شخللها .. شخللها
يعني مش كفاية إن الجنية متمرمط دوليا .. ولمّا الدولار يتقسم لخمس حتت يطلعلنا الجنيه من تحتيه .. لأ كمان قررنا نهزقه محليا ونحوله لـ "كوين" أو عملة معدنية .. يعني شخلله للصبح ..
11/04/2006
قالك "اللي معاه قرش يسوى قرش"
لا ده كان زمان .. دلوقتي اللي معاه جنية يسوى جنيه او اللي معاه خمسين قرش يسواها .. مبقاش فيه حاجة اسمها قرش يا خلق هوووووووووه ..
يعني مش كفاية إن الجنية متمرمط دوليا .. ولمّا الدولار يتقسم لخمس حتت يطلعلنا الجنيه من تحتيه .. لأ كمان قررنا نهزقه محليا ونحوله لـ "كوين" أو عملة معدنية .. يعني شخلله للصبح ..
وطبعا أصحاب النفوذ والمناصب المرموقة لا يمكن يمشوا بكل الدوشة دي فطبعا فئة الجنيه مبقتش تجيب على جيوبهم .. من هنا ورايح مش اقل من ميايه أو متين ع الأقل .. الناس مقامات برضه.
لعل أكثر ما لوحظ في شكاوي السياح الذي يأتون لمصر كان ان النقود الورقية المحلية تبعث برائحة سيئة بالإضافة إلى كثير من الأقوال التي تفضي بنا إلى أمراض تنقلها الأوراق النقدية .. "يعني م الآخر فلوسنا مقرفة والسياح بيقرفوا يمسكوها"
لا شك ان العملة النقدية ستمنع اهتراء النقود .. ولن يستطع بعد الان سواق الميكروباص ان يشخط فيك "غيرلي الجنيه المقطوع ده يا باشا" ولا البقال يقول "الجنيه ده مش ماشي عندنا" .. ولكن خد بالك عزيزي المواطن حاسب وانت بتطلع الجنية ليقع ويدحرج فى الميكروباص وأخيرا تلاقيه في الشارع !!
العملة الجديدة من فئة الجنيه لونها ذهبي ومحاطة بلون فضي أما الخمسين قرش فهي ذات لون ذهبي فقط وقد وصلت –بالفعل- البنوك الحكومية .. وصدرت العملة بالفعل منذ الاول من ابريل الحالي هذا العام .. وهي من قبيل المصادفة طبعا تزامن ظهور العملة مع كذبة ابريل !!
وفي مثل تلك الحالات "ظهور عملة جديدة لفئة موجودة فعلا" سألت احد موظفي البنوك الحكومية هل سيتم تجميع الجنيهات والخمسينات قرش الورقية وتبديلها بالعملة المعدنية؟ وأكد لي احد الموظفين انه سيتم التعامل بكليهما دون أدنى فرق او هكذا هي التعليمات المتبعة في مثل تلك الحالات ..
أذكر فشل حالة مشابهه لما يحدث عندما أصدرت وزارة المالية المصرية عملات ورقية من فئات العشرة قروش والخمسة قروش لتداولها بدلا من العملات المعدنية ولكنها اختفت ولم يتقبلها الشعب المصري كوسيلة للتعامل المالي ..
لم تظهر العملة المعدنية الجديدة في الشارع المصري بعد لذا لازالت ردود الافعال الشعبية في طي الكتمان .. "يا خبر النهاردة بفلوس .. "
• مات فؤاد المهندس صامتا.. فرحلت معه ابتسامة مصر
• عن جلسة المواطنة والديمقراطية!
• 3 أفلام حسمت موقفها!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
أين التهزيق في تحويل الجنيه إلى عملة معدنية؟ هذا أفضل من العملة الورقية ويطيل من عمر النقود. وهذا التطور يحدث في كل البلاد. مثلا في انجلترا حولوا الجنبه إلى عملة معدنية من فترة طويلة، وهو قيمته أكثر من الجنيه المصري.
لا يجب أن ننظر إلى أي تغيير بنظرة سلبية ولكن بنظرة موضوعية
اكيد مش مشكله اوى
يصغروه يكبروه يحولوه يعوموه
الشعب مش هيهتم بكدا
الشعب بتهتم انها تلاقى الجنيه اصلا
ممكن اسماء العملات واسعرها
اهو عشان الناس تعرف تحوش
اللي عمل كده راجل بيفهم فعلا ههه
الحكومة ناويه بعد كده تلغي 10 و 5 قروش وما يبقاش فاضل غير 25 قرش المعدني اقل عملة متداولة وهنكون زي بتوع الخليخ وده هيكون قدام شوية بعد الناس ما تزهق من الجنية المعدني