انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

لواء.. مخربش!

ولاد البلدقراءة في ٤ د

هو قائد حرس جامعة عين شمس وبدأت قصته الدامية في عام 2003/2004 بجامعة حلوان وقت أن كان قائد الحرس الجامعي فيها

06/12/2006

حسام الهندي – ولاد البلد:

تابع الكثير أحداث جامعة عين شمس والبلطجية الذين تم الدفع بهم لضرب الطلبة، لكن العديد ممن يستغربون لم يفطنوا إلى أن هذه الأحداث بدأت في الجامعة من العام الماضي بدءا من حادثه الاعتداء على الطالبتين نعمة وأمينة.

وهناك اسم يجب أن يذكر كان له دورا في دفع بعض الجامعات لتكون ساحة للاقتتال والحروب الأهلية أنه.. اللواء محمود عبد اللطيف، من هو هذا اللواء.. لن نطيل..

قائد طابية

هو قائد حرس جامعة عين شمس وبدأت قصته الدامية في عام 2003/2004 بجامعة حلوان وقت أن كان قائد الحرس الجامعي فيها وقصته مع الطالب أحمد عبد الحميد الذي اعتدي عليه بالضرب في صدره وذلك أمام الأستاذ الدكتور عمرو عزت سلامة رئيس الجامعة وبعد هذه الحادثة بيومين وفي صباح الخميس 23/10/2003 وأثناء يوم رياضي لبعض طلاب التيار الإسلامي أدخل الطلبة ترابيزة بينج بونج وكانوا يرتدون الترينجات واليوم كله رياضة في رياضة.. وبدون سابق إنذار دخل الأمن المركزي إلي الجامعة وعمل كردونا حول الطلاب والطالبات أمام كلية الآداب وأعطي تعليماته بضرب الطلاب.

أحد الطلاب واسمه بكر سيد عبد العال حاول الخروج من الكردون فأشار اللواء محمود عبد اللطيف إلي العساكر بإحضاره وضربه باللاسلكي علي رأسه بنفسه وقال للعساكر موتوه.. الممرضة بكلية الصيدلة حولته لمستشفي الجامعة لعدم قدرتها علي خياطه الجرح الذي كان حوالي 6 غرز..

والطالب أحمد عبد الحميد كليه التجارة الفرقة الرابعة الذي تم إسقاطه على الأرض في نفس الغزوه وأنهال عليه الجنود بالضرب والركل بالأقدام حتى خلعوا كتفه الأيمن وتم إثبات الحالة في تقرير طبي صادر من مستشفى جامعة حلوان

ولم يقتصر الأمر على ذلك فقط بل الأمر امتد لاختفاء بعض المتعلقات الشخصية للطلاب فقد اختفت 8 حقائب وعدد كبير من أجهزة المحمول والنظارات الطبية والمبالغ المالية كان الطلاب يضعوها في الحقائب لآن اليوم كان رياضي..

وراكم يا ولاد الـ..

في عهد نفس اللواء أيام عمله في جامعة حلوان صدرت مجله تسمي "جأنا البيان التالي" يقوم بتوزيعها طلاب الأمن وبمعرفه قادة حرس الكليات.. هدف المجلة كان ببساطة تشويه صورة الطلاب الناشطين. ولم تتوقف إلا بتدخل العديد من أعضاء هيئه التدريس للتحذير من خطورة هذا النهج.وللأزهر نصيبانتقل المارد الأسود بلون زيه الرسمي في الشتاء إلي جامعة الأزهر واعتدي علي الطلاب، ولكن رد الطلاب عليه وضربوه لينقل بعدها إلى جامعة عين شمس حيث بدأ العام الجديد بالاعتقال الشهير للطالبتين نعمة جاد عبد الباسط وأمينة غانم عبد الجابر كلية البنات، جامعة عين شمس يوم 2 أكتوبر 2005.

وتحكي الطالبتان وبشهادة د. عايدة سيف الدولة، أستاذة الطب النفسي جامعة عين شمس "جاء خمس ضباط واللواء محمود عبد اللطيف، قائد الحرس وكانت الساعة حوالي السادسة مساء وقالوا لنا "تعالوا المكتب عشان نعمل لكم فيش وتشبيه".. دخلنا ممر.. نعمة كانت ماشيه قدام أمينة.. نعمة قالت له "طيب إديني بطاقة أبويا".. شخط فيها وقال: "أنت بتستهبلي!!".. وفجأة شد الحجاب من على رأس نعمة ورماه على الأرض.. ومسك نعمة من كتفها وأبتدأ يزق ويضرب فيها.. أمينة شافت المنظر ده أبتدت تصرخ والضباط مسكوها وكتفوها.. تقريبا خمس ضباط كانوا ماسكينها وفضلت تصرخ".

"قام العساكر بشد نعمة وجروها على السلم وحطوها في عربية ميكروباص.. نعمة بصت ناحية أمينة لقت الضابط محمود عبد اللطيف عمال يضرب في رأسها ورقبتها ويخربشها ويحاول يخلع عنها الخمار وهي ماسكة الخمار بإيديها"..

وتضيف الدكتور عايدة سيف الدولة: "استمعت لشهادتيهما يوم 17 أكتوبر 2005.. أي بعد خمسة عشر يوما ومع ذلك لازالت بقايا آثار خربشة اللواء محمود عبد اللطيف على رقبة أمينة وبقايا آثار لكماته على ساق نعمة".

وتكمل عايدة سيف الدولة قائلة "والسؤال الآن ما هو موقف إدارة الجامعة مما تعرضت له الطالبتان؟ ما هو موقف إدارة كلية البنات حيث تدرس الطالبتان التاريخ وعلم النفس؟ متى يخرج اللواء محمود عبد اللطيف وأمثاله من الحرم الجامعي ويتركوا الحرم لأصحابه.. الطلاب والأساتذة؟".

ونحن نضيف إليها لماذا لم يتخذ أي أحد إجراء ضد اللواء محمود عبد اللطيف بعد الذي حدث في جامعة عين شمس هذا العام من اقتحام للبلطجية للحرم الجامعي والاعتداء علي الطلاب.. لماذا يتنقل سيادة اللواء من جامعة لأخرى.. هل للاستفادة من خبراته العظيمة في قمع الطلبة أم لأسباب أخرى..

عدد التعليقات : 20

• قاطع مظاهرة تكسب جامعة

• التعديلات الدستورية.. رأيك إيهّ!

• اطلع بره.. مش عايزينك!

• جمال والمليونيرات والشعب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. إبن بهيه كُتب في
    ما قدرتش أكمل الموضوع .. خفت الوولف يعضني ويبوظ الضغط معايا
    الله .. الله .. إيه ده ؟؟؟ ده مش ضابط بقى .. ولا حتى بلطجي .. ده كلب حراسه غشيم ومش متدرب خالص على الحراسه .. بيعض بس من غير هوهوه حتى .. يخرب بيته ليكون مسعور والعيال يا ولداه يموتوا .. أنا لو مكان أي طالب منهم وعمل معايا كده بصراحه رايح أطخه عيارين وأخلص الناس من شره ..فيها إيه ؟؟؟ كلب وراح .. حاجه بجد تجنن .. والنبي دي حكومه ودول أمن ؟؟؟ أنا بصراحه باعتذر لأنني لم أكمل الموضوع .. وصلت لغاية جامعة الأزهر وقرفت وضغطي علي .. يمكن بكره أقدر أقراه .. ربنا ينتقم منه ومن أمثاله من بوبيهات مبارك الواطي .. بوبيهات إيه بقى ؟؟؟ ده لواء وولف متوحش .. هو إيه أضخم نوع في الكلاب ؟؟؟ يمكن يكون الوولف ..
    إبن بهيه
    http://ibnbahya.blogspot.com
  2. ABDOU كُتب في
    WE SHOULD KILL THEM
    I THINK IF SOMEONE DID THIS TO ME, I WOULD KILL HIM RIGHT AWAY, AND HE'LL BE AN EXAMPLE TO ANYONE WHO'D EVER THINK OF DOING SUCH A THING TO PEOPLE, BECAUSE PEOPLE ALREADY HAVE MORE THAN ENOUGH, FROM WHAT I KNOW ABOUT THESE DOGS, THEY'RE MORE SCARED THAN THEIR VICTIMS, THEY'RE JUST HIDING BEHIND THIER UNIFORMS.
  3. ههههههه كُتب في
    بلد بتاعه اسماء صحيح
    اللواء بيطلبوه بالاسم
    والبلطجيه بالاسم
    والوزراء بالاسم
    والنصابيب بالاسم
    والمعتقلين بالاسم
    واه الخابه ده مفيش عالم بالاسم
    لكن الحمد لله
    في عالمه بالاسم
  4. لواء ديلفري كُتب في
    محمود ابو الرجال
    انا راي الرجل ده يحطو عليه يفطه تحت الطلب
    لف كل الجامعات ناقص القاهرة وجامعه الدول العربية لو فيها كان ظبط وزراء الخارجه
    حاجه وسخه وتكسف و
    وده انسان زباله
  5. الطوارق كُتب في
    لماذا هذا كله
    ماذا فعل هؤلاء الطلبة المحترمين الذين هم من خيرة اهل البلد والذين هم ستقع عليهم ادارة المستقبل ،الا يفكر هؤلاء المتجبرين الضالمين بماذا يمكن ان يكون في المستقبل .
    والله انا اسكن في المانيا وانا مسلم والحمد لله ولي نشاطاتي الاسلاميه البسيطه ولكن مرايت في يوم من الايام اي معارضه من الاجانب هنا .
    لماذا كل هذا ، ألكونه من ؟؟؟؟؟
    لا اعرف
    اعتذر لللاطاله والسلام عليكم
  6. نشكرك كل العرب كُتب في
    الهندي
    نشكر الاخ طوارق ومجهود الرائع ومتابعته للموضوعات المصريه مع انه في المانيا
    والله في مصرين عيشين في مصر وميعرفوش حاجات عن مصر
  7. كس أمه وكس أم اي لواء زيه كُتب في
    لواء
    ده لو يهزدي معملش فينا كده
    ابن المتناكه
  8. روضه كُتب في
    اكيد فى مصر
    يبقى انت اكيد اكيد فى مصر
    مادام كانت الساعه 6 _يعنى وقت صلاة العصر_ ساعه مقبض على امينة.
    عموما يبقى انت اكيد المصرىىىىىىىىىىىىىى!!
  9. مخنوق جداً كُتب في
    بلطجي
    لو الكلب دا جي عندنا جامعه القاهرة هل هيضرب والطلبة هتربية
    وبعدين حيوان زي دا ازاي ميتحكمش لحد دلوقتي
    هتوقلي يتحاكم ازاي ومين اللي هيحاكمه ما كلهم اوسخ منن بعض
  10. pureangel كُتب في
    المفروض يتجازي
    صباح الاستهبال
    انا مش فاهمة ايه اللي بيعملوه الظباط ده
    ومين اللي بيدهم حق لكدة
    حسبي الله ونعم الوكيل
    يجيبوا شرطة الانضباط بدل ماهي شغالة في الهيافة تعمل حاجة للمصايب اللي بتحصل دي
  11. مصطفى محي كُتب في
    مش مستغرب!!!
    مش عارف ليه مش مندهش من كل هذه التفاصيل ومش مندهش أيضاً من عدم سؤال سيادة اللواء المبجل الفاتح العظيم عما يفعله، لست مندهش لأنه ومنذ فترة أصبحت لدي قناعة أن كل رئيس جامعة هو بالضرورة تابع مطيع للأمن ومردد لخطاب الحكومة ولا أجدعها بغبان، وأضف إلي ذلك عمداء الكليات ووزير التعليم العالي، ياجماعة الجامعة قضيتها مرتبطة بقضية البلد كلها وعشان الجامعة تنضف لازم البلد كلها تتخلص من العفن الضارب فى كل حته، وقلبي بيقوللى (مش عارف ليه) إن الطلبة هيكون لهم دور كبير فى ده، وساعات كده خير اللهم اجعله خير بحلم بيوم الطلبة فيه معتصمين فى قلب ميدان التحرير أو أمام مجلس الشعب وبيطالبوا الحكومة بالاستقالة وبيدعوا كل فئات المجتمع بالتضامن معهم وبيطالبوا كمان إن الأمن يخرج بره الجامعة
  12. محمد عبد المنعم كُتب في
    كفاية
    كفاية بقى يا حسام
    البيه اللواء بقى شكلة وحش
    مشلازم يا أخي تحرجة بالشكل ده
    ممكن تحرجة بالجاز على طول
  13. مصرية مهمومة كُتب في
    يعنى جت عليه
    تحياتى سيدى
    ماده بيحصل دايما واحنا نستاهل اكتر من كدة
    ومثل مصرى بيقول يا فرعون ايه فرعنك قال ملقتش حد يردنى
    وبعدين الاشخاص اللى سيادة اللواء اعتدى عليهم يبدو من كلامك انهم اخوان
    فما الراى فى شاب قدم اوراقه لانتخابات الاتحاد _جامعة حلوان برضه_فقالوا لا تسال ثانية انت طلعت كفاية وفتاة اخرى قيل لها عندك محضر اداب
    على فكرة الامر يتمصوريا حتى لا يملك احد من القلة المارقة امثالنا الاعتراض
    شكرااااااااااا
    مصرية مهمومة
العودة إلى الأعلى