الحكم.. للعائلة
وأكد محلل الإيكونومست أن الوضع في مصر يؤكد هذا التنبؤ، فجمال مبارك ينتظر وفاة أبيه أو تنحيه عن الحكم ليتلوه. وسواء حدث هذا في حياة الرئيس أو عقب وفاته
كعادتها تقدم الإيكونومست كل عام عدد يحمل توقعا للعالم في العام المقبل وهو تقليد تتبعه المجلة منذ 21 عام، هذا العام وفي ملف الاسم "العالم في 2007" أوWorld in 2007"" يتنبأ محلل الإيكونومست بالأوضاع السياسية في العالم العربي تحت اسم "ستبقي في العائلة"..
بهذا العنوان بدء "إكسان سمايلي" مقالة في مجلة الإيكونومست الإنجليزية عن الأوضاع السياسية المتوقعة في الوطن العربي عام 2007، وأكد المحلل السياسي للإيكونومست أن الـ22 دولة عربية لا يوجد فيهم سوي ثلاث دول يمكن القول أنها دول ديمقراطية.. وهي لبنان وفلسطين المحتلة والعراق المحتلة، وبغض النظر عن التصنيف فهذا التقرير يعتبر حقيقي لو نظرنا لنتائج الإنتخابات في هذه الدول والتي عكست رأي الجماهير في كل بلد.
جمال ينتظر دوره
ما يهمنا في هذا التقرير هو الجزء الخاص بمصر والذي تناول فيه المحلل مسألة في غاية الأهمية وهي من سيتلو الرئيس مبارك الذي سيكمل عامه السادس و العشرين في حكم مصر عام 2007..
محلل الإيكونومست "جاب من الآخر" وقال أن الحكم في مصر سيبقي في العائلة وأكد أن حسني مبارك يستعد لتوريث الحكم لأبنه صاحب الأربعة والأربعين عام وأن عائلة مبارك ستبقي في الحكم فترات أخري كثيرة لا يعلم مداها إلا الله، و لكن ما سيسعي مبارك له بالفعل هو الإبقاء علي الحكم داخل العائلة علي حد قول الكاتب.
وأكد محلل الإيكونومست أن الوضع في مصر يؤكد هذا التنبؤ، فجمال مبارك ينتظر وفاة أبيه أو تنحيه عن الحكم ليتلوه. وسواء حدث هذا في حياة الرئيس أو عقب وفاته فالأوضاع السياسية في مصر ستكون علي أسواء ما يكون ولن تكون أحسن من الأوضاع التي تشهدها مصر الآن، والتي يتحكم فيها الرئيس مبارك ويتحكم في كل الحراك السياسي في البلد فالتغير يحدث بإذن منه..
ولا تحدث التعديلات علي الحياة السياسية إلا عندما يأتي الإلهام للرئيس وبالطبع يكون هذا الإلهام هو ما تتغني به الصحف الحكومية لأيام عددية بعدها ويعتبروا هذه التعديلات هي ما يدخل بمصر لعصر الديمقراطية، ولن تحتاج مصر لغيرها من التعديلات.. ولكن ما يلبث الرئيس أن يقدم تعديلاً جديداً حتي يتكرر نفس الكلام ويعود مهللي الرئيس مرة أخري للقول "عدل.. غير.. إحنا معاك"
عدد التعليقات : 24
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
كلة ماشى واللى يعملة ربنا بيصير
خلينا فى حالنا وعسى ان تكرهوا شيئا وهو خيرا لكم
والبلد فيها عيال شاربة من بز امها
امال هتجيبوا مين
اهلا بالتوريث
ومرحبا
وكلة ماشى
موافقون
ومش معني هو ما يورث الحكم عن ابيه, كل حاجة في مصر بالوارثة , ابن القاضي بيتعين قاضي وابن الضابط بيشتغل ضابظ , وابن الدكتور بيتعين دكتور , مخلاص مصر اصبحت بالوراثة مش بالاحسن والاجود .
انصح احمد درويش وزير التنمية الادارية بدل ان يعمل قانون عبيط بيشيل فكرة التعيين الدائم من الحكومة ليجعله مؤقت ,انصحه بعمل قانون التوظيف الوراثي فهاذا هو واقع مصر , وانصح فتحي سرور ان يقترح تعديل اسم جمهورية مصر العربية الي( جمهورية مصر الوراثية).
برضه عشرينات مصرين يسموا بدنا في الأيام المفترجه دي ... فيه غيه ؟؟؟
مش كفايه اللسعه اللي كلناها في العيد ولسه سخنه على قفانا بتاعة ذبح صدام حسين على ريق النوم؟؟؟
معقوله كل يوم تسمموا نواظرنا بالأشكال القذره دي ؟؟؟ يا عم كنتوا حطيتوا خروفين بمناسبة العيد كان أرحم من صورة الواطي وإبن الواطي دول ... صورتين في العين توجع يا خلق هوهههه
إبن بهيه
http://ibnbahya.blogspot.com/
ياعالم ياهوووحرام عليكونطلع من نقرةنقع فى بيرالشعب طيب ايوه لكن مش عبيط ولكل شئ اخر واحظروا البركان
اوافق على جمال مبارك بشروط/ ان يعيد الاموال المنهوبه لمصر/ ان يحاكم كل المتهمين فى التعذيب على غرار محاكمه صدام حسين - يعنى يجيب قاضى كردى -ان يحاكم يوسف والى - ان يقضى على البطاله - ان يضع تشريعا يعاقب كل من يتطاول على الدين الاسلامى - ان يسمح بأنشاء احزاب بدون لجنه الاحزاب اياها- ان يخضع الانتخابات للقضاء فقط سواء لجان رئيسيه او فرعيه-ان يخضع بطلان عضويه عضو مجلس الشعب للقضاء وليس لسيد قراره - ان يخضع الاجهزه الرقابيه فى الدوله لرقابه القضاء - ان يجعل شيخ الازهر والنائب العام بالانتخاب-وليس بالتعيين- ان يضع معايير اخلاقيه للفن وخاصه السينما - ان يمنع تعيين العسكريين سواء شرطه او قوات مسلحه فى المناصب المدنيه- هذه هى الشروط سواء كان جمال او غيره هذا مااحلم به - طبعا 90% من هذه الاحلام لن تتحقق- وبالتالى فأننى سأظل احلم- حتى الموت / ايمن امام
أولا جمال مبارك ليس مصرياً خالصاً فأمه إنجليزية من اصل يهودى يعنى معنى كده أننا هانكون محتليين لليهود
ثانياً جمال مبارك لا يملك أى خبرات فهو زرع فى الحزب الوطنى وبدون إى خبرات أكثر من أنه إبن مبارك وهذا لا يحدث فى أى دولة فى الحالم أن قيادات الأحزاب تزرع ولكنها تتدرج لإكتساب الخبرات
ثالثاً جمال مبارك نهب مصر كلها ووصل رصيدة ل 60 مليار دولار يعنى جابهم منيين غير من نهب المصريين ومص دمائهم يبقى إزاى ها يكون قلبة على الشعب
رابعا جمال مبارك لو عنده أى حلول لمشاكل مصر التى هو وعائلته كلها سبب فيها كان يقدر يحلها لكن هو عايز بس النهب والفساد ويكمل مسيرة الدكتاتورية
خامسا جمال مبارك تربى وترعرع على يد أكبر دكتاتور عرفه العالم وفى بيت الدكتاتورية فكيف سيكون غير دكتاتور وأنظروا إلى نظرات عينية كلها كراهية للمصريين وكأنهم رعاع كما تطلق عليهم السيدة والدته سامحها الله
سادسا الشعب كله يكره العائلة كلها ولن يتقبل أى وجه منها
سابعا يوجد من هو أكثر خبرة مثل السيد عمرو موسى والشاطر والعريان وغيرهم وكلهم كفاءات جاهزة وذات خبرات وضحوا بحرياتهم فى المعتقلات من أجل مبادئهم ودعوتهم للإصلاح الحقيقى
يبقى ياريت جمال مبارك يبطل يتنطط ويعرف قد إيه الشعب قرفان منه ومش عايزه هو لو كان قلبة على مصر كان يرجع بلده إنجلترا لإنه مزدوج الجنسية ويريح المصريين كلهم منه وحسبى الله ونعم الوكيل مليون مرة فى العيلة دى ويارب ريحنا منهم كلهم
اللهم أخرجهم من مصر أزلاء اللهم ذل مبارك كما أذل الشعب كله أنت المعز المذل اللهم أمين يارب العالمين
مش عارفة ..بالرغم من ان الايكنومست مقلتش حاجه فاجاتي او فزعتني يعني...الا ان اللي ضايقني ان سمعتنا بقت زفت كده..اكتر مما كانت يعني...بس برده يا جماعه اعذروا مبارك...هو ليه يعني يجيب رئيس بعده من بره ...وهو عنده جوة...
يا جماعة الخير انا باقلى مدة موش باكتب عندكم لكن بالصدفة شدنى الموضوع رغم حالة الاكتئاب اللى عندى من ساعة ما دبحوا صدام حسين الله يرحمه وليس الان وقت التعليق على هذا الموضوع
خلينا فى موضوع التوريث بس يهمنى ان دايما تكون عينينا مفتحة على كل الاحداث
ما تستعجلوش بالاحكام على اناس بمعنى
لو عرفتم الاجابة على هذا السؤال قد ترتاح اعصابكم شوية ؟
السؤال هو من اول شخص فكر فى توريث الحكم فى الدول العربية الجمهوريات ؟؟
اكيد اللى هايقول الاسد واللى هايقول القذافى واللى هايقول على عبد الله بتاع اليمن واكتركم هايقول حسنى مبارك لانه كما هو معروف ان مصر هى الرائدة دائما فى المشارع الهدامة ؟؟ اليس كذلك
لوكانت اجابتكم اى واحد ممن ذكرتهم فى السؤال فكدة انا آسف كلكم سقطتم فى الامتحان
الاجابة لصحيحة اول من فكر فى توريث الحكم هو الراحل صدام حسين فعلا ولهذا عليكم ان تتعظوا اين صدام الان واين من فكر فى توريثه الحكم ؟؟ لقد رحل الوارث قبل الموروث
هكذا حال الدنيا امال اسمها دنيا ليه
لانها ما بتستقرش على حال
والباقى انتم تعرفوا ايه قصدى منه
تصبحوا على خير
لما إللى مسمى نفسه رئيس جه للحكم وأيديه ملوثه بدماء السادات
لما جه وعينه ها تطلع على الكرسى وقال أنه هاقعد فترتين قبل لما يقول البرنامج بتاعى كذا وكذا وقبل لما يغير فعلاً الدستور ويخلى مدة الحكم فترتين
لما ما يحترمش الدستور إللى قال إن الحاكم ييجى للحكم بالإنتخاب وهو جه للحكم بالترشيح ولم ينتخب يبقى باطل ولا مش باطل
لما يزور كل الإنتخابات علشان يفضل لابد فى الكرسى للأبد يبقى باطل ولا مش باطل
لما يجيب كل المجرحين أصحاب السوابق من تجار مخدرات وأصحاب قضايا دعارة لنواب قروض ناهبين البلد ويعمل منهم مجلس شعب علشان نظام شيلنى وأشيلك يبقى ده واحد قلبة على مصر
لم يجيب أبنه من موظف بنك يوجد منه الآلاف ولا يفقه شيء ويزرعه قيادة فى حزب حاكم علشان هو إبنه وعايز يورثه الحكم فى دولة كرم العالم أبناءها وهو لا يملك أى خبرات يبقى ده واحد قلبة على البلد ولا على الشعب
لما ينهب مصر ورصيده بالمليارات والشعب جعان ومسبش حاجة معملش فيها بزنس علشان يتربح على حساب الشعب يبقى ده قلبة على الشعب
لما ولاده شوية العيال اللى أقل واحد فى الشعب ربى عياله أحسن منهم يمتلكوا كل المليارات ده وكل المشاريع دى هل أى حد فى شباب مصر عنده اللى عند جمال ولا علاء يبقى ده حاكم عادل ولا حرامى
لما مراته عماله تنهب فى فلوس جمعيات وهمية لرعاية الأطفال والنساء وأحوال الأطفال فى تشرد يعنى لما يبقى أكثر من 2 مليون من ولا الشعب أبناء شوارع دول ها يطلع منهم جيل شكله إيه وتروح تهادى بآثار مصر علشان تحصل على جوائز تمجدها وهى مش دافعه حاجة من جيبها تبقى دى مخلصة لمصر ولما تسافر وتروح وتيجى وكله على حساب الشعب وتجتمع بالوزراء وتلقى عليهم الأوامر ولما المتظاهرين يتضربوا بأحذ
اقرأ بقية التعليق ..
بما ان فيلم ايظن مكسر الدنيا و مع انى مشفتوش و مش ناويه بس قلت يمكن لما اكتب ايظن الناس كلها تقرا التعليق نفس
المهم
انا لسه عتد رايى بان التوريث لن يتم و انا كنت وضحت رايى قبل كدا كتير ف الموضوع دا مع احترامى لكل الاصوات اللى بتاكد حتميه التوريث
انا لا اظن
يامصريين حطو فى عينكم حصوة ملح مع انى مابعرف المثل مكانه صحيح او لا بس بدى قول ان مبارك كل همه استقرار مصر ولما يحكم ابنه جمال خير لكم من ان تحكمكم الاحزاب الاخرى وافضل دليل حماس وفتح كل يوم قتال وموت فى الشوارع .. انتبهوا الى مستقبل اولادكم ولاتجعلوا مصر نهرا من الدماء
معاكى يا اخت نيفين لا اظن بان التوريث سيتم .
واسال الله انه لا يتم ,,,
انا لله وانا اليه راجعون " رحمة الله على صدام حسين .... للاسف مش قادر اكتب ولا اعلق
ليفى - من تل ابيب
ليه فترة طويلة عامل خواجة من وسط تل أبيب وفيكم اللي صدق، وفيكم اللي مش عارف يقول إيه. حضراتكم كلكم على عيني وراسي، ولكن يا حبايبي وتاج راسي الكلام يبقى في الآخر كلام وبس. بقالي أكثر من سنة بحالها وسطيكم وباقرا اللي بتقولوه وتكتبوه، وأعترف إن كثير من اللي قريته معقول وفي الصميم. طيب هو الحل إيه؟ فيه حل؟ ومين اللي راح يحل مشاكلنا طالما إحنا ملناش دعوة بحاجة خالص؟
قرفت من نفسي ومنكم وأنا عمال أستفزكم تعملوا حاجة غير الشتيمة، هو إسرائيل يا أذكياء مش ضامنة مصر في جيبها؟ ناقصه دعاية سنكوح زي أنا؟ ربنا يهدينا كلنا ويخلصنا من الجبن والنفاق.
وبعدين الدستور ماقلش إن إللى يحكم مصر يجيب عيلته والخدامين بتوعه والحراس يحكموا معاه ده يعتبر غير شرعى وتقصير ودى صفة المحتل إنه بيحكم بمجلس حكم علشان يضفى لنفسه شرعية بالعافية
وبعدين ولا مبارك ولا مراته ولا إبنه ليهم أى قبول شعبى وكلهم مرفوضين من الشعب يعنى يجيب مراته يجيب إبنه هو عايز يعمل لنفسه رهبة أل يعنى جايب الرجاله بتوعه يخوفوا الناس لكن ده كله كلام فارغ وهو غير شرعى فى الحكم وقريب جداً ها يخرجوا برة مصر وهانتحرر فى فسادهم
وبعدين يعنى إيه يجيب إبنه حتة العيل ده من موظف صغير فى بنك يعينة رئيس لجنة سياسات وبعدين رئيس جمهورية فى بلد فيها 4 أخذوا جائزة نوبل عن جدارة وفيها أساتذة جامعات أقل بحث ليهم كان ليه تأثير فى الأبحاث العلمية وهو المحروث خبرته إيه إن شاء الله ياريت يفصح لنا عن خبراته ولا عن رصيدة وجابة منين ولا عن رأس مال مشاريعه والبزنس بتاعه بصراحة بقى مصر بالنسبة ليهم هى البقرة إللى بيحلبوا شعبها وعايشين على مص دمها لكن بجد كفاية عليهم كده وإن شاء الله ها يخرجوا منها قريب قوى فما جاء بالباطل باطل باطل باطل
اللهم ولى علينا خيارنا ولا تولى علينا شرارنا اللهم آمين
يا عم ليفى صدقى قلت لهم الكلام ده بدل المره الف وساعات كنت بدخل ارد بعديك يمكن باى اسم كان ييجى على بالى ساعتها بس كنت بقول فكره واحده ان اسرائيل مش خلاص يعنى قاعده مجنده عملائها اللى بيعرفوا عربى عشان خاطر يكتبوا رد هنا و لا هناك.
بس هى الحكايه كلها انهم كانوا مبسوطين لكده و حاسين ان لهم اهميه لدرجه ان اسرائيل بتدور وراهم ، هما كانوا محتاجين يصدقوا ده ، وصدقنى فى ناس هتتصدم من كلامك ده و يمكن يحاولوا يكدبوك و يقولوا لا برضه انت اسرائيى و النجمه اهيه
دى عالم تعبانه واذا كانوا اصلا معتبرين ان فى واحد (او واحده الله اعلم) بيدخل يرد ساعات باسم الدشم ان دى سوزان مبارك !!! عمر حد شاف هطل اكتر من كده.
ومش بعيد يطلعونى انا كمان شارون و بكتب لهم من وانا فى الغيبوبه.
ارحـــمنا يا رب
حقا صدمت فى اول كلام الاخ ابن بهيه فانى متابع لمقالاته منذ فتره و معجب بها الى ان قال هذه الجمله الشنعاء التى اعتبر فيها موت الطاغيه صدام لسعه ساخنه تلقاها فى يوم العيد.
انا متاكد من امانه الاخ ابن بهيه ومتاكد من انه لو كان يعبش فى العراق ايام حكم الطاغيه السوداء هذه لما قال هذا الكلام
يا اخى ماذا يحزنك فى موت من قتل الاف من اخوانك فى العراق اما فى مقابر جماعه او فى عمليات تجريب لاسلحته الكيمائيه الحقيره التى لم ترفعها الا فى وجه شعبه
ماذا يحزنك فى موت من القى بالاف من خيره شباب العراق فى حرب لا طائل منها امام ايران
ماذا يحزنك فى مقتل من ترك شعبه يموت جوعا بينما يملا هو وعائلته من اللصوص خزائن اموالهم
ماذا يحزنك فى مقتل من تسبب فى طردوتهجير العديد سوا طواعيه او مرغمين الى بلاد الله الواسعه منها مصر الكنانه
ماذا يحزنك فى موت من غزا الكويت الشقيق و تسبب لهم فى كوارث اثارها باقيه حتى اليوم مع سوء علاقات بين الشعبين الشقيقين لا يعلم الله متى تنصلح
ماذا يحزنك فى موت من سب بلادك ورئيسك حتى وان اختلفتم عليه
ماذا يحزنك فيمن كانت اوامره يفوق احكام المحاكم حتى وان حكم على فرد بالاعدام
ماذا يحزنك فيمن اضطهد كل من خالفه سوا فى العرق او العقيده او الراى حتى وان كان من اهل بيته
ماذا فعل صدام للعرب و العروبه حاول بنا النووى انما حاول ذلك لمجده الشخصى وعلى حساب نهضه و رفعه الشعب العراقى
حاول ضرب اسرائيل كنت تعالى وانظر لصواريخه الخاويه التى كانت تتحطم على الهواء قبل ان تصيب اسرائيلى واحد اتعرف لماذا؟ لانه جبان يا اخى الكريم يخاف ان يقتل اسرائيلى واحد انما فعل هذا لكسب العامه من العرب ليهللوا له ويحزنوا لموته كما حزنت انت
يا اخى الكريم سوا قتلوه الامريكان او قتلوه الشياطين لما
اقرأ بقية التعليق ..
ومات اسد وسيعيش فى ذاكرة التاريخ
من بنى جامعات العراق الحديثة
من علم الشعب الجاهل
من كان يوزع الطعام على الاسر لا فرق بين اى مذهب
مين اللى كان موفر الوظائف
ستندمون وستندمون
ولا يمكن ان تروا اى خير من العمم واللحى المعفنة
صدام كلب
وتعالوا نعمل حسبه كم مسلم قتل فى العراق وايران ( 2مليون ) وكم يهودى قتل و لاواحد.. لكن العرب بتحب اى واحد يشتم اسرائيل حتى لوكان بيضحك عليكم زى ياسر عرفات والاسد وحزب الله وكلهم كدابين وباعوا القضيه وقبضوا ملايين والشعب العربى بيهتف باسمهم وهو ميت من الجوع
من هذاالذى يتحدث بنى الجامعات !! والله انتم يا عرب اغبياء يفتكرون ان كل ما يفعله رئيس مثل صدام انه فضل منه ، ان اسوا الدول فى العالم يبنى فيها الرؤساء جامعات ايها الخائن ، اسرائيل بها افضل جامعات ايها الجاهل فماذا تقول عنها ، كان يوزع الطعام !! اى قول احمق هذا اكان يمشى بعربه و يوزع منها الطعام على الناس هههههه ، ان التعصب الاعمى لا يجعل الناس تميز ما تكتب
الصراع الموجود على الحكم فى مصر مبقاش بين مبارك وبين المعارضة ده بقى بين مبارك وبين أبنه إللى بيسافر خلسة لأمريكا علشان تديله الموافقة وعمال يهمش أبوه فاكر إنه ها يلاقى قبول من الشعب إللى عارف فساده ونهبة وقذارته والصراع أيضاً بين سوزان مبارك إللى عمالة تدور لنفسها على نصيب كبير من الكعكة المنهوبة أقصد يعنى مصر وطبعا الكل عارف إن سوزان مش مصرية وهى إنجليزية من أصل يهودى يعنى معنى كده إن مصر بتتدحرج لإحتلال يهودى علشان ترضى أسيادهاإللى معتقدة إنهم ها يسندوها لكن كل إللى هى بتحلم بيه ها ييجى على مافيش لأن الشعب كله رافضهم وبكرة ها تطرد وترجع بلادها تانى ومصر ها تنضف من فساد العيلة القذرة إللى ما فيش حد أسوأ منهم حكم مصر
حسبى الله ونعم الوكيل
بقى سوزان من اصل يهودى وعايزه اليهود يحتلوا مصر ههههههههههه ماهى تلاتين سنه فى الحكم وما شفناش احتلال يهودى لمصر ..يعنى انت كداب .. وحكاية اليهود دى يافطه بيرفعها كل المفلسين للضحك على شعوبهم الغلبانه والمشكله ان الاغبياء زيك بيصدقوا .. ياحبيبى مصر من يوم ماعملت معاهدة السلام وهى بخير وامان والشعب ارتاح من الحرب وبلاوى الحرب اللى جابت الخراب والدمار لبلدكم ايام عبدالناصر والضباط المجانين ..
البهيم ده اللي مسحور قوي ومهووس بحكاية ليفي شخلع ده إما إنه حمار أو ناقص عقل أو ماما بتاعته بتديه مصروف زيادة يضيعه في مقاهي الإنترنت في كتابة الكلام الحامض بتاعه. خلاص يعني مبارك وأولمرت مش لاقيين وسيط غيره بينهم وبين المصريين واليهود!
إتكسف ياحمار..اليهود كلامهم مختلف ويعتمد على المبالغة في الإطراء والمديح على اللي عايزين منه مصلحة..فاهم قصدي؟
يعني لو يهودي حضرتك كنت أكدت بالحق والباطل على إنصهار مصير ومصالح الشعبين وتوافقهما على مدى العصور...دي لغة اليهود..إنما حضرتك نازل ردح للمصريين وبتقولهم إنهم حمير ..الخ، ومتوقع إنهم يقولو آمين.
أتوقع واحد إبن حلال حب يساعدك تتخلص من جنانك وحموريتك فكتب الكلام المعقول اللي رد الأخ عزرا عليه مشكورا، ولكن لأن القباحة والحمورية طبعك الأصيل ضيعت الفرصة..لعنة الله على كل مدع كذاب.
يسقط حسنى مبارك تسقط سوزان مبارك اليهودية يسقط المتخلف عقليا جمال مبارك
يحيا الشعب وتحيا مصر
و الله يا فارس اخيرا لقيت حد موافقنى ع الراى دا
وبعد ما الست لميس الحديدى (المعروفه انتماءاتها الحزبيه الواضحه)جابت جمال و سالته و قال انه لايسعى للحكم و الحكايه اتعقدت اكتر و الناس قالت اكيد مطبخينها سوا
مع ان المنحنى التاريخى لحكم مبارك لا يحمل بادره امل لاى فرد من عائلته المقدسه
عموما ان غدا لناظره قريب
تقرير التنافسية الدولية : مصثر فى المركز 63 و تونس فى المركز 30 و الامارات فى المركز 32
فريدوم هاوس : مصر فى ذيل قائمة الحريات السياسية و المدنية
منظمة الشفافية الدولية : مصر رقم 70 بين 146 دولة من حيث الشفافية .. و الفساد يمثل 69% من جملة المعاملات الاقتصادية فى البلاد
مجلة الايكونوميست : مصر حصلت على 4.3 من 10 فى الديمقراطية
جامعة شنغهاي : لا توجد اى جامعة مصرية بين افضل 500 جامعة فى العالم
دراسة جامعية امريكية : مصر تنتج 375 كتابا سنويا و اسرائيل تنتج 4000
الفيفا : جنوب افريقيا حصلت على 15 صوتا لتنظيم كأس العالم 2010 و المغرب 10 اصوات و مصر ... صفر
مراسلون بلا حدود : مصر فى المركز 133 بين 168 دولة فى حرية الصحافة و تسبقها موريتانيا و افغانستان
الامم المتحدة : الفقر فى مصر ارتفع بنسبة 7% بعد موجة الغلاء الاخيرة و 23% من الاطفال الفقراء توقفوا عن التعليم
الجمعية الافريقية لامراض الكبد : 12 مليون مريض بالالتهاب الكبدي فى مصر
المشروع القومي لمكافحة السرطان 100 الف مريض بالسرطان سنويا
التقرير الاستراتيجي العربي : مصر رقم 75 بين 87 دولة فى اواضاع المرأة
الامم المتحدة : 100 الف طفل شوارع فى مصر
كل دي مصايب فى مصر دة غير حاجات تانية كتير اكيد كلنا عارفنها
وتحيا مصر يا عم
الدشم عادت من جديد للدفاع عن الحق
ويعود مهللي الرئيس مرة أخري للقول "عدل.. غير.. إحنا معاك" ياسلام بقى محلل الإيكونومست هيقول عدل غير احنا معاك واضح ان الكاتب الكداب شاف خبر هنا و لا هنا و ضاف عليه شويه كدب من اللى بيسموها الصحفيين النصابين توابل على الموضوع كى يجذب القراء وكل ده عشان يدارى على حقده و كرهه للرئيس وهو يعنى جمال مبارك عمل لكو ايه و لا شوفتم منه ايه وحش ايه عيبه غير انه ابن الرئيس
نعم للتوريث ولاستكمال المسيره
لاحظت التعليق المكتوب من خنزير يدعى ليفي وكمان بيقدم لنا نصيحه! وبيلسن على فلسطين وحماس! السؤال هو منذ متى والخنازير لها صوت؟ وكمان ده موضوع خاص للمصريين والعرب ليه يورط نفسه ويتكلم عن جمال وحسني؟ ولا عشان هم زنب لإسرائيل وبيستفيدو من رزالتهم ع الشعب الغلبان واللي يستاهل اكتر من كده عسان سكوته اللي ما لهوش معنى؟؟
اولا علشان يقول سوف يورث او لايرث لازم يكون هناك اشياء نعتمد عليها فى تنحيهم وحاسبتهم واسترجاع اموالنا من هذاالكابوس فماذا اعددنا لهذا فالجميع داخل اللكهوف يتكلمون وبس لايقدر احد ان يقول بم ماذا اعددنا لهذا اليوم من يقول فينا انا راجل وسوف اوريكم العدل كيف يحكم لااحد فوق القانون كما يحدث فى الصغير الذى يحاسب اذا جنية بيتبهدل هو واهلة ده بلد بحالها اتسرقت ومحدش قال امسك حرامى الخوف والجبن سيطر على الجيع من هذا البعبع العجوز وابنه الهايف يببقى ازاى نقدر نقول يورث او لايورث فالجميع جبان لقد حولوا الشعب الى جبان يتحكم المجرمين فى قوتة واملاكه ولا يقدر احد ان يقول الحقوا حرامى اتسرقنا لازم مااخذ بالقوة لايسترد الابالقوة قولى تو صحينا وقالوا حسنى مات ما العمل ما الاجراءات التى سوف تتخذ مجلش الشعب ومجلس الشورى سينتخبوا مين من هم البذين ينفعوا يحكموا مصر لانعرف عنهم حاجة وبالضغطعلينا سوف نلاقى انفسنا فى البئر الذى حفر لنا لاننا لمنتكاتف ونخطط لمستقبنا وربنا يولى منا الاخيار ويبع عنا الفجرة واتمنى من ياتى بعده يكون راجل بصحيح وينتقم لنا السهينة والامريكان وتعود شركات مصر لمص ويعمل الشباب وتعمر المدن لولاد مصر وتزرع الارض لشعب مصر وبترول مصر لمصر اللهم انصر نصر عزيز مقتدر
مبارك ينصح بوتين بعدم التخلي عن السلطة
ياعم بوتين اعقل**** ها تسيب السلطة ليه
ما انا ربع قرن قاعد**** حصل لي بس ايه
دا الكرسي يا ابني جنة**** للي بيقعد عليه
تبقي البلد ف ايدك **** مفتوحة ولا البوفيه
تغرف وتملا جيبك*** وجيوب ولاد الايه
وتخدم اصدقائك**** ف أميركا والاليزيه
اطلب من بوش فترة **** وها يخسر يعني أيه
دا كريم وايده فرطة**** بس انت اضحك عليه
قل له ان الفودكا ملكه**** والكافيار والفيليه
قل له ان الغاز بتاعه**** ما تعزش شيء عليه
قل له أنا قاعد بحسك**** ومصيرك بين أيديه
ابعت نظيف بتاعك**** فهمه ها يقول له ايه
يقول له بوتين عاوز**** الى يطبطب عليه
لو شايفه فاتح بقه**** على حد م الجيران
اعمل نفسك مطنش**** خليه ياخد الامان
وبعدين اعمل منظر**** يعني تطلع بيان
دي أمور أنا مجربها****وبأعملها من زمان
تبقي انت واحد منا**** وتنضم للخلان
ياخسارة دا انت نونو**** لسا ف سن الشباب
ليه تترمل في عزك**** وتسيبها للكلاب
لو فيه عندك عيال**** يبقالها الف باب
دا السلطة البعد عنها**** بدون الموت عذاب
ها تبقى ايامك صعبة**** وتشوف النوم سراب
أنا ناوي اخدها دايركت**** من الكرسي للتراب
بس انت اديني رنة**** وانا ابعت لك سرور
ترزي لكن معلم**** أيده تتلف ف حرير
دا حجة ف المغالطة**** ومكلمة في الزور
يعمل م الحق باطل**** ويسمي الضلمة نور
في سهرة واحدة منه**** ها يظبط الامور
لو كان دستوركو عاصي**** يحلبه لو حتى تور
مجلة الإعصار
i het mobarak