الله يكرمك يا باشا.. معلش المرة دي..
محمود "مرة أخرى بعد أن تخلى عن براءته" : أيوة بس الراجل اللي بيتعذب ده مصري.. لإنه بيتكلم مصري..
12/11/2006
(1)
سؤال على مدونة دماغ مالك.. سؤال نصه يقول : هو إحنا حيوانات.. ؟
إجابة أتطوع بها.. : أيوة.. إحنا حيوانات..!!
(2)
من فيلم "تيتو"..
الباشا : عارف يا أبو السيد.. إنت أكيد تسمع عن جهاز كشف الكدب بتاع أمريكا.. إحنا عندنا واحد هنا زيه بالظبط.. بس بلدي.. اسمه الخرارة.. سلكتين.. واحدة بتوصل بلسانك.. والتانية بتوصل في مكان تاني أنت عارفه كويس.. وخر يا باشا براحتك..
أبو السيد : خلاص يا باشا أنا هتكلم!!
من فيلم "عمارة يعقوبيان"
الظابط : نرجع لموضوعنا.. تعرف إيه عن حاتم رشيد؟؟
طه الشاذلي : هو لا مؤاخذة.. لا مؤاخذة شاذ..
الظابط : شفت بقى يا طه إننا نعرف كل حاجة.. أهو أنت يا طه لو متكلمتش هنعمل فيك زي ما بيتعمل في حاتم رشيد..
(3)
قسم شرطة مصري..
الباشا: هنصورك وكل الناس هتعرف إنك خـ.. ومـ..
المواطن : الله يكرمك يا باشا.. معلش المرة دي يا باشا.. آه.. آه.. آه..
(4)
محمود ساعي المكتب الذي يدخل على مكتبي فجأة ليجدني أشاهد الفيلم السابق.. يسمع الجمل السابقة.. أضغط أنا على زر الإيقاف بسرعة حرصا على مشاعر محمود.. يسألني محمود في براءة شاب مصري تربى في أمبابة ولم يعرف غيرها "عاصمة لجهنم".. كما يظن محمود نفسه.. يسأل محمود.. "ده فيديو من العراق يا أستاذ براء؟؟"..
أستاذ براء : "أيوة يا محمود.. فيديو من العراق"
محمود "مرة أخرى بعد أن تخلى عن براءته" : أيوة بس الراجل اللي بيتعذب ده مصري.. لإنه بيتكلم مصري..
براء "بعد أن تخلى عن لقب أستاذ لإن كذبته انكشفت" : هو يا محمود مصري بيتعذب في العراق.. أكيد ده فيديو من العراق يا محمود..
محمود : بس يا أستاذ براء..
براء "يحاول أن يجد أي مخرج" : اقفل الباب وراك يا محمود وأعملي شاي الله يكرمك..
(5)
أم : غير الأندر بتاعك بسرعة وألبس واحد جديد قبل ما تروح المدرسة
ابن : ليه يا ماما.. القطعة اللي في الأندر صغيرة ومش هتبان.. وبعدين هتبان قدام مين يعني.. أنا مش بقلع البنطلون غير في البيت أو في التواليت في المدرسة.. والاتنين ببقى لوحدي.. لما أرجع يا ماما هبقى أغير الأندر.. اتفقنا..
أم : لأ ما اتفقناش.. تغير الأندر يعني تغير الأندر..
ابن "بصوت خفيض" : هو أنا يعني حد هيقلعني البنطلون غصب عني
(يستدير ليدخل غرفته)
أم "بصوت خفيض أكثر" : يا خوفي !!
(6)
كلية الحقوق – محاضرة القانون المصري
الدكتور : ويعاقب القانون المصري في جريمة التحرش الجنسي بأنثى.. بعقوبة الحبس والغرامة.. وفي حالات بعينها.. تصل العقوبة إلى الإعدام..
الطالب : بعد إذنك يا دكتور.. هي العقوبة بتطبق في حالة إن المتحرش به يكون أنثى.. يعني لو تم التحرش براجل.. بتكون إيه العقوبة..
(ضحك في القاعة.. ويقوم الدكتور بطرد الطالب صاحب السؤال ويقول في سره : أعوذ بالله.. أستغفر الله العظيم.. هو ممكن الفجور يوصل لكدة؟؟)..
صوت من خارج الكادر : ممكن يا دكتور!
(7)
هي لخطيبها : إزاي يعني يعذبوا محمد الشرقاوي بوضع كرتونة في مؤخرته؟؟
خطيبها: ممكن يحطوا أي حاجة.. كرتونة. حديدة.. أو حتى عصاية مقشة..
هي مرة أخرى لخطيبها برضه: وبتوجع..
خطيبها (محاولا التهوين عليها) : مش قوي!!
(8)
أمجد مختار حسين : "بعدها.. بصلي الظابط وقالي.. يا ابن الـ(...).. أنا ياض مش بتاع نسوان.. أنا بتاع رجالة"..
زميل في ميكروباص جلس بجواري وأنا اقرأ صفحة في جريدة الفجر مكتوب فيها شهادة أمجد : نقدر نقول وإحنا مستريحين.. إن الحكومة هاجت على الشعب!!
(9)
أنا : وإيه اللي يحصل ساعتها يا مولانا؟؟
الشيخ: ساعتها السماء تهتز مرتين.. مرة لإنه لواط.. والمرة التانية لإنه ظلم يقع على إنسان دون أن ينصره أحد..
أنا : وإيه رأيك لو حد قال بعدها إن الشرطة في خدمة الشعب..
الشيخ : يبقى السماء هتهتز 3 مرات.. وربنا يستر بعدها.. قوم يلا نصلي
(10)
من مدونة "الوعي المصري"..
قبل مشاهدة الفيديو أنصحكم بمراجعة أنفسكم.. الفيديو لمواطن يتم تعذيبه بإدخال عصا في مؤخرته.. لا داعي لضعاف الأعصاب أن يشاهدوه.. ولا ينصح بمشاهدته للآنسات والسيدات مرهفات الأحاسيس.. ولا حتى الرجالة.. ولا إنس ولا جان.. يا ماما أنا عارف إنك بتصحي الصبح تبصي على موقعي.. لو سمحتي ما تتفرجيش عليه.. وحسبي الله ونعم الوكيل...
* ودي كانت أول مرة وائل عباس يكتب تعقيبا على فيديو فيه انتهاكات يقول فيه.. "حسبي الله ونعم الوكيل"..
القرف - الالم – الاشمئزاز!
عدد التعليقات : 154
• حفلة 12.. التي تحرش بها الإخوان!
• من أجل ديمقراطية.. للأطفال
• حسين عبد الرازق: دفعنا ثمن إنتفاضة يناير غاليا
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
يا رب يا رب يا رب. الحيوانات دى مش عارفه إن فيه يوم حساب و إن ربنا منتقم جبار. يا رب إدينا القوه إننا نقدر نغير المنكر ده بأيدينا. الهم إغفر ذنوبناولا تسلط علينا من لا يخافك. الهم ارنا فيهم يوم إنتقام.
انا قراءت مدونه وائل عباس الصبح..ومن وقتها وانا شايفه الدنيا كاروهات..شو الصح ..اممممممم
كيف كيف هيك يحصل..خلاص الشعب كلاب لهيك درجه..هيك صرنا بنتعامل
؟؟
واحنا ساكتانين..لحتى يجي علينا دور..انا بصراحه شايفه ان فيديو متل هيك لازم يتنشر..لأنه ماممكن شي راح يأثر فينا متل لو شفناه..
لكن شي سؤال حسه كتير داخلي..مين اللي صور..يعني اللي صور كان موجود وقت ما هيك حصل......!!
والله انا من اول ماشوفت الفيديو علي مدونة الوعي المصري وانا مش لاقي كلام اقوله...ونفسي افهم نفسية الظابط الحيوان اللي بيعمل عمل زي ده ... ولما بيروح ينام مبيفكرش ان ده ممكن يكون اخر يوم في عمره ...ربنا يقصف عمره هو وكل اللي زيه
استرها معانا يارب
سبحان الله اتعلمون سبب الذل الذى انتم هو بعدكم عن منهج الحق تقولون الحكومه تحارب وتعتقل اقول هذا جزاء من خذل جندا من جنود تفتكرون يا ابناء بلادى حركه الجهاد الاسلامى بقياده الدكتور ايمن الظواهرى الذين تقاعستم عن نصرتها لكى تقيم الخلافه فى ارضنا ومع ذلك صدقتم الحكومه التى تحارب الاسلام وتوالى الكفار من اليهود ووصمتوها بالاهارب انتظروا يااهل بلدى فالذل القادم انكى وامر وانتظروا ياباانتاء العرب فحكامكم لايهمم الا كراسيهم اما شعوبهم فى ستين داهيه ان الله سبحانه وتعالى اذا اراد عقاب بشر اخذ الصالح بالطالح لان الصالح لا يامر بالطالح رغم انى ازهرى فاه يا ازهر ايه على منارتك الضائعه بفعل شيخ الازعر الذى باع دينه بدنياه انتظروا ذلا شاملا وفقرا عارما بسبب بعدكم عن المنهج القويم اللهم يارب الكون انقذ شعوب الاسلام واهلك الطغاه فى كل مكان واستبدلهم بالخلافه الاسلاميه التى يسعى اليها المجاهدون فى العراق وفغانستان اهل السنه والجماعه
كالعاده الموضوع اكثر من رائع بس الله يسامحك يا براء
جددت الاحزان
بس تعرف خليتنا نعيط و بكده اثبتنا لنفسنا اننا مش حيوانات
بس مين يثبت دا لكلاب الداخليه
مش هنقدر نقول الامليون مره حسبنا الله و نعم الوكيلفيهم من اول حبيب العادلى لاصغر عسكرى من عساكر الامن المركزى
السلام علي من اتبع الهدي
انا لله و انا الي راجعون..
في حادث اليم و مأسوي..لا يعد الاول و لا الاخر.. انتقل الي رحمة الله تعالي الضمير المصري عن عمر يناهز سبعة الاف سنة..بعد حياة طويلة من الشرف و الكفاح و النضال كان خلالها الضمير المصري نموذجا يحتذي به و يضرب به المثل علي مستوي ضمائر العالم اجمعين.
كان ضميرا حيا يقظا .. تصدي لكل ما هو قبيح و شاذ..قاوم كل ما هو معتدي و جبار.. ناصر كل من هو مظلوم و ضعيف.
كان ضميرا ناصع البياض , لا تشوبه شائبة, لا طالما بحثت و استفسرت كل ضمائر العالم عن سبب صفوه و نقاؤه..و ان كانت بعض هذه الضمائر قررت قتله و محوه من التاريخ.
انقل لكم خبر وفاة الضمير المصري و كلي الم و حزن علي هذا الفراق الذي طال كل جوانب الحياة..فقد فارقنا الضمير المصري فى العمل و في الشارع, في الجامعة و في البيت, حتي الاماكن التي كان من المفترض ان تكون المأوي الاخير له, وهي دار القضاء و اقسام الشرطة..فقد اكتشفت انها الاماكن التي فارقها اولا.
و مع هذا الوداع الاليم..انقل اليكم خبر ميلاد الضمير العصري الجديد..الذي لا يعرف حق و لا باطل..الذي لا يعرف ابيه من اخيه.. ولا يفرق بين حلال و حرام..ضمير له هدف واحد فقط.. ان يتقارب من السلطة و الجاة و النفوذ..له غرض واحد فقط..طحن المواطن المصري الضعيف..له عدة سمات جديدة..العنف و القسوة و الشدة و عدم الرحمة..الكذب و النفاق و الجهل و السرقة...ضمير ولد من رحم الحرام و يعيش بالحرام و يأكل بالحرام و يتلذذ بالحرام.
يا ايها الشعب المصري..ليس لكم في هذا الزمان بعد الله سبحانه و تعالي الا انفسكم..لا تنتظروا العون و الخلاص و الفرج من احد..بقاؤنا علي ما نحن عليه هو الغذاء الامثل و المتنفس الوحيد لهذا الضمير الجديد حتي ينتشر و يترعرع و يكبر
اقرأ بقية التعليق ..
لكن ما اود او اقوله انكم شوية خونه وعملاء للامن وموقع ولاد البلد هذا ما هو الا وعاء لجمع المعلومات ويتبع الامن المصري وهذا الموضوع الحقير اللي انت عامله هذا ممكن تقولي ايه لزمته
لزمته هو اهانة الشعب المصري وتخويفه وازلاله وتحقيره.
اتفوووووووووووووووووووا عليك وعلى اللي مشغلنكم يا شوية زباله
اتفوووووووووووووووووووا عليك وعلى اللي مشغلنكم يا شوية زباله
اتفوووووووووووووووووووا عليك وعلى اللي مشغلنكم يا شوية زباله
تقدر تقولى ايه فايدة الموضوع كلنا عارفين اللى بيحصل واللى هيحصل من اى كلب من كلاب الشرطو او امن الدوله ايه الجديد اللى انت بتعرفه لينامن خلال مقالك اننا نخاف اكترولا ايه .... وهل تعليقاتناعلى المواضيع دى وانفعالنا على الكاى بورد هو ده اللى هيغير احوالنا ؟؟؟؟ حسبي الله ونعم الوكيل
ياشيخ اتق الله بقى براء برضه هو اللي تبع امن الدولة وهو واللي بيشغلوه مش عاجبينك اومال حضرتك تبقى ايه بقى تبع اهل السنة والنبي ترحمنا من لسانك الطويل وكلماتك البذيئة وتسيب الناس المحترمين يظهروا الحق هو احنا لو سيبنا الظابط اللي في الصورة واللي زيه من غير نشر للي بيعملوه يبقى كده بنشيل الخوف من النفوس واتق الله يا شيخ الساكت عن الحق شيطان اخرس، وبعدين تسمح لي بسؤال انت صايم ليه بقى؟
وانا صايم النهارده علشان خاطر الاثنين عندنا في الدين بتاعنا من السنه ان الواحد يصوم اثنين وخميس.
والموضوع دا يا ماما فيه اهانة للشعب المصري بصي في الصورة كويس انا شخصيا شعرت بالاهانه.
اتفوووووووووووووا على دي وزارة وسخه وعلى اللي شغالين فيها
جدد نيتك واشتم وتوجه للقبلة وكل في لحم الناس وامشي مرحا منتصب القامة والقيمة واملاالدنيا هتافاهيه انامتدين وانصحك ان تصوم عن البذاءة والعبودية وخط حرفا ابيا اوارحل ولاتنسى ان تصلي علي نبي الملحمة ووقانا الله شر الالحاد المدني
والله ببكى تخيل لو واحد مظلوم
وحصل فية كدة
تخيل لو انا
انت
ابوك
اخوك
ابنك
ربنا ينتقم من كل اللى بيعمل كدة
ويتعمل فيهم كدة
لازم يبقى فية حساب
يعني براء بقي هو المجرم... هتسيبوا اللي عمل العمله وتنتقدوا براء
يعني عايزين نغطي علي الظلم ونعمل مش شايفينه
وبكده بقي هنقاومه .. يا سلام علي االتفتيح بتاعكم
طظ في مبارك الخائن العميل .
وبرافوا عليك براء
يا اخونا الموضوع فيه اهانة شديدة جدا لكل مصري
المصري الشريف عمره مكان كده ابدا
معلش ممكن تكون دي صورة واحد حرامي وبيضربوه علشان يعترف ممكن
لكن مصري شريف هذه صورة مرفوضه
نشر هذا الموضوع فيه اساءة شديدة لينا كلنا كل واحد يبص للصورة كويس
حرام بأه كفاية تعذييب نفسي كفاية
**البراء أشرف
عازب منذ البداية وحتى النهاية
"هو يريد الزواج ليجد من تغسل له ملابسه ويوفر الجنيهات المائة التي ينفقها شهريا في الدراي كلين، أما أنا فأحتاج لها لأسباب مختلفة تماما، الغسالة الأوتوماتك تقوم بدورها في الغسيل، لكن من يحل لي أزمة المكواة كل صباح، خاصة أنه لا يوجد محل للمكواة قريب من منزلي..."
الفقرة السابقة من حوار بين أصدقائي العزاب على المقهى، حوار لم ينته بعد، لكنه بدأ مع اللحظة التي أبلغتهم فيها بنيتي ترك صفوف العزاب وتفكيري الجدي في الارتباط ومن ثم الزواج.
فكرت أن الفرصة قد تكون مناسبة لكتابة مذكراتي عن العزوبية وأيامها، خاصة أن الحوار أنعش في رأسي ذكريات لا حصر لها، قد تكون السطور القادمة جزءا منها.
عازب = عذاب
"عازب".. لا أعرف للكلمة معنى، لكني أخمن أن هناك رابطا بينها وبين "العذاب"، فالفارق ليس كبيرا بين الـ"ز" والـ"ذ"، والفارق ليس كبيرا أيضا بين حال العازب وحال المتعذب، كلاهما يتمنى أن يمر الوقت سريعا لتنتهي مشكلته.
في حالتي اجتمعت العزوبية مع العذاب، فقد كان قدري أن أنتقل للعيش في محافظة أخرى غير محافظتي للدراسة، وهناك عرفت قيمة أمي الطيبة، وفهمت الفارق بين أكلها ذي الملح الزائد وبين ملح المطاعم ذي الأكل القليل.
مرت سنوات الدراسة بسرعة، لأنتقل بعدها إلى دولة أخرى للعمل هناك في تخصصي، وهو ما زاد في أزمتي، فلا أمل عندي في الرجوع قريبا للبيت، ولا أمل هناك في الزواج من البلد الذي أعيش فيه، ولا أمل لدي أيضا في أن تكفي إجازتي السنوية القصيرة في التعرف على عروس والزواج منها، خاصة أن تقاليد بلدي لا تميل لأن يأخذ الزوج زوجته ويسافر في الشهور الأولى للزواج.
السطور السابقة هي حكاية عبد المنعم، صديق المقهى، وهي
اقرأ بقية التعليق ..
مش هقوللك ان البراء اشرف برىء من اتهامك
و ل هقوللك ان كل اللى بيكتبو ف عشرينات ناس فعلا موهوبين
زى البراء و دعاء الشامى و عجم و الطحاوى و الدرينى و روضه و فعلا مش عايزه انسى حد
و مش هقوللك ان الصحافه عقل حتى لو مليون محرر ف اوضه
و مش هقوللك ان صحفيين كبار ادام الناس و صغيريين ادام نفسهم قاعدين ف اوض فخمه بس قلمهم زباله
انا هقوللك بص لاصحاب المدونات بيحصلهم ايه
بص للشرقاوى وو ائل عباس و اللى زيهم
و هنروح بعيد ليه ما كتير البراء و غيره على الموقع بيكتبو و بنعلق نقولهم خدو بالكو لبكره الصبح منلاقيكوش
و هنروح ابعد ليه انا واو انت او اى حد ممكن بكره يكون ف مكان ابعد من الشمس
فكر شويه لو سمحت
انا شفت فيلم على الموبيل عبارة عن ظابط لابس ميرى وفى قسم شرطة امام التخشيبة وواقف امامة شاب فى العشرينيات من عمرة ويقوم الظابط الذى يدعوة اصدقاءة بمصطفى بضرب هذا الشاب مش اقل من 20 قلم على وجهة والمدهش ان ذلك يحدث فى وجود شلة من الظباط المحترمين وهم يتخيلون انهم يصورون فيلم سينمائى ويضحكون ويسخرون ييف والكذب
المجلجل هن آيات النجاح
فلتذكروني في الدموع
فلتذكروني حين يستقوي الوضيع
فلتذكروني حين تغشى الدين صيحات
البطون
وإذا تحكم فاسقوكم في مصير المؤمنين
وإذا اختفى صدح البلابل في حياتكم
ليرتفع النباح
وإذا طغى قرع الكنوس على النواح
وتجلج الحق الصراح
فلتذكروني
وإذا النفير الرائع الضراف أطلق في
في المراعي الخضر صيحات العداء
وإذا اختفى نغم الإخاء
وإذا شكا الفقراء واكتظت جيوب
الأغنياء
فلتذكروني
فلتذكروني عندما يفتي الجهول
وحين يستخزي العليم
وعندما يستحلي الذليل
وإذا تبقى فوق مائدة إمرء ما لا يريد
من الطعام
وإذا اللسان أذاع ما يأبى الضمير من
الكلام
فلتذكروني
فلتذكروني إن رأيتم حاكميكم يكذبون
ويغدرون ويفتك
اقرأ بقية التعليق ..
انا اسف يا جماعة اني نزلت الفيديو دة لأنه فظيع...بس دي الحقيقة اللي لازم نعرفها قبل ما يجي الدوى على حد فينا
مدونتي اسمها ( دماغ ماك )
مش ( دماغ مالك )
مالك دة زميل محترم اخر
أنتم فاكرين أن ربنا هاينصرناواحنا قاعدين ندعى عليهم أبقوا قابلونى أحنا هانفضل كده الحكومة ( تغتصبناأو بالبلدى ت000) وننجحها فى الانتخابات ونجدد العهد للملك وابنه وساكتين بس ده طبيعة المصريين غلابة طول عمره مللك لمن يحكمه بدليل كل الرسل والانبياء أرسلوا الى أقوامهم عدا موسى أرسل الى فرعون لان لو أمن فرعون لامن أهل مصر . كفاية يامصريين هى موته واحدة بس تكون بكرامة بكرامة على فكرة أنا مش أرهابى بس مصرى شايف مصريين ورجالة بيغتصبوا ويهتك عرضهم فدمى بيغلى
الله يكرمك ياباشا ... معليش ياباشا ... انها صرخة انسانية بوجه وضد كل ماهو لا انساني .. صورة هذا الشاب المصري المسكين وهو تحت التعذيب ومهما كانت جريمته هي وصمة عار في جبين مصر ام الدنيا ..
الله يجحم الباشا الكبير هو السبب فى كل اللى بيحصل للناس الغلابة فى البلد اللى أبتلاه ربنا بيهم, فليفرح الحزب الوثنى بما جناه و معهم كل الأفاقين من الحكومة, للأحزاب, لصحف الحكومة لمجلس الطراطير (الشعب), للمحافظين . الكل باطل و بطال.
أما أحنا الشعب نستاهل اللى يجرى لنا كله ساكت و يقول مدام بعيد عن ط..... خلاص, و اللى بيتكلم فى الطراوة, شعب كله جبان , هيتعمل فيه أيه أكتر من كده , خايفين من أيه عندكم أيه تخسروه
احنا شعب مش كويس المفروض نستحمل الحكومه لما تهيج مش احسن ما تبص بره وتجيب شعب من شارع الهرم احنا نستحمل مراهقه الحكومه