اللحمة.. نشتريها لنحرقها!
قررت الحكومة ممثلة في هيئة السلع التموينية والشركة القابضة للصناعات الغذائية استئناف استيراد اللحوم المبردة المشفاه من اثيوبيا رغم الشبهات التي تحوم حولها. أسندت القابضة الغذائية استيراد باقي الشحنات "4" الي شركة "ميدي تريد" للتجارة وهي نفس الشركة ال
13/11/2006
صلاح السعدني – الوفد:
قررت الحكومة ممثلة في هيئة السلع التموينية والشركة القابضة للصناعات الغذائية استئناف استيراد اللحوم المبردة المشفاه من اثيوبيا رغم الشبهات التي تحوم حولها. أسندت القابضة الغذائية استيراد باقي الشحنات "4" الي شركة "ميدي تريد" للتجارة وهي نفس الشركة التي استوردت الشحنات الفاسدة الثلاثاء قبل الماضي رغم وجود لجنة ثلاثية مصرية مشكلة من الهيئة العامة للصادرات والواردات والحجر البيطري والصحة لمتابعة حالة اللحوم ومدي صلاحيتها للاستهلاك الآدمي.
وأكد اللواء محمد البنا رئيس الهيئة العامة للرقابة علي الصادرات والواردات أنه كلف اللجنة الثلاثية المتواجدة بأثيوبيا باعداد تقرير مفصل حول ملابسات الصفقة الفاسدة علي أن يكون التقرير موثقاً من الجهات الأثيوبية المسئولة بالاضافة الي دور شركة الفورا الأثيوبية الموردة للصفقة الفاسدة والامكانات الفنية المتوافرة بها.
ويتم احالة التقرير فور وصوله الي لجنة فنية برئاسة راغب حزين رئيس الادارة المركزية للواردات الغذائية للتحقق منه ثم يقوم بدوره باحالته للشئون القانونية للفصل في القضية والوقوف علي المتسبب في ورود لحوم فاسدة الي البلاد.
وكشف سعيد الحفني رئيس الهيئة العامة للسلع التموينية عن أن دور الهيئة يقتصر فقط علي تمويل الشحنات مؤكداً ان اجمالي كميات اللحوم المقرر استيرادها من اثيوبيا يصل الي "210" أطنان بواقع "35" طناً علي "6" طائرات وصل منها الي الآن نحو "70" طناً.
وأكد سعيد الحفني أن ثمن الشحنة الفاسدة يصل الي "104" آلاف و"157" دولاراً وان الشركة القابضة الغذائية هي التي تتولي عملية التوزيع علي المجمعات بعد استيرادها عن طريق شركة ميدي تريد للتجارة. وكشفت مصادر بالهيئة العامة لنظافة وتجميل القاهرة وهي الجهة التي شاركت في تنفيذ "حكم الاعدام" علي الشحنات الفاسدة انه كان من المقرر اعدام الشحنات يوم الخميس الماضي وتوجهت لجنة من الهيئة لمقلب القمامة بمنطقة شق الثعبان بالبساتين ولكن لم تحضر الشحنات من الساحة المبردة بمطار القاهرة لاسباب غير معلومة ليتم تنفيذ الحكم أمس الأول السبت!!.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الحمد الله و الله إنو مسوبهاش كدا وخدوا موقف... المهم أنا عايز أعرف الشركة المستوردة ديه ميدي تريد حد يعرف بتستورد إيه تاني؟
المرة دى كانوا صاحيين واكتشفوا ان اللحوم فاسدة ,,, ان شاء الله المرةالجاية ال210 طن اللى جايين للغلابة "الموظفين وخلافه " هتبقى فاسدة برده !!! بس هينيموا لجنة الفحص الطبي وتدخل اللحمة كالعادة هو حد بيدورعلى المواطن ولا على مصلحته ؟؟؟؟
حد عنده اى خبر عن التعويضات فى حادث العبارة اتاكلت ولا لسه ؟؟؟؟
يا ترا الموظفين هيعملم اية انا ندمانة وربنا يغفر لينا افطار الصائم اللى كان من اللحمة المستوردة واللة العظيم ما كنت اعرف انا علشان ارضا بيها اكلت منها ربنا يغفر لينا ويهدى كل عاص
في بلد سايب ما لوش كبير ممكن تلاقي كل شيء .. في بلد كبيرة مشغول بتعزيز موقف عائلته وعصاباته لمواصلة النهب والسرقة فكل شيء مباح ومستباح .. في بلد مربي كلب زي العادلي (بوبي جيمي) للحراسة فطبيعي أن تجد كل التابعين لوزارة البوبي الحبيب من البوبيهات اللذيذة اللي بتنهش بس في أي واحد يفكر يقرب من الهواء المحيط بأسيادهم وأولياء نعمتهم من الحرامية ... تمام زي ما بتشوف في السيما كل زعيم عصابة حاطط شوية كلاب للحراسة حوالين بيته وليهم زعيم اسمه العادلي وكل صبيانه في خدمة العصابة من أجل حتة العظمة التي تلقى لهم كل يوم .. والعظم عندنا مشاريع وشقق وأراضي وما لا ندري من جسد الحبيبة الحبيسة مصر الذي يوزع على الكلاب والبوبيهات .. بلد زي ده لازم يكون فيه كل شيء مستباح .. تعالى فهمني لو في مصر واحد ممكن يأخذ حقه بالقانون .. طيب هو فيه أصلاً قانون ؟؟؟ طيب عايز إيه تاني ؟؟؟ اسكت بقى وخلي الماجور مكفي على أوضاعنا المأساوية لغاية ما ربك يعدلها والحكومة القذرة نقدر نبدلها .. نبدلها بناس مننا وفينا .. مش حرامية وكلاب حراسة لهم ... على فكره أنا مش يائس .. أبدا ... أنا أكثر واحد متفائل بقرب الخلاص وكمان قرب النهوض ... الخلاص لأننا خلاص وصلنا لآخر القاع وما فيش بعد كده قاع نسقط إليه ... والنهوض لأن محمد علي في خمس سنين عمل من مصر جنة .. وببساطة كده لو ربنا قدر لمصر التخلص من نظام مبارك الواطي وعصاباته في 2007 (قادر كريم جبار) يبقى في 2012 راح نشوف مصر تانية ... يا رب خلصنا من مبارك الواطي وأذنابه من الوزير لعضو المجلس المحلي الحرامية ... يعني السيستم كله ينزاح وحتشوفوا البلد دي هتبقى ازاي في 2012 بإذن الله بإيدين رجالة جدعان من أولاد بهية مش ولاد الواطيين اللي موجودين دلوقت ...
إبن بهية
http://ibnbah
اقرأ بقية التعليق ..
بصراحة هو مش سؤال واحد لكن اكتر من سؤال اولا : هو ازاي الشركة اللي استوردت الشحنة الفاسدة هي نفسها الشركة اللي هتستورد تاني؟ ثم هي الشركة دي تابعة لمين في البلد؟
ثانيا: هي الشحنة الفاسدة دي مش المفروض ان فلوس استيرادها من اموال الدولة لانها طبعا كانت جايه للغلابة هل تم التعويض عنها؟ ولا اتحرقت كده وخلاص ويعوض علينا ربنا لا دوقنا اللحمة ولا طولنا الفلوس؟
ثالثا: طيب لما نفس الشركة تستورد من نفس المكان مرة تانية يا ترى هتبقى فاسدة برضه ويحروقها ولا هتبقى تمام تمام لان الحكومة حكومة صادقة ورشيدة وتبقى طالما ما اتحرقتش تبقى صالحة؟ ولا هيعملو زي فيلم الرجل التاني؟
والنبي حد يجاوبني قبل ما الربع الباقي في عقلي يطير
حسبنا الله ونعم الوكيل فى هذا الحاكم الظلم الطاغى الذى لا يعرف معنى العدل الذى امتلا قلبه بكل معانى الفساد انه رجل ظالم ولن ينقذنا منه الا عدالة السماء وشكرااااااااااا احمد بدران