عبيط وأهبل!
نهاية تقليدية وركيكة، وتليق بمقام الحزب الوطني.. ونحن في انتظار الفيلم القادم عن قضية اللحية.
30/11/2006
نهاية سعيدة تلك التي انتهت إليها واقعة الحجاب مع فاروق حسني وزير الثقافة.. فقد زايد فاروق حسني علي الجميع، علي نواب الوطني، وعلي نواب الإخوان، وعلي الرأي العام الغاضب، الذي قاد المظاهرات ضده.
اتضح أن فاروق حسني لم يدل بأي رأي في الحجاب، وأن مجلس الشعب التايواني هو الذي ثار وغضب من تصريحات وزير الثقافة التايواني عن قضية الحجاب.. وأن القضية كلها كانت فبركة من «المصري اليوم»، التي نسبت تلك التصريحات إلي وزير الثقافة المصري فاروق حسني.. ثم عامت الصحف الأخري والفضائيات علي عومها.. وافتعلت الصحافة كل هذه الضجة لأسباب غير معروفة، وربما بالتواطؤ مع جهات معادية، للإساءة إلي فاروق حسني وإلي الحزب الوطني.
كنا أمام فيلم هندي أو تايواني من تأليف فاروق حسني، وتمثيل فاروق حسني، ونواب الإخوان والحزب الوطني، ومن إخراج الوزير مفيد شهاب، الذي شارك في كتابة السيناريو للفيلم، والذي كان له الفضل الأكبر في حسم نهاية الفيلم علي هذا النحو، الذي ظهرنا فيه كمجموعة من المغفلين والأغبياء والمتخلفين عقليا، والجمهور عبيط وأهبل هو الآخر.. بدليل هذا الإقبال الشديد علي فيلم الحجاب الذي تم عرضه في كل دور السينما.. ومساهمة من الحزب الوطني في زيادة انتشار الفيلم قام بعرضه في الميادين والساحات الشعبية علي شاشات كبيرة، لكي يشاهده أكبر عدد من الجمهور بالمجان.
وكل هذا كوم.. ونهاية الفيلم كوم آخر! فقد أعلن بطل الفيلم الفنان القدير فاروق حسني أنه يفكر في دراسة إنشاء لجنة دينية تابعة لوزارة الثقافة، تتولي قراءة ومراقبة وتصحيح المطبوعات الصادرة عن الوزارة وعن لجانها وهيئاتها ومؤسساتها.
وأقترح علي وزير الثقافة المصري، وليس التايواني، أن يبدأ نشاط هذه اللجنة الدينية، بإصدار كتاب عن قضية الحجاب، يتم فيه تفنيد تصريحات وزير الثقافة التايواني حول الحجاب وضحدها، وبيان الأخطاء التي وردت بها.. ثم أقترح عليه إخراج فيلم طويل عن الحجاب، تخصص له ميزانية ضخمة.. بما يليق بالقضية الأولي التي تشغل بال الشعب المصري.. ألا وهي الحجاب.
نهاية لا تختلف عن نهايات الأفلام المصرية، البطل يتزوج البطلة، ثم «يخلفوا صبيان وبنات».
نهاية تقليدية وركيكة، وتليق بمقام الحزب الوطني.. ونحن في انتظار الفيلم القادم عن قضية اللحية.
• هوامش الكتب.. قصائد وتكفير.. وأرقام تليفونات!
• وزير الأوقاف والهجوم علي الإخوان
• الطريق إلي الديمقراطية
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
Heyya Di Masr Ya 3(h)abla!!!!!!!
كلام معقول برضه يا مجدي حكاية تايوان دي .. ياهـ ... تصور أنا صدقت يا أخي وطلعت عبيط وأهبل زيك كده بالظبط .. أتاريه كان مبسوط ولا هامه وكان عايز الشعب المصري اللي ظلمه يعتذر له ويبوس إيديه عشان تفضل ترعانا وترعى ثقافتنا وثقافة ولادنا .. أما إننا ناس مهابيل ... تصور يا أخي صدقنا الفيلم ؟؟؟ اللي كتبه مفيد شهاب ومثله وأخرجه فاروق حسني اللي عمل فيه دور البطل والبطله كمان زي عادته في الحقيقه .. أيوه يا مجدي دي إضافه من عندي .. مش حضرتك قلت البطل بيتجوز البطله .. طيب آديك وقعتنا في مشكله .. يا ترى نخلي فاروق بطل ولا بطله ؟؟؟ عشان كده أنا راح أخليه يعمل الدورين وهيكون فيهم أحسن بكتير من علاء ولي الدين في الناظر وطبعا أطعم من هنيدي في يانا يا خالتي .. بكده تكون النهايه معقوله ... لكن حضرتك برضه نسيت المنتج يا أستاذ مجدي .. برضه كده ؟؟؟ حد ينسى ماما سوزي الحنينه السكر دي اللي حلفت ببرطوشة أبوها (راسه يعني) يا ترجع صاحبتها فيفي الوزاره يا ما هياش قاعده في البيت وحتسيب مصر وترجع لبيت جدها في ويلز ببريطانيا عند خالاتها هناك وممكن يلاقولها عريس .. ولا يجوزوها تشارلز اللي راح يتوج قريبا ملكا لبريطانيا ولا حوجه للمصري المعفن الواطي اللي هنا اللي عايزه تعمل منه ملك لكنه أوطى من كده بكتير ... دي عمله يا مجدي برضه تنسى المنتج يا راجل ؟؟؟
على فكره يا مجدي إحنا مش ناسيين أن جرنالكم هو اللي نشر قصة الفيلم ، عشان كده خلي بالك ممكن ماما سوزي السكر الحنينه تقفلهالكم .. يالا أحسن .. عشان تبطلوا أوشاعات يا وحشين ...
إبن بهيه
http://ibnbahya.blogspot.com/
ههههههههههههه انا بضحك على كلام ابن بهيه مش كلام مجدى مهنا
استاذى الفاضل / مجدى مهنا
السيدالمحترم ابن بهية :
اولا شكرا على كل التوضيحات لكن اسألكم واتستحلفكم بالله حد يقولى مين الاهبل والعبيط واللى بريالة احنا ولا هما حد يسيب وزير يفض فى منصبة من عام 1986 الى عام 2006 انتم شاربين حاجة
وبعد كده الاخ مجدى مهنا بيقولنا ان الفيلم ده جامد طيب ما هو الفيلم الاجمد بعد ما اثار مصر اتنهبت والناس اتحرقت فى قصر الثقافة وانتم سايبين الراجل ده ولا بلاش راجل لاحسن يزعل سايبنه كده ازاى واحد وعشرين سنة وزير
مش عارف اقول حاجة لان مافيش حاجة تتقال غير حسبى الله ونعم الوكيل
ا مجدى مهنا فهمنا قصدك
السيد ابن بهية تحية من اخوك رئيس تحرير اللى دعاك واى الان لم تقبل دعوته
رئيس تحرير
من قضيه النقاب ,, لسعاد صالح وسبها للمنتقبات ,,, للحجاب ,, لفارق اقصد فيفي حسنى ,,, ..... ياترى ايه اللى جاى بعدين ؟؟؟؟؟
كل ده والتوريث مستمر ..... زى السكينة فى الحلاوة . على راى اللمبى
لا للتوريث وطظ فى الدشم
خبر عاجل
فاروق برىء يارجاله- الاخوان هما اللى الفو القصه -علشان يهدموا الانجازات التى تحققت فى العهد الماضى والحاضر والمستقبل- مش عيب عليكو تصدقوا الاخوان وتصدقو جرنال المصرى اليوم-ما هو المصرى اليوم غير المصرى امبارح - والصحفى بتاعكو طلع عميل لكنتانوبيا وبيقبض منها دره مشويه على الكورنيش - وطالما ان الامر طلع هبل فى هبل - يبقى كلام الحكومه صح - انتو ماينفعش تصوتو فى اى انتخابات لانكم هبل والحكومه هى الوصى عليكو ياهبل- وروقه - اقصد سكر بيه المحلى - اتظلم فى اللعبه دى -شعب مابيعرفش يقراء ولايفهم الحكايه ان سكر بيه لما اتكلم على الحجاب كان يقصد الحجاب الحاجز لكن انتو نيتكو وحشه فسرتو الكلام على مزاجكم - قال ايه خريجى جامعات قال جاتكو النيله جهله - حد يشتم فى سكر بيه منهم لله الاخوان - دايما كده يظلمو الشرفاء - ولابلاش الشرفاء دى- دايما يظلمو المثقفين - الراجل كان بيتكلم عن الحجاب الحاجز اللى بيفصل بين الامعاء والاذن الوسطى - انتو فهمتو غلط - اه يابلد - مش كفايه عليكو الراجل مثقفكو-عشان كده اقترح نألف نشيد فى حب فاروق نقول فيه - مين ثقفنا مين قدمنا مين فهمنا = سكر/ مين علمنا مين شغلنا مين وسعنا= سكر/ مين ظلموه مين دبحوه مين هانوه=سكر/ مين متطرف مين ارهابى مين متخلف =مسلم/ مين اخرنا مين ضيعنا= مسلم/ - اه يابلد بقى الراجل المحترم دا تعملو فيه كده- الرجل الاوسع ثقافه فى مصر تعملو فيه كده - مفخره مصر - تعملو فيه كده- طب ايه رأيكو ان صورته ها يحطوها على العلم بتاعنا بدل النسر - قال نسر قال- بالذمه نسر ولاسكر- دا حته يبقى علم كله سكر- واوعدك انه ها يتباع منه كتير بره مصر فى اوروبا والدول المتجدمه- واكيد ها يعملو له عمله تذكاريه بدل ابو الهول- ورمسيس- والشله دى لانها موض
اقرأ بقية التعليق ..
بصراح انتم زي حكمكم كل من يخلفكم الراى هو عميل او بيحارب الاسلام بالظبط نسخة مكررة من الحزب الوطني مستبدين في افكاركم وارئكم اتمات جاهزة او مفبركة لا تسمعون الا اصواتكم هذا الاسلوب في التجريح والسباب لكاتب المقال لانه وجهه نظرة مخالفة لما تريدون ان تسمعونه يا ابن بهية اسفة اقولك عبد الناصر زعيم عربي عظيم ولا اري في الدفاع عن فكرهة ان نشتم الاخرين بل ان نتكلم في اعراضهم ونخوض في مسائل شخصية ثم اذا كنت لا تريد ان يسب احد الناصريون والاخوان المسلمين فلماذا تعطي نفسك هذا الحق يا اخي لماذا انتم دائما تتوسمون في من يخالفكم الرائ العمالة و الخروج عن الاسلام وهي اتهمات خطيرة وا رجعوا لسيرة نبيا الكريم محمد عليه الصلاة والسلام لتعلما جميعا كيف كان رجل دولة ورجل دين