كلنا بنحب.. الجمال!
إنها قطع ناعمة وأنثوية من الملابس تستر باحتشام الوجه والبدن. وبالحجاب أو المنتيلا، حتى الأشكال المثيرة جنسيًّا مثل مغنية البوب مادونا تتحول إلى أشياء رومانسية وغامضة
26/11/2006
أحمد عبيد - ولاد البلد:
في تصريحاته الأخيرة المثيرة للجدل، قال وزير الثقافة المصري "أن النساء بشعرهن الجميل كالورود التي لا يجب تغطيتها وحجبها عن الناس". ولسيادة الوزير كل الحق في أن يبدى رأيه فيما يشاء، يعني هي جت عليه ما هو شعبولا بيتكلم في السياسة، وسعد الصغير بيتكلم عن الفلكلور، وإقبال بركة بتفسر القرآن، وحكيم ح يغني في حفلة نوبل!!
ماااااااااا علينا
المهم .. في مثل هذه الحوارات يكون من العبث أن نخاطب الوزير الفنان بآيات القرآن وأحاديث النبي عليه السلام، يعني قال الله وقال الرسول ما تاكلش معاه.
إذن فلنحاول أن نخاطب الوزير الفنان بلغة يفهمها.. وعلى قافية الورد نسأل سيادته:
لماذا نغلف الورد بورق السوليفان؟
ح يقوللي السوليفان شفاف .. بلاش دي
لماذا نضع الأحجار الكريمة داخل علب من القطيفة، ولا نتركها في أي مكان لتنعم بجمالها أعين الناس.. لماذا يوجد اللؤلؤ داخل صدفة صلبة محكمة الغلق، ولا يطفو على سطح الماء كالنباتات الميتة.. حتى الزهور الجافة التي تمثل لنا بعض الذكرى، لماذا نحتفظ بها بين طيات الكتب.. نفتحها برفق لنلقي عليها نظرة ثم نغلق الكتاب مرة أخرى.. لماذا!!
ومن قال إن الزهور لا تحتجب؟ ألم يتأمل الوزير الفنان مرة تلك الوريقات الرقيقة التي تحيط بالزهور قبل تفتحها في حنان ورقة؟ حتى تتفتح الزهرة في موعدها وكأنها تعدها لهذا اليوم. لم يهاجم واحد من علماء النبات هذه الوريقات ويتهمها بأنها تجبر الزهرة الصغيرة على الحجاب.
طيب لماذا تغطى أسلاك الكهرباء بطبقة عازلة من البلاستيك، رغم أن الكهرباء من نعم الله العظيمة علينا، فلولاها لكنا نعيش في الظلام حتى الآن، ولكن ظلام القلوب أشد.
وعلى ذكر الفن والفنانين، يقول الباحث الإيطالي الشهير أمبرتو إيكو عن كتابه "تاريخ الجمال": "يتميز عصرنا بتعدد نماذج الجمال، نجد أنفسنا أمام متجر كبير للجمال حيث يشتري كل امرئ ما يشاء. إنها الديمقراطية الجمالية. لم يبق هناك نموذجا كلاسيكيا أو نخبويا. ما يجعل هذا الشرك خطيرا في نظري انه سيكون هناك دوما نموذج up to date، أي جديدا أكثر من الجديد. سيحل عندئذ فصام، فما كان رائجا بالأمس لن يكون أبدا كذلك غدا. بالتالي ما كان يمكن أن يشبه ديمقراطية للجمال أضحى مشابها لنظام قمعي. نعيش تحت الابتزاز أكثر بكثير من إنسان عصر النهضة".
تذكرت وأنا أتابع تصريحات الوزير، خبرا قرأته منذ شهرين، نشرته صحيفة الشرق الأوسط، فقد أثارت ذكرى هجمات سبتمبر في أمريكا الحديث حول حدود الحرية والإباحية في المجتمع الأمريكي، وهو ما لم يتوقعه أحد.. فقد احتفل الأميركيون في 11 سبتمبر الماضي، بمرور الذكرى الخامسة للهجوم الإرهابي. كان يوم حزن عام، وزار الأميركيون الكنائس، وعرضت التلفزيونات برامج عن الهجوم، وخاطب الرئيس جورج بوش الشعب. ولكن أثارت النقاش أشياء جانبية (أو ربما غير جانبية) حدثت في ذلك اليوم.
فقد عرض أولا تلفزيون "سي بي اس" برنامجاً تضمن ألفاظا نابية ومناظر إباحية. ثانيا، اشتكى مشتركون في سباق تذكاري للرجال والنساء بالقرب من البنتاجون، من أن نساء في السباق لبسن ملابس كشفت عن أجزاء كبيرة من أجسادهن. ثالثا، عرضت أفلام خليعة في ذلك اليوم، لا تليق بالمناسبة.
وقد ذكرت مجلة "تايم"، في موضوع غلاف عن الإباحية، أن أشياء كانت غير مباحة أصبحت مباحة خلال خمسين سنة. وأشارت إلى أن زى البحر، كان قبل مائة سنة، يغطى ساقي المرأة، ثم أصبح، بعد خمسين سنة، يكشف عن الساقين والفخذين، ثم أصبح بعد خمسين سنة أخرى، يكشف البطن (البيكينى).
طيب بلاش أمريكا..
صحفية بريطانية شهيرة، اسمها كريستينا أودون ، في مقالها المنشور في صحيفة "ديلي تلجراف" في أكتوبر الماضي، انتقدت بشكل مباشر وقوي جاك سترو رئيس مجلس العموم والوزير السابق الذي طالب المسلمات بعدم ارتداء النقاب عند مقابلته، وهو ما أيده فيه رئيس الوزراء توني بلير.. فماذا قالت:
تمتدح كريستيا غطاء الرأس والعنق قائلة: "لا المنتيلا ولا الحجاب الإسلامي يمكن اعتبارهما استفزازًا عدائيًّا للمجتمع، بل على النقيض إنها قطع ناعمة وأنثوية من الملابس تستر باحتشام الوجه والبدن. وبالحجاب أو المنتيلا، حتى الأشكال المثيرة جنسيًّا مثل مغنية البوب مادونا تتحول إلى أشياء رومانسية وغامضة".
ومضت تقول: "لكنك لا ترتدي الحجاب أو المنتيلا كإغراء معارض للفطرة، وإنما كحديث هامس وسط حجرة مليئة بصيحات. كلاهما يظهر أنك تحترم سلطة مختلفة عن عارضة الأزياء كيت موس أو رئيس مجلس العموم جاك سترو. لكن هذا الإظهار للاستقلالية لا يتماشى جيدًا مع غريبي الأطوار الذين يسيطرون على الكنيسة في بريطانيا".
طيب عودة إلى الفن ..
يدافع وزيرنا الفنان عن الجمال، وأنا معه، تعالوا ننظر إلى مدرسة النحت اليونانية والرومانية التي كانت تظهر سوءات الفرسان والقادة في شموخ وفخر. تلك التماثيل التي يقدسها وزيرنا الفنان، والتي ثارت ثائرته عندما أفتي مفتي الجمهورية بحرمة اقتنائها.
هل يحب وزيرنا الفنان أن نصنع له تمثالا مشابها.. علما بأننا إن فعلنا ذلك فلن يكون من أجله وإنما من أجل قيمة أسمى هي الجمال..
حتى لا أطيل، أرجو أن تتاح للسيد الوزير قراءة هذه السطور، فإن اقتنع بها فأرجو أن يكون لديه الشجاعة الكافية ليتراجع عن تصريحاته.. وإن لم يقتنع فأنا أطالبه بأن يمشي عاريا في شوارع وميادين القاهرة، إعلاء لقيمة الفن والجمال، وساعتها أضمن له "زفة بلدي" لم تحدث في التاريخ فالشعب المصري كله ذواق.. وكلنا بنحب الجمال.!!
عدد التعليقات : 30
• طلبة الجامعات.. ناشط ولا متفوق!
• القيصر!
• البطل والأديب.. مين بيقول الحق!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
غلاف الوردة لحمايتها و هى صغيرة و هى حالة يمكن مقارنتها بالطفلة و ليس المراة الناضجة. ايضا النظر الى الكهرباء لن يقتلك محاولة المسك بها هى التى تفتك بيك, أخيرا التماثيل الرومانية كانت مبالغة فنية كمن يصف جمال حبيبتة بالقمر. ليس بالضرورة كل عار جميل.
اتمنى ان تفهم
مقالك ظريف ولكن الأظرف منه كان التعليق الأول
أود فقط أن أفهم أين الجمال الذي تحبه هذا ؟ في مشاهدتك لمشهد مقزز لإمرأة ترتدي الإختراع المسمي بالنقاب ؟ ثم أنك تتحدث عن أن الشعب المصري ذواقا للجمال ؟؟؟؟؟ ربما يصلح قولك هذا عن الفراعنةةليس العرب اللذين أحتلوا البلد وأسمو هذا الإحتلآل فتحا !!!وكيف لآ وفد نهبوها مع من نهب ... ثم إن كل أمثلتك كانت عن الإباحية !!! وما دخل الإباحية بالحجاب والنقاب وكل السواد الذي إستوردتموه من العرب !
برافو استاذ احمد احييك على المقال وبالنسبه للمريض نفسيا اللى اسمه شريف -- مالك محموؤ اوى وجاى على نفسك كده ؟ ان كان النقاب او الحجاب مزعلك انت حر ياخى لبس مراتك اللى يعجبك انشالله ماتلبسهاش خالص ماحدش هيقولك حاجه ؟ واذا كنت من عينة رووقه يعنى ماليكش غير فى الخشن ابقى لبس اختك ياسيدى وابقى فرجنا جمالها كده وهى بتلعلط بالاستيريتش او بالمينى جيب او الميكروجيب ولو مليكش اخوات بنات ( هقولك ايه) ابقى لبس امك انشالله حتى تلبسها مايوه وتمشيها فى الشارع !ياعم شريف انا عارف انك مسيحى ولكن للاسف جيبت التهذييىء لنفسك لانك اقحمت نفسك فى موضوع ماانتش طرف فيه!لان انت لومسلم هنقولك رسولناعليه الصلاة والسلام قال لا يدخل الجنة (ديوث)---- وبما انك لاتعرف الديوث نعرف هولك هو الذى لايخاف على عرضه ولكنك لا تعرف هذه الالفاظ الغريبه بما انك راجل عر-- قصدى راجل عصرى -- وبتكره العرب اللى جابولك السواد وبتحب اوروبا والغرب اللى عندهم البياض والبلطى والمكرونه وكل انواع الزفاره يازفر
2- ليه كل الناس اللى بتتكلم عن الحجاب وكلام الوزير رجاله... نسبه الستات اللى بتتكلم قليله قوى بالنسبة االرجاله اللى بتعلق على الموضوع؟
3- ليه الناس سايبه علاقه الإنسان بربنا ومش بتبطل تتكلم على الحجاب والنقاب... مش الأهم نتكلم عن داخل الإنسان الأول وبعد كده نتكلم عن اللبس.
وللحديث بقيه
شريف باشا بيقول عرب ومش عرب
طيب ماهو ايران مش عرب وبيفتخروا بانهم مش عرب وانهم فرس وبيلبسوا حجاب
اندونيسياوماليزيا مش عرب برضه ولا العرب حكموهم خالص وبيلبسوا الحجاب_يا راجل ده التليفزيون هناك المذيعات بيلبسوا فبه حجاب
تركيا اللى هما حكموا العرب مش العرب اللى حكموهم...الستات هناك هايموتوا ويلبسوا الحجاب_سته عشر وزير فى الحكومه التركيه زوجاتهم لابسين الحجاب
الموضوع مالوش دعوة بالعرب خالص.....انا مصراوى برضه وروش طحن وباسمع عمرودياب ومش مقتنع بان احنا عرب
بس مقتنع بان الموضوع اكبر من كده...الموضوع موضوع دين..موضوع فكرة...فكرة الكل بيحاربها....فكرة اسمها الاسلام
لو الحجاب مش عاجبك....اوكيه...سيبك من الاسلام كله ما تقعدش تقول عرب وماعربش لان العرب اساسا خلاص مابيلبسوش حجاب_انزل دبى والكويت وبيروت واتفرج
على فكرة برضه موضوع الفن ده بقى انت ظلمت العرب والدليل قصر الحمراء فى الاندلس والمسجد الاموى فى دمشق وشعراء العصر الجاهلى_يعنى قبل الاسلام اصلا_وابراهيم الموصلى وابو فراس الحمدانى بتاع اراك عصى الدمع بتاع ام كلثوم
انا بكرر..انا مصراوى وجدودى فراعنة مش عرب بس مقتنع ان فى فكرة اكبر بتجمعنا فوق كل العنصريات العرقية....فكرة اسمها الاسلام
وعلى رأى يوسف شاهين_المصراوى اللى بختلف معاه فى حاجات كتير_بس عجبتنى الكلمة بتاعته:الافكار ليها اجنحة....محدش يقدر يمنعها
فكرة الاسلام محدش يقدر يمنعها..لا فاروق حسنى وللا اللى يتشددله
السلام عليكم و رحوة الله و بركاته
موضوع جامد جدا يا احمد باشا...و الاجمل الامثلة اللي انت ذكرتها.. و بعدين الشباب ياريت ياخدوا بالهم شوية من الالفاظ..الاخ شاول الطرسوسي احييك علي تقيمك الفني للاخ شريف..زماكانش في داعي يا شيري تسمع الكلام دة..بس يالله...معلش عالئة تفوت و لا حد يموت..و بالنسبة لاقتراح الاخ احمد كاتب المقال باننا نعمل تمثال عاري للفنان روقة فاحب اقوله اقتراح هايل يابو حميد..بالرغم من ان التمثال العاري دة لا هيودي ولا هيجييب لانه لن يكشف عن شيء!!!
السلام عليكم ورحمة الله وبركاته
برغم قناعتي بأن التعليق حول كلمات الأخ فاروق حسني تعطيها اهتمامًا أكثر مما تستحق، وتمنحه هو نفسه حجمًا ليس له ولن يكون...
ورغم أنني أرى أن الحل مع هذه النوعيات هو التجاهل التام والمضي قدمًا...
إلا أن المقال أعجبني فعلاً
ولي عدة تعليقات:
- لم يعجبني الأسلوب المتجاوز واستخدام ألفاظ غير لائقة في الرد، مهما كانت كلمات المردود عليه، المفترض أن أسلوبك علامة عليك، كما أنك بهذا تسيء إلى نفسك وتسيء أكثر للقضية التي تدافع عنها.
- الأخ الذي أرسل باسم فاروق حسني -إن لم يكن هو- يبدو أنه (نشن) على الأمثلة التي رأى أنها قد تقوي موقفه وعددها ثلاثة، وتجاهل الأمثلة والشواهد الأخرى التي هي أضعاف الثلاثة، هو حضرته بينقي ليه؟اللي يرد يرد على كله!!! ده طبعًا رغم إني مش مقتنعة أصلاً بردوده ع الكام مثال دول.
- لا كلام فاروق ولا متولي ولا غيره هيغير حاجة، ولا هيأثر -مثقال ذرة- ف قضية من الثوابت
فرض يعني فرض عجبكوا أو معجبكوش
واللي مش عايز محدش ضربه على إيده
خلصت
لكن تيجي تقوللي الشمس بتطلع م الغرب -قبل يوم القيامة- وعايزني أسمعك وأقتنع برأيك
معلش.. آسفة
كان غيرك أشطر!!!
وأخيرًا...
قال الشاعر:
"إذا كل كلب عوى ألقمته حجرًا
لصار الحجر مثقالاً بدينار"
تحياتي
استدراك
ملحوظة للمذكور شريف
اللي (فتح) مصر كانوا (المسلمين) مش (العرب)
وإذ1 كان رأي سيادتك إنه (احتلال) يبقى أنصحك تقرا كويس، لأن واضح ان حالتك الثقافية بعافية شوية لأ شوياااااااااات كتير قوي
بلاش ننكر حاجة أعداءنا وأشد الناس حقدًا على الإسلام مقدروش يتكلموا فيها
ويا ريت بلاش الحقد والكره يبعدنا عن العدل ويخللينا نصر على باطل
"اعدلوا هو أقرب للتقوى"
بطلوا افترا م الآخر
نسيت أشكر أحمد عبيد على مقالته الراقية خفيفة الدم ذات الأسلوب المنساب
تحياتي
تحية لاحمد عبيد على مقالك واسلوبك المبنى على الحجة والمنطق .واسمح لى أن أضيف
بداية ما يردده السيد فاروق حسنى يتعارض مع مبدأ الحرية الذى يحاول أن يروج له الوزير!!!!
ثم يا سيد فارق ما هذا الخلط بين الاستمتاع بالجمال الذى صنعه الخالق فى الطبيعة أو حتى أبدعه فنان فى لوحة أو تمثال والجمال الانسانى الذى تتصف به أنسانه منحها الله وميزها بعقل هو الاجمل ويحق لها بهذا العقل أن تكون عنصر ايجابى فى الحضارة لا أن تتحول لوحة لتستمتع بها أنت
ثم ماذا تريد أن ترى من المرأة؟؟؟
لو سلمنا جدلا ووافقنا أن المرأة أجمل لان شعر المرأة كالوردة وعرت المرأة شعرها
ماذا عن باقى الجمال فى المرأة ؟؟؟
هل سيأتى وزير ثقافة أكثر حرية من جنابك ليقول أن ستر المرأة لباقى الجسد هو تخلف لان الباقى أيضا أجمل ؟؟
لا تقحم الجمال فى الاخلاق والقييم والموروث الثقافى يا وزير الثقافة.
جمال ايه اللى بتحبوه يااخونا انا خايف ليكون جمال مبارك
أقول له هل جمال المرأة يكون لك أنت أم لزوجها
أرجو أن يتذكر عم شريف دة إلي أتكلم كلام مشفت في حياتي أغبه منه أن يتذكر أن سيدنا إسماعيل علية السلام وهو أبو العرب كانت والدته من أرض مصر وهي ستناهاجر
ولك تحياتي يا عديم التاريخ وأشك كمان حاجات تانية
والله من ساعة ما الازمة دى بدأت وانا ماسك نفسى عن الكلام فيها لعدة اسباب 1- معالى الوزير فاروق حسنى ليس انسان عاديا حتى يعلن رأيه الشخصى بل هو وزير ويجب ان تتسم تصريحاته بالكياسة لانه يمثل الحكومة عندما يتحدث واذا كان الوزير لا يعلم هذا الكلام فهذا موضوع آخر
2- الحديث عن شىء يمس العقيدة او الدين لا يجب الخوض فيه دون علم ومن المعروف ان الحجاب وليس النقاب هوما ذكر فى عقيدتنا وديننا 3-مفهوم الجمال مختلف ونسبى وهو ما يحاول الاستاذ احمد صاحب المقال توضيحه فمن الممكن ان يكون الوزير فاروق حسنى لا ييرى ان المرأة بالحجاب دميمة على عكس ناس ىخرون يرون ان المراة بلبس الحجاب جميلة والنسبية هنا تنفى صحة كلام السيد الوزير ولا تثبته ومن الواضح ان الراجل فقد توازنه فادلى بالتصريح وعاد وقال ان هذا راى شخصى وليست هذه المشكلة يا سادة المشكلة ان سيادته زعل من اللى حصل عندما حاول نواب مجلس الشعب تقديم طلبات احاطه واسنكار ما حدث وحاول ان يبيتن الاعتداء السافر الذى حدث على فكر وعقل سيادته وتناسى السيد الوزير انه بكلامه جرح واهان ما يقرب من 3 4 مليون محجبة المعتاد طبعا وزير يغلط فى الناس ماشى تعدى واحد يغلط فى وزير يحصله ؟؟؟؟؟؟
وحسبى الله ونعم الوكيل
mego_mego
- ليه لما حد بينقد حد تانى... بيستهزأ بيه وينكت عليه وعلى مراته زى التعليق اللى فات... لو عندك رأى مقنع ٌقوله.
la2enoh gahel mesh 3aref yerod
2- ليه كل الناس اللى بتتكلم عن الحجاب وكلام الوزير رجاله... نسبه الستات اللى بتتكلم قليله قوى بالنسبة االرجاله اللى بتعلق على الموضوع؟
dah so2al yasta7e2 el ta3lek, I wonder
3- ليه الناس سايبه علاقه الإنسان بربنا ومش بتبطل تتكلم على الحجاب والنقاب... مش الأهم نتكلم عن داخل الإنسان الأول وبعد كده نتكلم عن اللبس.
la2, la2en el nas fadyah men gowah, we ba2et hamaha el mazaher, ya3ny men ghatah rasoh men tawel da2noh ba2ah howa el mohem
bas el mo3amlah wel 3elakah berabenah deh yemken tegy ba3den, wala matgesh mesh mohem.
No offense but this is the truth, and by the way I'm against not with farouk hosni yet I feel it is his right to talk. we nebatal el kharas elly nefsokom te3ayeshonah feh
men dool elly nefsohom?
mate2la2shy hayeshtemoney ta7t, enzel wenta teshof
as for the article, using the rose and the gem examples prioves 1 thing, you are
sorry to continue,
proves 1 thing, you all read the same books, and only these books, i got this example at least a dozen times from other people.
by the way, it is a week one, and have bad answers so khaly balak.
again i do not approve farouq hosni point of view khales, ont he other hand i beleive in hijab clearly.
yet, i beleive he has the right to think and express
ياجماعة فكروا ازاى تبنوا بلدكم ازاى تكون فى بيوتكم مياة نظيفة وفرصة عمل لعيالكم- فاروق اية وهباب اللى انتم بتعلقوا علية احنا اصبحنا اسوأ من موزمبيق وامراض الكبد بتحصد فى اهلنا
الناس حالتها بقت سيئة وانتم بتناقشوا اية
"صحيح اللى معندوش شغلة تشغله يفتح الباب ويقفله " وعواجيز الفرح دايماً يعترضوا على كل الموجودين عشان معندهمش حاجة تشغلهم ولا حاجة جديدة يعملوها ويفيدوا بلدهم ويبنوا فيها ويزينوهابالعلم والإنتاج واللحاق بركب الحضارة هذا هو الجمال الذي رأيته فى الصين التى لم أرى فيها زبالة بل جمال فى جمال وحضارة فى كل مكان.
أليس الجمال الحقيقي رؤيةالبلد وهى مزينة بالأشجار الجميلة والورود فى كل مكان وكل شارع وميدان والتطور والرقى علامة للبلد.أم هل يعجبكم منظر الزبالة فى كل مكان.ألايتعارض ذلك مع الجمال.ان بلدناأصبحت عارية من معظم الأشجار والورود والجمال وأصبحت مقلب كبير للأفكار العفنة.أين جمال التطور والتفاني فى العمل لقد ذهب كل ذلك وغيره مع الريح بفضل أفكار عواجيز الفرح وسلملي على التقدميين
يا شباب تحت مزاعم حريه التعبير والراي قال كل واحد اللي هو عاوزة وزود الجرعه كمان ربنا طالبنا بان القلب السليم له مكانه عندة فلذا لو البنت او الشاب متدين صح مش هيعمل اعمال تسيئ للاسلامه الا اهو محسوب عليه ثانيا فاروق حسني او الاخوان او المعارضه ميهموهمش الشعب ياكل او يشرب او يعيش بنقاء والمشكله ان تقريرات بالسفارة الامريكيه بتسجل انتبعاطكم دى لصالح اجهزة المخابرات سواء المصريه او الامريكيه السويسريه التي بدورها تطبع نسخ لانحاء العالم الواطي
ادخل على الموقع الاتى
baladynet.net/
الموقع الذى يفضح النصارى ومخططاتهم وأهدافهم الخبيثه فى مصر.
قساوسة مصر الذين يدعون حب مصر يقول أحدهم فى أحد الشرائط كلاما كله حب فى مصر وأهل مصر المسلمين الطيبين يقول فيه"يامبارك لــــــو ماحققتش اللى إحنا عايزينه لو ماإدتناش حقنا يامبارك أقسملك إنك هتلاقى أمريكــــــــــــــــا بكره فى مصــــــــــــــــر ,وها تعمل فيكم يامسلمين زى ماعملت فى العراق,أقسملك يامبارك هانخلى مصـــــــــر عــــــــــــــراق تانيه".
واللى عايز الرابط يقوللى وأنا هاكتبه المره الجايه.
والله يانصرانى ياجاهل لأفضح سفالتكم فى كل حته وهابين مدى حقدكم على المسلمين الغلابه اللى عايشين فى مصر اللى أنتم عايشين على أرضهم وبتاكلوا من خيرهم وبعدين تطعنوهم فى ضهرهم.
فللأسف عندما غاب الحق وهو الاسلام ,ظهر الباطل بجبنه وقذارته وعوت الذئاب ونبحت كلاب النصارى فى كل وادى.
ولكن لاتتعجل الشماته فينا فالاسلام وأهله قادمون وسوف ندافع عن ديننا وأرضنا وأهلنا الطيبين حتى آخر نفس فأبقوا على غيكم حتى يأتى نصر الله.
اللي بتسمية احتلال احنا بنسمية فتح على ايد سيدنا عمرو بن العاص وتحرير مصر من احتلال الروم وانت عارف من همة
انا فعلا بعلن اسفى لكل الشعب المصرى والاسلامى فى العالم كلة
انا فعلا عرفت غلطى يا ولاد وشكرا على كل المجهود اللى عملتوة عشان تعرفونى اد اية حجم خطائى
فكره هايله فعلا حكاية التمثال دى !بس انا عندى فكره احلى وهاتحقق عائد مادى لقطاع السياحه --- ايه رأيكو فى تمثال برأس فاروق حسنى وجسم دينا ياى حاجه اورجينال خالص