التقطيع هو الحل!
فنجد في النهاية أن السائقين قد رسموا خريطة جديدة للطريق، وعلي من يرغب في الوصول إلى عمله أو بيته، أيا كان مقصده، أن يوافق علي خريطة الطريق الجديدة دون قيد أو شرط.
07/12/2006
محمد عبد العاطي – ولاد البلد:
الشعب المصري منذ قديم الأزل ممكن تلبسه العمة، إنما تستغله وتسرقه عيني عينك فدي جديدة.. وهذا ما حدث في المواصلات اليومية من البيت للشغل، ومن الشغل للبيت. فمع ارتفاع أسعار الوقود ارتفع سعر البنزين 90 إلى 130 قرش، والسولار إلي 75 قرش للتر قام سائقي الميكروباص برفع الأجرة بمقدار 30 % وهو ما سمحت به المحافظة والحكومة.
وحكاوي الناس عن معاناتهم مع المواصلات لا تنتهي، فتحكي هناء، طالبة ثانوي، عن مشكلتها بمنتهي الغيظ قائلة "عندما يتأخر الأتوبيس أكون مضطرة أن أذهب إلي المدرسة في المواصلات، وساعتها اكتشفت أنه لا يوجد مواصلة واحدة حتى مدرستي، فقمت بالركوب حتى آخر شارع السودان، ومنه إلي منتصف شارع فيصل (الطالبية) ومنه إلي آخر شارع فيصل حيث المدرسة الحبيبة، وبالطبع عند وصولي لم يكن لدي أي طاقه للدراسة".
أما عن العودة فالحل بالنسبة لها هو الطريق الدائري علي الرغم من خوفها من حوادث الطرق .
ويضيف سيد محمد، 28 سنة، أنه يعاني في الموصلات من ميدان لبنان وحتى عملة في الطوابق من أجل أن يصل إلى عمله في الوقت المناسب، وفي سبيل ذلك قد يضطر إلي ركوب أكثر من مرة في الطريق، وهو لا يدري أين دور الحكومة والمرور من ما يفعله سائقي الميكرباص واستغلالهم لحاجة الركاب ويتساءل هل من المعقول أن ينفق ثلث مرتبة في الموصلات فقط..
لا للزيادة
بعض الركاب لم يقبلوا تلك الزيادة واعتبروها نوعا من الاستغلال والسرقة العلنية فأضطر السائقين إلي الرضوخ ولم يرفعوا الأجرة ولجئوا إلي "الفلهلوة" لتلبيس الناس العمة بكل شياكة، فقاموا برسم خريطة للطريق لتجد عند منتصف خط الميكروباص يصيح التباع الذي مع السائق "الآخر يا حضرات واللي عايز يكمل يدفع أجرة جديدة".
أو من البداية ينادي التباع علي نصف المسافة فقط وبدلا من رفع الأجرة إلى 30 % فقط (لبس الناس العمة) وقبلوا بالزيادة 100% وذلك في مقابل أن يصل كل منهم إلي بيته أو عمله، أما من يرفض فما عليه إلا أن ينتظر في مكانه حتى يجد الميكروباص الذي يقطع المسافة كلها بدون تقطيع.
قبل التقطيع
وبسؤال فتحي علي أحد سائقي خط إمبابة - فيصل (قبل التقطيع) يقول بمرارة إن السولار غلي عليهم لدرجة أنه وصل إلي 75 قرشا للتر، وأنها ثاني مرة للزيادة في نفس العام، ولما قاموا برفع الأجرة غضب الناس، وامتنع الأغلبية عن الدفع وقاموا بالعديد من المشاكل والخناقات وأجبروا السائقين أن تظل كما هي.
وإلى جانب رفض الركاب الزيادة، فإن "الفكة" كانت مشكلة أخرى تحول بين الزيادة فيجب أن يصبح أحد الطرفين مدين للآخر. فالحل أنهم ينادون في بداية الخط حتى منتصفه "أرض اللواء"، وقبل وصوله لنهاية المنتصف بمحطة، يقوم التباع بلم الأجرة، وبعدها ينادي علي نهاية الخط "آخر فيصل" ومن أرد أن يكمل يدفع أجرة من جديد.
الحكومة السبب
سائق اسمه سيد قال أن الناس مظلومة، والحكومة هي السبب والتقطيع هو الحل، لأنهم "الجاز" غلي، هذا غير اضطهاد أمناء الشرطة للسائقين و"الإتاوة" المحصلة منهم ومن يمتنع عن الدفع يتعرض لسحب الرخص. إلي الدرجة التي وصل فيها بعض السائقين إلي عدم الاكتفاء بتقطيع الطريق إلي نصفين، فمنهم من قسمة إلي ثلاثة أو أربعة أجزاء.
فنجد في النهاية أن السائقين قد رسموا خريطة جديدة للطريق، وعلي من يرغب في الوصول إلى عمله أو بيته، أيا كان مقصده، أن يوافق علي خريطة الطريق الجديدة دون قيد أو شرط.
عدد التعليقات : 18
• التعديلات الدستورية.. رأيك إيهّ!
• جمال والمليونيرات والشعب
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
لما تستني كل يوم نص ساعه علشان تلاقي مكيرباص تقدر تقف فيه ويوصلك لحد نص المسافه علشان تستني نص ساعه تانية لحد اما تلاقي واحد غيرة برده تقدر تقف فيهه ويوصلك وتنزل تمشي بعدها حبة برده
يبقي انت أكيد في مصر
تحياتى لكل المتبهدلين فى المواصلات
ولكنا اضيف اضافة عظيمة للتعليق على المبهدل في المواصلات واللى مش لوحده واقول
اذا لم تذهب الى الاوتوبيس بالثانية مثلا 8 و 6 دقائق وفاتك سوف يفوتك بالتالى القطار الذى مظبوط بالثانية للسفر بين المدن الداخلية وبالتالى سوف تتأخر على الترام اللى في البلد التانية وتوصل شغلك متأخر لانه كله محسوب بالثانيةحتى بين المدن وبعضها يبقى انت فين ؟؟؟؟؟
صح عرفت الجواب اللى ينور عليكم
ايوه على كوكب تانى خارج مصر الله ينور عليكم
وعلى فكرة ديه حقيقة مش اختراع بقوله
امضاء تلميذة
لن انسى صرخات الرجال والنساء كبار السن حين يلقى بينا ميكروباص الجيزة عند كليه الزراعة
والخناقه التى تحدث حول لازم تدينا ربع جنيه هنركب بيه للميدان او توصلنا
بصراحة حاجة تحرق الدم
حسبنا الله ونعم الوكيل
ولو كانت الاجرة 35 قرش
لو ادتلة ربع يستجير مهما قصرت المسافه
ولو ادتلة 50 قرش يرجع لى 10 صاغ فحسب!!
فعلا بلد بقيت لا تصلح للعيش فيها
انا عايز عربية مفيش حل غير كدا
فعلا الموضوع مشكله واقعية فى حياتنا ...
مشكله من مشكلات المصريين فى بلدهم ...
لكن طبعا بحكم انى مش عايشة فى القاهرة جايز مقدرتش اندمج معاكم اوى ...
لكن انا واثقة من اللى بسمعه وبشوفه عن بلدنا المعجزة ان دى اقل حاجة ممكن تكون عندنا ...
حسبنا الله ونعم الوكيل ..
موضوع كويس يا عم محمد،يعبر فعلا عن بعض مشاكل الناس الغلابة اللى كلنا ننتمى اليهم ،ارجو ان نهتم اكثر بمشاكلنا وهمومنا ونحاول القاء الضوء عليها حتى نتمكن من وضع ايدينا على الاخطاء ومحاولة حلها لا ان نعيش فى ابراج عاجية بعيدا عن المشكلات ،بمعنى انه لا يجب ان يكون عندنا انفصام فى الشخصية بين المشاكل التى نواجهها يوميا وبين ما نكتب .على العموم الف سلامة يا محمد وربنا يقومك بالسلامة ،وكله تخليص ذنوب يا سيدى ولا يهمك .
اشمعنى فيصل والهرم والجيزه يعني اللي بيشتكوا ؟؟؟ طيب حد قالهم يسكنوا في فيصل واسمه إيه ده الطوابق ... مالها الزمالك يعني ؟؟؟ ما تسكنوا في الزمالك ولا المهندسين ... صحيح إنكم ناس وحشه .. هي كل حاجه الحكومه ولا إيه ؟؟؟ يا ابني انته وهو الحكومه فاضيه للكلام الفارغ ووجع الدماغ ده ؟؟؟ قال مواطن وهمومه وقرفه .. آدي اللي ناقص ... يا حبيبي الحكومه عندها أجنده بتاعة مشروع التوريث بتاع الننوس الصغنن بتاع لجنة الوكسات اللي بيلموا فيها الشواذ والشمامين .. والمشروع ده أصله جاي من فوق .. من فوق أوي أوي أوي .. من الراس الكبيره ستهم سوزي الماسونيه اللي جوزوها الأهبل أبو رياله زمان لما حطوها في يطريقه وكانت بتدرس في الجامعه الأمريكيه .. ياه رجعتونا لما كان الولد لسه صغار وولد طيب من ولاد بهيه .. عمكم مبارك العرضحالجي المسكين كان بيشوف الكوته ويتبهدل كده زيكم آخر بهدله عشان يوفرله لقمة العيش والهدمه يروح المدرسه ، الولد كبر ودخل الكلية الحربيه .. وعيون الماسونيه الموجوده في مصر بتفرز الشبان وخصوصا الظباط واللي يعجبهم .. هنياله .. يحطوله بنت ماسونيه متأصله زي سوزي كده في سكته وزي جيهان زمان برضه ((يرجى مراجهة تاريخ السيدتين الحلوتين الأمورتين ونشوف الدور البريطاني في اللعبه وتنفذ الأوامر الماسونيه العليا)) ويوصلوه للعلالي .. العلالي خالص لغاية ما يبقى ريس .. شوف ازاي ؟؟ وبص ازاي بتقع الجرادل بتاعتنا وتوصل رهوان في أول الصفوف وطبعاً لازم تكون وفيه للي وصلها وتبوس الواوا الماسونيه وتطبطب وتدلع الصهيونيه .. أما الحثاله اللي بتقولواعليه الشعب ده .. يغور في داهيه ..
قال مشاكل ومواصلات ورغيف عيش وبلا أزرق .. هي الحكومه ناقصه ولا فاضيه للكلام الفارغ ده ؟؟؟ تكونوش فاكرين إنكم شعب بجد ؟؟؟ داهيه لا ت
اقرأ بقية التعليق ..
أنا أرى أنها قضياياللكل ليست لنا نحن كشعب فقط وإنما هي قضية للسائق قبل أن تكون لنا كما ذكر أ. محمد في المقال أنه عندما حزن الناس من رفع الأجرة واعترضوا على ذلك وامتنعوا عن دفع الزيادة فالسائق قد سبقهم بدفع هذه الزيادة في البنزين أو الوقود عامة للسيارة فإننا دائما ما نتكلم ونقول المشكلة على كل سائقي السيارة وللأسف هي ليست قضية السائق ولكن من يتحكم في السائق كما يتحكم فينا السائق والمنتفع هو المتحكم في السائق والمتضرر هو المتحكم فيه السائق ولا زال راتب العامل يكفي لمواصلاته وشراء طعامه في العمل فقط واهي دنيا وعلى المتضرر اللجوء للسير على قدمه والله من وراء القصد .
كلامك جميل يا استاذ محمد حيث أنك تختار المواضيع اللي على الجرح ووفقك الله
السلام عليكم ورحمة الله
أعتقد يا جماعة إن الأسباب الرئيسية لمشاكل المواصلات دي هي كالاتي:
1.السواقين أغلبهم مش بيشتغلوا ويوصلوا الناس علشان ياخدوا ثواب وأجر يعني...وإنما لمجرد المكاسب المادية...ودة سبب مهم جدا... لأن السواق لو بيوصل الناس وهو حاطط في ذهنه إنه كدة بيساعدهم وهياخد ثواب وكدة كان حرص إنه يوصل الناس لأفضل مكان بالنسبة ليهم مش بالنسبة له هو..
2.طبعا الظروف السيئة اللي البلد فيها بردو بتخلي السواقين عايزين يدوروا على مصالحهم ومكاسبهم وخلاص ... ولو حتى على حساب الناس... يعني مثلا ميكملوش الخط بتاعهم لاخره وكدة..
3.سبب كمان رئيسي ... إن مفيش قوانين حازمة تمنعهم إنهم يغيروا الخطوط أو ثمن الأجرة.
وأخيرا أعتقد إن أفضل حل... إن ميكونش في نظام سواقين الأجرة اللي بيشتغلوا لحسابهم الخاص دول...
ويكون في شبكة مواصلات (أوتوبيسات و ميني باصات وميكروباصات) تغطي القاهرة كلها وبشكل منظم وأسعار مناسبة...وتكون تابعة لهيئة النقل العام مش لحساب أشخاص..
وجزاكم الله خيرا
والسلام عليكم ورحمة الله
حتى إننا ندفع أجرتين برضو مش نافع
همه مش عايزين يضحكوا علينا
همه بياخدوا كذا أجرة بطرق أخرى و اسألوا اللي بيركبوا من الجيزة للهرم :)
مرة شرطي مرور شهـــم لقى سواق بيقول للناس طالبية هرم و هو أصلا ماشي لحد آخر شارع الهرم ... فراح موقفه و مركب الناس معاه و قال له نزلهم مشعل
مقدرش يتكلم
طيب و العمل ... كل واحد ينزل من بيتهم معاه شرطي المرور الخاص به ... !!!!!!!
يقال - والعهدة على مئات الرواة - أن سيارات المايكروباس يمتلكها ضباط شرطة غالبا من إدارات المرور المختلفة - وهوا ده السر في إنهم مش عاجبهم حد ولا بيعملوا حساب لحد
حد سمع الإشاعة دي غيري ؟؟
ويسرخ فى من هو عند الكنبه الاخيرة ليتاخر!! وقد تكون الجالسه فتاة فيقول الولد مفيش مكان فيصرخ ويصرخ طالبا منه اظن الجلوس على حجر الفتاة ليركب المزيد والمزيد.
كذلك تحشيرة وارجع ورا يااستاذ ؛خش جوة يااستاذ؛واللى مش عجيه ينزل كانة وزير المواصلات
وقتها بصراحة لا املك الا ان اتجاهل الرد عليه؛قائله حسبى الله ونعم الوكيل
انا المضروب على عينة من سواق الميكروباص
عشان قلتلة منفضلك وطىالكاسيت يا اسطى
ركبةعفريت واتلم علية هو واصحابة بالبوكسات على عينى لغاية لما ندمت انى طلبت منة كدا
ارجو من الجميعان يتروكو السائقين على حيرتهم
لحد وقت قريب كنت فاكر ان الكوسه والقرع من اهم المحاصيل اللى بتتميز بيهم مصر اما بعد ماقريت خبر حصول سيدة مصر الاولى
سوزانكو على جايزة حقوق الانسان من برلين بالمانيا قلت فى عقل بالى بركاتك يا مبارك انت ومراتك حلت على الكره الارضيه بحالها وكنت اتمنى ان سوزان هانم تاخد معاها ( رمضان التوربينى ) وكمان بقية الشله بقو .. وبزازه ... وحماطه والسويسى
ليكونوا شاهدين وخير دليل على جهودها هى وجوزها والنحروس الصغير جيمى بيه من اجل الشعب المصرى وحقوق الانسان وبالمناسبه كتبت قصيده جديده اهديها برضه لعمنا احمد فؤاد نجم وجميع الشعب المصرى الغلبان
فتح عينك تاخد جايزه
مليون جايزه كمان لو عايزه
بص يا محسن وانتى يا فايزه
ماما سوزان قال اخدت جايزه
جايزه لحقوق الانسان
المصرى المهرى الكحيان
هى وجوزها التور ابو ودان
ضحكوا على عقل الالمان
سافروا على العاصمه برلين
على حسابنا يا مستمعين
سايبنا عرايا وجعانيين
نستنى معونه واحسان
ارجع مصر يا ابن الهرمه
وهات القرشانه بنت الصرمه
خلى فى وشكوا حبة حشمه
دا بكره المستخبى يبان
وشوبش يا حقوق الانسان
فعلا والله يا محمد الموضوع ده مهم جدا... وانا طبعا زى كل الناس بعانى من الحكايه دى..ولا والجميل ان الموضوع ماوقفش على التقطيع, ده فى موضه جديده عملوها بالنسبة لشارع الهرم..انا كنت راجعه من الدقى فى المترو وجايا اركب من اول الهرم كل لما اقول لسواق ميكروباص حسن محمد او الطلبيه (وطبعا المنطقه دى فى نص شارع الهرم واصلا المنطقه دى هى بدايه التقطيع يعنى لما حد يركب يقوله لحد الطلبيه وبعدين يبدا يحمل تانى) يقولى لا..اسغربت اوى سئلت حوالى 7 سواقين ونفس الرد يقولى لا مشعل(اخر شارع الهرم)..وبجنيه,,يعنى مفيش تقطيع ولو عايزة تركبى سواء نزله مشعل او الطلبيه او حتى بعد شارع واحد تدفعى جنيه ..يعنى لا مفيش تقطيع وهى الاجرة جنيه عجبك عبجك مش عجبك عندك اتوبيس اركبيه..وطبعا انا مسكتش وقولت لسواق هو فى ايه.. ايه اللى انتوا بتعملوه فى الناس ده..قالى والله يا ابله نعمل ايه حطى نفسك مكانى صاحب العريبةعايز ستين جنيه منى فى اليوم والبنزين عليا وانا اللى خسران فى الاخر ..وطبعا الحديث ده اثار ناس كتير تتكلم واحد قال لازم تسعروا الاجرة وكمان هو فين المرور هنا والمحافظه ..واحد تانى قاله المحافظه عارفه وساكته وتالت رد عليه قاله تسعيرة ايه التسعيرة حرام العمليىة عرض وطلب واستشهد بحديث مش فكاره صراحه لانى كنت متنرفزة فاانا قولتله يعنى ايه راح واحد رد قالى استنى يابنتى هو يقصد ان احنا بيتنا يتخرب ..فا انا قولتله ماهو لو انت كل يوم بتنزل تروح شغلك وعشان ترجع بيتك تدقع يوميامش اقل من 5 جنيه يبقى ده اللى حلال.. السواق زهق وقال ها من جى
قولتله انا هاجى وهانزل الطلبيه وهادفع نص جنيه وركبت.. ولاقيت كذاحد عمل كده زى ماعملت وركب معايا واظطر السواق يوافق..بس طبعا ده سواق غلبان..ده لو واحد تانى كان ممكن يجب
اقرأ بقية التعليق ..
و الله يا جماعة اللي بيحصل ده حرام لكن الحل ان كل واحد مننا يكون ايجابي و يستحمل شوية و ميركبش مع الاستغلاليين دول و يصر على موقفه و يصبر لما يركب بنفس الاجرة المحددة من قبل و اللي يقدر يوصل الامر ده لالعضاء مجلس الشعب المحترمين او لواحد لواء محترم يبقى عمل الليي عليه
تشكر ياريس على غلوة الجاز والبنزين انتة عارف انتة كدة بضر مين بضر المواطن الفقير لان الجاز اكتر واحد بيستخدمة المواطن الفقير مش الغنى الى راكب عربية بمليون جنية هيهمة الجاز يغلةطبعا لا الفقير هوة الى تعبان الفقير الى انتة يا ريس مش عارف عنة الى حاجة لانة اساسا مش على الخريطة خريطة الطريق الى جهنم الى انتة حطوة فيها الرحمة يا ريس عندك فكرة يا ريس اللحمة بكام اكيد لا لانك بتبعت تيجيبها من برة احسن واضمن لان كل حاجة انضربت فى السوق حتى المياة الى بنشربها فيها مجارى بس ارجع واقول ربينا اقوة من الكل وربينا على المفترى وسمعنى سلام بودعك المرسل ماااااااااااااات
اولا الناس جهله يعنى عندما الوقود غلى ووصل ل80دولارطبعا الدوله مقدرتش تغطى الزياده من فلوس الدعم اللى الدوله بتدفعهفافضرت تغلى المواصلات وكان ده من شهر 9 اللى فات بسبب تضهور الاقتصاد العالمى بسبب حرب ليبنان لكن فى اول شهر 12رخص الوقود العالمى الى 54دولار المفروض بقى الناس تطالب الدوله بان تقلل الاجره بما يتناسب مع هذا الانخفاض الوقود العالمى
لكن طبعا الدوله متبعه اسلوب تجهيل المواطن فالاجره بعد مازادت بقت زى ماهى لم تخفض التعريفه والناس مش فاهمه كله بيفكر يدفع وخلاص ويقولك يعنى اعمل ايه ((جهل%جهل)) اهى ماشيا زى مياه النيل؛؛؛ لا تعلايق ياسر