الكريسماس.. والعشوائيات!
وتحى سماح أن السنة مرت عليها بحلوها ومرها، فقد فقدت من تحب وارتبطت بمن عوضها عنه، أما بالنسبة للأحداث العامة فهي لم تعرف عنها أي شيء ولا تهتم بها.. وعن أمنياتها تريد أن يتم زواجها على خير.
يمنى عمر – ولاد البلد:
باقي من الزمن ساعات وننتقل من سنة ماضية إلى سنة قادمة.. مضت السنة الماضية بأفراحها وأحزانها ولا نعلم حتى الآن ماذا تحمله السنة القادمة.. كل منا يرها من وجهة نظرة الخاصة فمنا من يراها ستكون أفضل من العام الماضي وأخر يراها ستكون أسوأ .. وبينهما من يرى أن كل الأيام سواء.. السنة الماضية كالسنة القادمة..
وبين كل هؤلاء يقف ساكني العشوائيات.. لا يفكرون في السنة القادمة.. وربما ولا حتى الماضية.. يكدحون من أجل أن يقفوا فقط مكانهم.. يعيشون تحت ظروف لا أحد يعرفها.. أهم الأحداث في العام الماضي بالنسبة خاصة بهم وحدهم..
فقول رانيا محمد أن العام قد مر بها بدون أحداث كثيرة سوى أنها انتقلت من بيتها القديم إلى بيت جديد، أما الأحداث السيئة فهي كثيرة منها أنها فقدت والدتها في هذا العام وكانت مرتبطة بشخص تحبه فتركها، أما على المستوى العام فتقول إن أجمل حدث هو فوز مصر بكأس أفريقيا وبالنسبة لأسوأ خبر فترى أنه كل ما ترى في التلفزيون من دماء الأطفال والحروب التي تظهر في كل لحظة هذا أسوأ شيء وعن أمنياتها الشخصية في العام القادم هي تريد أن تتزوج الذي تحبه، كما تريد أن يعيش الناس في سلام..
أما "فخري" فيرى الدنيا بشكل غاية في السوء وأنه لم يحدث في العام الماضي شيء سوى الظلم الذي وقع عليه وعلى إخوته البنات من مطاردة الشرطة له وأنهم يريدوا أن يقطعوا رزقه وهو يتكفل بأخواته البنات.. هو يعترف أنه يشرب المخدرات ولكن لم يتاجر بها، أما بالنسبة للأحداث التي وقعت في مصر والعالم فهو أبضا لم يرى سوى الظلم والقهر لكل من هو مستضعف، وعن أحلامه في السنة الجديدة أنه يريد أن تبتعد عنه الشرطة وتتركه في حاله هو وكل اللي زيه ويجوز أخواته البنات.
ناجحين
قالت "أمل" أن أحسن حدث مر بها هذا العام أن بيتها وقع.. وهي خرجت منه سليمة، أما الأحداث السيئة فتمثلت في وفاة والدها ووالدتها هذا العام، وعلى المستوى العام فأجمل الأحداث كانت "الكورة".. فهي أجمل شيء في هذا العام.. وأسوء الأخبار هي قتل الأطفال والشباب في الحروب خصوصا العراق، وعن أمنياتها للسنة الجديدة فكانت أن ترى أولادها ناجحين في المدارس.
أما الأستاذ "مجدي فتحي" فبالنسبة له لم يحدث أي حدث في هذا العام يمكن أن يكون سعيد، أما الأحداث السيئة بالنسبة له فأنه أصيب بعدة أمراض هذا العام، أما على المستوى العام فيرى أن أجمل حدث هو ما حققه الأهلي من انتصارات هذا العام، وأسوأ الأخبار هي ما تأتي عن تفعله أمريكا في العراق وفلسطين ولبنان كل يوم، على حد قوله، وهو يتمنا أن يأتي العام القادم أفضل من العام الماضي ويقدره ربنا ويقوم بتزويج بناته.
وتحى سماح أن السنة مرت عليها بحلوها ومرها، فقد فقدت من تحب وارتبطت بمن عوضها عنه، أما بالنسبة للأحداث العامة فهي لم تعرف عنها أي شيء ولا تهتم بها.. وعن أمنياتها تريد أن يتم زواجها على خير.
عدد التعليقات : 11
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
العشوئيات هى دليل فشل الخطط بتاع السادة وزراء الاسكان
ارجعوا لخطط المساكن الشعبية فى الستينات
انسوا مصايف الساحل الشمالى اللى اتصرف عليها مليارات
ياجماعة بتوع الموقع كل همهم فى الدنيا يوريلك الحياة فى مصر وحشة اد اية ومش بعيد يحاول بالايحاء ان الاخوان هما الحل حاجة تقرف ياعم طز فى الاخوان بتوعكم دول وعاز الاخت يمنى اللى تعبت نفسها فى الموضوع التافهة دة تقوللى نحلها ازاى بدل الموضوعات المكررة دى
جاتكم القرف
الاستاذ حتي النخاع ممكن احنا نسالك سوال
انت ممكن تطرح علي الموقع افكار والموقع يعملها وطلاما انك بتكرة الاخوان وبتحب مصر
فانت بالتاكيد انسان وطني او حزن (بالنون ) وطني اه رايك ممكن يكتبوا عن الصحة الي خربت ولا عن العيش الي مش لاقينة ولا عن التعليم العالي او الوطي او عن التعديلات الدستورية الجديدة انت شايف
ممكن نختار اه
انا عارف ممكن نتكلم عن الاقتصاد العال (نسبة الي شركة العال الاسرائيلية) ولا عن الامن المستتب (اقصد المستبد ) ولا اقول لك ممكن نكتب عن الاسثمار والفشار ولا عن الزراعة اه الزراعة عن البلد الي بتصدر بصل والكيلو عندها ب 4 جنية اه
اتفضل ممكن اه تختار
اوعي تزعل ممكن تتصل بصديق بس يكون نظيف او شريف او جمال او كمال او او او ولا اقول لك خلاص اختار
تصدق يا( هندى ) عندك حق طب ولية
ماتيجى نتكلم عن سيدك مهدى ونخلية ييجى يضربنا بالجزمة زى ماهوا عاوز جايز نفوق ولا تعالى نعمل عرض قتالى فى فنون الكراتية اهو ممكن نخوف الشرطة واذا مخوفنهاش نقلبها حرب اهلية وعلى فكرة ساعتها الجعان حيشبع لو شافكم بتعملوا عروض
اقولك حاجة ياهندى اللة يلعن الاخوان الارهابيين على حسنى مبارك وحكومتة ؟
اية رايك انتا فى فاروق الباز امبارح وافكارة لتطوير مصر ؟ الراجل امبارح قال بدك ماتوجع دماغنا بمشاكل مصر ساهم فى حلها ولا اية ؟؟؟؟؟؟؟؟
اسف انى بكلمك مانتا ( هندى )
الاستاذ هندى واضح انة من الاخوان وعلى طول اول حاجة فكر فيها الربط بين الاخ اللى مش عاجبة فكر الاخوان وبين الانتماء للحكومة التعيسة او زى ماسمها الحزن الوطنى وبين الاسرائيليين
يااخى هيا دى ديمقراطية الاخوان ؟
اللى يختلف معاكم يبقى على طول خاين
فى اعتقادى الشخطى الجماعة دى حتتدمر من الناس المنتمين ليها ومش فاهمين فكرها الجيد
خليكم حلوين
وما تلعبوش مع القطة لتخربشكم
هاى
فهذا هو اسلوب الاخوان يا عزيزى خلينا قطط لحد ما تيجى الفرصه ونبقى ذئاب ، وسلم لى بقى على الحريه واحترام حقوق المواطن المصرى وكل هذا ما هو الى سلم ليصل بالقطط للمرحله الذئبيه المنتظره.
مره تانيه خلى بالك
واللة عندك حق
ماهو اصل الشعب المصرى طول عمرة صيدة لية بقى الاخوان الارهابيون ميفكروش يتسلقوا سلم الدين للحكم
بس على فكرة الاخوان الارهابيون دول واللة حيكونوا العن من اى حاجة مرت على مصر دول ياعم شوية نصابين على مدعيين دة غير المرشد بتاعهم اللى عندة برانويا عظمة
وربنا يرحمك يامصر ياحسن بلد فى الدنيا
عادى مهو اللى يمشى ورا اللى عاوز يجيب اندونيسى يحكم مصر لا تستعجب على تفكيره اى شىء
ياعم الاخوان قالوا مائة مرة انهم مش عايزين يحكموا لان اللى بيحكموا برضة مسلمين
جاك وجون دول مش مننا حتى اسمائهم بقت كلها زى اسماء الاجانب عشان هما بقوا عارفين ان مصيرهم فى الخارج خلاص مش فى البلد دى ، وبعدين انت بتتكلم باسم الاخوان بمناسبه ايه والله باين عليك انت اللى عندك انفلوانزا الطيور و باين عليك كتكوت اساسا
سؤال بجد ونفسى اعرف اجابته هو ايه اللى دخل الاخوان المسلمين فى الموضوع يعنى الموضوع دلوقتى بيتكلم عن العشوئيات والكريسمس ايه بقى اللى دخل الاخوان المسلمين فى الموضوع
الكريسماس ده مش بتاعنا ومش لازم نحتفل بيه ، كل ده بس مش اكتر من تقليد غبى للنصارى اللى هما التانيين بيقوموا بتقليد اغبى للغرب للى بيستقووا بيه ده و عاوزين يتمحكوا فيه و خلاص.