جامع.. سعد الصغير
مش ممكن طريقة تفكير الشعب المصري، إذا كان الواحد ممكن يصلي في كنيسة، يبقى جامع سعد الصغير حرام ازاى
لم يتوقع المطرب الشعبي سعد الصغير ما حدث بمجرد انتهاء بناء المسجد الذي أنفق عليه أمولاً طائلة في شبرا الخيمة حيث نشأ وترعرع وزف كل أبناء المنطقة، قبل أن ينطلق نحو الشهرة والأضواء، ويصبح منتشراً في السوق مثل العنب والبلح وكل الفواكه.. فجيران سعد وأبناء منطقته قاطعوا المسجد، ورفض الشيوخ الصلاة فيه وإقامة خطبة الجمعة.
ليجد الصغير نفسه في موقف يحسد عليه، خصوصاً عندما تسربت القصة للصحف، وكأن هناك 2 سعد الصغير، أحدهما معروف ومحبوب للجمهور، والأخر مرفوض من أبناء شبرا الخيمة، في الوقت نفسه طرحت هذه المقاطعة الغريبة سؤالاً حول حرمانية الصلاة داخل مسجد أنشأه مطرب يغني كل الكلمات الهابطة التي تسمح بها الرقابة، وكلمات أكثر هبوطاً في الأفراح البعيدة عن الرقابة، يعني باختصار الصلاة في جامع سعد الصغير حرام ولا حلال..
سعد وفيفي
يقول محمد عبد الفتاح 24 سنة "عادة من يصلى فى أي جامع لا يسأل عن صحاب الجامع ومن أين آتى بالمال الذي بنى به هذا المسجد، وحتى لو عرفت أن صاحبه سعد الصغير او حتى فيفى عبده مش هتفرق معايا وهصلى بردوا وربنا يتقبل".
أما أميرة مجدي، 29 سنة، فقالت "أكيد لو عندى أختيار بين أكثر من جامع مش هختار جامع سعد الصغير، بالرغم من اعتقادى أنه ليس حراما إقامة الصلاة في مثل هذه الجوامع ولكنها مسألة نفسية".
وعلي جانب أخر قال محمود خالد، 26 سنة، "مش فارق معايا الجامع تبع مين، في جوامع كتيرة بناها أصحابها عشان اغرض دنيوية، زي اللى بيبني جامع تحت بيت منعاً لهدمه، لكن المشكلة في تحليل التصرف اللي عمله سعد، ورد فعل الجيران في الوقت نفسه، من وجهة نظري، سعد خاف من الثراء الكبير، وعيون الناس، مكنش مصدق أنه بقى مشهور كدة في عامين فقط، فقرر يبني الجامع، ويتحول لرجل خير في المنطقة خصوصاً أنه متمسك بالإقامة فيها، لأنه مدرك أنه مش هينفع يعيش في مكان راق، على الأقل في المرحلة دي، أما جيرانه فمشكلتهم مختلفة عن مشكلة الجمهور، وهي أنهم عارفين سعد من زمان ودة هيكون في ذهن كل واحد قبل ما يدخل الجامع".
الكليب السخيف
أما مجدي عبد المرضي فقد كان رد فعله عنيفا عندما قال "طبعا لا لا لا، وكل اللى شافوا الكليب السخيف اللى متسجل لسعد من 4 سنوات مع راقصة خليعة أكيد هيكون له نفس الرأي".
بينما قال زين محمود ساخراً "سعد الصغير لا مش هينفع أصلي في الجامع بتاعه، هستنى لما عماد بعرور يعمل جامع لأني بحبه اكتر، مش كفاية أن سعد سرق منه العنب الأصلي".
أما منال محمد فتقول "مش ممكن طريقة تفكير الشعب المصري، إذا كان الواحد ممكن يصلي في كنيسة، يبقى جامع سعد الصغير حرام ازاى، فكرتوني بحرمانية موائد الرحمن المملوكة للراقصات، يا جماعة مستحيل نحكم إحنا على نية كل واحد، طالما الجامع في كل الشروط، يبق نصلي فيه، ولولا أني معرفش شبرا الخيمة دي فين كنت رحت وصليت فيه مخصوص".
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
إلى هنا كانت الأمور تسير بلا مشاكل دون تدخل من أحد، إلى أن اتصلت شيرين بنفسها بإدارة الفندق تطلب إصلاح التكييف فى الجناح 755، وصعد عمال الصيانة ومعهم ضابط أمن للاطمئنان على إصلاح العطل، وكانت الساعة هى الحادية عشرة قبل الظهر. بعد نزلوهم تقدم مسئول الأمن بالفندق ببلاغ إلى ضابط السياحة يطلبون فيه نزول سيدتين من الجناح هى شيرين رضا وسارة إبراهيم نجم مصرية لها جنسية كندية طالبة بالجامعة الأمريكية.. وبهدوء شديد اتصل ضباط الأمن بالجناح وطلبوا من النزيل السماح بنزول السيدتين بناء على البلاغ المقدم من الفندق.
كانت ردود النزيل العربى عنيفة وغاضبة وهدد وتوعد وأقسم أنه لن يسمح بنزول أحد من جناحه وتعقدت الأمور بشكل كبير، وقبل أن يتأزم الموقف أكثر وأكثر نزلت شيرين وصديقتها إلى اللوبى وقالت إنها لا تريد أن تعمل مشكلة..واصطحبها ضابط شرطة السياحة بالفندق لتحرير محضر بالواقعة.. وتم تحويلها وصديقتها إلى النيابة وتم الإفراج عنهما بضمان محل الإقامة
ياريت بس كان بطل الاغانى الفاشله اللى بيعملها كان عمل خير فى الناس اكتر من بناء جامع فالناس لم تكن تنتظر سعد الصغير كى يقيم لها مسجد.
ولى تعليق على راى منال محمد هذا الذى ورد فى المقال فواضح من اسلوب كلامها انها مصريه تقيم فى النرويج او ما شابه ذلك ، ففى البدايه تتعجب من اسلوب الشعب المصرى ده ( معلش يا هانم الشعب دون مستوى سيادتك ) وكانها من الشعب السويسرى الشقيق ، ايه الالاطه دى ، ثم قولها اذا كنا ممكن نصلى فى كنسيه وكان الكنيسه ( وهى دور عباده لها احترامها ) مكان متدنى جدا لدرجه انها تقارن به ( واذا كان الواحد..... ) فى حين انها لا ترى مشكله فى سعد ضيف الكباريهات الدائم ، و ختمتها مسك بانها طبعا لا تعرف ايه شبرا الخيمه دى ( طبعا مكان مش قد المقام ) مع ان شبرا الخيمه تعتبر من اكثر المناطق كثافه سكانيه ( ولا تلاقى اللى عايشين فيها دول معيز) ، ولكن الاسخف من ده كله ان كاتبه المقال معجبه بكلامها اوى لدرجه انها واخده منه جزء و كاتباه فى اول الصفحه.
عفوا اريد أن أفهم هذا الخلط بين المقال والردود عليه، فبين خمس ردود يوجد إثنين فقط لهم علاقة، والردود الأخري، مرتبطه بقضايا مختلفة، فكيف يمكن إعتبارها عقيب أو رد على نفس الموضوع؟ وهل هو خطا مستخدم، أو خطاء نظام تقنى؟
اول مصرى يحكم مصر من 3 الاف سنة
بنى السد العالى وامم قناة السويس وطرد الانجليز من مصر
وبنى 5 الاف مصنع لسة بنبيع فيهم
و30 الف مدرسة
كفاية يشكر
فاللي يحب جمال عبدالناصر ما يكرهش السادات ولا مبارك لانهم هما التلاته نظام واحد لا يتجزأ.
وبعدين اللي عمله عبدالناصر دا من فلوس الشعب من مش فلوس امه السد العالي وكل الانجازات دي اتبنت من مال الشعب وبدم الشعب جمال عبدالناصر ما بناش حاجه جمال عبدالناصر كان بيخرب وبس لغاية ما سلم سينا لاسرائيل.
ويشكر حسني مبارك انه حافظ على معاهدة السلام مع اسرائيل
إيه الكلام العجيب ده ؟ هو صفحة التعليقات بقت مساحة فاضية لكل واحد دماغه فيها شوية كراكيب ييجي يرميها هنا و يمشي ؟؟!! يا جماعة اتعلموا النظام بقى .
أنا رأيي في موضوع الجامع إن ده حاجة بينهخ و بين ربنا , و من كان منا بلا خطيئة فليرجمه بحجر , زي ما قال سيدنا المسيح عليه السلام .
الجامع ملوش دخل وكلنا عارفين ودا مكان للعبادة بس انا مصليش فية ونا عارف ان قلى بنية جايب فلوسة منين ومين ممكن ياكل على مائدة افطار ن علق رقاصة شرين وسارة معرفش الموضوع اما الثلاثى المرح فامنهم لله خربوا البلد وتلاتة قطعة واحة بس كل واحد خرب بشكل مختلف انا مش مسامح يارب
والمكان طاهر ونظيف
اية المشكلة
هل هو مسجد ضرار لتفريق المسلمين وزرع مبادىء تتعارض مع جوهر الدين
ياعم انت وهو صلوا وبلاش وسوسة
وبطلوا فزلكة والموضوع اصلا لايحتاج الى اى نقاش الا اذا كانوا ناس فاضيين لا شغلة ولا مشغلة
يوجد في كل ثورة اخطاء ولكن
لا تقلل من الانجازات العملاقة من زيادة الرقعة الزراعية وبناء المصانع العملاقة وتاميم قناة السويس وبناء السد العالي وبناء جيش وطني قوي وسياسة الغاءالاقطاع وسياسة الملكية للشعب المصري وتمصير الاقتصاد وغيرها من الانجازات العملاقة التي نعيش في خيرها الي الان , ومثالا علي ذلك انه كانت البطالة معدومة تقريبا وتنحصر بين الاميين والجهلة وكانت لاتتجاوز نصف في المائةمن القوي العاملة , وكان للمصري قيمة كبيرة بين الامم حتي ان دول امريكا الجنوبية مازالت تتغني بعبد الناصر الي الان كرمز للوطنية والثورة ومقاومة سياسة الاستعمار .
اما الان في ظل العهد المباركي , العهد الذي زاد ثمن كل شيء فيه الا شيء لم يزد ثمنه بل قل ثمنه واصبح بدون قيمة وهو الانسان في عهد مبارك وابنه (رضي بوش عنهما) .
انجازات مبارك وابنه وحزبه التوربيني(رضي بوش عنهم جميعا)
1)نسبة الفقراء في مصر 21%من عدد السكان
2)نسبة من هم تحت خط الفقر 45% من السكان
3)3 مليون مريض بالسرطان بانواعه(المبيدات المسرطنة ويوسف والي الخنزيز)
4)9 مريض بالفيروسات الكبدية(A,B,C)
5) 7 مليون عاطل من الشباب
6) 9 مليون عانس
7)بيع القطاع العام والبنوك وشركات الاتصالات وغيرها من المرافق الحيوية للاجانب وغالبيتهم من الامريكان واليهود
8) حصول مصر علي مركز متقدم في الاكثر دول فسادا في العالم
9) انتهاك الحريات العامة وتعذيب المواطنين علي ايدي كلاب الداخلية.
10) غرق 1450 في البحر الاحمر وحوادث القطارات المتكررة, والقهر والظلم الاجتماعي وظهور الثراء الفاحش ونسبة اغنياء النصف في المائة وظهورالفقر
اقرأ بقية التعليق ..
وحى المهندسين
وانشأ مديرية التحرير
ووسع جامع السيدة زينب
والمصانع الحربية
انة ناصر العظيم تحية لة يوم مولدة
بنى مدينة نصر ؟؟؟؟؟؟؟؟؟!!!!!!!!!!
قائد عظيم فعلا .. ما حسني مبارك وابناؤه بنوا سيتي ستارز و جنينة مول .. و سان ستيفانو و كوبري ستانلي .. , و عبده تلوث ..
و الله في كلمة نفسي أكتبها بس حرام ..