التعديلات الدستورية.. رأيك إيهّ!
علشان الناس تحس أن الرئيس هيقول حاجة مهمة فتسمعوا وفى الأخر لا يعلن شئ.. وصفوت تاني يوم يقول أن الشعب غير ممهد لمثل هذه التعديلات
24/12/2006
"التعديلات الدستورية نهاية ديسمبر.. التعديلات الدستورية 24 أبريل.. التعديلات الدستورية نهاية العام.."
هذا العناوين المختلفة نشرت بجريدة الجمهورية يوم السبت الماضى علي، وكان مانشيت نفس العدد يقول "أنظار العالم تتعلق بمجلس الشعب بعد غد.. الرئيس يقدم أهم تعديلات دستورية مصرية منذ 1923.. مبارك يضع النواب أمام مسئوليتهم التاريخية". فهل يتوقع من يكتبون هذه العناوين المتضاربة أن يصدقهم القراء!.
الكلام عن التعديلات الدستورية كثر في الفترة الماضية.. وعلي الرغم من قلة الفعل إلا أنه كان دائما علي أقل من المطلوب.. وأقل من سقف مطالب المعارضة.. وكلها بمباركة الرئيس.. والأهم من ذلك أن كثرة الكلام عن التعديلات أفقدتها رونقها..
المرأة وبس
محمود حسن، مترجم، قال ردا علي سؤال حول اهتمامه بالتعديلات الدستورية "إطلاقا عمري ما بهتم بهذه الأخبار، أنا دلوقتي مهتم بالبحث عن زوجة مناسبة، لسبب بسيط أنه لو حصل تعديلات دستورية هتكون خاصة بوضع المرأة فقط لأن أى إصلاح تم في مصر حدث فى الفترة الأخيرة كان خاص بوضع المرأة ومكانتها ومحاكم الأسرة".
وأتفق عبد الله محمد 25 سنة مع محمود قائلا "لأ.. مش متابع أى أخبار خاصة بالتعديلات الدستورية لأن عارف أنه كلام وبس يعنى حبر على ورق ومش هيحصل ولو حصل هيكون خاصة بحقوق المرأة ووضع المرأة والطفل ولو كان الكلام عن الرجل هيكون عن حق زوج الأرمل فى صرف معاش زوجته أم لا".!!
2% فقط
سحر عصام الدين، 24 سنة، أكدت أنها سمعت في برنامج 90 دقيقة على قناة المحور أن المهتمين بالتعديلات الدستورية 2% فقط من المصريين. وأوضحت أنها من 98 % اللي مش مهتمين بمثل هذه الأوكذوبات والمصطلحات".
وأضافت "إن الشعب الأمريكي مهتم بهذه التعديلات أكثر منا لأنه هو الذى فرض برامج الإصلاح علينا".!
أما أميرة فريد 27 سنة فقالت "لا طبعا مش مهتمة لأنهم كل فترة يقولوا الرئيس هيخطب وهيعلن عن التعديلات الدستورية، وفعلا الخطبة تتم بس عشان يأكد أنه هيفضل يخدم مصر لغاية اخر نفس عنده وأن التوريث مش هيحصل دلوقت وأن المواطن الكادح الغلبان همه الأكبر وبكرة أحلى من النهاردة بس إحنا نصبر عليه شوية".
وسط البلد والجامعة
هانى عبد المحسن، مهندس معمارى، قال "آه أنا بلاحظ دائما أن الجرائد كل يوم تؤكد أنه هيحصل تعديلات بس عمرى ما قريت أنه حدثت فعلاً هذه التعديلات، وأنا بهتم عادة بمثل هذه الأخبار عشان لو حصل أكيد أى تعديل هتقوم مظاهرات، فأظبط أنا مواعيدي ومشاويري بعيد عن وسط البلد والجامعة عشان المظاهرات واللى بيجرى فيها".
رانيا طلبة ثالثة تجارة خارجية "أنا غير مهتمة بهذه الأخبار وأعتقد أنه معظم الشعب مثلى لأن الشعب خلاص مش مهتم لا بالأكل والشرب والفرجة على التليفزيون وأنا واحدة من هذا الشعب وبعدين مين يضمن أن التعديلات دي لو حصلت هتكون فى مصلحتنا مش مصلحة حد تانى ومين يضمن أنه نفس التعديلات ديه متتغيرش تانى وتالت أو رابع".
تعديلات ولا تظبيطات
أما مجدي سليم، طالب بكلية حقوق، فرد بعصبية متناهية "هي تعديلات ولا تظبيطات، وبعدين المفروض يوضحوا يعني بيعدلوا الدستور لمين وعلشان إيه. مفيش مرة قالوا تعديلات دستورية لمصلحة المواطنين دايما تعديلات دستورية وخلاص، وخدوا رأي مين في التعديلات دي وهي أساسا بناءا على إيه ،مطالب شعبية مثلا، ولا مطالب نواب مجلس الشعب".
وأضاف "وكمان هنا لازم نفتكر التصريح الشهير للرئيس مبارك لا لحبس الصحفيين وبعد كدة رفعت كام قضية على الصحفيين في مصر، يعني لو كان ده اتحقق فعلا كنا يمكن نصدق أن فيه تعديلات دستورية، وبعدين ما هو عدل الدستور قبل كدة، واللي قبله كمان عدلوا الدستور، وكان عدد فترات تولي الحكم مرتين خلاها مفتوحة، وعدل السنة اللي فاتت، و هيعدل أكيد مرات تانية كتير، وتابعو القوانين اللي في مجلس الشعب اللي بيناقشها في الدورة دي واربطوا بينها وبين تعديل الدستور وهاتوا حاجة واحدة في مصلحة الموظف الغلبان أو في مصلحة المواطن العادي أو الشاب اللي مش لاقي شغل".
أما محمد أحمد، 24 سنة، فقال"يعدل ما يعدلش.. مفيش فايدة خلاص أنا ما بقيتش أصدق الحكومة في حاجة.. كل كلامها تصريحات وردية.. عبارة عن مهدئات ومسكنات أو بنج طبي بيخدروا بيه عقول الناس".
رشا سمير،22 سنة، أنهت الكلام بتبرير ساخر قائلة "أنا أعتقد أنهم لاحظوا أخيرا أن الشعب غير مهتم بخطبة الرئيس ولهذا فكر صفوت الشريف أن يؤكد دائما قبل كل خطبة للرئيس أن مبارك هيعلن عن تعديلات دستورية فى الخطبة علشان الناس تحس أن الرئيس هيقول حاجة مهمة فتسمعوا وفى الأخر لا يعلن شئ.. وصفوت تاني يوم يقول أن الشعب غير ممهد لمثل هذه التعديلات".
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
نامل ان شاء الله انه يكون خير وبلاش نبرات التشاؤم التى يبثها رعاة المصالح التى بسببهم اصبحت مصر الان على حافة عدم الامان من جماعة الاخوان المسلمين او حركة كفاية او من يقولوا على انفسهم لجنة حقوق الانسان
سيبوا البلد تمشى للامام وبلاش نغوص الى ان نصبح لبنان الاخرى
تديلات إيه ؟؟؟
طيب ومالو .. نعدل .. ما نعدلش ليه ؟ .. هو احنا صغيرين يعني ؟؟
طيب حد شاف الدستور عشان نعدله ؟؟؟ ما مرش من هنا ؟
مصر التي لا يعرف قدرها ذلك القذر الواطي مبارك الملعون عامل دستورها زي جالابية أبو لمعه الدبلان المخططه بتاعة أخوه شلبي .. كل يوم يرقع فيها ...
طيب وهو انته مين يا واطي عشان ترقع في دستور مصر العظيمه ؟؟؟
الدستور والكلام في الدستور يجب أن يعطل تماماً حتى نخلص من ذلك القذر الواطي مبارك وعصاباته ولصوصه العملاء للصهاينة ..
قبل كده أظن كله كلام في الهجايص وما لوش لازمه ..
دستور إيه اللي عايزه الناس تعدله ؟؟؟
حد شاف له أي أثر طول تلاتين سنه ؟؟؟ ما احنا عايشين في طواريء وأحكام عرفيه .. يعني الدستور معطل .. ده لو كان فيه دستور أصلا مش العك اللي عمله الماسوني السابق السادات العميل ..
أكرر طلبي يا عشرينات بعدم وضع صورة القذر الواطي مبارك .. ويا ريت تحققوا لي الأمنية دي قبل ما أموت من القرف من الخلقة الوسخه دي ...
إبن بهيه
http://ibnbahya.blogspot.com/
الدستور فى وادى واللامبارك فى وادى تانى
يعنى هو إحترم الدستور لما وقف وقال سأحكم لأخر بتاع ده نبض فى كلبة هو الدستور قال إن الحاكم يأتى بالإنتخابات الحرة
يعنى هو أحترم الدستور وإحنا بلد أشتراكى وعمال يبيع أملاك الشعب من مصانع وشركات التى هى ملك الشعب فى النظام الأشتراكى ولا يجوز له التصرف فيها
يعنى هو كان أحترم الدستور لما قاله إن الحاكم يسهر على مصالح الشعب وهو عمال ينهب فى الشعب وجعل الشعب كله عبيد عنده وفرض مراته وإبنه فى الحياة السياسية يعنى هو مش قادر يبقى كده خالف الدستور
يعنى هو كان أحترم الدستور إللى بيقول إن رئيس الجمهورية يأتى بالإنتخاب وهو لم يأتى بالإنتخابات يبقى وجوده من البداية باطل
يعنى هو أحترم الدستور لما قال إن الأنتخابات تكون حرة وهو زور كل الإنتخابات بإعترافه أن الإنتخابات القادمة لن تكون مزورة مثل سابقتها
يعنى هو أحترم الدستور لما قال مصر دولة جمهورية وهو عايز يورث الحكم للإهبل العبيط إبنه
يعنى هو أحترم الدستور لما قال إن رئيس الجمهورية يكون مصرى من أبوين مصريين وإبنه مزدوج الجنسية لأن أمه بريطانية من أصل يهودى وفى بريطانيا الأولاد ينسبوا لأمهاتهم يعنى مش مصرى خالص
يعنى هو إحترم الدستور لما حفظ للمتظاهرين حرية التعبير والتظاهر وهو بيضرب المتظاهرين وبيعتقلهم
يعنى هو أحترم الدستور ومفيش أى نص يحشر مراته فى الحياة السياسية وهى بتجتمع بالوزراء وبتلقى عليهم الأوامر وبتحمل الشعب مصاريف السفر للخارج الباهظة التكاليف بالمليارات وهذا باطل
يعنى هو أحترم الدستور لما فصلوله مادة عاملة كده زى التلمود اليهودى علشان يضمن يورث الحكم للمتخلف المكروه من
اقرأ بقية التعليق ..
هو أنت مبقتيش تكتبى ليه شعارك القذر
لا للتوريث لا لجمال مبارك
عايزين حكومة إنتقاليه تعيد للشعب كرامته بقيادة القضاه ثم أنتخابات حرة
السؤال الأهم هو ايه هي التعديلات الدستورية المهيبة الي حتغير الحياة في مصر والي ماحصلتش من سنة 23 ولا حتحصل.
أعتقد ان الموضوع يرجع لللنية الخالصة لوجه الله مش لمجاملة الشعب المصري والمن عليه بأهم حق من حقوقه.
ولحد ما تتوفر النية الخالصة لله ساعتها بس ممكن نحاسب الناس ونسالهم انتو ليه مش مهتمين بالتعديلات الدستورية.
المواد من عندناوالموافقة لدينا مسبقاً والبلد بتاعتنا والخير في أيدينا ومراتي على سريري وإبني حبيب ننوس عين أمه سوزي شريكي في المحل والمحل لا يحل
على زبائن المحل الكرام ... الشعب الكرام التفصيل لدينا بايدي محلية هي مش وطنية بس محلاة ويا محلة العيشة على كرسي الرياسة كلها وناسة وحداقة وفهلوة وشوية سياسة والشعب المصري آخر تعاسة
هنفضل نجرى ورا وهم اسمه الحكومه والتعديلات ويا ترى امتى هيحسوا بينا
وهيحسوا بينا زاى واحنا شعب اخرص بياكل فى بعضه وبيجرى ورا الموضه ومبيشغلش دماغه غير بالاستهلاك حتى الوقت مالوش عندنا قيمه .دستور ايه بس الى بتكلم عليه مش لما نعرف هويتنا الاول ويقولولنا البلد دى بتاعة مين.كل شئ يشوبه فى امنا الحبيبه مصر التشويش.واذا كان رب البيت بالدف عازف فما بالك بحال اهل البيت.
انا اعتقد ان حاله الفساد التى نعيشها ولا بد لها من نهايه ولكن السؤال متى؟ بتغير الدستور لا والله لكن لما نفوق .انا لا اهاجم ولكن مبارك لا يعنينى شئ ولا دستوره ولا حتى طباخين الدستور.الاهم نحن لا بد ان يعى كل منا من هو حتى ياتى يوم الانتقام واعاده مجد مصر الضائع لا المسلوب .اسفه للاطاله ولكن اعجبتنى كلمه قراتها يوم "لابراهيم عيسى"
مصر جميله لكن المصرين"وحشين"لكن انا هقول المصرين نايمين ولا بد لهم من قومه.
هى كلمه و حكمه قالها ابن بهيه حد شاف الدستور علشان نعدله
و انا قلتها قبل كدا برده ف تعديل الماده76
قلت هو فيه دستور اصلا
و لكن ليا عندك عتاب على تحامللك على السادات
انا عارفه من ساعه موضوع اللص و الكلاب لما لمتنى على كلامى عن ناصر انك ناصرى
بس دا ميمنعش انك تقدر السادات و تدى للراجل دا برده حقه
مش اتفقنا ان لكل واحد اخطاؤه
*نفسي الاحوال تتعدل والدستور يتبدل لصالح المواطن الغلبان مش لصالح الثعبان الاكبر , نفسي التعديلات الدستورية المباركية تهتم بالغلبان ابن الغلبان اللى عايش فى دوامة لسه هاحكم لاخر نفس :-
- لسه رغيف العيش غالى وحالته تعبانه
- لسه الطماطم ب6جنيه والبصل ب4 جنيه
- لسه المواصلات زحمة واتوبيساتها تعبانه
- لسه التعليم حالته لا يرثى لها من سئ الى اسوا .
- لسه فيه على حد علمى 8 مليون عاطل عن العمل .
- لسه فيه كام عانس فى البلد متجوزتش
- لسه فيه تزوير فى الانتخابات
- لسه فيه تعذيب فى السجون واغتصاب وانتهاك لادمية المصري .
- لسه مبارك وزبالته مستمرين فىحكم بهية
- لسه ابواق الفساد والاقلام الفاسدةامثال حمدى رزق وكرم خبر" بتضمضم وبقبق" للحكومة وانجازاتها .
- لسه عندنا جرائد زى الاهرام والجمهوريه
- لسه الغاز الطبيعى بيصدر لاسرائيل ببلاش
- لسه البترول فى جعبة امريكا لننال الرضا السامى .
- لسه فيه فضائيات زى العربية وروتانيات
- لسه البلد مليانه علمانيين وليبراليين ومدعى الثقافه .
- لسه الاثار بتتهرب خارج مصر
- لسه الخصخصة شغاله وسرقه المال اعام
- لسه الحوادث شغاله ويروح معاها الالاف من الغلابه .
- لسه امين الشرطة والعسكرىالمعفن له قيمه فى البلد وبيتعالى على خلق الله .
- لسه فلسطين محتله !!!!! لسه العراق محتله !
- لسه علاء بيسرق وينهب ويشارك على كل قهوة وكشك سجاير .
- لسه جمال عينه على الكرسي .!!
ولسه ... ولسه ... ولسه ..........!!!
مستنين ايه يا ناس والله حرام ,, معلش طولت عليكم بس الكلميتن كانوا واقفين فى ظورى ,,
تحياتى لكل قلم حر فى مصر ...!!!
اسف لتكرارى التعليق
هو فين الدستور إللى فاق إنه فيه حاجة إسمها دستور يحكم بيه بعد 26 سنة عمال يتصرف فى عزبة أبوه زى ما هوه عايز ومش هامه أتخن تخين فى البلد
الحل هو حكومة إنتقالية بقيادة قضاه شرفاء ثم أطلاق الحريات ثم إنتخابات جديدة بدستور جديد لكن دستور ونفس العجل ده قاعد على الكرسى يبقى بيضحك علينا
دستور إيه دلوقتى والشعب بيموت من الجوع
طيب الدستور الموجود قال إن أبناء الشعب سواسية فى الحقوق طيب هو التوربينى متساوى فى الحقوق زى جمال اللامبارك
كفاية بقى ضحك
مبارك لن يتنازل عن بنود الدستور التى جعلت من آله فما يدعيه هو كذب وخداع
ولو كان ها يغير فلن يغير أى بند يمس الأمتيازات التى يتمتع بها فى الدستور
مبارك غير الدستور لصالحه بدون وجه حق يعنى مراته إللى فرضه نفسها على الوزراء والحكومة وبتلقى الأوامر للوزراء لم يضع لها الدستور حق فى ذلك بل ويعتبر ده تقصير فى مهام عمل مبارك فهل حاسبه الدستور وهل يوجد بند واحد بالدستور يحاسب رئيس الجمهورية على نهبه أو يسأله من أين لك هذا وهو ينهب مصر منذ 26 عاما هو وعائلته
لن يغير مبارك الدستور ولكن الشعب سيغير مبارك والدستور كما يفعل حسن نصر الله ويطالب بحقه فى الحكم المغتصب منذ إحتل مبارك مصر بدون شرعية
الشعب هو صاحب السلطه وهو الذى من حقه أى يختار رئيسه ولم يختار أحد من الشعب مبارك فى يوم من الأيام إذن ليس من حق مبارك الجلوس على كرسى الحكم وكل ما يفعله باطل باطل باطل لإنه حاكم باطل
حسبى الله ونعم الوكيل
انا محسن و انا فى كليه الحقوق جامعه القاهرة بس انا عايز اقول ان الدفعه بتاعتنا 13 الف طالب بس ولا طال منهم مهتم باى نص من نصوص الدستور علشان الريس بتاعنا ريس خولوبيتناك مبارك عرص و سوزان بتتناك