الأمن.. نوبة اعتقالات!
يبدو أن الأمن خرج عن صوابه وقرر أن يعود إلى موسم الاعتقالات الذي نام، أو تم تنويمه قليلا الشهور الماضية، فبعد اعتقال طلبة الجامعة تحت مسمى إثارة الشغب في انتخابات اتحاد الطلبة قبل أسبوعين، عاد الأمن لفتح ملف حركة كفاية فقبض على محمد الأشقر مسئول الحر
14/11/2006
يبدو أن الأمن خرج عن صوابه وقرر أن يعود إلى موسم الاعتقالات الذي نام، أو تم تنويمه قليلا الشهور الماضية، فبعد اعتقال طلبة الجامعة تحت مسمى إثارة الشغب في انتخابات اتحاد الطلبة قبل أسبوعين، عاد الأمن لفتح ملف حركة كفاية فقبض على محمد الأشقر مسئول الحركة بالجيزة بالأمس قبل ساعات من تنظيمه مسيرة ضد تدهور مستوى الخدمات في المحافظة.
واليوم الثلاثاء ومن أمام سينما مترو بوسط البلد، وهو نفسه المكان الذي شهد الانتهاكات والتحرشات الأخيرة، تم القبض علي مجموعة من النشطين السياسيين بعد تنظيمهم وقفة ضد أعمال التحرش.
الحكومة والزبالة
محمد الأشقر هو عضو في حركة كفاية ومسئول الجيزة وأحد المرشحين في الانتخابات النيابية الأخيرة، وقبل أيام اتهم الأشقر بالتحريض على "كراهية نظام الحكم" من خلال كتابة شعارات تظهر للمارة من زجاج سيارته، وقد أعربت الحركة إن السلطات حجزت السيارة لديها لتتمكن من القبض على صاحبها، في حين ردت وزارة الداخلية قائلة أنها لا علم لها بالموضوع ولا تعرف شيء عن اعتقال الأشقر.
وطبعا حكاية الحكومة مع الزبالة معروفة فالحكومة تحصل رسوم على جمع القمامة ضمن فواتير الكهرباء من المواطنين في حين إن الزبالة تبقى كما هي بال والأكثر من ذلك أن السكان يعتمدون على الزبال للتخلص من الزبالة يعني الدفع دوبل.
وتم الإعلان عن المظاهرة على موقع الحركة واشترك مجموعة من الأعضاء بعد اختفاء منظم المظاهرة وكان ذلك أمس الاثنين أمام مبنى محافظة الجيزة.
سينما مترو.. ضرب واعتقالات
واليوم الثلاثاء نظمت حركة "الشارع لنا" وقفة احتجاجية على أحداث وسط البلد من التحرش بالفتيات واختارت سينما مترو للوقفة فهو نفس المكان الذي شهد التحرشات، ولكن الأمن لم يترك لهم الفرصة للوقوف ولا حتى الجلوس.
هذا وقفا لما نشره محمد الشرقاوي في موقع كتابات قائلا: "اصطفت مجموعة كبيرة من سيارات الأمن المركزي أمام السينما وأجبرت المتظاهرين على المغادرة وفرقتهم مما اجبر البعض على دخول محل ” أكسلسيور” المجاور لمبنى السينما فقام الأمن بغلق المحل عليهم وكانوا حوالي 10 مواطنين منهم د. ماجدة عدلى، وعبير العسكرى، وخالد البلشى وآخرون "
ووفقا لموقع حركة كفاية قد تم التعدي بالضرب على كل من نادية مبروك، وليد صلاح بواسطة قوات الأمن التي تكاثرت على المتظاهرين كما تم القبض عليهما، هذا بالإضافة إلى مراسل أجنبي وشخص رابع غير معروف حتى الآن.!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بعد كثرة تسرب مقاطع الفيديو التي تحتوي علي انتهاكات ضد المواطنين، قال أحد الخبثاء أنها وسيلة من وزارة الداخلية لإرهاب المواطنين علي طريقة "لو مسمعتموش الكلام هنعمل "فيكو" زي ماعملنا في عمو".
ـــــــــــــــــــــــــــــــــــ
وخبثاء ليه يا ولاد البلد فيه حد يشتم نفسه
في بلد سايب ما لوش كبير ممكن تلاقي كل شيء .. في بلد كبيرة مشغول بتعزيز موقف عائلته وعصاباته لمواصلة النهب والسرقة فكل شيء مباح ومستباح .. في بلد مربي كلب زي العادلي (بوبي جيمي) للحراسة فطبيعي أن تجد كل التابعين لوزارة البوبي الحبيب من البوبيهات اللذيذة اللي بتنهش بس في أي واحد يفكر يقرب من الهواء المحيط بأسيادهم وأولياء نعمتهم من الحرامية ... تمام زي ما بتشوف في السيما كل زعيم عصابة حاطط شوية كلاب للحراسة حوالين بيته وليهم زعيم اسمه العادلي وكل صبيانه في خدمة العصابة من أجل حتة العظمة التي تلقى لهم كل يوم .. والعظم عندنا مشاريع وشقق وأراضي وما لا ندري من جسد الحبيبة الحبيسة مصر الذي يوزع على الكلاب والبوبيهات .. بلد زي ده لازم يكون فيه كل شيء مستباح .. تعالى فهمني لو في مصر واحد ممكن يأخذ حقه بالقانون .. طيب هو فيه أصلاً قانون ؟؟؟ طيب عايز إيه تاني ؟؟؟ اسكت بقى وخلي الماجور مكفي على أوضاعنا المأساوية لغاية ما ربك يعدلها والحكومة القذرة نقدر نبدلها .. نبدلها بناس مننا وفينا .. مش حرامية وكلاب حراسة لهم ... على فكره أنا مش يائس .. أبدا ... أنا أكثر واحد متفائل بقرب الخلاص وكمان قرب النهوض ... الخلاص لأننا خلاص وصلنا لآخر القاع وما فيش بعد كده قاع نسقط إليه ... والنهوض لأن محمد علي في خمس سنين عمل من مصر جنة .. وببساطة كده لو ربنا قدر لمصر التخلص من نظام مبارك الواطي وعصاباته في 2007 (قادر كريم جبار) يبقى في 2012 راح نشوف مصر تانية ... يا رب خلصنا من مبارك الواطي وأذنابه من الوزير لعضو المجلس المحلي الحرامية ... يعني السيستم كله ينزاح وحتشوفوا البلد دي هتبقى ازاي في 2012 بإذن الله بإيدين رجالة جدعان من أولاد بهية مش ولاد الواطيين اللي موجودين دلوقت ...
إبن بهية
http://ibnbahya
اقرأ بقية التعليق ..
يبشرك بالخير يابن بهية !!! معقوله فى 2012البلد هتكون اتغيرت ؟؟؟ ولا هتكون خلاص اتورثت ؟؟؟ معقول البلد هتصحى من الغفوة اللى طولت دى !! مش عارف ليه مش مصدق !! يابن بهيةالبلد عايزة انقلاب من نوع تسونامى عشان يغير البلاء اللى الناس عايشه فيه !!!
معقوله ف 2012 اللى مش لاقى وظيفة هيتوظف "ويتجوز" والبنات تتجوز ومنحوت الدخل حالته تتغير !!!! معقوله ده يحصل !!! معقوله الشباب المتغرب والطيور المهاجرة دى ترجع تانى والخبرات اللى بيستفيد منها غيرنا !نستفيد منها احنا ! مش معقوله !! طيب مبارك ساعتها عيكون فين هو والحاشية الكريمة!! معانابرده اهو ده اللى مش معقول ياابن بهية !!!!
انت بتحلم حلم جميل قوى ياااارييت يتحقق ..معقوله يرجع المصرى يرفع راسه ويفتخر انه مصري ونرجع لامجادنامن تانى !!! الله يبشرك بالخيريابن بهية .....
اولا اذاى اعيش فى بلد حكامها ظلمة ومحدش بيعملوهم حاجة لب