حب من طرف تالت..
الحمد لله محمود وسعاد تزوجوا منذ عام، لكن مازالت مديحة هي الوسيط في كل خناقتهم وكانت موجودة أثناء زيارة محمود الأولى لبيت سعاد، وأثناء الخطوبة وكتب الكتاب..
06/04/2006
- هي بتحبك؟
- لأ
- يعني حب من طرف أول
- لأ.. من طرف تالت
- موش فاهم
- هي بتحب واحد وهو بيحبها، وأنا بروح أقعد معاهم عشان بيتكسفوا من بعض
الحوار السابق من فيلم ظرف طارق، طبعا الإفية تسمعه لأول مرة في حياتك، لكن الغريب إني لما سألت الشباب فوجئت إنهم عندهم حكايات كتيرة عن موضوع الطرف التالت ده.. اللهم أجعلنا دائما طرف أول..
صديق العلاقة
في الشغل، كان محمود قد اتخذ قرار بعد مشاورة أبوه وأمه وخالته وعم بخيت البقال، إنه يتقدم لسعاد زميلته في نفس القسم، وكانت مديحة مديرتهم هي الوسيط، لإنها زميلته وزميلتها، ولإنها قريبة منهم هما الاتنين..
الحمد لله محمود وسعاد تزوجوا منذ عام، لكن مازالت مديحة هي الوسيط في كل خناقتهم وكانت موجودة أثناء زيارة محمود الأولى لبيت سعاد، وأثناء الخطوبة وكتب الكتاب..
مديحة فخورة جدا بإنها السبب في اتمام الزواج، وإن أي مشكلة صغيرة أو كبيرة بينهم هي بتكون الحكم فيها..
لكن الحقيقة التي يقولها محمود في سره أنها ليست فقط الحكم، بل هي أحيانا تكون السبب في الخناقة، والسبب أن سعاد لا تستطيع أن تمسك لسانها عن حكي كل أسرار البيت للطرف الثالث في العلاقة.. مديحة!
أما سعاد، فهي طبعا مبسوطة جدا بوجود مديحة في حياتها، لإنها تقوم بدور الحماة بالنسبة لمحمود بعد وفاة والدتها، وبالتالي فوجودها ضروري.. وهو الجواز يبقى جواز من غير حماة!
الإشبين
في فيلم أمريكي شهير اسمه kissing a fool أو "تقبيل مغفل" هتلقي فكرة الطرف الثالث هي البطل في الفيلم، واحد عرف صاحبه بواحدة زميلته، وكان الوسيط بينهم، وهما حبوا بعض، وعشان صاحبه يتأكد إن حبيبته مش بتخونه، يطلب من الأول إنه يختبرها، ويختبرها، وتحبه هي، ويتزوجوا آخر الفيلم..
رغم إن الفيلم كوميدي وغير واقعي، إلا أنه لفت نظري لنقطة مهمة جدا، وهي إن الطرف الثالث يكون دائما هو الشخص المناسب لإنه يصبح الطرف الثاني فور انتهاء صلاحية العلاقة..
ماجي تحكي لناعن سماح الخاينة اللي باعت العيش والملح وهانت عليها العشرة، والسبب إنها حاليا زوجة مدحت، وأكيد إنت خمنت إن ماجي كانت بتحب مدحت وسماح كانت الطرف الثالث...
سماح لها رأي مختلف تماما، فماجي هي التي تركت مدحت فورا ودون أي أسباب بعد أن تقدم لها ابن خالها القادم من أمريكا، وماجي نفسها هي التي طلبت من سماح أن تقف جانب مدحت لإنه تعبان، ولإن مدحت كان تعبان فعلا، فقد كانت سماح هي الدواء.. وبالرفاء والبنين..
بيبو فرقع جيجي
واحد صاحبي متجوز من عشر سنين، وكان لمغامراته في الجامعة صدى أهم من فوز مصر بكأس العالم، ولإنه خبير قلت أسأله عن رأيه، فقال:
شوف، أهم حاجة إن الولد ميسمعش رأي الطرف التالت في البنت، خاصة ولو كان الطرف التالت ده بنت..
البنت عموما بتكون شايفه في صاحبتها عيوب ممكن تكون بسيطة من وجهة نظرها، لكن لو الولد عرفها ممكن يفركش الموضوع كله للسبب ده...
صاحبي عنده حكايات كثيرة عن قصص فشلت بسبب إن صاحبة البنت كانت دايما بتقول رأيها بصراحة في صاحبتها قدام الولد.. وغالبا الولد مش بيكون حابب إنه يسمع عيوب في حبيبته، وغالبا برضه البنت موش بتحب تقول كلام كويس عن صاحبتها.. حتى لو من باب المجاملة..
صوت وصورة!
ثانية واحدة قبل ما أخلص الموضوع، افتكرت إني أحكيلكم شوية عن الأغاني اللي بتتكلم عن الحالة دي..
لا حظت إن في أغاني كتيرة بتتكلم عن الموضوع ده، أهمها "عمال يحكيلي عنها" لهشام عباس، و"بتحبيه لهاني شاكر، و"حبيبي وصاحبتي" لشيرين وجدي، و"ده اللي انتي طايره بيه" لمحمد محي، و"بتحبها ولا" لأنغام، و"حبها جوة القلبين" لفريق واما..
وطبعا هتسألوني ليه منزلتوش الأغاني مع الموضوع، الإجابة إني دورت كتير على أي أغنية من دول ملقتش، زائد إن الـBndwidth بتاعة الموقع بعافية، وزوار ولاد البلد طول اليوم عمالين يعملوا داونلود لما الموقع هيقع..
المهم، واضح إن الموضوع كبير، وإن الظاهرة خطيرة، وإن الحكايات كثيرة جدا..
طيب، بما إن الحكايات كثيرة جدا فلا داعي لكتابة المزيد منها، لإنك بالتأكيد تعرف أنت أيضا حكايات أكثر.. إحكيلنا.. سواء كنت طرف أول أو ثاني.. أو حتى ثالث.. ويا بخت من وفق راسين.. في الحلاااااااااااااااال!
عدد التعليقات : 19
• مات فؤاد المهندس صامتا.. فرحلت معه ابتسامة مصر
• عن جلسة المواطنة والديمقراطية!
• 3 أفلام حسمت موقفها!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
سلامو عليكو..
أنا بس حبيت أقو إن الموضوع ده "طريف" أوي..
نسيتو اغنيه راغب علامة اسف حبيبتي
بردو فيها الشخص التالت
على فكرة الشخص التالت ليه اسم معروف في وسط الشباب ولكن لكل مقام مقال وانا في موقع محترم مينفعش اقول ايه هو
جوليا روبرتس عملت الفكرة دي في فيلم " زواج صديقي" لو كنتم شفتوه
كانت الطرف الثالث بين صديقها الانتيم اليل بقالها معاه 10 سنين وبين حبيبته وفجاه وهي بتلعب الدور ده بتحس انها كانت بتحبه من زمان وهي متعرفش ويفضل الفيلم يصور المقالب والافكار الشريرة اللي بتحاول جوليا بطريقه كوميديا التفرقه بين الحبيبين
اللي عايزه اقوله ان العلاقات الانسانية الطيبة شئ جميل بس خصوصية العلاقه الزوجية حاجة تانية طبعا لازم نكون ممتنيين للناس اللي بنقابل شريك حياتنا عن طريقهم لكن ده ميدهوش الحق انه يكون متعهد توصيل المشاعر دليفري بينهم
لان ده بيفسد العلاقه على المستوى الثلاثي
الرجل بيكره الكاميرا اللي بترصد علاقته وتقيمها المتمثلة بالطرف الثالث والطرف الثالث بيحس باهمية بايخه ووهمية في العلاقه ولو كان شرير شوية صغيرين يقدر يحول حياة الزوجين لشئ بايخ اوي
انا بعتقد ان الناس اللي بتعمل بيت لازم تكون قد مسئولية انها تكون طرف متكامل بس مع الاخر يعرف يحتوي مشاكلهم وخلافاتهم الصغيرة اللي بتبتدي في بدايةالحياة والمتمثلة في اختلاف الطباع ومرورا بالمشاكل التانية وشكرا
ال عجبنى بجدالبساطة فى طريقة موضيعك مفيش تحبيك بيخلى الكلام يوصل بسرعة والصور عملة شغل لأنها واقعية مش صور مزيفة زى ال بنشفها ديما فى أى حتة
أهم الحاجة السيت تفضل مش نقول للناس عليها وشهر كمان ومنلائكومش
من السهل ان تضحي لاكن من الصعب ان تحب الصديق الذي يستحق العناء والتضحية
انا احب انسان اكبر مني بسنة وهو بصف بنت عمي ودايما تسالني هل هومصاحبك واقوله لع عشان متفضحنيش قدام اهلي وهذا الولد اسموا بكر ببببببححححبوووااااااااا كثيررررر
هو استاز بكر فى كلية ايه
انا خرجت عن سياق الموضوع بصراحة محدش يحول انا يتعرف على بنت او ولد عن طريق حدتانى انا طبعا اقصد لو كان حد معجب بشخص معين مثلا ممكن تكون النت صاحبتك بتحب الولد ده بس لسه محصلش نصيب والعكس صحيح وطبعا فى حاجات تانية كتير وومكن يقلك مثلا ان البنت ديه ماشية مع الجامعة كلها او ان الولد ده ملوش لزمة او عبيط او بيلعب بالبنات على فكرة فى حوارات كتير فى المجال ده بس كفايه كد النهاردة ويريت يا استاز الصحفى انا مش عارف اسم حضرتك بس يا ريت تكتب موضوع عن الكوسة فى الدوارت بتاعت الجامعة انا عشت معظمها واعتقد ان عندى تعليقات كتيرة وحاجات حقيقية حصلت فعلا وشكرا لك وكل التيم الجميل
انا ببص للموضوع من وجهة نظر تانية خالص وهى ان اللى بيحصل ده يعتبر خيانة , وباتالى مشى هيبقى فى ثقة فى اى حد تانى مما يؤدى الى ان كل واحد وواحدة تقفل باب بيتها عليها علشان خايفة لجارتها تخطف جوزها اوالعكس , وسعتها يبقى عليه العوض ومنه العوض مشى هيبقى فيه جيران ولا يحزنون. والسلام عليكم ورحمة الله وبركاته
دا حاجة غريبة يا ناس
كل متسأل أي حد يألك بحب ،في الشارع ،في المدرسة ،حتى الجمعة ،..............
وكل مكان
يترى السبب عمرو دياب ولا تامر ولا ياترى شرين
معتش في حد مبيحبش...........و الغريب إن سن المرهقة بأه بيبدأمن 11سنة
هوى الحب بيكون من أول نظرة ؟؟؟
ولا من أول إبتسامة (كانت الإبتسامة صدقةبس للأسف دلواتي إعجاب وحب وغيرو)
والله لو البلد كلها مشية على نظام عمرو دياب وغيرو............لكانةالبلد خربة
عيب عليكم الكلام دة حب اية وهباب ايةالمهم الاخلاص والوفاء فى الجواز واتقوا ربنا بقى
احلى من الحب مافيش بس يارب نكون من القلب للقلب
انا كنت معجب بواحدة ونفسى اكلمها جة واحد صاحبى ربنا يباركة خلانى غايب وراح قالها اواد بيحبك وبيموت فى دباديب اهلك وبعدين ابت تانى يوم راحت تقولة انا ضد مبدا الترتيب لو كانت صدفة معلش و قصدها يعنى انى كنت اترف عليها من الاول انما الترتيب دة ماينفعشى, جيت اكلمها بعد كدة قيتها مديانى وش خشب كدة وشايفة نفسها اوى وفاكرة نفسها ملكة جما ساحل العاج, قولتها الىل حصل وكان نفسى اقولها نتعرف على بعض بس معاملتها كانت very bad, شوية ولقيتها واقفة مع واحدة بيفكرنى بالعبيد بتوع زمان اسود واكرت وهدومة معفنة وواقفة تضحك وتهزر معاه, باينى حبييت واحدة عندها عمى الوان..........................
اه انا نسيت اكتب ايمي
mostafa_goodfriend@hotmail.com
mostafa_goodfriend@yahoo.com
الحب بقى ارخص شىء فى الدنيا
انا رافضه فكره الطرف الثالت دى خالص فى كل العلاقات مش بس الحب والعلاقات الخاصه بس 0 لان امام الطرف التالت كل طرف بيثور لكرامته ومحدش بيحاول يتنازل علشان يعدى الموقف او هدى الاخر 0
على فكره انا مشرفه فى تو سيت على النت فى قسم فضفض وافتح قلبك00
هااااااى يا جماعه انا عندى نظريه
المفرود ان مفيش حد يثق فى حد الايام دى خالص ولا ولد ولا بنت حتى لو صديقو او صديقتو من سنين
يلا بااااااااااى
u.o.t@hotmail.com
كلامك جميل اوى يا سلام عن الطرف التالت والكرامة وخاصة ان الطرف التالت بيولعها اكتر مابيهديها, بس بالنسبة لامنية انا شايفك متسائمة اوى وشامم ريحة تجربة قاسية مرت عليكى عشان كدة انتى فى المود د ,,,,, سلاموز mostafa_goodfriend@hotmail
mostafa_goodfriend@yahoo
ناس فضيه لى تعمل فى الكلام ده الفارغ بيعمل كده ربنايستر
ghfjghjfh hfjghfjhg fjhghskghfs lkdgf h testetetetetetetetete test test test
ghfjghjfh hfjghfjhg fjhghskghfs lkdgf h testetetetetetetetete test test test