لحوم العيد!
وحتي تظل السوق المصرية في حالة تعطش دائم للمنتج المحلي ويتزايد الطلب علي المنتج المستورد.. وتنتفخ جيوب السماسرة في الحالين.. وكل عام وأنتم بخير.
19/12/2006
جمال بدوي - الوفد
يصادف عيد الأضحي المبارك اليوم الأخير من السنة الميلادية، ومعني ذلك أن تتضاعف كميات اللحوم والطيور التي سيأكلها المصريون طوال نهار العيد وليلة رأس السنة في وقت ارتفعت فيه الأسعار بدرجة رهيبة تجاوزت قدرة المواطن البسيط علي تذوق اللحم. ولا أقصد المواطن القادر علي دفع ستين جنيها ثمنا لكيلو اللحم، أو مئات الجنيهات ثمنا للديكة الرومية لزوم سهر رأس السنة »!!«
** يقال في تبرير ذلك إن الأسعار أصبحت تخضع لقانون السوق منذ بدء تنفيذ برنامج الاصلاح الاقتصادي الذي أشار به علينا صندوق النقد الدولي، وبمقتضاه تتحرك الأسعار علي راحتها، ولا تتدخل الحكومة في مسارها.. وإلا.. طردنا من جنة الصندوق.. ومع ذلك تلجأ الحكومة إلي استيراد اللحوم من أقاصي الدنيا، وتبيعها للفقراء بأسعار متهاودة، وبذلك تنكسر أسعار اللحوم المحلية.
** وهنا يقفز سؤال يرد علي بال كل مصري: كيف استطاعت الدول المصدرة للحوم أن تبيع إنتاجها بأسعار رخيصة؟ ومن المستحيل تصور أنها تبيع بالخسارة شفقة علينا، أو مراعاة لظروفنا السيئة، بل المؤكد أنها تكسب وتحقق من تلك الصفقات الضخمة أرباحا مجزية.. فلما تهبط الاسعار عندهم، وتشتعل عندنا »!!« سيقال إن هذه البلاد تملك ثروة حيوانية ضخمة، ولديها مراع شاسعة.. فما الذي يحول بيننا وبين تحويل الصحراوات المصرية إلي مراع خضراء تتكاثر عليها جحافل الأبقار والأغنام مثلما يحدث عند غيرنا »!!«
** ثم إن حكومتنا، التي تزعم أنها لاتتدخل في آلية السوق، تخدعنا، لانها تتدخل من الباب الخلفي، وتدفع ملايين الدولارات ثمنا لصفقات اللحوم المستوردة من آخر العالم، وتتحمل نفقات النقل والشحن وفروق الأسعار.. فالتدخل قائم فعلا في المجال الخارجي، حيث الصفقات والعمولات »والذي منه«.. ولكن التدخل ممنوع في المجال الداخلي حتي لايغضب علينا الصندوق، ولكي تنتعش كروش تجار الأعلاف، وأباطرة اللحوم، وحتي تظل السوق المصرية في حالة تعطش دائم للمنتج المحلي ويتزايد الطلب علي المنتج المستورد.. وتنتفخ جيوب السماسرة في الحالين.. وكل عام وأنتم بخير.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
منين اجيب ناس لمعناة الكلام يتلوه
ان صح قولى اشهدولى وأن كان غلط انسوه
أنا المصرى اللى طول عمرى بالحديد حكموه
اكلونى لحم ولما ما فضلش غير العضم رموه
عايش ومش عايش والعيشه بقت مره
سنين طويله مافرحتش ولا مره
والكدب شغال عن افراح جايه ومسره
انا مش لاقى ااكل وبيكلمنى عن الذره
يا اخوانا ما فى شىء فى بلدنا ما تبعشى
طب والفلوس راحت فين اناعن نفسى معرفشى
ولو حد سأل كانوا فى المعتقل نفخوه
بياع وسمسار وحواليه الكلاب يحموه
طيار وجبار وعلى تلها مبلط
لا والمصيبه عايز ابنه كمان يلهط
طايح فى عزبة ابوه فرحان ومزقطط كان يوم مهبب يوم ما البعيد ولدوه
هم فى الدول المصدرة يبيعون لحوما وابقارا مريضة وهناك موضوع حدث قريبا بشان تلك الابقار المريضة والحكومة طبعا عارفة انها مريضة بس بيقولوا ان المصريين معدتهم تهضم الزلط وعلى راى واحد مسئول هو احنا لو اكلنا واحد غربى اكل مصرى هيعيش اساسا
كل سنة وانتم طيبين ومن الاحمة شبعانين وعلى الحكومة رضيين
واسفاااااااه
وشكرا على القصيدة الجيلة المهداه الى
الجمهوريةالملكية الفوضوية الاسلامية الدوشجية المتحدة
وكل عيد وانتم بخير
تلميذة
ايه يا جماعة طيب مش لازم تاكلوا لحمة كلوا بسكويت او جاتوه طيب فى ايه ليه شاغلين نفسكم باللحمة والكلام الفاضى ده وبعدين كيلو اللحمة ب35 جنية بيعمل من 6 الى 8 قطع بعد ما تشيل اللى الجزار حطه يعنى القطعة بحوالى 4.5 جنية ودممكن ب2 جنية نجيب 2 بسكويت مع كوباية شاى بحليب وتبقى قضيت لكن لحمة دى كلام من الرفاهية وعلية القوم بس هم اللى ياكلوها والاخوة المسيحيين برده ممكن يكملوا صيام واهه كله بثوابه وممكن نعمل حاجة تانية ممكن ناكل فى نفسنا ارخص بس المشكلة هندبح مين على العيد ؟؟؟؟؟؟؟؟؟؟
ممتازة جدا , وتحمل معانى كتيير
العجيب أن إخوانا المعلقين هنا عجبتهم القصيدة الحلوة بتاعة الأخ محمد وسابوا الموضوع .. باين وواضح أن الجميع وصل إلى حالة من الملل والقرف الشديد ..
وكمان موضوع اللحمه ده الظاهر إنه بقى زي الكلام في الدهب والألماظات والسوليتير .. يعني مش الكل بيهتم بيه ..
عموماً باتمنى من إخوانا في ولاد البلد يرحمونا من صور أفراد العصابة دي اللي كل يوم يحطوها في الموقع وعلى المواضيع .. فيه إيه يا ولاد البلد ؟؟؟ هي ناقصه يعني ؟؟؟
الرحمه شويه ..
إبن بهيه
http://ibnbahya.blogspot.com/
الشعب ماهوه الا
جزر بطاطس وبسله
داخل فى وسطيهم كوسه
وادى الطماطم مفعوصه
ولونها احمر لون الدم
والكل عايم قشطه ياعم
بهرات وتوم والذى منه
الشعب جاهز بسم الله
ان شالله يعجب طبق اليوم
العمده ويا جميع القوم
اكيله طبعا اه معلوم
على رأسهم عم علوله الشعب جاهز بسم الله
انتم تتكلمون عن اللحمة ؟ اللة هى طلعت
ومين بيحلم ياكل لحمة ؟
زمان قوى ايام ماكان فية مظاهرات قبل ظهور الامن المركزى والشرطة اللى بلباس مدنى حصل ياسيدى ان اللحمة غليت
وطلعنا فى مظاهرة فى القاهرة نهتف
يافلان بية اللحمة بقت بجنية
علشان اللحمة بقت بواحد جنية عملنا مظاهرات هى بقت بكام دلوقتى
ياناس كفاية انتم السبب