عاش الرئيس الكوميدي!
فالريس ابن البلد قاله طيب ما تخف اللعب شوية.. كدة خبط لزق مصداقًا لقول السيد الحسن بن الأسمر ابن العباسية الأصيل
20/11/2006
أحمد زين – ولاد البلد:
في نفس التوقيت والمكان كان هناك مشهدان لم يلتفت كثيرون إلى توازيهما.. المشهد الأول مطار القاهرة صالة استقبال كبار الزوار.. التشريفة تنتظر طائرة الرئيس السنغافوري.. وفجأة تأتي الأخبار.. اتجهوا للطائرة القادمة من دبي، الرئيس ومرافقوه سينزلون من هناك..
الرئيس السنغافوري طار للأقصر على طائرة ركاب عادية رغم أن تأجير طائرة لن يكلف الاقتصاد السنغافوري سوى "بضعة" آلاف دولار.. اقتصاد سنغافورة يفوق اقتصاديات "بضعة" دول عربية مجتمعة.. ناطق سنغافوري رسمي صرح لصحيفة الوطن السعودية بأن "تصرف الرئيس السنغافوري يأتي من باب ترشيد الإنفاق".
في ذات الوقت وفي وسط القاهرة كان الرئيس المكافح ذو البال الطويل.. ربنا يديله الصحة .. يلقي خطابا تاريخيا.. فعلى مدار سنين ظل الناس يجعرون ويهتفون ويزعقون لا للتوريث لا للتوريث ويشتمون على الفتي اليافع جمال مبارك ويلسنون على السيدة الفاضلة ماما سوزان وها هو الرئيس يخيب جميع التوقعات.. ويدلي بتصريحه الفني – سأشرح لماذا هو فني- بأنه سيبقى في الحكم.. ما دام – وخللي بالك جدا- في الصدر قلب ينبض ونفس يتردد.
لا اهتز ولا أتزعزع.. الله يا ريسنا الله.. فكرتني بالذي مضى زمن أهلا بالمعارك و"والله زمان يا سلاحي" والست أم كلثوم تشدو وأحمد سعيد بيوقع طيارات العدو وهنا صوت العرب من القاهرة.. وصباح بالفستان الديكولتيه تغني وطني حبيبي الوطن الأكبر والمشير عبد الحكيم عامر والفنانة برلنتي عبد الحميد..
لا اهتز ولا أتزعزع.. والله جملة تستحق أن نضعها في كل مكتب فيكي يا بلدنا يا صابرة وراء قفانا مباشرة لتكون عبرة لمن يعتبر ولمن لا يعتبر..
ومضى الريس المضحك في عنترية غير معهودة ولا مفهومة ولا يستدعيها الموقف.. فقال وهو يحمل السيف الخشبي للمدعو "دونكي شوت": "ولن أقبل أي ضغوط ولا أنحني إلا لله وسنعلو فوق المزايدات وحملات التشكيك..".
الكلام ده مش بيفكرك بالرئيس المناضل بتاع الحفرة.. وتابعه الصحاف بتاع دبي..
فنية العبارة في تعدد أوصافها الفنية فهي تراجيدية على المعارضين وجمال مبارك (الريس ضرب غرابين بدبشة)، وهي ميلودرامية على الريس نفسه الذي يبدو كيوسف بك وهبة في مسرحياته التي لم يشاهدها أحد راسبوتين والذي منه، وهي كوميدية جدا لنا نحن الشعب الضاحك اللاهي الذي نتباهي دومًا بأننا ولاد نكتة.
الريس عارف أننا حزانى ومكروبين وطالع عينا بين الغلاء الطاحن، والكوارث القدرية من قبيل العبارات والقطارات والذي منه فقال والله لأنكت مع الشعب الغلبان ده لأني نكدت عليه كتير.. فقال هذا الإفيه التاريخي..
النواب لم يكذبوا خبرا وراحوا هما كمان يعيطوا وينفوا في جلابياتهم – دول الفلاحين-، والعمال نفوا في الأفرولات، والفئات تفوا في عبهم من الخضة، وهاتك يا عياط ومناحة ولا كأنهم افتكروا الراحلين في مقابر العائلة بأشمون..
جعير وهتاف والذي منه على التصر يح التاريخي.. والله يا ريس أنت راجل كوميدي ومجلس الشعب كمان مجموعة من الكوميديانات.. ودي مش أول مرة تقولنا نكتك الجميلة.. على طول بتنكت مع الشعب بتاعك.. خد عندك مرة مثلا واحد بيتكلم عن تحديد النسل فواحد قاله يا ريس بناخد حبوب ومش نافعة، فالريس ابن البلد قاله طيب ما تخف اللعب شوية.. كدة خبط لزق مصداقًا لقول السيد الحسن بن الأسمر ابن العباسية الأصيل الذي قال في أوبريت اخترناه: "لما تشوفه مع المواطنين كأنه قاعد ع المصطبة تمام" أو كما قال..
أبناء هذا الجيل والجيل اللي بعده يتذكرون التعبير الأشهر في برنامج عماد أديب.. عن وصف لندن ببلد الاكسلانسات والمفاجأة أنه لم يكن من مفردات وحيد سيف في أفلام المقاولات التي اشتهر بهوهوته فيها ولا من إفيهات العبقري مظهر أبو النجا الذي اشتهر ببلعومه ولوزه وهو يقول بهبل استثنائي: يا حلاوة.. لكن كان الإفيه للمعلم الذي فاق كل الكوميديانات حين قال أنه كان يتمنى العمل في بلد الاكسلانسات لندن..
نجاة الرئيس من محاولة اغتياله في أديس أبابا والتي حكى لنا نحن شعبه الصبور أكثر من ألف مرة في شهر النجاة والسلامة حكاية ثباته أعصابه ومقولته للسائق حين رآه مهتزًا: "لف وارجع تانى".. وذهبت مثلا بين المصريين استخدمه الراحل علاء ولي الدين في فيلمه الناظر حين قاد مظاهرة للعيال وهرب من رصاص الشرطة.
الخلاصة
على هامش الانتخابات الموريتانية أعلن العقيد علي ولد محمد فال قائد الانقلاب العسكري الموريتاني تعهد بترك السلطة فور انتخاب رئيس جديد لموريتانيا حتى لو طلب البرلمان الجديد بقاءه.
عدد التعليقات : 55
• يا ترى الأهرامات.. هتفضل أهرامات!!
• سيدهم.. الراقص مع الضباع!
• الزمالك يتأهل بيد عبد المنصف!
• الرئيس.. فترتين وبس!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
طب وفيه إيه خليه قاعد ومربع واللي مش عاجبه يشوفلوا بلد تانية ، هو قدرنا ونصبنا، مادام في العمر بقية، اللهم اطل لنا في عمره، وخليه قاعد على قلوبنا زي ... الفل طبعا اقصد زي الفل مش حاجة تانية يامأخذه ياخويا
بحبك يا مبارك يا حبيب الملايين
يا ماكل الفقراء ومسكن الغلابة ومشغل الشباب وكل حاجة في عهدك الابدي جميل ورائع ربنا يزيد من عمرك علشان تمتعنا كمان وكمان بانجازاتك الرائعة, ولو جاء عزرائيل ما تنسي جيمي مبارك حبيبناوحبيب الملايين زي ابوه طبعا.
اه يا بلد اه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قبل شهرين من الآن تلقي زين دعوة ليشارك في اختبارات قناة الجزيرة الفضائية بالقاهرة ..ومن خلال هذه الاختبارات تم إعلان فوزه ورغبة الجزيرة في ضمه إلى صفوفها بمقرها الرئيسي بقطر ..وبعد مشاورات طويلة وافق زين على العرض على أن تكون هناك فترة اختبار مدتها ثلاثة أشهر ..يقرر بعدها إما الاستمرار أو العودة من جديد لعشرينات
أحمد زين من مواليد القاهرة وحاصل على ليسانس دار العلوم عام 98 وهو متزوج وله من الأبناء فداء الدين وعمر .. وقد عمل فور تخرجه بشبكة إسلام أون لاين محررا بالقسم العربي بصفحة مجاهيل ومشاهير ثم مسئولا عن نادي المبدعين وأخيرا مديرا لفريق الشباب الذي أسس موقع عشرينات منذ عشرة شهور فقط ..
زين هو كاتب (من نحن) على عشرينات وهو أيضا صاحب مجموعة مقالات المتدينين الجدد التي تولت نشرها صفحة دعوة ودعاة بإسلام أون لاين ولاقت اهتمام النخب الثقافية والإسلامية محليا ودوليا حيث قامت صحف خارجية بإعادة تقديمها لقرائها
يغادر زين القاهرة عصر الثلاثاء القادم.. والعشريناتية جميعا بانتظار عودته و.. مبروك عليك الجزيرة يا عم أحمد..ومبروك ع الجزيرة أحمد زين..!
والله فكرة يا زين .. ما تيجي نجمع "إفهات" الريس ونطلعها فى كتاب نكت .. والله هيوزع طحن
يعنى خد عندك .. مما يروى عن سيدنا الرئيس أنه كان فى زيارة أحد المصانع وبيكلم إحدى العاملات فبيقولها عندك أولاد ، قالت له أه 4 يا ريس فرد عليها : انتى متجوزة ؟ وهذه النكتة عملها هانى رمزى فى فيلم محامى خلع
يروى أيضا ان مبارك فى افتتاح معرض الكتاب فى احد الاعوام كان يحدثه مسئول بوزارة الثقافة عن ان المحور الأساسي للندوة الثقافية هيكون "الطريق الثالث" - وهو الوسطية بين الرأسمالية والاشتراكية - فرد عليه مبارك : هو الطريق ده مش بتاعنا احنا.. أيوه الطريق ده بتاعنا
فأجابه فاروق حسنى : ايوه يا ريس هو طريق هادى وحلو
كان هناك مجموعة من الصهاينة يهددون بهدم المسجد الاقصى .. فصرح مبارك : هو ده وقته !!
ولا تنسوا أخطر افيه اطلقه الريس عندما قال ان الحرب على لبنان تهديد للبتاع ده
وماله ياخويا ما يقعد على قلبنا .. ما يقعد ياخويا .. الله وفيها ايه .. هو احنا من غيره نساوى حاجه.. مش كفاية متحملنا ومتحمل بلاويينا، ربنا يخليه لينا يارب حتى اخر بتاع دا اسمو ايه دا .. الله !! نسيت !!
أحمد زين
لا أدري متى عرفته..أكثر ما أعرفه عنه نداؤنا المشهور..يا علي كراسي كبيرة..لأن معظم الشلة من أصحاب الوزن الثقيل الذين لا تستوعبهم الكراسي العادية..فيأتي مهرولا مبتسما..بالكراسي وهو يقول أهلا بالأساتذة أهلا بالباشوات..ويجلس الباشوات الذين هم شلة أصدقائي .. وتمتد الجلسة والكل يطلب..زبادي باللبن أو عناب بارد أو شاي فتلة سكر برة..أصل الشلة التخينة دي كلها عاملة ريجيم وبتحب معلقة سكر واحدة !!..يأتي علي بالطلبات وقبلها ابتسامته..يخترع أي موضوع صغير يسألنا عنه من باب "الملاغية" وندرك تماما أن الموضوع لا يهمه وأنه مجرد "إشتغالة" لكننا نرد بصدق وحب..
مصرى و صومالى وامريكانى طلعوا رحله فى جبل , اتعزلوا عن العالم 50 سنه , لما نزلوا , الصومالى فتح الراديو على اذاعه بلدة سمع ( سنحارب حتى نسترد كامل حقوقنا فى ولايه نيوجرسى )
الامريكانى سمع ( سنحارب حتى اخر جندى لصد العدوان الصومالى )
المصرى سمع ( اخترناة وبيعناه .....الخ )
هو الرئيس لو مشي وجه بدله واحد معارضه نتن من الللي كلامهم هواء هنزهق اكتر وبعدين اي نعم حسني مبارك بعصرة فساد بس الفاسدين هو احنا مش احنا اللي كلنا حراميه
برضه وهو زعيمنا يعني لو وحشين هو وحش زييا وعاجبه الحال خلاص وبعدين لو مشي وجه غيرة هتندموا صلحوا نفسكم ربنا يكرمكم بالاصلح لو انتم كنتم كويسسن مش معقوله رئيسكم هيبقي وحش الجزاء من جنس العمل وربنا يهدينا الخطر الحقيقي علي الحدود
وانا خايف منه لانه خطر داهم مش برئيس شعب هو قبل مييمسكم كنت شعب بايظ برضه وخارج من الحرب منتصر بس الاهم الاخلاق
مرة الريس كان بيزور مصنع فقابل عاملة بسيطة؛فقالها عندك اولاد قالت له ايوة ؛قالها مجوزة؟
انا بؤيد حملة لمنكت الريس
على راى احد اقاربى
لما بتفرج عليه وهو بيحاور بيكون احلى من سمير غانم ومن اى مسرحيه
ده حتى راجل مسلي..هو فيه كده؟
http://soosamafroosa.blogspot.com
نا سعيد خالص عارف ليه
عشان عرفت ان فيه ناس لس عندها شجاعة ونخوه بس عاوزين منهم مليون وسعيد اكتر من مني الشذلي عشان عرفت موقع المدونات دي والحمد الله
علاء كان شجاع وله الفخر بس يلننشر الفكر بتاعنا عشان نحرر الناس جايز اكون داخل سخن بس الفساد انتشر علي يد مبارك وحكومته يعني هو ما بيشفش ما بسمعش اهطل ايوه بس اكيد بيشوف وبسمع ولا تبقي مصيبه وبعدين هيروح بيه العمر لحد فين
ولا احنا هنستني لحد ما يموت تبقي مصيبة ولا يجيب الاهطل ابنه تبقي مصيبتين علي جستي تحياتي
مبارك علينا الخراب والفساد
مبارك علينا قهر الولاد
مبارك علينا ضياع البلاد
مبارك عليك سويت في جهنم
جايلك خصوصي وحجزه مقدم
مبارك يا ريس
يا فخر الزمان
غلبت الابالسة هزمت الشيطان
ابليس بيولع لو استعذنا بربنا
بس انت بإيه تغورياريس من وشنا
رئيس الجمهوريه ، أو الامير ، أو الملك المعين او المرشح او المستولي علي الحكم مهما كانت التسميه يعتبر الحاكم الشرعي للبلاد وله السمع والطاعة ما اقام فينا الدين ولا سمع ولا طاعة ان أمر بكفر بواح هذا هو معتقد أهل السنه والجماعة ..اما الانشقاق والمهازل والاستهزاء بالحكام فهذا أمر لا يحبه الله ورسوله وكفاك ياعاشق الكوميديا استهزاءا فوالله لو قلدوك مقاليد الحكم ما استطعت ان تقود 5 عنزات وقرد فاتقي الله في سرك وعلنك وكفي اثارة الشعب علي حاكمه واتقي الله وقل قولا معروفا او نصيحه تبتغي بها وجه الله واحمد الله انك تستطيع ان تقول ما تقول وان كان هناك قهرا كما تصورت لكنت تقبع الآن في غيابات السجون - واتحداك بالنشر
بالنسبه للمستشار مصطفى انا مع حضرتك فى (بعض)ما قلت
بس حضرتك مش شايف اننا نضحك بدل ما نطق و نموت
دا مش مصداقا لقول سعاد حسنى عن كلمات صلاح جاهين فبدال ما نطق يا وله لا نضحك
و لكن دا مصداقا لكل اللى بيحصل ف البلد
اللى لو لخصناه هنقول زى ما قال تشارلز ديكنز ف اوقات عصيبه على لسان شخصيه مقهوره
it us all a mess
انها لفوضى
بالنسبه لحسين عبد الظاهر انا لسه مقريتش موضوعك معلش
بس تعليقك ضحكنى يا حسين و الله
حلوه موت فكره كتاب عن التعليقات
و ايه رايك تقرره وزاره التعليم على الطلبه ف المدارس
و زى ما ف ليبيا فى الكتاب الاخضر نسمى دا الكتاب الفحلقى
شوف ياسيتي المستشار يعني مفيش غير حسني مبارك هو ال يمسك البلد وعشان ايه ولصالح مين لصالحه هو واولادة وبس مفيش افضل منه
ال بيتكلم بيروح في دهيه فين طلعت السادات لا فين السادات وبعديني اسيدي كفاية 25 سنه مش كفاية يسيب غيرة يمكن يصلح
تبقي فيه حريه ولا انت عاوزه يجيب الكلب ابنه وتبقي التكية بتاع ال خلفوهم ايه الحياة بقت عاملة ايه واذاي والاشياء وكيلو اللحم والبصل والطماطم والمرتبات
تعال نتكلم عنها شويه هتكووووووووووون مصيبة انت عارف ليه عشان فيه ناس يتصرف علي حراصتهم الملاين وناس تموت من الجوع لسه الي الان ناس بتاخد 100 لا 200 جنيه بزمتك يجيبوا فردة جزمه ياشيخ حرام عليك وناس والشرطة ال الان بتحرص مين الكلاب الكبار الكلب الاول العادلي والكلب الثاني حسني واولادة ومراتة طبعا
ايه ال دخله جمال بيه في الموضوع طول عمرنا نعرف انه خول دخل الان وبيتكلم وبيمسك امكرفون كمان
ياشيخ حرام عليك ده لازم يعدم الف مرة فين عمر وهو نايم تحت الشجرة
فين الخلفاء فين السادات وهو بدون حرس
ياشيخ ارحمنا ويلة نقوم يابلد نهدها عليهم
كفايه كده لازم نتحد ونكون نفسنا ونخطط لقلب نظام اتلحكم ذي ما بيقولوا لان اي واحد يشز بس شويه كده ده بيقلب نظام الحكم يله نقلبة بالفعل ياصابت ياخابت
وكفايه كده يامبارك والي كاتب الرسالة المستشار انت ما شفتش ما حدث في الانتخابات ده مش كفيل انه يعدم حسني ورجالته كفايه
ارحمومتنا بقي وانقلعوا من الحكم
مع تحياتي
حرام
كفية 30سنه خدمة ياناس ارحموا الشعب الغلبان الفقير ده
كفاية للحيوان ده شوفا حد تاني
اكيد بكل المقايس هيعدل الفساد ال تركة الحيوان ده
منه لله
الشر بره وبعيدوياناس يا شر كفايه ار
ايه يا جماعه هوا مفيش غير ابو علاء ما تشوفو سهرايه تاني حرام عليكو ما عندكوش قلب يا ساتر يا رب ما عندكومش اخوات
ملعوبه يلا
قولوا ورايا هوا اللى موكلنا هوا
هوا اللى مشربنا هوا
الضوء الشارد
والراجل اهو قاعد
وبيشرب بارد
والسكة مسالك
وطوز كبير اوي ف المالك
طب لما هو هيقغد ( ليه بيداري كده ولا داري كده ولا داري كده ولا ناده علي راي سيدة الغناء العربي الست ام شعبان
وسمعني الدستور
والله يرحمك يا سعاد
معلش مش قادر اجمع من تاثري بالخطاب التاريخي للرئيس المدمن تسلط محمود المليجي
نسرين