو سيكولوجية "القطيع" وضربت مثال لو طعنت امرأة رجل 70 طعنة كانت الطعنة الأولى هي أصعب طعنة وهي التي كسرت حاجز الخوف عندها وما حدث في وسط البلد كذلك.
فالتحرش بفتاة تسير بالشارع دون وجود رادع شجع الباقيين إلى القيام بفعل التحرش بشكل همجي إلى جانب تغلغل فكرة الفردية لدى المجتمع فقد أصبح كل فرد يهتم بنفسه فقط دون النظر إلى الآخرين مما كرس السلبية فزاد من همجية المتحرشين لشعورهم بالأمان من عدم تعرضهم لأي رادع سواء أمني أو اجتماعي. مؤكدة أن الشهوة ليست هي المحركة لهذا التحرش لكن فكرة القطيع والتقليد، والمشهد نفسه خلق نوع من الإثارة هو ما دفع بهذا التحرش الجماعي.
أما عن الآثار السلبية على المتحرش بها قالت أن هذا التحرش يؤثر تأثيرا مباشرا على اضطرابات العلاقات الجنسية بعد الزواج فترى المتحرش بها أن الجنس أمر مهين لها وينتابها خوف شديد وقد يصل الأمر إلى الشعور بالاشمئزاز من هذه العملية مما يسبب مشاكل كبيرة بين الأزواج وهناك من الضحايا من يصل بهم الأمر إلى عقدة نفسية من الزواج فترفض كل من يتقدم لها.
وتكمل د. داليا حديثها قائلة: أخطر ما في هذا الأمر هو عدم الشعور بالأمان فلم يعد المجتمع يحمي أفراده سواء رجال أم نساء مما يعيق التواصل الجيد بين أفراده مما يسبب مشاكل كثيرة في المجتمع.
عدد التعليقات : 154
• وزير الأوقاف والهجوم علي الإخوان
• الطريق إلي الديمقراطية
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
مش قلت لكم فى تعليق قبل كده إن الرادع ضعيف ، لن ينصلح الحال إلا إذا تم تطبيق حد الحرابه على كل من يتعرض لآنثى بالقول آو الفعل بدءا من الجلد إلى الإعدام وآن يتم تطبيق الحد فى ميدان عام وقتها حيتعلموا غض البصر.
نصيحه لكل البنات كل واحده تشيل وسيلة دفاع عننفس فى شنطتها وما تسكتيش لو حد فكر يقولك كلمة تجرحك إفضحى آهله.
آنا عن نفسى بابتدى معاهم الوصله ب "عيب يا تافه يا بن التافه " آبص آلاقى الواحد منهم ماشى بيدارى نفسه فى الرصيف، لآنهم بيفهموا سكوت البنت غلط وبيفتكروها مبسوطه ، آؤكد لكم إن الاستفزاز اللى الناس فيه اليومين دول حيخلى ولاد حلال كتير قوى يقوموا بالواجب وذياده مع اللى بيعاكس
وبرضه خلى معاكى وسيلة دفاع عن نفس فى شنطتك ـ لو تعرفى حد بيسافر بره مكن يجيب لك صاعق كهربى آو زجاجه "زجاج" لا تزيد عن واحد سم معلهش خديها من وحطى فها مية نار حلوة مش حاميه علشان تحرق من غير ما تشوه
فيه حيقولوا كده كتير لكن الرد إن برضه كتير اللى شوارعنا وصلت ليه!!!
انا مش مصدق اللى بيحصل ده ... بس بجد البلد بقيت غريبة اوي
النقاب و السعار الجنسي
مظاهرات تحدث في جامعة حلون بسبب أن العميد جامعة حلون .. رفض أن تدخل بنت المدينة الجامعية بدون أن تكشف عن شخصيتها الحقيقة ... في نفس الوقت تحدث في أيام العيد حوادث السعار الجنسي التي يصورها البعض على أنها ثورة للشعب
تعالى نقرب الحادثتان من بعض النقاب و السعار الجنسي ؟ و الغريبة أن الاثنين بيحصلوا في بلد واحد اسمها مصر ؟ وممكن يكون من الناس اللي اشتركوا في وسط البلد كانوا مشتركين في مظاهرات النقاب ..لان التناقض أصبح عادي ؟
حوادث السعار الجنسي لم ترك منقبة او متبرجة أو حامل كما نقلت روايات الشواهد ؟ لا أعرف لماذا لم نسمع بيانات واضحة في الإعلام عن هاتان الحادثتان ؟
أتمنى أن أسمع رأي دكتور علم نفس أو اجتماع عن ما يحدث في بلدي ؟ ما تفسير هذا التناقض الرهيب ؟ أتمنى أن يجيب أحد لي من هم المصريين و ما هي صفاتهم المشتركة ؟
مما أنى لم أشاهد ما الحدث لا أستطيع أن أجزم بما حدث و لكن ثقافتي و عشرتي للمجتمع المصري تجعلني أصدق أن ذلك يحدث في مصر
http://tohamy345.blogspot.com
انشاء الله ربنا يرودها في اهل بيت كل اللي عمل كدة و يفضحهوم دنيا و اخرة و ينقم منهم الناس دي مش بتعرف هي بتسيب اية في نفسية أي بنت بيحصلها كدة ......
انا بجد مش متخيلة ان مصر وصلت لكدة راحت فين الشهامة ماتت مع اللي ماتوا في الحرب
kama todeen,todan.
(ومرات أخرى ينتهي الأمر بسيل من الردح والشتائم والبهدلة من المرأة مدافعة عن نفسها، لذلك كنا نحرص على أن نختار بنت أو سيدة يظهر عليها الاحترام، بنت ناس يعنى، ونبتعد كل البعد عن بنت البلد أو من يظهر عليها ذلك)
يعنى ناس كتير ظلموا البنات وقالو ان البنات هى السبب لانهم مش محترمين ودلوقتى اللى بيتحرشوا بيقولو انهم بيدوره على البنت المحترمة
ايه المطلوب مننا بالظبط؟
قالولنا حجاب لبسنا حجاب
قالولنا عبايات لبسنا عبايات
قالولنا بلاش مكياج قولناموافقين بلاش مكياج
ايه المطلوب مننا تانى؟نمشى نردح فى الشوارع؟
مينفعش نكون بنات محترمين وولاد ناس علشان نحافظ على كرامتنا
احنا مظلومين فى البلد ده من كل ناحية سياسيا و اقتصاديا و اجتماعيا وحتى دينيامفيش مرة سمعت شيخ عيب عليكوا ولكن دايما الاتهام للبنات مع ان معظم ستات مصر محجبات حجاب بشروط اسلامية صحيحة
يظهر مفيش غير مية النار على راى الاخت زنوبة فى التعليق الاول
نصيحة لكل البنات:
الاحتشام في الملابس
الاحتشام في الكلام
الاحتشام في المشي
عدم الضحك
عدم لفت الانظار بأي شيء
البنت تمشي زي العسكري بالخطوه السريعة
لا تبص يمين ولا تبصي شمال
والبنات المحجبات والمنقبات ساعات ما بيكنش فيه احتشام خالص للاسف.
والتحصن بذكر الله سبحانه وتعالى والدعاء طول ما هي ماشيه في الشارع.
ولازم تعرف البنت الحالة النفسية اللي بيعيشها الشباب من جراء الفسق والفجور الموجود (على الاقل) في القضائيات وان جواز الشباب على ما يبدو انتهى وهذه ابيات شعرية لتأبين زواج الشباب
وزارات ورا وزارت هتعيش على حلمنا
و اللي بيجى يادوب مظبوط على قدنا
جايز هيجي اليوم والشبكة تيجى إنما
تفضل فلوس الشقة ودة شيء بعيد عننا
جايز هيجي اليوم والشقة تيجى إنما
هتكون سنانك وقعت قربت على 100 سنه
وقبل ما نطبق حد الحرابة لازم يا زنوبه تكون الدولة اسلامية كلها بتطبق شرع الله في كل شيء في كل منحى من مناحي الحياه وبعدين حد الحرابة دا آخر حاجه (وما تفتيش من غير علم تاني يا زنوبه)
انا شايف إن مهما كانت البنت مش محتشمة ده مش مبرر لأي شاب وضيع إنه يتحرش بيها , يعني لو واحد ماشي بيتكلم في موبايل غالي مثلا ده مبرر إن لو واحد فقير شافه يسرقه ؟؟ أكيد لأ .. و المفروض البنت برضه تكون محتشمة عشان هي نازلة و عارفة إن في الشوارع شباب كتيييييير مش محترمين و أكيد هيحاولو يعاكسوهم ( على الأقل )
و ربنا يصلح شباب و بنات المسلمين
عجبي جدا تعليق الاخت زنوبة.. طبعا الاحتياط واجب ولما البنت تسكت اكيد الحيوانات دي هتفهمهاغلط .. ومافيش مانع البنت تكون محترمة في مظهرها وملبسها وفي نفس الوقت تكون قوية وما تسكتش .. فيه بخاخ يسمى Pepper Spray مش عارف اذا كان موجود في مصر والا لا اذا كان مش موجود ففكرة مية النار المخففه اللي قالت عليها الاخت زنوبة فكرة رائعة .. تحياتي وتمنياتي بالسلامة والعافية لكل بنت من بناتنا وامرأة من نسائنا
طلبت من الله (قوة) لأعمل أعمالا (باهرة)فأعطاني(ضعفا)لأتعلم (الطاعة)
طلبت من الله (صحة) لأحقق أشياء (عظيمة)فسمح لي (بمرض) يبعدني عن (التكبر)
طلبت من الله (كل شيء) لأستمتع بالحياة فأعطاني (الله) لأستمع بكل شيء
ارى أن المشكلة الاساسية عند هؤلاء الشباب فى وقت الفراغ الغير مستغل وعدم وجود هدف يسعى لتحقيقه أو أمل يتمنى أنجازه ونقص حاد فى الثقافة والطموح مما يجعل الشاب يسعى وراء اللحظه الحالية فقط دون تخطيط
تابعت الموضوع ده في معظم الجرايد وعلي النت معظم التعليقات جاءت بحلول لاسف فاشلة وانا مستغربة ان الناس مندهشة ان ده بيحصل في مصر وشوية يقولوا تحرش و حبة يقولوا سعار و كان بلادنا بس اللي فيها رجالة و اننا نفضل نوصف الحالة و نتكتفي بسب هولاء الشباب علي فكرة الرجالةالكبار كمان او اننا نقول ان الفضائيات والكليبات والسنيما هي السبب دى حجة سخيفة جدا تفتكروا ان ده ما حصلش في الغرب الكافر حصل طيب المسلمين اللي عايشين في اروبا وامريكا بيشوفوا الستات شبه عراه بيعملوا ايه والا هما مش زى شبابنا منهم الغني والفقير بل بالعكس ما يحدث في مجتمعاتهم ابشع مننا الف مرة من حيث الانحلال لكن عندهم قانون بيطبق من الجانبين الامن من ناحية والمواطن يقدر شاب يتحرش ببنت الا بمزاجها دى كانت وقعته سوداء السجن علي طول لازم كل بنت عندنا يحاول اي مجرم يقرب منها من غير ردح تاخذه علي قسم الشرطة ولا تتنازل عن حقها تحت اى ظرف لازم نجبر الدولة علي تطبيق القانون و ده مش ها يتحقق الا لما يكون عندنا قضاء مستقل عن سلطة الدولة لازم ناخذ حقنا بنفسنا ما ننتظرش من دولة غائبة ونايمة في العسل تحافظ علي شرفنا فاقد الشيء لا يعطيه
السلام عليكم ورحمة الله وبركاته
يا اخواتى اللى بيقولوا حتى الحجاب الشرعى والا الخمار ماسلموش لا معلش مشكلتنا ان معظمنا حجابه الاساسى برا يعنى فى اللبس بس مش برا وجوا وعن تجربة مبدئية وانا لابسة خمار يعنى طرحة طويلة مغطية ثلاث ارباع الجسم وجوانتى ووش مافيهوش مكياج انى مرة اتعرضت لمعاكسة من شاب بيدور على رد فعل وسبحان الله مكنش فى رد منى الا استتغفر الله العظيم بصوت عالى ووشى فى الارض وفى ثوانى لقيته عمال يقول انا اسف انا اسف وكل ده فى مجرد ثانية او بالكتير اتنين مريت فيها جنبه
فمعلش مانغالطش نفسنا اه الحجاب هو الحل والاحتشام فى اللبس والمشى والنظرة هو الحل
والحجاب يبقى من جوا وبرا يعنى زى ما قال اخونا انك تحصنى نفسك بالتسبيح طول مانتى ماشية وليه ماتعوديش نفسك على الادكار اللى علمهالنا الرسول عليه الصلاة والسلام عند النزول من البيت وعند رد شر اللى تخافى من شرورهم (نرجع للدين اكتر من كده شوية/ الدين مش صلاة وصوم وبس ده منهج حياة) ووالله قسم احاسب عليه يوم الحسرة ان اللجوء لله والاحتماء بمعيته احسن مليون مرة من اى وسيلة دفاع وربنا سبحانه وتعالى هو اللى بيوكل عنك ملايكة يدافعوا عنك ويعموا بصر اصحاب القلوب الضعيفة
وده مايمنعش برضه ان المؤمن كيس فطن شيلى معاكى بخاخة بس مش مية نار عشان مانبقاش نزلنا لمستوى الاجرام وادى البشر اللى يمكن يمكن يكون سلوكك سبب من ربنا لهدايتهم بعد كده ويا ما قصص من ناس تابت من العن من كده/ بس ممكن تحطى فيها عصير بصل او لمون او حتى ميا بشطة كل ده بيوجع ويلهى وفى نفس الوقت الادى منه مؤقت لحد ما تتصرفى فى وسيلة نقل او اشخاص يقفوا جنبك
وفى النهاية بس عايزة اقولكوا حاجة
خلاص دلوقتى المجتمع عرف ان الله حق وان الناس اللى بيقولوا عليهم مقفلين
اقرأ بقية التعليق ..
لنحل كل المشكلات التي تعاني منها مجتمعاتنا يجب ان نعرف ما هو أساس تلك المشكلة اي ما الذي جعل هذه المشكلة تبدأ أصلا.
طبعا مفهوم جدا ان الاساس هو الوازع الديني وتطبيق شريعة الإسلام في كل شيء ..لكن كيف يمكن لنا ان نطبق الشريعة الاسلامية على مجتمع ككل..
ارى ان نبدا بتطبيق القاعدة النبوية :" كلكم راع وكلكم مسؤول عن رعيته " ولا تنبطق هذه القاعدة على مسؤولية الاب في بيته ومع أولاده فحسب بل تتسع لتشمل المجتمع. يعني من المسؤول عن هذا المجتمع او ذاك..
مشكلتهم انهم لا يدركون ان سيحاسبون امام الله يوم القيامة عن كل هؤلاء العباد الذي في ذمتهم.
السلام عليكم ورحمة الله وبركاته
لماذا حدث ما حدث فى وسط البلد من قلة ادب وتجمعات شبابية للتحرش بالفتيات والسيدات لماذا حدث ذلك فى بلد الاسلام والازهر الشريف اكيد حدث ذلك لغياب الوعى الدينى غياب الدعاة (قهريا) وغياب الوازع الدينى اكيد ايضا ولابد لنا من افاقة لما حدث والتفكير فى حلول سريعة لتجنب هذا كثيرا لأن ذلك اساءة لنا جميعا عربا ومسلمين ومصريين اين علماء الامة من هذا اين الازهر الشريف واقول ايضا اين الحكومة وان ما حدث ناتج ايضا عن تسيب واستهتار الرقابة بعرض افلام خليعة وقلة ادب وبها عرى وجنس وما شابهة ذلك من انحلال اخلاقى ودعوة للجنس علناوقد حدث ذلك اما سينمات يعرضن افلاما خليعة واكيد هذا الحدث ناتج عن هياج الشباب من هذه الافلام خاصة وان احدى بطلاتها راقصة شهيرة معروف عنها الخلاعة والانحلال، ولابد من اطلاق ايدى علماء الامة لكى ينورا الطريق امام شبابنا (طريق الهداية) ويأخذوا بأيديهم الى الفلاح والنجاح ان شاء الله تعالى وارجوا من الحكومة ان تضرب بأيدى من حديد على كل شخص يريد النيل من سمعة وشرف هذه البلاد واذى شعب هذه البلاد بالقول او الفعل.
وحتى تحل هذه المشكلة فليس أمام الفتاة المحترمة حتى الآن سوى ان تلبس محترم، وتتكلم محترم، وتحط في شنطتها ما يردع بجد "مش الملح والفلفل الأسود والكلام الفارغ ده"، عشان هو الموضوع كله عبارة عن تجارب بيتناقلها الشباب السافل، فلما واحد فيهم يتعور في وشه، وللا جلده يتحرق بمية نار ويقول لزميله يخاف ليكون حظه منيل ويقع في نفس البنت الجدعة.
ده طبعا لأن عساكر الدولة اللي بيسدو الشمس وقت المظاهرات مش بيكونوا ومش هيكونوا موجودين عشان يدافعوا عن البنت والكلام الفارغ ده، لأن مهمتهم أعظم من كدة بكتير .. هما بيدافعوا عن الباشا وحرمه والباشا الصغير .. وبس
الاستاذ اللى مسمى نفسه "مش مهم"
لأ يا سيدى تطبيق حدالحرابه يجب آن يكون من الاولويات ويكون آول حاجه تطبق من الشريعه لآنه حمايه لى ولآختك ولآبنتك وزوجتك وكل من تحمل آسمك ـ حتى لو كانت آمرآة غريبة تآمن الحياة معنا
وبعدين هو يعنى علشان الشياب مش لاقى يتجوز يقوم ينزلوا ينهشوال فى آعراض الناس !!! إخص !!! ده مش عذر آبدا
آمال فين الصوم اللى آمر بيه الرسول عليه الصلاة والسلام
لا حول ولا قوة إلا بالله العلى العظيم
ما زلت مصرة على رآى آن تطبيق حد الحرابه هو الرادع الوحيد لوقف هذا الفساد
فين اللي اغلب البنات محجبين حجاب اسلامي بشروطه الصحيحه
انا شايف بنات البديهات مليه الدنيا والبنطلونات مغرقة الشوارع
هو اي كلام في اي كلام وخلاص؟
شيوخ تاني؟
يا دي المصيبه
مش بقلكم في مرة واحد هيقول الشيوخ هما سبب ثقب الاوزون
عمالين تحاسبوا المتحرشين ومحدش فكر يحاسب وزعلانين من محاسبة العاريات
طالبوا بوقف العري مع مطالبتكم بوقف التحرش حتى تكونوا منصفين
على فكرة يا زنوبة ايه رايك نطبق حد الحرابة على البنت اللي عارية؟
لو موافقه محدش هيعارض يتنفذ على المتحرش
وكل عام وانتم بخير
آنا مش فاهمه إيه اللى مضايقكم فى تطبيق حد الحرابه على المتحرشين ، واخدينه ليه بصورة شخصييه كده ؟!! إنتم تعرفوا حد بيعاكس البنات وخايفيين عليه يتجلد فى ميدان عام قدام الناس كلهاويتفضح.
وبعدين مش كل المصايب ترموها ع البنات!!
غض بصرك يا آخى وإتق الله؟؟!!
زى ما فيه بنات غير محتشمات فيه رجاله يدب قى عينها رصاصه ع المحتشمه وغير المحتشمه ـ والله العظيم آنا آعرف بنات ليس بهن مسحة جمال وغايه فى الادب والاحتشام وتعرضت إحداهن لمحاولة خطف داخل سيارة فى شارع جسر السويس وواحده تانيه حجابها ما يختلفش عليه إتنين كانت العربيات تقف تقاولها على السعر لدرجة آنها جائت لى فى مرة تبكى وبتقول "آعمل إيه يعنى ده آنا لابسه خيمه" يا جماعه إتقوا الله فى النساء فرسول الله آوصاكم بنا خيرا وآوصاكم بالضعيفين اليتيم والنساء بدل ما فيه شيوخ فى خطبهم وفى برامج التلفزيون هاريين الستات ذم وبهدله لغاية ما حولوا المرآة لمجرد حتةلحم يا مكشوف يا متغطى لكن فى النهايه لحم زى ما قال مفتى آستراليا ، يا ريت الشيوخ دول يركزوا خطبهم على تربية ضعاف النفوس من الرجال وتذكرتهم بوصية رسول الله فينا
طيب وفتاة طنطا اللى كان حجابها لونه آسود وماتت آثناء آغتصابها لآنها مريضةبالقلب . دمها فى رقبة مين؟ فى رقبتنا كلنا مش بس ولى الامر وآدى النتيجه وآؤكد لكم إن القادم آسواء إذا لم يتم تطبيق حد الحرابه ـ ياعالم ده اللى خطفها وإغتصبها وتسبب فى قتلها آخذ 3 سنوات سجن بس
إتقوا الله فى النساء
كل واحد بيعاكس بنت اويتعرض لها بالقول او الفعل منه لله عز وجل وعاوزه اقولهم ان يوم القيامه ان شاء الله سوف تشهد اعضاء جسمه عليه وسوف ينطقها الله عز وجل لانها فى الدنيا مسخره له يفعل بها ما يشاء ولكن يوم القيامه سوف تشهد عليه وبالنسبه لحادثة التحرش الجنسى التى حدثت فى وسط البلد الله اعلم اذا كانت حقيقه ام لا ولكن لفت نظرى انها حدثت امام السينما ولماذا يا اختى تذهبى للسينما بصراحه انتى غلطانه ده المعاكسات وقلة الادب فى كل مكان ربنا يرحمنا وانتى رايحه للنار برجلك سينما ايه ونيلة ايه ربنا يهدى كل شباب المسلمين والمسلمات
عندنا او عندكم نفس الشيىء عادات وتقاليد ولكن اقسم باللة العظيم لو كنت اصدف مثل هذة الحادثة عنا او عندكم بدون تحديد واشوفهم بيتحركشوا باي بنت مهما كانت مسلمة او نصرانية لاعدمتهم ورميت جثثهم للكلاب
اقيمو عليهم حدود الله ولن ترو هذة الاصناف من البشر مرة اخرى
انت قولي حته كويسه عندما ذكرتي الصيام وهذا من سنةالنبي محمد صلى الله عليه وسلم اذن البعد عن سنةالنبي محمد صلى الله عليه وسلم هي التي عملت في الشعب المصري كده. والحل هو العودة الى سنة النبي محمد صلى الله عليه وسلم في كل شيء.
وانا مسمي نفسي مش مهم مؤقتا لحين البحث عن اسم مستعار آخر
المشكلة فين الامن المركزي اللي لما بيشم ريحة مظاهرة في اي حته في البلد بيجوا زي الدبان الازرق ويضربوا المتظاهرين بالعصيان الغليظة والقنابل المسيلة للدموع علشان يفرقوا المظاهرة.
طيب كانوا اعتبروا اللي حصل دا مظاهره وهم ضربوهم بالعصيان وفرقوهم.
لكن نيظهر ان الدولة بتحب كده
عن بعض الاقوال فى حديث قدسى وعزتى وجلالى لاورينى الشمس لب جدار ذنى صاحبة افعل ما شئت كما تدين تدان يارب الشباب تفهم كدة وهذا عن تجارب فى الحياة لو تعلموما وصلت الية فى هذا الطريق الى اسفل السافلين من الفقر ولاكن بعد التوبة والرجوع الى اللة والعفو عنى اصبحت الان منماانا فية الحمد للة ذات جاة وثراء ولابد من تقوا اللة فى كل شئ تعلمو ياشباب من تجارب الغير مبل ان يكون مصيركم الهلاك
انت واطى عشان انت واللى زيك عملو مننا حيوانات مش شباب انا برضو شاب بس مش تعبان للدرجه دى انا معاك ان البنات لبسها بقى اوفر بس ده مايخلكش تعمل كده
نفسى كل اب وكل ام تشوف بنتها الاول قبل ما تخرج من البيت وياريت كل اب (راجل) يشوف ملابس بنته أو زوجته والله انا متزوج وكان اصدقائى متزوجون لكن "الجنس لا يظهر كدافع للسلوك الانسانى الا عند اثارته " بمعنى البنات هى اللى عاوزة التحرش باللبس اللى عليهم وشكراً،،،،
زيت الكافور هو الحل صدقوني يا شباب
حيث انه قد انتهى عصر الزواج وزواج الشباب توفى الى رحمة الله.
يبقى زيت الكافور هو الحل
في الجيش واحد زميلي قالي بيشربوا الشاي معاه زيت كافور
زيت الكافور هو الحل
والله ياجماعه كان فى كام رد عجبنى جدآ منهم اللى بيقول نشوف اخواتنا وبناتنا الاول قبل ماينزلو من باب البيت .
ومن الاخر .. مادام احنا سمحنا لبناتنا يخرجوا بالملابس القذره دى من البيت .. يبقى المفروض اننا مانلومش اى حد الا انفسنا أولآ واخيرآ .. شكرآ عشرينات ع طرح الموضوع
انا ليا سؤال واحد عايز اعرف مين الجاني في كارثة وسط البلد هل هي الفنانة دينا ام هي الفتيات اللاتي كانو يتجولون في وسط البلد ام هم الشباب المتحرشون ام هو المجتمع ام الماديات ام الرغبة الجنسية ام الفراغ ام البطالة ام الضياع ام كبت الحرية والراي ام الفتيات نفسهم ام انا ام انت ام من ...........؟؟؟؟؟؟؟؟؟؟
كل ماسردتموه هو من الاسباب والعجيب
ان معرفة السبب اول مرحلة من مراحل العلاج الا في مشاكلنا نحن
فنحن نعرف ان الظروف الاقتصادية عامل والازياء الخارجة عن المألوف والعرف عامل وقلة تربية بعض الشباب والبنات عامل
وعدم تطبيق شرع الله وحدوده اهم واكبر عامل والكبت السياسي عامل والعوامل كثير لكن فين الحلوللكل العوامل دي والعوامل اللي جدت واللي هاتجد تاني
انا مع ان البنت ما تسكتش لان دا بعطي مبرر للحيوان اللي اتسفل عليها بالاستمرار والمزيد ومع انها تحاول حماية نفسها باي وسيلة مادامت ليس هناك وسائل حماية اخرى ولكن !!!!
نحن جميعا مع ان تحترم الشارح في ملبسها وسلوكياتها واذا كانت محجبة يبقى الحجاب كما قيل سابقا جوهر ومظهر
وربنا يحفظنا جميعا من المصير الذي نهرول اليه انفلات امني وخنقة سياسية وبطالة وهياج وحمى الجنس وضغط من الاعلام على شهوات الشباب وتيسير كل وسائل الاثارة ومحاربة التواجد بالمساجد ياااااااااه عايزين كمان ربنا يسترها عليكي يا بلد
انا للاسف اتعرضت لحاجات شبيهة كتير على الرغم من انى والله لبسى فوق الحشمة والمحترم وبمشى مشية محتلرمة جدا زى الغفر زى ما بيقولوابس يمكن لانى على درجة عالية اوى من الجمال والحمد لله والله ما بقيت عارفة الجمال نعمة ولا نقمة قولولى اية الحل وانا بسافر كل يوم كليتى فى بلد بعيدة؟؟؟؟
ghfjghjfh hfjghfjhg fjhghskghfs lkdgf h testetetetetetetetete test test test
ghfjghjfh hfjghfjhg fjhghskghfs lkdgf h testetetetetetetetete test test test